လံာ်ယံးရမံယၤ 42:22 - Sgaw Karen Common Bible

²² လၢတၢ်န့ၣ်အဃိ, သ့ၣ်နီၣ်ထီၣ်တၢ်အံၤတက့ၢ်. သုကသံလၢ တၢ်ဒုးအပူၤ, မ့တမ့ၢ် လၢတၢ်သၣ်ဝံၤလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိလၢ ကီၢ်တဘ့ၣ်လၢ သုသးအိၣ်လဲၤအိၣ်လဲၤဆိးလၢ အပူၤန့ၣ်လီၤ.”

လံာ်ယံးရမံယၤ 42:22 Iomraidhean Croise

လံာ်ယၡါယၤ 30:3

ဘၣ်ဆၣ်ဒီးစီၤပၤအစိကမီၤကလၢာ်ကွံာ်ဝဲလၢတၢ်မၤစၢၤ အဝဲသ့ၣ်အဂီၢ်လီၤ. ဒီးကီၢ်အဲၤကူပတူးအတၢ်ဒီဒၣ်အိၣ်ပှိၤကလဲၤ ကတၢၢ်လၢတၢ်ကီတၢ်ခဲဖးဒိၣ်အပူၤလီၤ.

လံာ်ယံးရမံယၤ 24:10

ယကဟဲစိာ်တၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါလၢ အဝဲသ့ၣ်အဖီခိၣ်တုၤလီၤလၢပှၤတအိၣ်လီၤတဲာ်တ့ၢ်နီတဂၤလၢၤဘၣ် လၢထံကီၢ်လၢယဟ့ၣ်လီၤတ့ၢ်အဝဲသ့ၣ်ဒီးအမိၢ်ပၢ်ဖံဖုလၢပျၢၤ တဖၣ်အပူၤဘၣ်န့ၣ်လီၤ.”

လံာ်ယံးရမံယၤ 42:17

ပှၤဂီၢ်မုၢ်လၢ အပာ်လီၤအသးလၢ ကလဲၤအိၣ်လဲၤဆိးလၢ ကီၢ်အဲၤကူပတူးအပူၤခဲလၢာ်န့ၣ်, ကသံဝဲလၢတၢ်ဒုးတၢ်ယၤအပူၤ မ့တမ့ၢ်တၢ်သၣ်ဝံလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိန့ၣ်လီၤ. ပှၤတအိၣ်မူလီၤတဲာ်ဘၣ် နီတဂၤဘၣ်, ဒီးတပူၤဖျဲးဒီး တၢ်တတၢးတနါလၢ ယကဒုးဘၣ်အဝဲ သ့ၣ်န့ၣ်, နီတဂၤဘၣ်.’

လံာ်ယံးရမံယၤ 43:11

စီၤနဘူၤကးန့ စၢ်ကဟဲဒီး မၤနၢၤကီၢ်အဲၤကူပတူးန့ၣ်လီၤ. ပှၤဂီၢ်မုၢ်တဖၣ်လၢ ကဘၣ်တၢ်စံၣ်ညီၣ်ဃါ မနၤလၢ ကဘၣ်သံလၢ တၢ်ဆူးတၢ်ဆါအဃိန့ၣ် ကသံလၢ တၢ်ဆူးတၢ်ဆါ, ပှၤတဖၣ်လၢ ကဘၣ်တၢ်စံၣ်ညီၣ်ဃါ မနၤလၢ တၢ်စိာ်မၢကဲကုၢ်ကဘၣ် တၢ်စိာ်မၢကဲကုၢ်ကွံာ်အီၤ, ဒီး ပှၤတဖၣ်လၢ ကဘၣ်တၢ်စံၣ်ညီၣ်ဃါမနၤလၢ ကဘၣ်သံ လၢ တၢ်ဒုးအပူၤန့ၣ်, ကဘၣ်တၢ်မၤသံအီၤလၢ တၢ်ဒုးအပူၤန့ၣ်လီၤ.

