လံာ်ယံးရမံယၤ 43:6 - Sgaw Karen Common Bible

⁶ အဝဲသ့ၣ်လဲၤကိးစ့ၢ်ကီး ပိာ်ခွါတဖၣ်, ပိာ်မုၣ်တဖၣ်, ဖိသၣ်တဖၣ် ဒီးစီၤပၤအဖိမုၣ်တဖၣ်န့ၣ်လီၤ. အဝဲသ့ၣ်လဲၤကိးကွံာ် ပှၤကိးဂၤဒဲးလၢ သုးခိၣ်ဖးဒိၣ်စီၤနဘူစၢ်ရဒၣ်ပာ်လီၤတဲာ်တ့ၢ်ဝဲလၢ စီၤကဒါလယၤအတၢ်ပၢဆှၢကဟုကယာ်အပူၤ, ဃုာ်ဒီး စီၤဘၤရူးဒီၤယၤန့ၣ်လီၤ.

လံာ်ယံးရမံယၤ 43:6 Iomraidhean Croise

လံာ်ယံးရမံယၤ 38:22

လၢတၢ်ထံၣ်လၢညါ ခီအံၤအပူၤန့ၣ်, ယထံၣ်ဘၣ် လၢပိာ်မုၣ်တဖၣ် လၢအအိၣ်တီၢ်လၢ ကီၢ်ယူဒၤ အစီၤပၤအနူၢ်ပူၤန့ၣ် ဘၣ်တၢ်ဆှၢထီၣ်အီၤဆူကီၢ် ဘၤဘူၤလိၣ်အစီၤပၤ အပဒိၣ်ပပှၢ်တဖၣ် အအိၣ်န့ၣ်လီၤ. ဒီးဖဲအဝဲသ့ၣ်လဲၤတၢ်အခါ စံးကတိၤတၢ်မနုၤလဲၣ်န့ၣ်, ဒိကနၣ်တက့ၢ်. စီၤပၤအတံၤသကိး အဂ့ၤကတၢၢ်တဖၣ်ဆှၢကမၣ်အီၤ, အဝဲသ့ၣ်ထီဒါကွံာ်အဝဲအတၢ်စံၣ်ညီၣ်လံ. ဒီးခဲအံၤ, ဖဲအဝဲအခီၣ်လီၤဘျၢကွံာ်လၢ ကပံာ်အကျါန့ၣ်, အတံၤသကိးတဖၣ် ဟးသဒၣ်ကွံာ်အီၤလံ”

လံာ်ယံးရမံယၤ 39:10

လၢကီၢ်ယူဒၤအပူၤန့ၣ်, အဝဲပာ်တီၢ်ဝဲပှၤလၢ အဖှီၣ်ကတၢၢ် အကျါတနီၤလၢ အတၢ်ဖိတၢ်လံၤတအိၣ်နီတမံၤဘၣ်, ဒီးအဝဲဟ့ၣ်လီၤအဝဲသ့ၣ်လၢ စပံးလီၢ်တဖၣ်ဒီး စံာ်ပျီတဖၣ်န့ၣ်လီၤ.

လံာ်ယံးရမံယၤ 40:11

ဖဲန့ၣ်အခါ, ပှၤအံၣ်စရ့လးဖိခဲလၢာ်လၢအအိၣ်ဆိးလၢကီၢ်မိၤ အး, ကီၢ်ဧၣ်မိၣ်, ကီၢ်အဒိၣ်, ဒီးကီၢ်အဂၤတဖၣ်အပူၤန့ၣ်, နၢ်ဟူဝဲလၢကီၢ်ဘၤဘူၤလိၣ်အစီၤပၤပျဲပှၤအံၣ်စရ့လးဖိတနီၤ ကအိၣ်ဒံးဝဲလၢကီၢ်ယူဒၤဒီးအဝဲပာ်ထီၣ်စီၤကဒါလယၤလၢကီၢ် အပဒိၣ်ဖးဒိၣ်န့ၣ်လီၤ.

လံာ်ယံးရမံယၤ 40:7

ပှၤယူဒၤဖိအသုးခိၣ်သုးနၢ်တနီၤဒီးအသုးဖိတဖၣ်တပာ်လီၤအ စုကဝဲၤဘၣ်. အဝဲသ့ၣ်နၢ်ဟူဘၣ်ဝဲလၢကီၢ်ဘၤဘူၤလိၣ် အစီၤပၤပာ်ထီၣ်စီၤကဒါလယၤလၢကီၢ်အပဒိၣ်ဖးဒိၣ်, ပာ်အီၤဒ်ပှၤကွၢ်ထွဲ ပၢဆှၢပှၤခဲလၢာ်လၢအတဘၣ်တၢ်စိာ်ကွံာ်အီၤဆူကီၢ်ဘၤဘူၤလိၣ်, ပှၤဂီၢ်မုၢ်လၢအဖှီၣ်ယာ်ကတၢၢ်လၢကီၢ်အံၤအပူၤတဖၣ်န့ၣ်လီၤ.

