လံာ်ယံးရမံယၤ 43:12 - Sgaw Karen Common Bible

¹² ယကဒွဲၣ်အူထီၣ်ကီၢ်အဲၤကူပတူး အကစၢ်တဖၣ် အတၢ်လုၢ်ဟံၣ်တဖၣ်, ဒီးကီၢ်ဘၤဘူၤလိၣ် အစီၤပၤကဒွဲၣ်အူထီၣ်အဝဲသ့ၣ်အကစၢ်တဖၣ်မ့ၢ်ဂ့ၤ, ဒီး စိာ်ကွံာ်အီၤမ့ၢ်ဂ့ၤန့ၣ်လီၤ. ဒ်ပှၤကွၢ်သိတဂၤ မၤပျီကွံာ်သူၣ်လၢ အကူအကၤအလိၤအသိးန့ၣ်, ကီၢ်ဘၤဘူၤလိၣ်အစီၤပၤကဂုာ်န့ၢ်ကွံာ် ကီၢ်အဲၤကူပတူးခဲလၢာ်, ဒီးဟးထီၣ် ကွံာ်လၢ တၢ်မၤနၢၤဖးဒိၣ်အပူၤန့ၣ်လီၤ.

လံာ်ယံးရမံယၤ 43:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:21

ဖဲပှၤဖလ့ၡသးဖိတဖၣ်ဃ့ၢ်ကွံာ်ဝဲန့ၣ်အဝဲသ့ၣ် ပာ်တီၢ်အတၢ်ဂီၤတၢ်ဖီၣ်တဖၣ်လၢအလီၢ်ခံ, ဒီးစီၤဒၤဝံးဒီးအပှၤတဖၣ်စိာ်ကွံာ်တၢ်သ့ၣ်တဖၣ်န့ၣ်လီၤ.

လံာ်နီၢ်အ့ၤစတၢ် 6:9

ဒီးမၢနပှၤတူၢ်ဒိၣ်ကီၤဒိၣ်ကတၢၢ်တဖၣ်အကျါတဂၤ ဒုးကူထီၣ်သိးထီၣ်ပှၤတဂၤအံၤလၢဆ့ကၤဖးထီတဖၣ်အံၤဒီးဒုး ဒိးထီၣ်အီၤလၢကသ့ၣ်, ဒီးဆှၢအီၤလၢဝ့ၢ်အကျဲဧိၤကပူၤဧိၤတဖၣ်တက့ၢ်. ဒီးဖဲအဝဲသ့ၣ်လဲၤတၢ်အခါမ်ပှၤတူၢ်ဒိၣ်ကီၤဒိၣ်တဂၤန့ၣ်ကိးထီၣ်, ကွၢ်, စီၤပၤမၤဘျုးပှၤတဂၤလၢအအဲၣ်ဒိးမၤလၤကပီၤဝဲန့ၣ်ဒ်လဲၣ်တက့ၢ်.”

လံာ်စီၤယိၤဘး 40:10

မ့ၢ်သ့ဝဲဒီးဆၢထၢၣ်လၢနမံၤလၤသၣ်ကပီၤဒီးတၢ်ပာ်ဒိၣ်ပာ် ထီနသး, သိးထီၣ်တၢ်ကဟုကညီၣ်ဒီးတၢ်လၤတၢ်ကပီၤတက့ၢ်.

စံးထီၣ်ပတြၢၤ 104:2

နမၤဘၢနသးလၢတၢ်ကပီၤဒ်ယၣ်အသိး, နသလၣ်ထီၣ်မူခိၣ်ဒ် ဒဲတဖျၢၣ်အသိး,

စံးထီၣ်ပတြၢၤ 132:16

ယကဆိၣ်ဂ့ၤအပှၤလုၢ်တၢ်အခိၣ်တဖၣ် လၢအတၢ်မၤခဲလၢာ်အပူၤ, ဒီးအပှၤဂီၢ်မုၢ်ကသးဝံၣ်တၢ်ဒီး ကိးထီၣ်လၢတၢ်သးခုအပူၤလီၤ.

စံးထီၣ်ပတြၢၤ 132:18

ယကလုၣ်ဘၢအဒုၣ်အဒါတဖၣ်ဒီး တၢ်မဲာ်ဆှးလီၤ. မ့မ့ၢ်ကဘီၣ်ထီၣ်ညီထီၣ်ဒီး ဂုၤထီၣ်ပသီထီၣ်န့ၣ်လီၤ.

