လံာ်ယံးရမံယၤ 44:14 - Sgaw Karen Common Bible

¹⁴ ကီၢ်ယူဒၤအပှၤဂီၢ်မုၢ်လၢ အအိၣ်လီၤတဲာ်ဒီးဟဲဆူကီၢ် အဲၤကူပတူးလၢ ကအိၣ်ကဆိးဝဲအဂီၢ်တဖၣ်, တထူၣ်ဖျဲး ဘၣ်မ့ၢ်ဂ့ၤ, တအိၣ်မူလီၤတဲာ်ဘၣ်မ့ၢ်ဂ့ၤ, နီတဂၤဘၣ်. အဝဲသ့ၣ်တက့ၤကဒါက့ၤဘၣ် ဆူကီၢ်ယူဒၤ, ဖဲအဝဲသ့ၣ်သးအိၣ် အိၣ်ဆိးကဒီၤဘၣ်ဝဲန့ၣ်, နီတဂၤဘၣ်. မ့တမ့ၢ်ဘၣ်လၢ ပှၤဃ့ၢ်ပူၤဖျဲးအသးစှၤဂၤဘၣ်ဒီး, ပှၤတက့ၤကဒါက့ၤဘၣ် နီတဂၤဘၣ်.”

လံာ်ယံးရမံယၤ 44:14 Iomraidhean Croise

လံာ်ယၡါယၤ 10:20

တၢ်ဆၢကတီၢ်လၢပှၤအံၣ်စရ့လးဖိလၢအအိၣ်မူတ့ၢ်တဖၣ် တသန့ၤလၢၤဘၣ်အသးလၢပှၤကလုာ်လၢဘူးတ့ၢ်မးအကမၤ ဟးဂီၤကွံာ်အဝဲသ့ၣ်န့ၣ်, ဟဲလံဝဲလံ. အဝဲသ့ၣ်ကနာ်ယွၤလၢာ်လၢာ်ဆ့ဆ့, အံၣ်စရ့လးအကစၢ်ယွၤစီဆှံန့ၣ်လီၤ.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယံးရမံယၤ 22:10

ကီၢ်ယူဒၤအပှၤဂီၢ်မုၢ်သ့ၣ်ဧၢ, ဟီၣ်တၢ်ယၢၤတၢ်လၢစီၤပၤ စီၤယိၤၡံယၤအဂီၢ်တဂ့ၤ. သူၣ်အုးသးအုးလၢအဝဲအတၢ်သံအဃိန့ၣ်တဂ့ၤ. မ့မ့ၢ်တခီ, ဟီၣ်နးနးကလဲာ်လၢအဝဲအဖိခွါ စီၤယဟိအါဃးအဃိန့ၣ်တက့ၢ်. အဝဲသ့ၣ်က့ၤစိာ်ကွံာ်အီၤလံ. တဟဲက့ၤနီတဘျီလၢၤဘၣ်ဒီးတထံၣ်ဘၣ်လၢၤထံကီၢ်လၢအဝဲ အိၣ်ဖျဲၣ်ထီၣ်ဝဲန့ၣ်နီတစုလၢၤဘၣ်.

လံာ်ယံးရမံယၤ 42:17

ပှၤဂီၢ်မုၢ်လၢ အပာ်လီၤအသးလၢ ကလဲၤအိၣ်လဲၤဆိးလၢ ကီၢ်အဲၤကူပတူးအပူၤခဲလၢာ်န့ၣ်, ကသံဝဲလၢတၢ်ဒုးတၢ်ယၤအပူၤ မ့တမ့ၢ်တၢ်သၣ်ဝံလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိန့ၣ်လီၤ. ပှၤတအိၣ်မူလီၤတဲာ်ဘၣ် နီတဂၤဘၣ်, ဒီးတပူၤဖျဲးဒီး တၢ်တတၢးတနါလၢ ယကဒုးဘၣ်အဝဲ သ့ၣ်န့ၣ်, နီတဂၤဘၣ်.’

