လံာ်ယံးရမံယၤ 44:19 - Sgaw Karen Common Bible

¹⁹ ဒီးပိာ်မုၣ်တဖၣ် စံးအါထီၣ်ဝဲ, “ဖဲပကုၢ်ကိၣ်လၢအက့ၢ်အဂီၤ လီၤဂာ်ဒီး မူခိၣ်အနီၢ်ပၤမုၣ်, လုၢ်ထီၣ်တၢ်လုၢ်တၢ်ပာ်တဖၣ်ဆူ အအိၣ်, ဒီးလူလီၤတၢ်လုၢ်စပံးထံလၢ အဂီၢ်န့ၣ်, ပဝၤတဖၣ် ဘၣ်သူၣ်ဘၣ်သးတၢ်လၢ ပမၤတ့ၢ်အီၤန့ၣ်လီၤ.”

လံာ်ယံးရမံယၤ 44:19 Iomraidhean Croise

လံာ်တၢ်ကဲထီၣ်အခီၣ်ထံး 3:6

ဒီးပိာ်မုၣ်န့ၣ်ထံၣ်ဝဲလၢသ့ၣ်တထံးန့ၣ်ဃံလၤဝဲဒီးအသၣ်န့ၣ် တၢ်မ့ၢ်အီၣ်ဘၣ်ဒီးကဝံၣ်ဝဲဆံးဒိၣ်လဲၣ်ဒီးပိာ်မုၣ်န့ၣ်ဆိ ကမိၣ်ကွၢ်ဝဲလၢအဝဲမ့ၢ်ကူၣ်သ့ကူၣ်ဘၣ်ထီၣ်ဒီးကမုာ်သူၣ်မုာ်သး ဆံးဒိၣ်လဲၣ်န့ၣ်လီၤ. လၢတၢ်န့ၣ်အဃိအဝဲဟံးန့ၢ်သ့ၣ်သၣ်တနီၤဒီးအီၣ်ဝဲ ဒၣ်လီၤ. ဒီးဟ့ၣ်လီၤအဝၤတနီၤဒီးအဝဲဒၣ်စ့ၢ်ကီးအီၣ်ဝဲလီၤ.

လံာ်စီၤပၤအခီၣ်ထံးတဘ့ၣ် 21:25

(ပှၤဒ်စီၤအၤဃာ်အသိးန့ၣ်တအိၣ်ဘၣ်နီတဂၤဂၤဘၣ်. အဝဲဟ့ၣ်လီၤအးလီၤအသးလၢာ်လၢာ်ဆ့ဆ့လၢကမၤတၢ်ကမၣ်လၢယွၤ အမဲာ်ညါ, ကယဲၢ်တၢ်လၢအမါနီၢ်အံၤစ့ဘ့ၤလးမၢဆူၣ်အီၤလၢကမၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:6

အဝဲပိာ်ထွဲတ့ၢ်စီၤပၤအၤဃာ်ဒီးကီၢ်အံၣ်စရ့လးအစီၤပၤအဂၤ တဖၣ်အဒိတဲာ်အၢသီအခံမ့ၢ်လၢအဝဲဒိးတ့ဒိးဖျီတ့ၢ်အသးဒီး စီၤအၤဃာ်အဖိမုၣ်တဖၣ်အကျါတဂၤအဃိန့ၣ်လီၤ. ဒီးမၤတ့ၢ်တၢ်ဒဲးဘးထီဒါယွၤ,

တၢ်ကတိၤဒိ. 11:21

နာ်သပှၢ်ကတၢၢ်လၢပှၤအၢပှၤသီကဘၣ်တၢ်စံၣ်ညီၣ်အီၤတက့ၢ်. မ့မ့ၢ်, ပှၤတီပှၤလိၤတဖၣ်န့ၣ်ကပူၤဖျဲးဝဲလီၤ.

လံာ်ယံးရမံယၤ 44:15

အန့ၣ်ဝံၤဒီး, ပှၤပိာ်ခွါခဲလၢာ်လၢ အသ့ၣ်ညါတ့ၢ်ဝဲ လၢအမါတဖၣ် လုၢ်ထီၣ်တၢ်လုၢ်တၢ်ပာ်တဖၣ် ဆူကစၢ်အဂၤတဖၣ်, ဒီးပိာ်မုၣ်ခဲလၢာ်လၢ အဆၢ ထၢၣ်ဖဲန့ၣ် ဃုာ်ဒီးပှၤအံၣ်စရ့လးဖိတဖၣ်လၢအအိၣ် အဆိးလၢကီၢ်အဲၤကူပတူးအကလံၤထံး, ပှၤဂီၢ်မုၢ်ဖးဒိၣ် တဖုန့ၣ်စံးဘၣ်ယၤ,

လံာ်ယံးရမံယၤ 44:20

အန့ၣ်ဒီး, ယစံးဘၣ်ပိာ်ခွါတဖၣ်ဒီး ပိာ်မုၣ်တဖၣ်လၢ အစံးဆၢတ့ၢ်ယၤလၢ ကျဲဒ်သိးအံၤန့ၣ်,

လံာ်ယံးရမံယၤ 7:18

ဖိသၣ်တဖၣ်ထၢဖှိၣ်သ့ၣ်မုၣ်, ပိာ်ခွါတဖၣ်မၤကဲၤထီၣ်မ့ၣ်အူ, ဒီးပိာ်မုၣ်တဖၣ်စံၢ်ကျဲၣ်ကျီကိၣ်ကမူၣ်ဒီးထံလၢကကုၢ်ကိၣ်လၢ ကစၢ်မုၣ်လၢအဝဲသ့ၣ်ကိးဝဲလၢမူခိၣ်အနီၢ်ပၤမုၣ်အဂီၢ်န့ၣ်လီၤ. အဝဲသ့ၣ်လူလီၤဂၢ်လီၤစ့ၢ်ကီးတၢ်လုၢ်စပံးထံတဖၣ်ဆူကစၢ်အဂၤ တဖၣ်အအိၣ်လၢကမၤဘၣ်ဒိဘၣ်ထံးယၤအဂီၢ်န့ၣ်လီၤ.

လံာ်တၢ်ဂံၢ် 30:12

ဘၣ်ဆၣ်ဒီးအဝၤမ့ၢ်တြီအီၤလၢကမၤလၢပှဲၤအတၢ်ဆိၣ်, ဖဲအဝဲနၢ်ဟူတၢ်ဂ့ၢ်န့ၣ်ဒီး, ပိာ်မုၣ်န့ၣ်တိၢ်န့ၢ်ဖံးဃာ်အတၢ် အၢၣ်လီၤအလီၢ်တအိၣ်ဘၣ်. ယွၤကပျၢ်ဖျဲးကွံာ်အီၤလီၤ. အဂ့ၢ်ဒ်အံၤအဝၤ, တြီအီၤလၢကတိၢ်န့ၢ်ဖံးဃာ်အတၢ်ဆိၣ်န့ၣ်လီၤ.

လံာ်တၢ်ဂံၢ် 30:8

ဘၣ်ဆၣ်ဒီးအဝဲအဝၤမ့ၢ်တြီအီၤလၢကမၤလၢထီၣ်ပှဲၤထီၣ်တၢ်ဆိၣ် ဖဲအဝဲနၢ်ဟူဘၣ်တၢ်ဂ့ၢ်န့ၣ်ဒီး, တလိၣ်လၢပိာ်မုၣ်န့ၣ်ကတိၢ်န့ၢ်ဖံးဃာ်အတၢ်အၢၣ်လီၤဘၣ်. ကစၢ်ယွၤကပျၢ်ဖျဲးအီၤလီၤ.