လံာ်ယံးရမံယၤ 44:21 - Sgaw Karen Common Bible

²¹ “ဖဲအဘၣ်ဃးဒီး တၢ်လုၢ်တၢ်ပာ်တဖၣ်လၢ သုဝဲဒီးသုမိၢ်ပၢ်ဖံဖုလၢပျၢၤတဖၣ်, သုစီၤပၤဒီး သုခိၣ်သုနၢ်တဖၣ်, ဒီၤထံကီၢ်အပှၤဂီၢ်မုၢ်လုၢ်ထီၣ်တ့ၢ်ဝဲလၢ ကီၢ်ယူဒၤအဝ့ၢ်တဖၣ်အပူၤ, ဒီးလၢဝ့ၢ်ယရူၤရှလ့ၣ်အကျဲမုၢ်ကျဲဘိတဖၣ်အပူၤ မ့ၢ်ဂ့ၤန့ၣ်, မ့ၢ်သုဆိကမိၣ်လၢယွၤတသ့ၣ်ညါအီၤမ့ၢ်ဂ့ၤ, သးပ့ၤနီၣ်ကွံာ်အီၤမ့ၢ်ဂ့ၤ, န့ၣ်ဧါ.

လံာ်ယံးရမံယၤ 44:21 Iomraidhean Croise

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

စံးထီၣ်ပတြၢၤ 79:8

သိၣ်ဃီၣ်ပှၤလၢ, ပမိၢ်ပၢ်ဖံဖုလၢပျၢၤသ့ၣ်တဖၣ်အတၢ်ဒဲးဘး အဃိန့ၣ်တဂ့ၤ. သူၣ်ကညီၤသးကညီၤလၢ်ပှၤခဲအံၤတက့ၢ်. ကယဲၢ်ပတၢ်မုၢ်လၢ်ခဲလၢာ်, လၢာ်ကွံာ်တ့ၢ်လံ.

လံာ်ယၡါယၤ 64:9

လၢတၢ်န့ၣ်အဃိဒီး, တဘၣ်သးဒိၣ်ပှၤကဲၣ်ဆိးမ့ၢ်ဂ့ၤ, စၢဃာ်ပတၢ်ဒဲးဘးတဖၣ်ထီဒါပှၤမ့ၢ်ဂ့ၤ, လီၤထူလီၤယိာ်တဂ့ၤ. ပမ့ၢ်နပှၤဂီၢ်မုၢ်ဒီးသူၣ်ကညီၤသးကညီၤလၢ်ပှၤတက့ၢ်.

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 14:10

ယွၤစံးတၢ်ဘၣ်ဃးပှၤဂီၢ်မုၢ်သ့ၣ်တဖၣ်ဒ်အံၤ, “အဝဲသ့ၣ်အဲၣ်ဒိး ထွးထီၣ်ဃ့ၢ်ကွံာ်လၢယအိၣ်, ဒီးအဝဲသ့ၣ်တပၢၤအသးလၢၤဘၣ်. လၢတၢ်န့ၣ်အဃိ, ယတဘၣ်သူၣ်ဘၣ်သးအဝဲသ့ၣ်လၢၤဘၣ်. ယကသ့ၣ်နီၣ်ထီၣ်တၢ်ကမၣ်တဖၣ်လၢအဝဲသ့ၣ်မၤတ့ၢ်ဝဲဒီးစံၣ်ညီၣ် အဝဲသ့ၣ်လၢအတၢ်ဒဲးဘးတဖၣ်အဃိန့ၣ်လီၤ.”

လံာ်ယံးရမံယၤ 32:32

မ့ၢ်လၢတၢ်အၢတၢ်သီ ခဲလၢာ်လၢ အဘၣ်တၢ်မၤတ့ၢ်အီၤလၢ ပှၤဂီၢ်မုၢ်လၢ ကီၢ်ယူဒၤဒီးဝ့ၢ်ယရူၤရှလ့ၣ်, ဃုာ်ဒီး အဝဲသ့ၣ်အစီၤပၤတဖၣ်ဒီး အခိၣ်အနၢ်တဖၣ်, ဒီးအပှၤလုၢ်တၢ်အခိၣ်တဖၣ်ဒီး အဝံတဖၣ်အဃိန့ၣ်လီၤ.

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်ယံးရမံယၤ 44:20

အန့ၣ်ဒီး, ယစံးဘၣ်ပိာ်ခွါတဖၣ်ဒီး ပိာ်မုၣ်တဖၣ်လၢ အစံးဆၢတ့ၢ်ယၤလၢ ကျဲဒ်သိးအံၤန့ၣ်,

လံာ်ယံးရမံယၤ 44:9

မ့ၢ်သုသးပ့ၤနီၣ်ကွံာ် ကယဲၢ်တၢ်အၢတၢ်သီခဲလၢာ်လၢ အမၤတ့ၢ်အသးလၢကီၢ်ယူဒၤအဝ့ၢ်တဖၣ်အပူၤဒီၤ လၢဝ့ၢ်ယရူၤရှလ့ၣ်အကျဲမုၢ်ကျဲဘိတဖၣ်အပူၤ, လၢအဘၣ်တၢ်မၤတ့ၢ်အီၤလၢ သုမိၢ်ပၢ်ဖံဖုလၢပျၢၤတဖၣ်ဒီး လၢကီၢ်ယူဒၤအစီၤပၤတဖၣ်ဒီး အမါတဖၣ်, ဒီးလၢသုဝဲဒီး သုမါတဖၣ်န့ၣ်လံဧါ.