လံာ်ယံးရမံယၤ 42:22

လၢတၢ်န့ၣ်အဃိ, သ့ၣ်နီၣ်ထီၣ်တၢ်အံၤတက့ၢ်. သုကသံလၢ တၢ်ဒုးအပူၤ, မ့တမ့ၢ် လၢတၢ်သၣ်ဝံၤလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိလၢ ကီၢ်တဘ့ၣ်လၢ သုသးအိၣ်လဲၤအိၣ်လဲၤဆိးလၢ အပူၤန့ၣ်လီၤ.”

လံာ်ယံးရမံယၤ 44:26

ဘၣ်ဆၣ်ဒီး ခဲကနံၣ်အံၤ, ဒိကနၣ်တၢ်ဆိၣ်လၢယၤ, ယွၤအံၤမၤတ့ၢ်လံဝဲလၢယမံၤအစိကမီၤဒၣ်ဝဲအပူၤဆူကယဲၢ် သုဝဲပှၤအံၣ်စရ့လးဖိခဲလၢာ်လၢ အအိၣ်လၢကီၢ်အဲၤကူပတူး အပူၤန့ၣ်တက့ၢ်. ယတပျဲကဒီးသုဝဲတဂၤဂ့ၤတဂၤဂ့ၤလၢ ကသူယမံၤလၢ တၢ်ဆိၣ်တမံၤအဂီၢ်ဒီး စံးလၢ, ‘ယဆိၣ်တၢ် လၢယွၤပၢဘၣ်တၢ်ခဲလၢာ်ကစၢ်လၢအမူဝဲတဂၤအမံၤအပူၤလီၤ’ န့ၣ်နီတစုလၢၤဘၣ်.

လံာ်ယဃ့းစက့လး 20:38

ယကဟံးထီၣ်ကွံာ်ပှၤတဖၣ်လၢအပူထီၣ်တၢ်ဒီးမၤတၢ်ဒဲးဘးလၢသု ကျါန့ၣ်လီၤ. ယကထုးထီၣ်ကွံာ်အဝဲသ့ၣ်တဖၣ်လၢကီၢ်တဖၣ်လၢအဝဲသ့ၣ်အိၣ်ဆိးဝဲ လၢအပူၤခဲကနံၣ်အံၤ, ဘၣ်ဆၣ်ယတပျဲအဝဲသ့ၣ်က့ၤကဒါက့ၤဆူကီၢ်အံၣ်စရ့လးလၢၤဘၣ်. အန့ၣ်ဒီးသုကသ့ၣ်ညါလၢယၤ, ယမ့ၢ်ယွၤန့ၣ်လီၤ.”

လံာ်ယဃ့းစက့လး 6:8

ယကပျဲပှၤတနီၤပူၤဖျဲးကွံာ်လၢတၢ်မၤသံမၤဝီဒီးမၤလီၤပြံလီၤပြါအဝဲသ့ၣ်လၢပှၤကလုာ်တဖၣ်အကျါ,

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

ရိမ့ၤ 2:3

မ့မ့ၢ်နဲ, ဖဲနစံၣ်ညီၣ်ပှၤဂၤလၢအမၤတၢ်ဒ်သိးအံၤအခါ, ဒီးနနီၢ်ကစၢ်ဒၣ်နဲနမၤတၢ်တမံၤဃီလၢအဝဲသ့ၣ်မၤဝဲန့ၣ်, မ့ၢ်နဆိကမိၣ်လၢနကပူၤဖျဲးဒီးကစၢ်ယွၤအတၢ်စံၣ်ညီၣ်န့ၣ်ဧါ.

ရိမ့ၤ 9:27

ဒီးဝံယၡါယၤကိးသတြီထီၣ်တၢ်ဘၣ်ဃးအံၣ်စရ့လးဒီး စံးဝဲ, “ပှၤအံၣ်စရ့လးဖိတဖၣ်မ့ၢ်အါဝဲဒ်မဲးလၢပီၣ်လဲၣ်နံၤ နာ်သက့, ကဘၣ်တၢ်အုၣ်က့ၤခီၣ်က့ၤအီၤထဲစှၤဂၤဧိၤန့ၣ်လီၤ.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.