လံာ်တၢ်ဟးထီၣ်ကွံာ် 12:12

လၢမုၢ်နၤအဝဲန့ၣ်ယကလဲၤခီဂာ်ကီၢ်အဲၤကူပတူးဒီးမၤသံကွံာ် ကယဲၢ်တၢ်အဝဲၢ်ကိအပိာ်ခွါမ့တမ့ၢ်အဖါလၢကီၢ်အဲၤကူပတူးအပူၤ လၢပှၤကညီတုၤလၢဆၣ်ဖိကီၢ်ဖိဒီးစံၣ်ညီၣ်ကီၢ်အဲၤကူပတူး အကစၢ်ခဲလၢာ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်ယၡါယၤ 19:1

အအံၤမ့ၢ်တၢ်ကစီၣ်ဘၣ်ဃးကီၢ်အဲၤကူပတူးအဂ့ၢ်န့ၣ်လီၤ. ယွၤဟဲဆူကီၢ်အဲၤကူပတူး, ဒိးတၢ်ချ့မးလၢတၢ်အၢၣ်တလိၣ် အလိၤလီၤ. ကီၢ်အဲၤကူပတူးအတၢ်ဂီၤတၢ်ဖီၣ်တဖၣ်ကနိး ကစုာ်လၢအမဲာ်ညါ, ဒီးပှၤအဲၤကူပတူးဖိတဖၣ် အသးပှံၢ်လီၤဝဲဒၣ်လီၤ.

လံာ်ယၡါယၤ 21:9

သတူၢ်ကလာ်, လၢအံၤအဝဲသ့ၣ်ဟဲဝဲလံ. ပှၤဒိးကသ့ၣ်ခံဂၤခံဂၤ စုာ်စုာ်လီၤ. ပှၤခိးတၢ်ဖိဆှၢတၢ်ကစီၣ်, “ကီၢ်ဘၤဘူၤလိၣ်လီၤကွံာ်လံ. တၢ်ဂီၤတၢ်ဖီၣ်တဖၣ်လၢအဝဲသ့ၣ် ဘူၣ်ထီၣ်ဘါထီၣ်ဝဲခဲလၢာ်ကၢ်လီၤကလဲဒီးဒါလီၤ အသးလၢဟီၣ်ခိၣ်လိၤလီၤ.”

လံာ်ယၡါယၤ 46:1

တၢ်အံၤမ့ၢ်တၢ်အကတၢၢ်လၢကီၢ်ဘၤဘူၤလိၣ်အကစၢ်တဖၣ်အဂီၢ်လီၤ. ဘ့လးဒီးနဘိတဖၣ်, တဘျီဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဘၣ်ဆၣ်ဒီးခဲအံၤန့ၣ်ဘၣ်တၢ်ပဒၢးထီၣ်အီၤလၢကသ့ၣ်ယီၤတဖၣ် အလိၤ ဒီးမ့ၢ်တၢ်ဝံဃၢလၢဆၣ်ဖိကီၢ်ဖိလၢအလီၤဘှံးလီၤတီၤတဖၣ် အဂီၢ်န့ၣ်လီၤ.

လံာ်ယၡါယၤ 46:2

တၢ်ဂီၤတဖၣ်အုၣ်က့ၤခီၣ်က့ၤလီၤအသးတသ့ဘၣ်. အဝဲသ့ၣ်ဘၣ်တၢ်ဖီၣ်န့ၢ်အီၤဒီးစိာ်ကွံာ်အီၤလီၤ. အဝဲအံၤမ့ၢ်တၢ်အကတၢၢ်လၢကီၢ်ဘၤဘူၤလိၣ်အကစၢ်တဖၣ်အဂီၢ်လီၤ.

လံာ်ယၡါယၤ 49:18

ကွၢ်တရံးတၢ်ဝးဝးဒီးထံၣ်တၢ်လၢအမၤအသး န့ၣ်တက့ၢ်. နပှၤဂီၢ်မုၢ်တဖၣ်အိၣ်ဖှိၣ်ရိဖှိၣ်ဒီးဟဲက့ၤဆူနအိၣ်လံ. ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤအသိး ယစံးဘၣ်နၤ, နကပာ်ကဖၢလၢဘၣ်နသးလၢနပှၤဂီၢ်မုၢ်အဃိ, ပှဲၤသိးသိးဒီးတလးမူးပိာ်မုၣ်တဂၤပာ်ကဖၢလၢဘၣ်အသးလၢ အတၢ်မျၢ်ပလဲတဖၣ်အဃိလီၤ.

