လံာ်ယံးရမံယၤ 44:5 - Sgaw Karen Common Bible

⁵ ဘၣ်ဆၣ်ဒီး သုတဒိကနၣ်ဒီး ပာ်သူၣ်ပာ်သးလၢ အဂ့ၢ်န့ၣ်ဘၣ်. သုတပျဲစုပျၢ်ခီၣ်ကွံာ်သု တၢ်မၤအအၢအသီလၢ အမ့ၢ်တၢ်လုၢ်ထီၣ် တၢ်ဆူကစၢ်အဂၤတဖၣ်အအိၣ်န့ၣ်ဘၣ်.

လံာ်ယံးရမံယၤ 44:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:16

ဘၣ်ဆၣ်အဝဲသ့ၣ်မၤကလိာ်ကလာ်ကစၢ်ယွၤအပှၤစိာ်တၢ်ကစီၣ်တဖၣ်, တပာ်လ့ၣ်ပာ်ကါအဝဲသ့ၣ်အတၢ်ကတိၤတဖၣ်ဒီးနံၤဘၣ်ကစၢ်ယွၤအဝံတ ဖၣ်, တုၤလၢလၢခံကတၢၢ်ယွၤအတၢ်သးထီၣ်ထီဒါအပှၤဂီၢ်မုၢ်န့ၣ်ဒိၣ် ဝဲတုၤဒၣ်လဲာ်တၢ်ထူၣ်ဖျဲးတအိၣ်ဝဲလၢၤဘၣ်.

လံာ်စီၤနဃ့မယၤ 9:30

လၢတၢ်သူၣ်စူၤသးစူၤအပူၤနဟ့ၣ်ပလီၢ်အဝဲသ့ၣ် တနံၣ်ဝံၤတနံၣ်န့ၣ်လီၤ. နထိၣ်ဂဲၤထီၣ်နဝံတဖၣ်အသးလၢကစံးကတိၤတၢ်, ဘၣ်ဆၣ်နပှၤဂီၢ်မုၢ်တဖၣ်အနၢ်တအၢဝဲဒၣ်န့ၣ်လီၤ. လၢတၢ်န့ၣ်အဃိနပျဲအဝဲသ့ၣ်ဘၣ်တၢ်မၤနၢၤကွံာ်အီၤလၢပှၤကလုာ် အဂၤတဖၣ်န့ၣ်လီၤ.

လံာ်ယၡါယၤ 48:18

သုမ့ၢ်ဒိကနၣ်တ့ၢ်ယတၢ်မၤလိာ်တဖၣ်ဒီး, တၢ်ဆိၣ်ဂ့ၤတဖၣ်ကယွၤလီၤဝဲလၢသုဂီၢ်, ဒ်ထံကျိဖိတဘိလၢအတလီၤသံးနီတစုအသိးန့ၣ်လီၤ. တၢ်မၤနၢၤကဟဲတုၤအိၣ်သု ဒ်လပီတဖၣ်တလ့ၣ်ထီၣ်အသးလၢပီၣ်လဲၣ်ကၢၢ်နံၤအသိးန့ၣ်လီၤ.

လံာ်ယၡါယၤ 48:4

ယသ့ၣ်ညါတ့ၢ်လၢသုကမၤသုသးသုခိၣ်ကိၤကနံ ထဲသိးသိးဒီးထး, ဒီးတဆုးလီၤပိာ်လီၤဘၣ်အသး ဒ်တိၢ်ဘီအသိးဘၣ်န့ၣ်လီၤ.

လံာ်ယံးရမံယၤ 11:10

အဝဲသ့ၣ်က့ၤကဒါက့ၤဆူအမိၢ်ပၢ်ဖံဖုလၢပျၢၤ တဖၣ်ပှၤတဖၣ်လၢတဒိကနၣ်တၢ်လၢယစံးဘၣ်တ့ၢ်အီၤ, အတၢ်ဒဲးဘးတဖၣ်အအိၣ်န့ၣ်လီၤ. အဝဲသ့ၣ်ဘူၣ်ထီၣ်ဘါထီၣ်ကစၢ်အဂၤတဖၣ်လီၤ. ပှၤကီၢ်အံၣ်စရ့လးဖိဒီးပှၤကီၢ်ယူဒၤဖိခံဖုလိာ်အံၤမၤဟးဂီၤကွံာ် တၢ်အၢၣ်လီၤအီလီၤလၢယမၤတ့ၢ်ဒီးအဝဲသ့ၣ် အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 11:17

ယၤ, ယွၤသ့တၢ်လၢာ်အံၤ, ယသူၣ်လီၤတ့ၢ်ကီၢ်အံၣ်စရ့လးဒီး ကီၢ်ယူဒၤန့ၣ်လီၤ. ဘၣ်ဆၣ်ခဲအံၤ, ယမၤပျံၤမၤဖုးအဝဲသ့ၣ် လၢတၢ်တတၢးတနါန့ၣ်လီၤ. မ့ၢ်လၢအဝဲသ့ၣ်မၤတ့ၢ်တၢ်ကမၣ်အဃိ, အဝဲသ့ၣ်ဟဲစိာ်တၢ်အံၤလၢအကစၢ်ဒၣ်ဝဲအဖီခိၣ်လီၤ. အဝဲသ့ၣ် မၤသးဒိၣ်ထီၣ်ယၤ, ခီဖျိအလုၢ်ထီၣ်တၢ်လုၢ်တၢ်ပာ်တဖၣ်ဆူ ဘဧၤလးအအိၣ်န့ၣ်လီၤ.”