လံာ်ယံးရမံယၤ 41:10

အန့ၣ်ဝံၤဒီး, စီၤပၤအဖိမုၣ်တဖၣ် ဃုာ်ဒီးဝ့ၢ်မံးစပၤအပှၤဂီၢ် မုၢ်လၢအအိၣ်လီၤတဲာ်ခဲလၢာ်, လၢသုးခိၣ်ဖးဒိၣ် စီၤနဘူစၢ်ရဒၣ်ပာ်ဝဲလၢစီၤကဒါလယၤအတၢ်ပၢဆှၢကဟုကယာ် အပူၤန့ၣ်, အဝဲဒုးကဲထီၣ်အဝဲသ့ၣ်ဆူ ပှၤဃိာ်ဖိတဖၣ်န့ၣ်လီၤ. စီၤယံးၡမၤအ့လးစိာ်မၢကဲကုၢ်အဝဲဆူ ပှၤဧၣ်မိၣ်ဖိအလီၢ်ကဝီၤ အကျဲတခီန့ၣ်လီၤ.

လံာ်ယံးရမံယၤ 43:3

စီၤန့ၤရံယၤ အဖိခွါ စီၤဘၤရူးထိၣ်ဂဲၤထီၣ်တ့ၢ်နၤထီဒါပှၤ, ဒ်သိးပှၤဘၤဘူၤလိၣ်ဖိတဖၣ် ကန့ၢ်ဘၣ်တၢ်စိတၢ်ကမီၤ လၢပဖီခိၣ်လၢ မၤသံပှၤမ့ၢ်ဂ့ၤ, စိာ်ကွံာ်ပှၤဆူကီၢ်ဘၤဘူၤ လိၣ်မ့ၢ်ဂ့ၤ, ကသ့အဂီၢ်န့ၣ်လီၤ.”

လံာ်ယံးရမံယၤ 45:1

လၢစီၤယိၤၡံယၤ အဖိခွါ ကီၢ်ယူဒၤအစီၤပၤစီၤယဟိၤယါ ကံၣ်ပၢတၢ်လွံၢ်နံၣ်တနံၣ်အပူၤန့ၣ်, စီၤဘၤရူးကွဲးလီၤတၢ် လၢယကိးထီၣ်န့ၢ်အီၤန့ၣ်လီၤ.

လံာ်ယံးရမံယၤ 52:10

ဖဲဝ့ၢ်ရံးဘလးန့ၣ်, အဝဲမၤသံကွံာ် စီၤစံးဒကံယၤအဖိခွါ တဖၣ်လၢ အမဲာ်ညါဒၣ်ဝဲ, ဒီးအဝဲမၢသံစ့ၢ်ကီးကီၢ်ယူဒၤ ပဒိၣ်ပပှၢ်တဖၣ်န့ၣ်လီၤ.

လံာ်သးသယုၢ်တၢ် 3:1

ယမ့ၢ်ပှၤတဂၤလၢအထံၣ်ဘၣ်တ့ၢ်တၢ်နးတၢ်ဖှီၣ်လၢကစၢ်ယွၤအတၢ်သး ဒိၣ်အနီၣ်တီၢ်အဖီလာ်လီၤ.

လံာ်ယိၤဟၣ် 21:18

ယစံးဘၣ်နၤတၢ်မ့ၢ်တၢ်တီ, ဖဲနသးစၢ်ဒံးအခါန့ၣ်, နကတဲာ်ကတီၤထီၣ်နသးဒီးလဲၤဖဲနအဲၣ်ဒိးလဲၤန့ၣ် လီၤ. ဘၣ်ဆၣ်တုၤနသးပှၢ်ထီၣ်ဒီး, နကယူာ်ထီၣ်နစု တဖၣ်ဒီးပှၤအဂၤတဂၤကစၢဃာ်နၤဒီးကဆှၢနၤဆူတၢ်လီၢ်လၢ နတအဲၣ်ဒိးလဲၤဘၣ်န့ၣ်လီၤ.”