လံာ်ယံးရမံယၤ 44:26 - Sgaw Karen Common Bible

²⁶ ဘၣ်ဆၣ်ဒီး ခဲကနံၣ်အံၤ, ဒိကနၣ်တၢ်ဆိၣ်လၢယၤ, ယွၤအံၤမၤတ့ၢ်လံဝဲလၢယမံၤအစိကမီၤဒၣ်ဝဲအပူၤဆူကယဲၢ် သုဝဲပှၤအံၣ်စရ့လးဖိခဲလၢာ်လၢ အအိၣ်လၢကီၢ်အဲၤကူပတူး အပူၤန့ၣ်တက့ၢ်. ယတပျဲကဒီးသုဝဲတဂၤဂ့ၤတဂၤဂ့ၤလၢ ကသူယမံၤလၢ တၢ်ဆိၣ်တမံၤအဂီၢ်ဒီး စံးလၢ, ‘ယဆိၣ်တၢ် လၢယွၤပၢဘၣ်တၢ်ခဲလၢာ်ကစၢ်လၢအမူဝဲတဂၤအမံၤအပူၤလီၤ’ န့ၣ်နီတစုလၢၤဘၣ်.

လံာ်ယံးရမံယၤ 44:26 Iomraidhean Croise

လံာ်တၢ်ကဲထီၣ်အခီၣ်ထံး 22:16

ယွၤကတိၤတၢ်စံးဝဲ, “ယမၤတၢ်ဆိၣ်တမံၤလၢယမံၤဒၣ်ယဲ အပူၤလၢ, ယကဆိၣ်ဂ့ၤနၤထူးထူးတီၤတီၤလီၤ. အဂ့ၢ်ဒ်အံၤ, နမၤတၢ်အံၤဒီးနဖိခွါထဲတဂၤဧိၤဒၣ်လဲာ်န့ၣ် နကလုၢ်ထီၣ်အီၤဆူယအိၣ်န့ၣ်နတလိးကီအီၤဘၣ်.

စံးထီၣ်ပတြၢၤ 50:16

မ့မ့ၢ်ပှၤတတီတလိၤန့ၣ်ကစၢ်ယွၤစံးဘၣ်အီၤ, “ဘၣ်မနုၤလၢနကစံၣ်တဲၤတဲလီၤယတၢ်မၤလိာ်, ဒီးဘၣ်မနုၤလၢနကစံးကတိၤ ယတၢ်အၢၣ်လီၤအီလီၤအဂ့ၢ်န့ၣ်လဲၣ်.”

စံးထီၣ်ပတြၢၤ 89:34

ယတမၤဟးဂီၤဘၣ်ယတၢ်အၢၣ်လီၤအီလီၤ. မ့တမ့ၢ်ယတဟံးန့ၢ်က့ၤတၢ်ကတိၤလၢ အထီၣ်ဖျဲးလၢယထးခိၣ်န့ၣ်ဘၣ်.

လံာ်ယၡါယၤ 62:8

ယွၤမၤတ့ၢ်တၢ်အၢၣ်လီၤအီလီၤသမှံၤသပှၢ်တမံၤ, ဒီးလၢအစိကမီၤဒၣ်ဝဲန့ၣ်ကဒုးကဲထီၣ်လိၣ်ထီၣ်ဝဲလီၤ. အဝဲစံးဝဲဒၣ်လၢ, နဘုဧိၤဟုဧိၤတကဲထီၣ်လၢၤဘၣ်တၢ်အီၣ် လၢနဒုၣ်နဒါတဖၣ်အဂီၢ်, ဒီးပှၤတခီဘီမုၢ်ဖိတဖၣ်တအီလၢၤဘၣ်နစပံးထံဘၣ်.