လံာ်ယၡါယၤ 52:1

ဝ့ၢ်ယရူၤၡလ့ၣ်ဧၢ, ဂံၢ်ဆူၣ်ဘါဆူၣ်ဒီး ဒိၣ်ကဒီးက့ၤနဲတက့ၢ်. ကစၢ်ယွၤအဝ့ၢ်စီဆှံဧၢ, ကူသိးထီၣ်နဲတၢ်ဃံဒိၣ်လၤဒိၣ်တ က့ၢ်. ပှၤတသ့ၣ်ညါယွၤတဟဲနုာ်ဘၣ်ကဒီး လၢနတြဲၤတဖၣ်အပူၤနီတစုဘၣ်.

လံာ်ယၡါယၤ 59:17

အဝဲကကူထီၣ်သိးထီၣ်တၢ်စံၣ်ညီၣ်တီဒ်ဆ့ကၤဖီခိၣ်သဃိးတဘ့ၣ် အသိးဒီးကကုာ်ထီၣ်တၢ်အုၣ်က့ၤခီၣ်က့ၤအစိကမီၤဒ်ခိၣ်ကုာ်သုး တဖျၢၣ်အသိးလီၤ. အဝဲကကူထီၣ်ကၤထီၣ်ဝဲတၢ်သးအိၣ် နီၢ်နီၢ်လၢတၢ်မၤလိၤမၤဘၣ်က့ၤတၢ်အဂီၢ်ဒီးကစံၣ်ညီၣ်ဒီး ဟ့ၣ်ကၣ်ဆၢက့ၤတၢ်ကမၣ်တဖၣ်လၢပှၤဂီၢ်မုၢ်တူၢ်ဘၣ်ဝဲန့ၣ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 61:5

ယပှၤဂီၢ်မုၢ်သ့ၣ်ဧၢ, ပှၤတခီဘီမုၢ်ဖိတဖၣ်ကမၤတၢ်ခ့တၢ်ပှၤ အတၢ်မၤလၢသုဂီၢ်လီၤ. အဝဲသ့ၣ်ကအံးထွဲကွၢ်ထွဲသုသိအဖုတဖၣ် ဒီးထူသုစံာ်သုပှဲၤဒီးကတဲာ်ကတီၤသုစပံးလီၢ်တဖၣ်လီၤ.

လံာ်ယံးရမံယၤ 10:11

(သုဝဲပှၤဂီၢ်မုၢ်, ကဘၣ်တဲဘၣ်အဝဲသ့ၣ်လၢကစၢ်တဖၣ်လၢ အတတ့လီၤဘၣ်ဟီၣ်ခိၣ်ဒီးမူခိၣ်န့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်လၢၤဘၣ်လၢဟီၣ်ခိၣ်အံၤနီတစုနီတတီၤ ဘၣ်န့ၣ်လီၤ.)

လံာ်ယံးရမံယၤ 10:15

အဝဲသ့ၣ်အလုၢ်အပှ့ၤတအိၣ်ဘၣ်ဒီးကြၢးဘၣ် တၢ်သးဘၣ်အၢအီၤလီၤ. ဖဲကစၢ်ဟဲလၢကသဂၢၢ်လိာ်အသးဒီးအဝဲသ့ၣ်န့ၣ်, အဝဲသ့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်ယံးရမံယၤ 25:19

အအံၤမ့ၢ် ပှၤအဂၤတဖၣ်လၢ အမံၤအိၣ်ကွဲးလီၤ အသးလၢကဘၣ်အီစ့ၢ်ကီးလီခီအံၤန့ၣ်လီၤ.

လံာ်ယံးရမံယၤ 43:13

အဝဲကမၤဟးဂီၤကွံာ်တၢ်သ့ၣ်နီၣ် အလၢၢ်စီဆှံတဖၣ်လၢ အအိၣ်ဖဲ ဝ့ၢ်ဟဲလံအီၣ်ဖိလံာ်လၢ ကီၢ်အဲၤကူပတူးအပူၤဒီး ကဒွဲၣ်အူထီၣ်ကွံာ် ပှၤအဲၤကူပတူးဖိ အကစၢ်တဖၣ် အတၢ်လုၢ်လီၢ်တဖၣ်န့ၣ်လီၤ.”

