လံာ်ယံးရမံယၤ 43:7 - Sgaw Karen Common Bible

⁷ အဝဲသ့ၣ်တစူၢ်ယွၤအတၢ်မၤလိာ်ဘၣ်ဒီးလဲၤနုာ်ဆူကီၢ်အဲၤကူပတူးအပူၤ, ပၢၢ်တုၤလၢဝ့ၢ်တၤပါန့ၤန့ၣ်လီၤ.

လံာ်ယံးရမံယၤ 43:7 Iomraidhean Croise

လံာ်စီၤပၤခံဘ့ၣ်တဘ့ၣ် 25:26

အန့ၣ်ဒီး, ကယဲၢ်ပှၤအံၣ်စရ့လးဖိ, ပှၤထူးပှၤတီၤမ့ၢ်ဂ့ၤ, ပှၤဖှီၣ်ဖိယာ်ဖိမ့ၢ်ဂ့ၤ, ဃုာ်ဒီးသုးမုၢ်အသုးခိၣ်သုးနၢ်တ ဖၣ်, ဟးထီၣ်ဝဲ, ဒီးလဲၤဝဲဆူကီၢ်အဲၤကူပတူးမ့ၢ်လၢ, အဝဲသ့ၣ်ပျံၤဘၣ်ပှၤဘၤဘူၤလိၣ်ဖိတဖၣ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:16

စီၤအမၤစယါမၤတံာ်တာ်ကွံာ်ဝံအတၢ်ကတိၤဒီးစံးဝဲ, “ပဒုးကဲထီၣ်နၤလၢပှၤဟ့ၣ်ကူၣ်စီၤပၤန့ၣ်, စးထီၣ်အခါဖဲလဲၣ်. ဆိကတီၢ်ကတိၤတၢ်တက့ၢ်. မ့တမ့ၢ်ယကမၢပှၤမၤသံဘၣ်နၤလီၤ.” တချုးလၢဝံဆိကတီၢ်ကွံာ်အတၢ်ကတိၤန့ၣ်, ဝံစံးဝဲဒၣ်, “ခဲအံၤယသ့ၣ်ညါလၢကစၢ်ယွၤပာ်လီၤလံအသးလၢ ကမၤဟးဂီၤကွံာ်နၤ, မ့ၢ်လၢနမၤတ့ၢ်ကယဲၢ်တၢ်ခဲလၢာ်အံၤဒီးတပာ်ကဲဘၣ်ယတၢ်ဟ့ၣ်ကူၣ် အဃိန့ၣ်လီၤ.”

လံာ်ယၡါယၤ 30:2

အဝဲသ့ၣ်လဲၤဆူကီၢ်အဲၤကူပတူးလၢတၢ်မၤစၢၤအဂီၢ်လီၤ. တဃ့ယတၢ်ဟ့ၣ်ကူၣ်ဟ့ၣ်ဖးဘၣ်. အဝဲသ့ၣ်သးအိၣ်ဝဲလၢကီၢ် အဲၤကူပတူးကဒီဒၣ်အိၣ်ပှိၤအီၤ, သတးဒီးအဝဲသ့ၣ်ပာ်အတၢ်နာ် လၢကီၢ်အဲၤကူပတူးအစီၤပၤအပူၤန့ၣ်လီၤ.

လံာ်ယၡါယၤ 30:4

အဝဲသ့ၣ်အထံကီၢ်ခၢၣ်စးတဖၣ်မ့ၢ်လဲၤတုၤလံဆူပှၤအဲၤကူပတူး ဖိအဝ့ၢ်တဖၣ်လၢအမ့ၢ်ဝဲစိၤဧၣ်ဒီးဃါန့ၤဒၣ်လဲာ်န့ၣ်,

လံာ်ယံးရမံယၤ 2:16

မ့ၢ်လီၤ. ပှၤတဖၣ်လၢဝ့ၢ်မဲဖံးဒီးပှၤတၤပါန့ၤဖိ မၤသ့ၣ်ဖးတ့ၢ်အခိၣ်ကုန့ၣ်လီၤ.

လံာ်ယံးရမံယၤ 41:17

မ့ၢ်လၢ စီၤယံးၡမၤအ့လး မၤသံကွံာ် စီၤကဒါလယၤလၢ ကီၢ်ဘၤဘူၤလိၣ် အစီၤပၤပာ်ထီၣ်အီၤဒ် ပဒိၣ်ဖးဒိၣ်လၢ ကီၢ်အဂီၢ်အဃိ, အဝဲသ့ၣ်ပျံၤဘၣ်ပှၤဘၤဘူၤလိၣ်ဖိတဖၣ် ဒိၣ်မးလီၤ.

လံာ်ယံးရမံယၤ 42:21

ဒီးခဲအံၤယတဲဘၣ်သု, ဘၣ်ဆၣ်ဒီး တၢ်ကိးမံၤဒဲးလၢယွၤ ကစၢ်ယွၤမၢလီၤယၤလၢ ယကတဲဘၣ်သုန့ၣ် သုတစူၢ်အီၤဘၣ်.

လံာ်ယံးရမံယၤ 44:1

ယွၤကတိၤတၢ်ဒီး ယၤဘၣ်ဃးဒီးပှၤအံၣ်စရ့လး ဖိခဲလၢာ်လၢ အအိၣ်အဆိးလၢ ကီၢ်အဲၤကူပတူးအပူၤအဂ့ၢ်, လၢဝ့ၢ်တဖၣ် လၢအမ့ၢ်ဝဲမံးကဒိးလး, တၤပါန့ၤဒီး မဲဖံးအပူၤ, ဒီးလၢကီၢ်အကလံၤထံးတကပၤအဂ့ၢ်န့ၣ်လီၤ.

လံာ်ယံးရမံယၤ 44:24

ယတဲဘၣ်ပှၤဂီၢ်မုၢ်ခဲလၢာ်, လီၤဆီဒၣ်တၢ်ပိာ်မုၣ်တဖၣ်, တၢ်လၢယွၤသ့တၢ်လၢာ်အံၣ်စရ့လးအကစၢ်ယွၤ စံးဘၣ်တ့ၢ် ကီၢ်ယူဒၤ အပှၤဂီၢ်မုၢ်လၢ အအိၣ်လၢ ကီၢ်အဲၤကူပတူးအပူၤလီၤ.

လံာ်ယံးရမံယၤ 46:14

“တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး, မဲဖံး, ဒီးဝ့ၢ်တၤပါန့ၤအပူၤတက့ၢ်. ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်. တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.

လံာ်ယဃ့းစက့လး 30:18

တၢ်ခံးကလီၤဘၣ်လၢ ဝ့ၢ်တၤပါန့ၤအလိၤဖဲ ယမၤကတၢၢ်ကွံာ်ကီၢ်အဲၤကူပတူးအစိကမီၤဒီး မၤကတၢၢ်ကွံာ်အဂံၢ်အဘါလၢအဝဲသ့ၣ်ပာ်ထီၣ်ထီ တ့ၢ်အသးန့ၣ်လီၤ. တၢ်အၢၣ်ကလုၣ်ဘၢ ကီၢ်အဲၤကူပတူးဒီးပှၤဂီၢ်မုၢ်လၢအအိၣ်လၢအဝ့ၢ်တဖၣ်အပူၤန့ၣ် ကဘၣ်တၢ်စိာ်ကွံာ်အီၤဒ်ပှၤဃိာ်ဖိတဖၣ်အသိးန့ၣ်လီၤ.