လံာ်ယံးရမံယၤ 43:11 - Sgaw Karen Common Bible

¹¹ စီၤနဘူၤကးန့ စၢ်ကဟဲဒီး မၤနၢၤကီၢ်အဲၤကူပတူးန့ၣ်လီၤ. ပှၤဂီၢ်မုၢ်တဖၣ်လၢ ကဘၣ်တၢ်စံၣ်ညီၣ်ဃါ မနၤလၢ ကဘၣ်သံလၢ တၢ်ဆူးတၢ်ဆါအဃိန့ၣ် ကသံလၢ တၢ်ဆူးတၢ်ဆါ, ပှၤတဖၣ်လၢ ကဘၣ်တၢ်စံၣ်ညီၣ်ဃါ မနၤလၢ တၢ်စိာ်မၢကဲကုၢ်ကဘၣ် တၢ်စိာ်မၢကဲကုၢ်ကွံာ်အီၤ, ဒီး ပှၤတဖၣ်လၢ ကဘၣ်တၢ်စံၣ်ညီၣ်ဃါမနၤလၢ ကဘၣ်သံ လၢ တၢ်ဒုးအပူၤန့ၣ်, ကဘၣ်တၢ်မၤသံအီၤလၢ တၢ်ဒုးအပူၤန့ၣ်လီၤ.

လံာ်ယံးရမံယၤ 43:11 Iomraidhean Croise

လံာ်စီၤယိၤဘး 20:29

အဝဲအံၤမ့ၢ်ပှၤတတီတလိၤတဖၣ်အတၢ်ဟဲဝံဒီးတၢ်န့ၢ်သါလၢ ကစၢ်ယွၤပာ်လီၤအီၤလၢအဝဲသ့ၣ်အဂီၢ်န့ၣ်လီၤ.

လံာ်ယံးရမံယၤ 15:2

ဖဲအဝဲသ့ၣ်သံကွၢ်နၤလၢအဝဲသ့ၣ်ကဘၣ်လဲၤဖဲလဲၣ်န့ၣ်, တဲဘၣ် အဝဲသ့ၣ်လၢယစံးယဲဒ်အံၤတက့ၢ်. အဝဲသ့ၣ်တနီၤလၢကသံလၢတၢ်ဆူးတၢ်ဆါအဃိဃါမနၤန့ၣ်, ကလဲၤဆူတၢ်ဆူးတၢ်ဆါအအိၣ်, ပှၤအဂၤတဖၣ်လၢကသံလၢတၢ်ဒုးတၢ်ယၤအပူၤ ဃါမနၤန့ၣ်, ကလဲၤဆူတၢ်ဒုးတၢ်ယၤအပူၤ, ပှၤအဂၤတနီၤလၢကသံလၢတၢ်သၣ်ဝံၤလီၤဒိအဃိ ဃါမနၤန့ၣ်, ကလဲၤဆူတၢ်သၣ်ဝံၤလီၤဒိအအိၣ်, ပှၤအဂၤတဖၣ်လၢကဘၣ်တၢ်စိာ်မၢကဲကုၢ်အီၤဒ်ပှၤဘၣ်တၢ်စၢဃာ် တဖၣ်ဃါမနၤန့ၣ်, ကလဲၤဆူတၢ်စိာ်မၢကဲကုၢ်အလီၢ်န့ၣ်လီၤ.

လံာ်ယံးရမံယၤ 25:15

ယွၤ, အံၣ်စရ့လး အကစၢ်ယွၤ, စံးဘၣ်တ့ၢ်ယၤ, “အအံၤမ့ၢ် စပံးထံအလီခီတဖျၢၣ်လၢ အပှဲၤဒီးယတၢ်သးကဲၤထီၣ်န့ၣ်လီၤ. ပှၤကလုာ်ခဲလၢာ်လၢယမၢလီၤနၤဒ်သိး နကလဲၤဆူအအိၣ်န့ၣ်, လဲၤစိာ်န့ၢ်အီၤဒီး မၢအဝဲသ့ၣ်အီအီၤတက့ၢ်.