လံာ်ယံးရမံယၤ 46:25

ယွၤသ့တၢ်လၢာ်, အံၣ်စရ့လးအကစၢ်ယွၤစံးဝဲဒၣ်, ယကစံၣ်ညီၣ်ဝ့ၢ်သံဘံးအကစၢ်ဧၣ်မိၣ်, ဃုာ်ဒီး ကီၢ်အဲၤကူပတူးဒီး အကစၢ်တဖၣ်ဒီး အစီၤပၤတဖၣ်န့ၣ်လီၤ. ယကဟံးထီၣ်ကွံာ် ကီၢ်အဲၤကူပတူး အစီၤပၤဒီးကယဲၢ်ပှၤခဲ လၢာ်လၢ အပာ်အတၢ်နာ်လၢအပူၤ,

လံာ်ယံးရမံယၤ 48:7

ကီၢ်မိၤအးဧၢ, နနာ်လီၤန့ၢ်နဂံၢ်နဘါဒီးနတၢ်ထူးတၢ်တီၤန့ၣ်လီၤ. ဘၣ်ဆၣ်ဒီး အခဲအံၤ, နၤဒၣ်လဲာ်နကဘၣ် တၢ်မၤနၢၤမၤန့ၢ်ကွံာ်နၤန့ၣ်လီၤ. နကစၢ်ကမိၣ်ကဘၣ်လဲၤဆူ တၢ်မၢကဲကုၢ်အလီၢ် ဃုာ်ဒီးပဒိၣ်ပပှၢ်တဖၣ်ဒီး အပှၤလုၢ်တၢ်အခိၣ်တဖၣ်န့ၣ်လီၤ.

လံာ်ယံးရမံယၤ 49:27

ယကဒွဲၣ်အူကွံာ်ဝ့ၢ်ဒၤမ့ၤစ့းအဝ့ၢ်ခိၣ်ဒူတဖၣ်လၢ မ့ၣ်အူ, ဒီးဒွဲၣ်ကွံာ်စီၤပၤဘ့ၣ်ဟဒးအနူၢ်တဖၣ်လီၤ. ယၤ, ယွၤ, ယွၤသ့တၢ်လၢာ်, ကတိၤလံတၢ်လံ.”

လံာ်ယံးရမံယၤ 50:2

တဲဘၣ်ပှၤကလုာ်တဖၣ်လၢ တၢ်ကစီၣ်တက့ၢ်. “တဲဖျါထီၣ်အီၤတက့ၢ်. ဟ့ၣ်လီၤတၢ်ပနီၣ်ဒီးဘိးဘၣ်သ့ၣ်ညါတၢ်ကစီၣ် တဖၣ်တက့ၢ်. တဘၣ်ပာ်အီၤဒ်တၢ်ခူသူၣ်တမံၤအသိးတဂ့ၤ. ကီၢ်ဘၤဘူၤလိၣ်အတၢ်ဂီၤတၢ်ဖီၣ်တဖၣ်ဘၣ်တၢ်မၤမဲာ်ဆှးကွံာ်အီၤလံ. အတၢ်ဂီၤတၢ်ဖီၣ်လၢ အလီၤသးဘၣ်အၢတဖၣ်ဘၣ် တၢ်မၤလီၤသဘှံးကွံာ်အီၤလီၤ.

လံာ်ယံးရမံယၤ 51:44

ယကစံၣ်ညီၣ်ဘၤဘူၤလိၣ်အယွၤဘ့လးဒီး မၢအဟ့ၣ်က့ၤတၢ်ဖိတၢ်လံၤလၢ အဟုၣ်တ့ၢ်ဝဲတဖၣ်လီၤ. ပှၤကလုာ်တဖၣ်တဘူၣ်ထီၣ်ဘါထီၣ်လၢၤအီၤနီတစုလၢၤဘၣ်. ဝ့ၢ်ဘၤဘူၤလိၣ်အခိၣ်ဒူတဖၣ်လီၤပှီၢ်လံ.

လံာ်ယဃ့းစက့လး 29:11

ပှၤကညီမ့ၢ်ဂ့ၤ ဆၣ်ဖိကီၢ်ဖိမ့ၢ်ဂ့ၤ တလဲၤခီဖျိဘၣ်အီၤဘၣ်. လၢအနံၣ်လွံၢ်ဆံအတီၢ်ပူၤတၢ်တအိၣ်ဆိးဖဲန့ၣ်နီတမံၤဘၣ်.