လံာ်ယံးရမံယၤ 11:8

ဘၣ်ဆၣ်ဒီး, အဝဲသ့ၣ်တဒိကနၣ်တၢ်မ့ၢ်ဂ့ၤတစူၢ်တၢ်မ့ၢ်ဂ့ၤဘၣ်. အခိၣ်တလိာ်, ပှၤကိးဂၤဒဲးအခိၣ်ကိၤဒံးဒၣ်တၢ်ဒီးအၢဒံးသီဒံး ဒၣ်ဒ်လၢညါအဃိန့ၣ်လီၤ. ယမၤလိာ်တ့ၢ်အဝဲသ့ၣ်ကတိၢ်န့ၢ်ဖံး ဃာ်တၢ်အၢၣ်လီၤအီလီၤဘၣ်ဆၣ်ဒီးအဝဲသ့ၣ်တဒိကနၣ်ဝဲဘၣ်. လၢတၢ်န့ၣ်အဃိ, ယဒုးလီၤဘၣ်ကယဲၢ်တၢ်စံၣ်ညီၣ်တဖၣ်လၢ တၢ်ပာ်ဖျါက့ၤအီၤလၢတၢ်အၢၣ်လီၤအီလီၤအပူၤ, လၢအဝဲသ့ၣ်အလိၤန့ၣ်လီၤ.”

လံာ်ယံးရမံယၤ 13:10

ပှၤဂီၢ်မုၢ်လၢအအၢအသီတဖၣ်အံၤတစူၢ်ယၤဘၣ်. အဝဲသ့ၣ် အခိၣ်ကိၤဒီးအၢဝဲသီဝဲဒၣ်ဒ်အမၤညီနုၢ်ဝဲလၢညါအသိးဒီးဘူၣ်ထီၣ် ဘါထီၣ်ဒီးမၤကစၢ်အဂၤတဖၣ်အတၢ်လီၤ. လၢတၢ်န့ၣ်အဃိဒီး, အဝဲသ့ၣ်ကကဲထီၣ်ဒ်ဖျီၣ်ခံအဖုၣ်တဖၣ်အံၤလၢအတဂ့ၤလၢၤဘၣ် အသိးန့ၣ်လီၤ.

လံာ်ယံးရမံယၤ 19:13

ဝ့ၢ်ယရူၤၡလ့ၣ်အဟံၣ်တဖၣ်, ကီၢ်ယူဒၤအစီၤပၤတဖၣ်အဟံၣ်တဖၣ်, ဒီးသပှၢ်ကတၢၢ်ကယဲၢ်ဟံၣ်တဖၣ်လၢပှၤဆိၣ်ကဲၤတ့ၢ်တၢ်နၢမူလၢ အခိၣ်ဒုးအလိၤဆူဆၣ်တဖၣ်အအိၣ်, ဒီးတၢ်လီၢ်ဖဲစပံးထံဘၣ်တၢ် လူလီၤအီၤဒ်တၢ်လုၢ်တၢ်ပာ်တမံၤဆူကစၢ်အဂၤတဖၣ်အအိၣ်, အဝဲသ့ၣ်ခဲလၢာ်ကကဲထီၣ်တၢ်တကဆှီဘၣ်ဒ်တိဖ့းအသိးန့ၣ်လီၤ.”

လံာ်ယံးရမံယၤ 43:4

လၢတၢ်န့ၣ်အဃိ, စီၤယိဃၤနၣ်မ့ၢ်ဂ့ၤ, သုးမုၢ်အသုးခိၣ်သုး နၢ်တဖၣ်မ့ၢ်ဂ့ၤ, ပှၤဂီၢ်မုၢ်မ့ၢ်ဂ့ၤ, တစူၢ်ယွၤအတၢ်မၤလိာ်ဒ်သိး ကအိၣ်လီၤတဲာ်လၢ ကီၢ်ယူဒၤအပူၤ, နီတဂၤဘၣ်.

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်ဒၤနံးယ့လး 9:6

ပတဒိကနၣ်တ့ၢ်ဘၣ်နခ့နပှၤဝံသ့ၣ်တဖၣ်လၢအကတိၤတ့ၢ်တၢ်လၢ နမံၤအပူၤဆူပစီၤပၤတဖၣ်, ပပှၤပၢတၢ်တဖၣ်, ပမိၢ်ပၢ်ဖံဖုလၢပျၢၤတဖၣ်ဒီး ပပှၤဒီကလုာ်ညါန့ၣ်ဘၣ်.

လံာ်ဟိၤၡ့ 11:2

ဘၣ်ဆၣ်ယကိးအီၤဒံးအါထီၣ်အဝဲဃၣ်ကပၤကွံာ်အသးလၢယၤဒံးဒိၣ် ထီၣ်လီၤ. ယပှၤဂီၢ်မုၢ်လုၢ်ထီၣ်တ့ၢ်တၢ်ဆူဘဧၤလး, အဝဲသ့ၣ်ဆိၣ်ကဲၤထီၣ်တ့ၢ်တၢ်နၢမူဆူတၢ်ဂီၤတၢ်ဖီၣ်တဖၣ်လီၤ.