လံာ်ယဃ့းစက့လး 16:24

လၢကျဲမုၢ်ကိးဘိဒဲးအသရ့ၤန့ၣ်, နသူၣ်ထီၣ်ဘှီထီၣ်တၢ်လီၢ်တဖၣ် လၢတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်အဂီၢ်ဒီးမၤပှၤဃဲသဲ မုၣ်အတၢ်မၤလီၤ.

လံာ်ဟိၤၡ့ 7:2

ယကသ့ၣ်နီၣ်ထီၣ်တၢ်အၢတၢ်သီတဖၣ်အံၤလီၤန့ၣ်, အဝဲသ့ၣ်တဆိကမိၣ်ထီၣ်ဝဲနီတဘျီဘၣ်. မ့မ့ၢ်အဝဲသ့ၣ်အတၢ်ဒဲးဘးတဖၣ်အိၣ်ကဝီၤဃးအဝဲသ့ၣ်, ဒီးအိၣ်လၢယမဲာ်ညါတထံၣ်ဃီလီၤ.

လံာ်ဧၤမိၣ် 8:7

ဒီးအံၣ်စရ့လးအကစၢ်ယွၤမၤတၢ်ဆိၣ်ဒီးစံး, ယတသးပ့ၤနီၣ်အဝဲသ့ၣ်အတၢ်မၤအအၢအသီတဖၣ်နီတဘျီဘၣ်.

လံာ်သိၣ်လီၤသီလီၤတၢ် 32:19

တုၤယွၤထံၣ်ဘၣ်တၢ်အံၤန့ၣ်, အဝဲအသးဒိၣ်ထီၣ်, ဒီးစူးကွံာ်ညိကွံာ်အဖိခွါတဖၣ်ဒီးအဖိမုၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 32:34

ယွၤသ့ၣ်နီၣ်ထီၣ်တၢ်လၢအဝဲသ့ၣ်အဒုၣ်အဒါတဖၣ် မၤတ့ၢ်ဝဲ, အဝဲအိၣ်ခိးတၢ်ဆၢဂ့ၤကတီၢ်ဘၣ်လၢကစံၣ်ညီၣ် အဝဲသ့ၣ်အဒုၣ်အဒါတဖၣ်အဂီၢ်န့ၣ်လီၤ.

လံာ်လီၣ်ဖျါ 16:19

ဝ့ၢ်ဖးဒိၣ်ဘၣ်တၢ်မၤဖးအီၤသၢပူဒီးထံကီၢ်ကိးဘ့ၣ်ဒဲး အဝ့ၢ်တဖၣ်ဘၣ်တၢ်မၤဟးဂီၤကွံာ်အီၤလီၤ. ကစၢ်ယွၤသ့ၣ်နီၣ်ထီၣ်က့ၤဘၤဘူၤလိၣ်ဖးဒိၣ်, ဒီးဒုးအီအီၤစပံးထံလၢအဝဲဒၣ်အလီခီပူၤ, အဝဲအတၢ်သးထီၣ်နးနးကလဲာ်အစပံးထံ န့ၣ်လီၤ.

လံာ်လီၣ်ဖျါ 18:5

အဂ့ၢ်ဒ်အံၤ, အဝဲအတၢ်ဒဲးဘးတဖၣ် အိၣ်ဖှိၣ်ထီၣ်အသးထီတုၤသိးမူခိၣ်, ဒီးကစၢ်ယွၤသ့ၣ်နီၣ်ထီၣ်အဝဲဒၣ် အကျဲအၢကျဲသီတဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:3

လဲၤဒီးဒုးပှၤဧမၤလ့းဖိတဖၣ်ဒီးမၤဟးဂီၤကွံာ်ကယဲၢ်အတၢ် ကိးမံၤလၢအအိၣ်ဒီးအဝဲသ့ၣ်တဖၣ်န့ၣ်တက့ၢ်. ပာ်တ့ၢ်တၢ်နီတမံၤတဂ့ၤ. မၤသံကွံာ်ကယဲၢ်ပှၤပိာ်ခွါကိးဂၤဒဲး, ပိာ်မုၣ်တဖၣ်, ဖိသၣ်တဖၣ်ဒီးဖိသၣ်ဆံးတဖၣ်, ဂီၤဘုၣ်ဂီၤဖံးတဖၣ်, သိတဖၣ်, ကီၤလၤအူးတဖၣ်ဒီးကသ့ၣ်ယီၤတဖၣ်တက့ၢ်.”