လံာ်ယံးရမံယၤ 25:19

အအံၤမ့ၢ် ပှၤအဂၤတဖၣ်လၢ အမံၤအိၣ်ကွဲးလီၤ အသးလၢကဘၣ်အီစ့ၢ်ကီးလီခီအံၤန့ၣ်လီၤ.

လံာ်ယံးရမံယၤ 42:22

လၢတၢ်န့ၣ်အဃိ, သ့ၣ်နီၣ်ထီၣ်တၢ်အံၤတက့ၢ်. သုကသံလၢ တၢ်ဒုးအပူၤ, မ့တမ့ၢ် လၢတၢ်သၣ်ဝံၤလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိလၢ ကီၢ်တဘ့ၣ်လၢ သုသးအိၣ်လဲၤအိၣ်လဲၤဆိးလၢ အပူၤန့ၣ်လီၤ.”

လံာ်ယံးရမံယၤ 44:12

မ့မ့ၢ်ကီၢ်ယူဒၤအပှၤဂီၢ်မုၢ်လၢ အအိၣ်လီၤတဲာ်ဒီး ပာ်လီၤတ့ၢ်အသးလၢကလဲၤအိၣ်လဲၤ ဆိးလၢ ကီၢ် အဲၤကူပတူးအပူၤတဖၣ်န့ၣ်, ယကမၤတုၤအဝဲသ့ၣ် ခဲလၢာ်ဟးဂီၤကွံာ်ဝဲန့ၣ်လီၤ. အဝဲသ့ၣ်ခဲလၢာ်, ဒိၣ်မ့ၢ်ဂ့ၤဆံးမ့ၢ်ဂ့ၤ. ကသံလၢကီၢ်အဲၤကူပတူးအပူၤ, ခီဖျိလၢ တၢ်ဒုးတၢ်ယၤအပူၤ မ့တမ့ၢ် လၢတၢ်သၣ်ဝံၤလီၤဒိအဃိန့ၣ်လီၤ. အဝဲသ့ၣ် ကကဲထီၣ်တၢ်ထံၣ်ဘၣ်အလီၢ်တတီၤလၢ အလီၤပျံၤလီၤဖုးလီၤ. ပှၤဂီၢ်မုၢ်ကနံၤဘၣ်ဖၣ်လဲ အီၤဒီးသူအမံၤဒ် တၢ်ဆိၣ်အၢတမံၤအသိးန့ၣ်လီၤ.

လံာ်ယံးရမံယၤ 44:13

ယကစံၣ်ညီၣ်ပှၤတဖၣ်လၢ အအိၣ်ဆိးလၢ ကီၢ်အဲၤကူပတူး အပူၤ, ဒ်သိးဒၣ်ယစံၣ်ညီၣ်ဝ့ၢ်ယရူၤရှလ့ၣ်ခီဖျိတၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးတၢ်ဆူးတၢ်ဆါန့ၣ်လီၤ.

လံာ်ယဃ့းစက့လး 29:11

ပှၤကညီမ့ၢ်ဂ့ၤ ဆၣ်ဖိကီၢ်ဖိမ့ၢ်ဂ့ၤ တလဲၤခီဖျိဘၣ်အီၤဘၣ်. လၢအနံၣ်လွံၢ်ဆံအတီၢ်ပူၤတၢ်တအိၣ်ဆိးဖဲန့ၣ်နီတမံၤဘၣ်.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်စကၤရယၤ 11:9

အန့ၣ်ဝံၤဒီး, ယစံးဘၣ်သိတဖုန့ၣ်, “ယတမ့ၢ်သုပှၤကွၢ်သိ လၢၤဘၣ်. မ်ပှၤလၢအကသံန့ၣ်ကသံဒၣ်ဝဲတက့ၢ်. မ်ပှၤလၢအကဘၣ်တၢ်မၤဟးဂီၤကွံာ်အီၤန့ၣ် ကဘၣ်တၢ်မၤဟးဂီၤကွံာ်အီၤတက့ၢ်. ဒီးပှၤလၢအအိၣ်လီၤတဲာ်တ့ၢ်တဖၣ်န့ၣ်ကမၤဟးဂီၤလိာ်အသးတဂၤ ဒီးတဂၤလီၤ.”

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.