လံာ်ယံးရမံယၤ 42:4 - Sgaw Karen Common Bible

⁴ ယစံးဆၢယဲ, “မ့မ့ၢ်ဒ်န့ၣ်ဒီး, ဂ့ၤလံ. ယကဃ့ထုကဖၣ်ဆူ ယွၤပကစၢ် ယွၤဒ်သုမၢတ့ၢ်ယၤအသိး, ဒီၤဖဲတၢ်လၢအဝဲစံးဝဲ တမံၤဂ့ၤတမံၤဂ့ၤန့ၣ်, ယကတဲဘၣ်သုလီၤ. ယတပာ်တဒၢ တၢ်လၢသုနီတမံၤဘၣ်.”

လံာ်ယံးရမံယၤ 42:4 Iomraidhean Croise

စံးထီၣ်ပတြၢၤ 40:10

ယတပာ်ခူသူၣ်နတၢ်မၤပူၤဖျဲးအဂ့ၢ်လၢ ယသးပူၤန့ၣ်ဘၣ်. ယစံးဘၣ်တဲဘၣ်လံယဲနတၢ်သူၣ်တီသးလိၤဒီး နတၢ်မၤပူၤမၤဖျဲးအဂ့ၢ်န့ၣ်လံ. ယတပာ်ခူသူၣ်နတၢ်အဲၣ်ဂၢၢ်ကျၢၤဒီး နတၢ်သူၣ်တီသးလိၤအဂ့ၢ် လၢပှၤဂီၢ်မုၢ်အတၢ်အိၣ်ဖှိၣ်ရိဖှိၣ်န့ၣ်ဘၣ်.

လံာ်တၢ်ဟးထီၣ်ကွံာ် 8:29

စီၤမိၤၡ့စံးဆၢဝဲဒၣ်, “တုၤယဟးထီၣ်လၢနအိၣ်တဘျီဃီန့ၣ်ယကဃ့ ကညးယွၤဒ်သိးသၣ်ဘုလါတဖၣ်ကဟးထီၣ်ကွံာ်လၢနလိၤ, ဒီးလၢနပဒိၣ်ပပှၢ်တဖၣ်ဒီးလၢနပှၤဂီၢ်မုၢ်အလိၤန့ၣ်လီၤ. ဘၣ်ဆၣ်ဒီးနတဘၣ်လီန့ၢ်ကဒီးပှၤဒီးတြီပှၤဂီၢ်မုၢ်လၢကလဲၤလုၢ် တၢ်ပာ်တၢ်ဆူယွၤအအိၣ်န့ၣ်ဘၣ်.”

လံာ်ယံးရမံယၤ 23:28

ဝံတဂၤလၢအအိၣ်ဒီးတၢ်မံမီၢ်တမံၤန့ၣ်, ကြၢးစံးဝဲလၢတၢ်အံၤ မ့ၢ်ဒၣ်တၢ်မံမီၢ်ဧိၤန့ၣ်လီၤ. ဘၣ်ဆၣ်ဒီးဝံတဂၤလၢအနၢ်ဟူတ့ၢ် ယတၢ်ကစီၣ်န့ၣ်, ကြၢးစံးဘၣ်တဲဘၣ်တၢ်ကစီၣ်အဝဲန့ၣ်လၢတၢ်သးတီအပူၤန့ၣ်လီၤ. တၢ်ထိၣ်သတြီၤဘုလီၢ်ဒီးဘုကၠူၣ်န့ၣ်ကမၤဂ့ၤတၢ်မနုၤလဲၣ်.

လံာ်ယံးရမံယၤ 23:35

လၢတၢ်န့ၣ်အလီၢ်, ပှၤတဂၤဒီးတဂၤကြၢးသံကွၢ်ဒၣ် အတံၤသကိးတဖၣ်ဒီးအဘူးအတံၢ်တဖၣ်လၢ, ‘ယွၤဟ့ၣ်တၢ်စံးဆၢမနုၤလဲၣ်. ယွၤစံးတ့ၢ်တၢ်မနုၤလဲၣ်’ န့ၣ်လီၤ.

လံာ်ယံးရမံယၤ 26:2

ယွၤစံးဘၣ်တ့ၢ်ယၤ, “ဆၢထၢၣ်လၢယွၤအတၢ်လုၢ်ဟံၣ်အဂၢၤ ပူၤဒီးတဲဖျါထီၣ် ကယဲၢ်တၢ်ခဲလၢာ်လၢ ယမၤလိာ်နၤလၢ နကစံးဘၣ် ပှၤဂီၢ်မုၢ်လၢ အဟဲလၢကီၢ်ယူဒၤအဝ့ၢ်တဖၣ်လၢ ကဘူၣ်တၢ်ဘါတၢ်ဖဲန့ၣ်တက့ၢ်. ပာ်တ့ၢ်တၢ်နီတမံၤတဂ့ၤ.

လံာ်ယဃ့းစက့လး 2:7

တၢ်တမံၤဂ့ၤတမံၤဂ့ၤလၢယတဲဘၣ်နၤလၢနကဘၣ်စံးကတိၤအီၤန့ၣ်, အဝဲသ့ၣ်ဒိကနၣ်ဝဲမ့ၢ်ဂ့ၤ, တဒိကနၣ်ဝဲမ့ၢ်ဂ့ၤနကဘၣ်တဲဘၣ်အဝဲ သ့ၣ်န့ၣ်လီၤ. သ့ၣ်နီၣ်ထီၣ်က့ၤလၢအဝဲသ့ၣ်မ့ၢ်ပှၤပူထီၣ်တၢ်ဖိ တဖၣ်ဒ်လဲၣ်န့ၣ်တက့ၢ်.

မၤတၢ် 20:20

သုသ့ၣ်ညါလၢ, ဖဲယစံၣ်တဲၤတဲလီၤန့ၢ်သုတၢ်ဒီးသိၣ်လိသီလိသုလၢ ကမျၢၢ်အကျါမ့ၢ်ဂ့ၤ, လၢသုဟံၣ်သုဃီပူၤမ့ၢ်ဂ့ၤ, တၢ်တမံၤလၢ်လၢ်လၢအကကဲထီၣ်တၢ်မၤစၢၤလၢသုဂီၢ်န့ၣ်, ယတပာ်ခူသူၣ်ယဲနီတမံၤဘၣ်န့ၣ်လီၤ.

မၤတၢ် 20:27

အဂ့ၢ်ဒ်အံၤ, တၢ်လၢကစၢ်ယွၤတိာ်ပာ်ဝဲခဲလၢာ်ခဲဆ့န့ၣ်, ယတပာ်ခူသူၣ်ယဲဘၣ်ဒီးဘိးဘၣ်သ့ၣ်ညါသုလီၤ.

ရိမ့ၤ 10:1

ယဒီပုၢ်ဝဲၢ်သ့ၣ်ဧၢ, ယသးအတၢ်ဆၢန့ၢ်ဘၣ်လၢယသးဒီဖျၢၣ်ညါဒီး ယတၢ်ဃ့ထုကဖၣ်ကစၢ်ယွၤလၢယပှၤကလုာ်ဒၣ်ယဲအဂီၢ်, မ့ၢ်ဒၣ်ဒ်သိးအဝဲသ့ၣ်ကတုၤလၢတၢ်အုၣ်က့ၤခီၣ်က့ၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.