လံာ်ယံးရမံယၤ 42:6 - Sgaw Karen Common Bible

⁶ တၢ်ဘၣ်ပှၤမုာ်မ့ၢ်ဂ့ၤ, တမုာ်မ့ၢ်ဂ့ၤ ပကစူၢ်ယွၤပကစၢ် ယွၤလၢ ပမၢနဃ့ဘါထုကဖၣ်ဆူ အအိၣ်လၢပဂီၢ်န့ၣ် လီၤ. ပမ့ၢ်စူၢ်အီၤဒီး, တၢ်ခဲလၢာ်ကလဲၤအသးဂ့ၤဂ့ၤဘၣ် ဘၣ်လၢပဂီၢ်န့ၣ်လီၤ.”

လံာ်ယံးရမံယၤ 42:6 Iomraidhean Croise

စံးထီၣ်ပတြၢၤ 128:2

နကအီၣ်နစုအတၢ်ဖံးတၢ်မၤအတၤသၣ်, နကသူၣ်ဖှံသးညီဒီးနကအိၣ်မုာ်လီၤ.

စံးထီၣ်ပတြၢၤ 78:36

ဘၣ်ဆၣ်ဒီးအဝဲသ့ၣ်လီန့ၢ်အီၤလၢအထးခိၣ်, ဒီးကတိၤကဘျံးကဘျၣ်တၢ်ဒီးအီၤလၢအပျ့ၤန့ၣ်လီၤ.

လံာ်တၢ်ဟးထီၣ်ကွံာ် 24:7

အန့ၣ်ဝံၤဒီး, အဝဲဟံးန့ၢ်လံာ်တၢ်အၢၣ်လီၤအီလီၤလၢယွၤအတၢ် မၤလိာ်တဖၣ်အိၣ်ကွဲးအသးလၢအပူၤ, ဒီးဖးထီၣ်အီၤလၢအကလုၢ်ဒိၣ်ဒိၣ်ဆူပှၤဂီၢ်မုၢ်အအိၣ်လီၤ. ဒီးပှၤဂီၢ်မုၢ်စံးဝဲဒၣ်, “ပကစူၢ်ယွၤအကလုၢ်ဒီးမၤကယဲၢ်တၢ်လၢ အမၤလိာ်ဝဲကိးမံၤဒဲးန့ၣ်လီၤ.”

လံာ်ယၡါယၤ 3:10

ပှၤအတီအလိၤတဖၣ်ကသူၣ်ဖှံသးညီဒီးတၢ်ခဲလၢာ်ကလဲၤအသး ဂ့ၤဂ့ၤဘၣ်ဘၣ်လၢအဝဲသ့ၣ်အဂီၢ်လီၤ. အဝဲသ့ၣ်ကမုာ်လၤသးခု ဘၣ်ဝဲလၢတၢ်လၢအမၤတ့ၢ်ဝဲအဃိန့ၣ်လီၤ.

လံာ်ယံးရမံယၤ 22:15

နမ့ၢ်သူၣ်ထီၣ်ဟံၣ်တဖၣ်လၢသ့ၣ်ဆှိအ့ရ့းလၢအဂ့ၤန့ၢ်ဒံးပှၤအဂၤ အဟံၣ်တဖၣ်ဒီး, တၢ်န့ၣ်ကဒုးကဲထီၣ်နၤလၢစီၤပၤအဂ့ၤအါဒိၣ်တဂၤဧါ. နပၢ်မုာ်လၤသးခုလၢတၢ်အိၣ်မူအလၢအပှဲၤလီၤ. ထီဘိတထံၣ်ဃီန့ၣ်, အဝဲစံၣ်ညီၣ်တီတၢ်ဒီးတကွၢ်မဲာ်တၢ်ဘၣ်. ဒီးအဝဲဘီၣ်ထီၣ်ညီထီၣ်တ့ၢ်လၢတၢ်ကိးမံၤဒဲးလၢအဝဲမၤတ့ၢ်ဝဲအပူၤန့ၣ်လီၤ.

လံာ်ယံးရမံယၤ 43:4

လၢတၢ်န့ၣ်အဃိ, စီၤယိဃၤနၣ်မ့ၢ်ဂ့ၤ, သုးမုၢ်အသုးခိၣ်သုး နၢ်တဖၣ်မ့ၢ်ဂ့ၤ, ပှၤဂီၢ်မုၢ်မ့ၢ်ဂ့ၤ, တစူၢ်ယွၤအတၢ်မၤလိာ်ဒ်သိး ကအိၣ်လီၤတဲာ်လၢ ကီၢ်ယူဒၤအပူၤ, နီတဂၤဘၣ်.

လံာ်ယံးရမံယၤ 7:23

မ့မ့ၢ်, ယမၤလိာ်တ့ၢ်အဝဲသ့ၣ်လၢကစူၢ်ယၤ, ဒ်သိးယကမ့ၢ်အဝဲသ့ၣ်အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်အဂီၢ်န့ၣ်လီၤ. ဒီးယစံးဘၣ်တ့ၢ်အဝဲသ့ၣ်လၢကအိၣ်မူဒ် ကျဲလၢယမၤလိာ်တ့ၢ်အဝဲသ့ၣ်အသိး, ဒ်သိးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ် လၢအဝဲသ့ၣ်အဂီၢ်န့ၣ်လီၤ.

