လံာ်ယံးရမံယၤ 44:1 - Sgaw Karen Common Bible

¹ ယွၤကတိၤတၢ်ဒီး ယၤဘၣ်ဃးဒီးပှၤအံၣ်စရ့လး ဖိခဲလၢာ်လၢ အအိၣ်အဆိးလၢ ကီၢ်အဲၤကူပတူးအပူၤအဂ့ၢ်, လၢဝ့ၢ်တဖၣ် လၢအမ့ၢ်ဝဲမံးကဒိးလး, တၤပါန့ၤဒီး မဲဖံးအပူၤ, ဒီးလၢကီၢ်အကလံၤထံးတကပၤအဂ့ၢ်န့ၣ်လီၤ.

လံာ်ယံးရမံယၤ 44:1 Iomraidhean Croise

လံာ်တၢ်ကဲထီၣ်အခီၣ်ထံး 10:14

ပှၤပသြူစံၣ်ဖိ, ပှၤကၤစလူဃံၣ်ဖိဒီးပှၤကၤပတိရံၣ်ဖိလၢပှၤ ဖလ့ၡသးဖိဟဲလီၤစၢၤလီၤသွဲၣ်ဝဲန့ၣ်လီၤ.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 19:13

ဝ့ၢ်စိၤဧၣ်ဒီးဝ့ၢ်မဲဖံးအခိၣ်အနၢ်တဖၣ်မ့ၢ်ပှၤဟးဂီၤဖိတဖၣ်လီၤ. အဝဲသ့ၣ်ကဘၣ်ဆှၢအပှၤကလုာ်, ဘၣ်ဆၣ်ဒီး, အဝဲသ့ၣ်ဆှၢကမၣ်အီၤလီၤ.

လံာ်ယံးရမံယၤ 2:16

မ့ၢ်လီၤ. ပှၤတဖၣ်လၢဝ့ၢ်မဲဖံးဒီးပှၤတၤပါန့ၤဖိ မၤသ့ၣ်ဖးတ့ၢ်အခိၣ်ကုန့ၣ်လီၤ.

လံာ်ယံးရမံယၤ 24:8

မ့မ့ၢ်လၢကီၢ်ယူဒၤအစီၤပၤစံးဒကံယၤ, ပှၤလူၤထံဂ့ၢ်ကီၢ် ဂ့ၢ်တဖၣ်လၢအအိၣ်ဝးတရံးအီၤ, ဒီးဝ့ၢ်ယရူၤၡလ့ၣ်အပှၤဂီၢ်မုၢ်အဂၤလၢအအိၣ်လၢကီၢ်အံၤအပူၤ မ့ၢ်ဂ့ၤ, သုးအသးဆူကီၢ်အဲၤကူပတူးအပူၤမ့ၢ်ဂ့ၤအဂီၢ်န့ၣ်, ယၤ, ယွၤအံၤယကမၤဘၣ်အဝဲသ့ၣ်ခဲလၢာ်ဒ်ချၢၣ်ဒၢသၣ်လၢအတဂ့ၤတ ဖၣ်, တဂ့ၤဝဲတုၤဒၣ်လဲာ်နအီၣ်အီၤတသ့ဘၣ်အသိးန့ၣ်လီၤ.

လံာ်ယံးရမံယၤ 43:13

အဝဲကမၤဟးဂီၤကွံာ်တၢ်သ့ၣ်နီၣ် အလၢၢ်စီဆှံတဖၣ်လၢ အအိၣ်ဖဲ ဝ့ၢ်ဟဲလံအီၣ်ဖိလံာ်လၢ ကီၢ်အဲၤကူပတူးအပူၤဒီး ကဒွဲၣ်အူထီၣ်ကွံာ် ပှၤအဲၤကူပတူးဖိ အကစၢ်တဖၣ် အတၢ်လုၢ်လီၢ်တဖၣ်န့ၣ်လီၤ.”

လံာ်ယံးရမံယၤ 44:15

အန့ၣ်ဝံၤဒီး, ပှၤပိာ်ခွါခဲလၢာ်လၢ အသ့ၣ်ညါတ့ၢ်ဝဲ လၢအမါတဖၣ် လုၢ်ထီၣ်တၢ်လုၢ်တၢ်ပာ်တဖၣ် ဆူကစၢ်အဂၤတဖၣ်, ဒီးပိာ်မုၣ်ခဲလၢာ်လၢ အဆၢ ထၢၣ်ဖဲန့ၣ် ဃုာ်ဒီးပှၤအံၣ်စရ့လးဖိတဖၣ်လၢအအိၣ် အဆိးလၢကီၢ်အဲၤကူပတူးအကလံၤထံး, ပှၤဂီၢ်မုၢ်ဖးဒိၣ် တဖုန့ၣ်စံးဘၣ်ယၤ,

လံာ်ယံးရမံယၤ 46:14

“တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး, မဲဖံး, ဒီးဝ့ၢ်တၤပါန့ၤအပူၤတက့ၢ်. ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်. တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.

လံာ်ယံးရမံယၤ 46:19

သုဝဲကီၢ်အဲၤကူပတူးအပှၤဂီၢ်မုၢ်သ့ၣ်ဧၢ, အိၣ်ကတဲာ်ကတီၤသုသးလၢ သုကလဲၤကဲ ကုၢ်အဂီၢ်တက့ၢ်. ဝ့ၢ်မဲဖံးကဘၣ်တၢ်ဒုးကဲထီၣ်အီၤဆူ မဲးမုၢ်ခိၣ်တတီၤ, တၢ်ဟးဂီၤအလီၢ်တပူၤဖဲ ပှၤတအိၣ်တဆိးနီတဂၤ ဘၣ်န့ၣ်လီၤ.