လံာ်ယံးရမံယၤ 22:5

ဘၣ်ဆၣ်ဒီးသုမ့ၢ်တစူၢ်ယတၢ်မၤလိာ်တဖၣ်ဘၣ်ဒီး, ယဆိၣ်တၢ်ဒီးသုလၢနူၢ်ဧိၤစီၤဧိၤအံၤကလီၤပှီၢ် ဟးဂီၤကွံာ်ဝဲန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 24:8

မ့မ့ၢ်လၢကီၢ်ယူဒၤအစီၤပၤစံးဒကံယၤ, ပှၤလူၤထံဂ့ၢ်ကီၢ် ဂ့ၢ်တဖၣ်လၢအအိၣ်ဝးတရံးအီၤ, ဒီးဝ့ၢ်ယရူၤၡလ့ၣ်အပှၤဂီၢ်မုၢ်အဂၤလၢအအိၣ်လၢကီၢ်အံၤအပူၤ မ့ၢ်ဂ့ၤ, သုးအသးဆူကီၢ်အဲၤကူပတူးအပူၤမ့ၢ်ဂ့ၤအဂီၢ်န့ၣ်, ယၤ, ယွၤအံၤယကမၤဘၣ်အဝဲသ့ၣ်ခဲလၢာ်ဒ်ချၢၣ်ဒၢသၣ်လၢအတဂ့ၤတ ဖၣ်, တဂ့ၤဝဲတုၤဒၣ်လဲာ်နအီၣ်အီၤတသ့ဘၣ်အသိးန့ၣ်လီၤ.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ယံးရမံယၤ 44:11

အဃိဒီးယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ ကဃၣ်ကွံာ်အသးထီဒါသုဒီး မၤဟးဂီၤကွံာ် ကီၢ်ယူဒၤခဲ လၢာ်န့ၣ်လီၤ.

လံာ်ယံးရမံယၤ 44:14

ကီၢ်ယူဒၤအပှၤဂီၢ်မုၢ်လၢ အအိၣ်လီၤတဲာ်ဒီးဟဲဆူကီၢ် အဲၤကူပတူးလၢ ကအိၣ်ကဆိးဝဲအဂီၢ်တဖၣ်, တထူၣ်ဖျဲး ဘၣ်မ့ၢ်ဂ့ၤ, တအိၣ်မူလီၤတဲာ်ဘၣ်မ့ၢ်ဂ့ၤ, နီတဂၤဘၣ်. အဝဲသ့ၣ်တက့ၤကဒါက့ၤဘၣ် ဆူကီၢ်ယူဒၤ, ဖဲအဝဲသ့ၣ်သးအိၣ် အိၣ်ဆိးကဒီၤဘၣ်ဝဲန့ၣ်, နီတဂၤဘၣ်. မ့တမ့ၢ်ဘၣ်လၢ ပှၤဃ့ၢ်ပူၤဖျဲးအသးစှၤဂၤဘၣ်ဒီး, ပှၤတက့ၤကဒါက့ၤဘၣ် နီတဂၤဘၣ်.”

လံာ်ယံးရမံယၤ 44:24

ယတဲဘၣ်ပှၤဂီၢ်မုၢ်ခဲလၢာ်, လီၤဆီဒၣ်တၢ်ပိာ်မုၣ်တဖၣ်, တၢ်လၢယွၤသ့တၢ်လၢာ်အံၣ်စရ့လးအကစၢ်ယွၤ စံးဘၣ်တ့ၢ် ကီၢ်ယူဒၤ အပှၤဂီၢ်မုၢ်လၢ အအိၣ်လၢ ကီၢ်အဲၤကူပတူးအပူၤလီၤ.

လံာ်ယံးရမံယၤ 46:18

ယၤ, ယွၤသ့တၢ်လၢာ်, ယမ့ၢ်စီၤပၤ, ယမ့ၢ်ကစၢ်ယွၤလၢ အမူဝဲလီၤ. ဒ်ကစၢၢ်တၤဘိၢ်ကစီၤထီၣ်ထီမးလၢကစၢၢ်တဖၣ်အဖီခိၣ်အသိး, ဒီးဒ်ကစၢၢ်ကၢ်မ့ၤလးအိၣ်ထီၣ်ထီဝဲလၢပီၣ်လဲၣ်အဖီခိၣ်အသိးန့ၣ်, ပှၤလၢအဒုးသုတဂၤအဂံၢ်အဘါ ကမ့ၢ်တၢ် ဒ်န့ၣ်အသိးလီၤ.