ရိမ့ၤ 7:13

မ့မ့ၢ်ဒ်န့ၣ်ဒီး, တၢ်အဝဲအံၤမ့ၢ်ပကပာ်အခီပညီလၢတၢ် အဂ့ၤတမံၤမၤသံကွံာ်ယၤန့ၣ်ဧါ. တမ့ၢ်ဒ်န့ၣ်လ့ၤတက့ၤဘၣ်. မ့မ့ၢ်တၢ်ဒဲးဘးမၤသံယၤခီဖျိတၢ်သူတၢ်အဂ့ၤ, ဒ်သိးတၢ်ဒဲးဘးအက့ၢ်အဂီၤနီၢ်နီၢ်ကဘၣ်တၢ်လီၣ်ဖျါထီၣ် အီၤအဂီၢ်လီၤ. သတးဒီး, ခီဖျိတၢ်မၤလိာ်န့ၣ်, တၢ်ဒဲးဘးဘၣ်တၢ်ဒုးနဲၣ်အီၤဒ်အမ့ၢ်တၢ်လၢအအၢဒိၣ်န့ၣ် အလီၢ်တက့ၢ်န့ၣ်လီၤ.

ရိမ့ၤ 7:7

မ့မ့ၢ်ဒ်န့ၣ်ဒီး, ပကစံးဒ်လဲၣ်. တၢ်သိၣ်တၢ်သီအိၣ်ဒၣ်အတၢ် န့ၣ်မ့ၢ်တၢ်ဒဲးဘးဧါ. တမ့ၢ်ဒ်န့ၣ်ဘၣ်. ဘၣ်ဆၣ်တၢ်သိၣ်တၢ်သီမ့ၢ်တၢ်လၢအဒုးသ့ၣ်ညါ ယၤတၢ်ဒဲးဘးမ့ၢ်တၢ်မနုၤလဲၣ်န့ၣ်လီၤ. တၢ်သိၣ်တၢ်သီမ့ၢ် တစံး “သူၣ်လီသးကွံတၢ်တဂ့ၤ” ဒီးတၢ်သူၣ်လီ သးကွံမ့ၢ်တၢ်မနုၤလဲၣ်န့ၣ် တမ့ၢ်ယကသ့ၣ်ညါဘၣ်.

ရိမ့ၤ 8:7

လၢတၢ်န့ၣ်အဃိ, ပှၤဟီၣ်ခိၣ်ဖိတဂၤကဲထီၣ်ကစၢ်ယွၤ အဒုၣ်အဒါဖဲအဝဲအတၢ်ဆိကမိၣ်ဆိကမးဘၣ်တၢ်ပၢ ဆှၢအီၤလၢပှၤဟီၣ်ခိၣ်ဖိအန့ဆၢၣ်န့ၣ်လီၤ. အဂ့ၢ်ဒ်လဲၣ်န့ၣ် အဝဲတကစၢ်ယွၤအတၢ်သိၣ်တၢ်သီဘၣ်. နီၢ်နီၢ်န့ၣ်စူၢ်ဝဲ တကဲဘၣ်န့ၣ်လီၤ.

လံာ်သိၣ်လီၤသီလီၤတၢ် 5:27

စီၤမိၤၡ့ဧၢ, က့ၤကဒါက့ၤ, ဒီးဒိကနၣ်တၢ်လၢယွၤ, ပကစၢ်ယွၤစံးဝဲခဲလၢာ်တက့ၢ်. အန့ၣ်ဝံၤဒီးဟဲကဒါက့ၤဒီး တဲဘၣ်ပှၤတၢ်လၢအဝဲဒၣ်စံးဘၣ်တ့ၢ်နၤတက့ၢ်. ပကဒိကနၣ်ဒီးစူၢ်အီၤန့ၣ်လီၤ.

လံာ်သိၣ်လီၤသီလီၤတၢ် 5:29

ထီဘိအဝဲသ့ၣ်မ့ၢ်ပာ်သူၣ်ပာ်သးဒၣ်ဒ်သိးအံၤဧိၤ, အဝဲသ့ၣ်မ့ၢ်မၤလၤကပီၤဒၣ်ထဲယၤတဂၤအံၤဧိၤ, ဒီးစူၢ်ကယဲၢ်ယတၢ်မၤလိာ်တဖၣ်န့ၣ်, တၢ်ကိးမံၤဒဲးကမၤအသးဂ့ၤ ဂ့ၤဘၣ်ဘၣ်လၢအဝဲသ့ၣ်အဂီၢ်ဒီးလၢအဝဲသ့ၣ်အစၢၤအသွဲၣ်တဖၣ်အဂီၢ် လီၤထူလီၤယိာ်န့ၣ်လီၤ.

လံာ်သိၣ်လီၤသီလီၤတၢ် 5:33

စူၢ်အီၤကိးထံၣ်ဒဲး, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤ ဘၣ်ဘၣ်လၢသုဂီၢ်ဒီးဒ်သိးသုကအိၣ်ဆိးဘၣ်ဒံးဆူညါလၢကီၢ် တဘ့ၣ်လၢသုကလဲၤနုာ်လီၤမၤန့ၢ်အီၤအပူၤအဂီၢ်န့ၣ်တက့ၢ်.

လံာ်စီၤယိၤၡူ 24:24

အန့ၣ်ဒီး, ပှၤဂီၢ်မုၢ်စံးဘၣ်စီၤယိၤၡူ, “ပကမၤပကစၢ်အတၢ်, ဒီးပကဒိကနၣ်အကလုၢ်န့ၣ်လီၤ.”