လံာ်ယဃ့းစက့လး 29:19

အဃိသတးဒီး, ခဲကနံၣ်အံၤ, တၢ်အံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယဟ့ၣ်လီၤကွံာ် ကီၢ်အဲၤကူပတူးဆူစီၤပၤနဘူၤကးန့စၢ်အအိၣ်လံ. အဝဲကဂုာ်န့ၢ်ဒီးဟံးန့ၢ်ဆူၣ်ဒီးစိာ်ထီၣ်ကွံာ်ကယဲၢ် ကီၢ်အဲၤကူပတူးအတၢ်ထူးတၢ်တီၤ ခဲလၢာ်ဒ်အမ့ၢ်တၢ်ဘူး တၢ်လဲလၢအဝဲအသုးမုၢ်အဂီၢ်န့ၣ်လီၤ.

လံာ်ယဃ့းစက့လး 30:13

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကမၤဟးဂီၤကွံာ်တၢ်ဂီၤ တၢ်ဖီၣ်တဖၣ်ဒီးယွၤအတမ့ၢ်တတီတဖၣ်လၢဝ့ၢ်မဲဖံးအပူၤန့ၣ်လီၤ. ပှၤလၢအကပၢကီၢ်အဲၤကူပတူး တအိၣ်လၢၤ နီတဂၤဘၣ်ဒီးယကမၤပျံၤမၤဖုးကယဲၢ်ပှၤဂီၢ်မုၢ်ခဲလၢာ်န့ၣ်လီၤ.

လံာ်ဒၤနံးယ့လး 11:8

ကဟဲစိာ်ကဒါက့ၤဝဲအကစၢ်တဖၣ်အက့ၢ်အဂီၤတဖၣ်, ထူဒီးစ့အပီးအလီတဖၣ်လၢတၢ်လုၢ်ထီၣ်တ့ၢ်အီၤဆူအကစၢ် တဖၣ်န့ၣ်, ဆူကီၢ်အဲၤကူပတူးလီၤ. ဒီးလၢတၢ်ဃူတၢ်မုာ်အိၣ်ဝဲတဘျုးနံၣ်အလီၢ်ခံ

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.

ရိမ့ၤ 13:12

မုၢ်နၤကလၢာ်တ့ၢ်ဒီးမုၢ်ဆါကတုၤဃီၤဘူးထီၣ်လံ. မ်ပကဆိကတီၢ်ပတၢ်မၤတၢ်ခံးတၢ်နၤအတၢ်မၤတဖၣ်, ဒီးဟံးထီၣ်သကိးစုကဝဲၤတဖၣ်လၢပကဒုးတၢ်လၢတၢ် ကပီၤအပူၤအဂီၢ်န့ၣ်တက့ၢ်.

အ့းဖ့းစူး 4:24

ဒီးသုဘၣ်ကူထီၣ်သိးထီၣ်နီၢ်အသီ, လၢအဘၣ်တၢ်တ့လီၤအီၤလီၤဂာ်ဒီးကစၢ်ယွၤ, ဒီးလီၣ်ဖျါထီၣ်အသးလၢတၢ်အိၣ်မူလၢအမ့ၢ်အတီ အပူၤ, လၢအစီဝဲဆှံဝဲဒီးတီဝဲလိၤဝဲန့ၣ်လီၤ.

အ့းဖ့းစူး 6:11

ကူထီၣ်သိးထီၣ်တၢ်ဒုးသုးအကူအသိးခဲလၢာ်လၢကစၢ်ယွၤ ဟ့ၣ်သုဒ်သိးဒီးသုတြီဆၢမုၣ်ကီၤလံၢ်အတၢ်လီတၢ်ဝ့ၤကသ့ အဂီၢ်န့ၣ်တက့ၢ်.

ကလီးစဲ 3:12

သုမ့ၢ်ကစၢ်ယွၤအပှၤဂီၢ်မုၢ်ပှၤလၢယွၤအဲၣ်ဒိးဃုထၢထီၣ်အီၤ လၢအကမ့ၢ်အတၢ်ဒၣ်ဝဲလီၤ. လၢတၢ်န့ၣ်အဃိ, ကူထီၣ်သိးထီၣ်တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်ဆီၣ်လီၤသး, တၢ်ပာ်သးကပုာ်လုး, တၢ်ဝံသးစူၤတဖၣ်တက့ၢ်.

ကလီးစဲ 3:14

လၢတၢ်ခဲလၢာ်အဖီခိၣ်န့ၣ်, ပာ်ဖှိၣ်အါထီၣ်တၢ်အဲၣ်တၢ်ကွံလၢ အမ့ၢ်တၢ်လၢအစၢဖှိၣ်ဒီးဒုးကဲထီၣ်တၢ်ခဲလၢာ်လၢတၢ်တမံၤဃီ လၢလၢပှဲၤပှဲၤန့ၣ်တက့ၢ်.