လံာ်ယံးရမံယၤ 49:13

ယကစၢ်ဒၣ်ယဲ ယဆိၣ်တၢ်လၢ ဝ့ၢ်ဘိးစရၤကကဲ ထီၣ်တၢ်ထံၣ်အလီၢ်တတီၤလၢ အလီၤပျံၤလီၤဖုးဒီး မဲးမုၢ်ခိၣ်တတီၤန့ၣ်လီၤ. ပှၤဂီၢ်မုၢ် ကကတိၤဒုၣ်ဒွဲၣ် အီၤဒီး သူ အမံၤဒ်တၢ်ဆိၣ်အၢတမံၤအသိးန့ၣ်လီၤ. သဝီတဖၣ်လၢ အအိၣ်ဘူးအိၣ်တံၢ်ကအိၣ်လၢ တၢ် ဟးဂီၤအပူၤလီၤထူလီၤယိာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 5:2

သုမ့ၢ်စံးလၢသုဘူၣ်ထီၣ်ဘါထီၣ်ယွၤဒၣ်လဲာ်န့ၣ်, မ့ၢ်ဒၣ်သုကတိၤတၢ်ကလီကလီန့ၣ်လီၤ.

လံာ်ယံးရမံယၤ 51:14

ယွၤသ့တၢ်လၢာ်ဆိၣ်တၢ်လၢ အကစၢ်ဒၣ်ဝဲအမံၤအပူၤလၢ အဝဲကပျဲပှၤအါဂၤ ကဟဲထီၣ်ဒုးကီၢ်ဘၤဘူၤလိၣ်ဒ် ဒွဲၣ်အဖုအဂီၢ်အသိး, ဒီးအဝဲသ့ၣ်ကကိးထီၣ်အိၣ်ဒီးတၢ်မၤနၢၤန့ၣ်လီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ယဃ့းစက့လး 20:39

ယွၤပၢဘၣ်တၢ်ခဲလၢာ်ကစၢ်, ကစၢ်စံးဝဲ, “ဒီးခဲကနံၣ်အံၤသုဝဲ ပှၤအံၣ်စရ့လးဖိခဲလၢာ်သ့ၣ်သုဧၢ, မၤဖဲသုသးတက့ၢ်. လဲၤဆၣ်ခီ ဒီးမၤသုတၢ်ဂီၤတၢ်ဖီၣ်တဖၣ်အတၢ်မၤတက့ၢ်. ဘၣ်ဆၣ်ယဟ့ၣ်ပလီၢ်သုလၢ, တၢ်အံၤဝံၤအလီၢ်ခံန့ၣ်သုကဘၣ်စူၢ်ယၤ ဒီးသုတၢ်မၤဘၣ်အၢယမံၤစီဆှံအလၤကပီၤခီဖျိတၢ်လုၢ်ထီၣ်တၢ် ဟ့ၣ်တဖၣ်ဆူသုတၢ်ဂီၤတၢ်ဖီၣ်တဖၣ်အအိၣ်န့ၣ်သုကဘၣ်ဆိ ကတီၢ်အီၤန့ၣ်လီၤ.

လံာ်ဟိၤၡ့ 4:15

သုဝဲကီၢ်အံၣ်စရ့လးအပှၤဂီၢ်မုၢ်မ့ၢ်တတီဒီးယၤဘၣ်ဆၣ်, မ်ကီၢ် ယူဒၤအတၢ်ကမၣ်ဒ်သိးန့ၣ်အသုတအိၣ်တဂ့ၤ. ဘါတၢ်လၢကံးလကၤလးမ့ၢ်ဂ့ၤ. လၢဘ့ၤသအၤဝ့ၣ်မ့ၢ်ဂ့ၤ, မ့တမ့ၢ်, မၤတၢ်အၢၣ်လီၤတဖၣ်ဖဲန့ၣ်လၢယွၤလၢအမူဝဲအမံၤအပူၤတဂ့ၤ.