လံာ်ယဃ့းစက့လး 29:10

မ့ၢ်လၢနစံးလၢထံကျိနံၤ လါမ့ၢ်နတၢ်ဒီးနမၤအီၤလၢ ကစၢ်ဒၣ်နဲအဃိ, ယမ့ၢ်နဒုၣ်နဒါဒီးနထံကျိနံၤလါ အဒုၣ်အဒါန့ၣ်လီၤ. ယကဒုးကဲထီၣ် ကီၢ်အဲၤကူပတူးဒီဘ့ၣ်လၢ တၢ်လီၢ်တတီၤလၢအအိၣ်လီၤဃီ, စးထီၣ်လၢ ဝ့ၢ်မံးကဒိးလးလၢ ကလံၤစိးတကပၤတုၤဆူစဝ့နၤလၢကလံၤထံးတခီ, ဒီကျဲညါပၢၢ်တုၤလၢပှၤကူၤၡးဖိတဖၣ်အထံဆၢကီၢ်ဆၢန့ၣ်လီၤ.

လံာ်ယဃ့းစက့လး 29:14

ဒီးယကဒုးအိၣ်ဆိးအဝဲသ့ၣ်လၢကီၢ်အဲၤကူပတူးကလံၤထံး, လၢအမ့ၢ်အဝဲသ့ၣ်အဟံၣ်အဃီ အဂံၢ်ထံးန့ၣ်လီၤ. ဖဲန့ၣ်အဝဲသ့ၣ်ကမ့ၢ်ဘီမုၢ်လၢ အဂံၢ်စၢ်ဘါစၢ်တဘ့ၣ်,

လံာ်ယဃ့းစက့လး 30:13

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကမၤဟးဂီၤကွံာ်တၢ်ဂီၤ တၢ်ဖီၣ်တဖၣ်ဒီးယွၤအတမ့ၢ်တတီတဖၣ်လၢဝ့ၢ်မဲဖံးအပူၤန့ၣ်လီၤ. ပှၤလၢအကပၢကီၢ်အဲၤကူပတူး တအိၣ်လၢၤ နီတဂၤဘၣ်ဒီးယကမၤပျံၤမၤဖုးကယဲၢ်ပှၤဂီၢ်မုၢ်ခဲလၢာ်န့ၣ်လီၤ.

လံာ်ယဃ့းစက့လး 30:14

ယကဒုးအိၣ်သယုၢ် ကီၢ်အဲၤကူပတူးကလံၤထံးဒီး ဒွဲၣ်အူကွံာ်ဝ့ၢ်စိၤဧၢ်လၢကလံၤထံးတကပၤန့ၣ်လီၤ. ယကစံၣ်ညီၣ်သံဘံးအဝ့ၢ်ခိၣ်န့ၣ်လီၤ.

လံာ်ယဃ့းစက့လး 30:16

ယကဒွဲၣ်ကွံာ်ကီၢ်အဲၤကူပတူးလၢ မ့ၣ်အူဒီးဝ့ၢ်စံၤန့ၣ်ကအိၣ်လၢတၢ်သူၣ်အူသးကဲၤအပူၤန့ၣ် လီၤ. ဝ့ၢ်သံဘံးအခိၣ်ဒူတဖၣ်ကဘၣ်တၢ်မၤလီၤပှီၢ်ကွံာ်အီၤဒီး ဝ့ၢ်န့ၣ်ကဘၣ်တၢ်လုၣ်ဘၢအီၤလၢထံန့ၣ်လီၤ.

လံာ်ယဃ့းစက့လး 30:18

တၢ်ခံးကလီၤဘၣ်လၢ ဝ့ၢ်တၤပါန့ၤအလိၤဖဲ ယမၤကတၢၢ်ကွံာ်ကီၢ်အဲၤကူပတူးအစိကမီၤဒီး မၤကတၢၢ်ကွံာ်အဂံၢ်အဘါလၢအဝဲသ့ၣ်ပာ်ထီၣ်ထီ တ့ၢ်အသးန့ၣ်လီၤ. တၢ်အၢၣ်ကလုၣ်ဘၢ ကီၢ်အဲၤကူပတူးဒီးပှၤဂီၢ်မုၢ်လၢအအိၣ်လၢအဝ့ၢ်တဖၣ်အပူၤန့ၣ် ကဘၣ်တၢ်စိာ်ကွံာ်အီၤဒ်ပှၤဃိာ်ဖိတဖၣ်အသိးန့ၣ်လီၤ.

လံာ်ဟိၤၡ့ 9:6

ဖဲတၢ်တတၢးတနါဟဲတုၤဃီၤဝဲဒီးပှၤဂီၢ်မုၢ်တဖၣ်လီၤပြံပြါ ကွံာ်ဝဲန့ၣ်, ပှၤအဲၤကူပတူးဖိတဖၣ်ကပာ်ဖှိၣ်အဝဲသ့ၣ်, လၢကခူၣ်လီၤကွံာ်အဝဲသ့ၣ်ဖဲဝ့ၢ်မဲဖ့းအပူၤန့ၣ်လီၤ. အဝဲသ့ၣ်အတၢ်လုၢ်ဒိၣ်ပှ့ၤဒိၣ်တဖၣ်လၢစ့ဒီးတၢ်လီၢ် တၢ်ကျဲတဖၣ်ဖဲတဘျီအဝဲသ့ၣ်အဟံၣ်တဖၣ်သူၣ်ထီၣ်တ့ၢ်အ သးန့ၣ်နီၣ်ဧိၤမံၤဧိၤဒီးတၤဆှူၣ်တပှီာ်တဖၣ်ကဒိၣ်ဘၢကွံာ်အီၤ န့ၣ်လီၤ.