လံာ်ဧၤမိၣ် 6:10

ဒီးပှၤသံအဘူးအတံၢ်, ပှၤတဂၤလၢအဘၣ်မူဘၣ်ဒါလၢတၢ်ခူၣ်လီၤ ဘျၢလီၤန့ၣ်ကစိာ်ထီၣ်ကွံာ်အနီၢ်ခိဆူဟံၣ်အချၢလီၤ. ဒီးကကိးထီၣ်ပှၤတဂၤလၢ်လၢ်လၢအအိၣ်တ့ၢ်လၢဟံၣ်ပူၤ, ပှၤအိၣ်ဒံးဒီးနၤတဂၤဂၤဧါ. ဒီးအဝဲဒၣ်ကစံးဆၢ, တအိၣ်ဘၣ်. တုၤနုၤတစုအဘူးအတံၢ်ကစံး, အိၣ်ဘှီၣ်ကလာ်တက့ၢ်. ပကဘၣ်ပလီၢ်ပဒီပသးဒ်သိးပသုတယၢၤထီၣ်ဘၣ်ဒၣ်လဲာ်ယွၤ အမံၤတဂ့ၤလီၤ.

လံာ်ဧၤမိၣ် 6:8

တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်ကတိၤဟ့ၣ်ပလီၢ်တၢ် လၢအနီၢ်ကစၢ်ဒၣ်ဝဲ, ဒီးစံးဝဲဒၣ်, ယသးဟ့ကီၢ်အံၣ်စရ့လးအပှၤဂီၢ်မုၢ်အတၢ်ပာ်ထီၣ်ထီအသး, ယသးဘၣ် အၢအတၢ်အိၣ်မုာ်ဆိးပၢၤအလီၢ်တဖၣ်လီၤ. ယကဟ့ၣ်လီၤအဝ့ၢ်ခိၣ်ဒီးကယဲၢ်တၢ်အိၣ်လၢအပူၤခဲလၢာ်ဆူ အဒုၣ်အဒါအစုပူၤန့ၣ်လီၤ.

လံာ်ဧၤမိၣ် 8:7

ဒီးအံၣ်စရ့လးအကစၢ်ယွၤမၤတၢ်ဆိၣ်ဒီးစံး, ယတသးပ့ၤနီၣ်အဝဲသ့ၣ်အတၢ်မၤအအၢအသီတဖၣ်နီတဘျီဘၣ်.

လံာ်တၢ်ဂံၢ် 14:28

ခဲအံၤဟ့ၣ်အဝဲသ့ၣ်လၢတၢ်စံးဆၢအံၤတက့ၢ်. “ယဆိၣ်လီၤယသးလၢ, ဒ်ယမူယဲအသိး, ယကမၤတၢ်လၢသုဂီၢ်ဒ်သုဃ့တ့ၢ်တၢ်အသိးန့ၣ်လီၤ. ယၤ, ယွၤစံးလံတၢ်လံ.

ဧ့ၤဘြံၤ 3:18

ပှၤလၢကစၢ်ယွၤဆိၣ်လီၤအသးလၢအတလဲၤနုာ်ဘၣ်ဝဲဆူ အတၢ်အိၣ်ဘှံးအပူၤလ့ၤတက့ၤဘၣ်န့ၣ်မ့ၢ်မတၤတဖၣ် လဲၣ်. မ့ၢ်ပှၤလၢအတဒိကနၣ်တၢ်တဖၣ်တမ့ၢ်ဘၣ်ဧါ.

ဧ့ၤဘြံၤ 6:13

ဖဲကစၢ်ယွၤစံးပာ်တၢ်ဒီးစီၤအၤဘြၤဟၣ်န့ၣ်အဝဲဆိၣ်လီၤ အသးလၢကမၤလၢပှဲၤတၢ်စံးပာ်အံၤန့ၣ်လီၤ. အဂ့ၢ်ဒ်အံၤ, ပှၤဒိၣ်န့ၢ်အီၤတအိၣ်ဘၣ်ဒီးယွၤသူအမံၤဒၣ်ဝဲလၢ အတၢ်ဆိၣ်လီၤအသးအပူၤ,

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.