လံာ်ယံးရမံယၤ 44:12

မ့မ့ၢ်ကီၢ်ယူဒၤအပှၤဂီၢ်မုၢ်လၢ အအိၣ်လီၤတဲာ်ဒီး ပာ်လီၤတ့ၢ်အသးလၢကလဲၤအိၣ်လဲၤ ဆိးလၢ ကီၢ် အဲၤကူပတူးအပူၤတဖၣ်န့ၣ်, ယကမၤတုၤအဝဲသ့ၣ် ခဲလၢာ်ဟးဂီၤကွံာ်ဝဲန့ၣ်လီၤ. အဝဲသ့ၣ်ခဲလၢာ်, ဒိၣ်မ့ၢ်ဂ့ၤဆံးမ့ၢ်ဂ့ၤ. ကသံလၢကီၢ်အဲၤကူပတူးအပူၤ, ခီဖျိလၢ တၢ်ဒုးတၢ်ယၤအပူၤ မ့တမ့ၢ် လၢတၢ်သၣ်ဝံၤလီၤဒိအဃိန့ၣ်လီၤ. အဝဲသ့ၣ် ကကဲထီၣ်တၢ်ထံၣ်ဘၣ်အလီၢ်တတီၤလၢ အလီၤပျံၤလီၤဖုးလီၤ. ပှၤဂီၢ်မုၢ်ကနံၤဘၣ်ဖၣ်လဲ အီၤဒီးသူအမံၤဒ် တၢ်ဆိၣ်အၢတမံၤအသိးန့ၣ်လီၤ.

လံာ်ယဃ့းစက့လး 33:27

တဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ်, ဟ့ၣ်ပလီၢ်အဝဲသ့ၣ်လၢ, ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤ အသိးန့ၣ်, ယစံးယဲလၢပှၤဂီၢ်မုၢ်လၢအအိၣ်ဆိးလၢဝ့ၢ်တဖၣ် လၢအဟးဂီၤအပူၤန့ၣ်, ကဘၣ်တၢ်မၤသံအီၤန့ၣ်လီၤ. ပှၤတဖၣ်လၢအအိၣ်ဆိးလၢခိခိၣ်ပှၢ်လၢ်ကျါန့ၣ်, ကဘၣ်တၢ်အီၣ်ကွံာ်အီၤ လၢဆၣ်ဖိကီၢ်ဖိအမံၤတဖၣ်န့ၣ်လီၤ. ပှၤတဖၣ်လၢအအိၣ်ခူသူၣ် လၢကစၢၢ်ကလိတဖၣ်ဒီးလၢၢ်ကအိပူၤတဖၣ်န့ၣ်, ကသံလၢ တၢ်ဆါအဃိန့ၣ်လီၤ.

လံာ်ယဃ့းစက့လး 6:11

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, တၢၤပံာ်ထီၣ်နစုခိၣ်ဒီး ယူာ်ထီၣ်အီၤတက့ၢ်. ဆဲးထူနခီၣ်တက့ၢ်. ဟီၣ်တၢ်ယၢၤတၢ်လၢတၢ်သးအုးအပူၤ, လၢတၢ်အၢတၢ်သီခဲလၢာ်ဒီးတၢ်လီၤသးဘၣ်အၢတဖၣ်လၢပှၤအံၣ်စရ့ လးဖိတဖၣ်မၤတ့ၢ်ဝဲအဃိန့ၣ်တက့ၢ်. အဝဲသ့ၣ်ကဘၣ်သံဝဲလၢတၢ်ဒုးတၢ်ယၤအပူၤ, မ့တမ့ၢ်လၢတၢ်သၣ် ဝံၤလီၤဒိအဃိ, မ့တမ့ၢ်လၢတၢ်ဆူးတၢ်ဆါအဃိန့ၣ်လီၤ.

လံာ်ယဃ့းစက့လး 6:12

ပှၤတဖၣ်လၢအအိၣ်လၢတၢ်ဖးယံၤ, ကဆူးဆါထီၣ်ဝဲဒီးကသံဝဲလီၤ. ပှၤတဖၣ်လၢအအိၣ်ဘူးအိၣ်တံၢ်ကဘၣ်တၢ်မၤသံအီၤလၢတၢ်ဒုး အပူၤလီၤ. ပှၤတဖၣ်လၢအအိၣ်လီၤတဲာ်ဒံးန့ၣ်ကသၣ်ဝံၤလီၤဒိသံဝဲလီၤ. အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ.

လံာ်ဟိၤၡ့ 9:6

ဖဲတၢ်တတၢးတနါဟဲတုၤဃီၤဝဲဒီးပှၤဂီၢ်မုၢ်တဖၣ်လီၤပြံပြါ ကွံာ်ဝဲန့ၣ်, ပှၤအဲၤကူပတူးဖိတဖၣ်ကပာ်ဖှိၣ်အဝဲသ့ၣ်, လၢကခူၣ်လီၤကွံာ်အဝဲသ့ၣ်ဖဲဝ့ၢ်မဲဖ့းအပူၤန့ၣ်လီၤ. အဝဲသ့ၣ်အတၢ်လုၢ်ဒိၣ်ပှ့ၤဒိၣ်တဖၣ်လၢစ့ဒီးတၢ်လီၢ် တၢ်ကျဲတဖၣ်ဖဲတဘျီအဝဲသ့ၣ်အဟံၣ်တဖၣ်သူၣ်ထီၣ်တ့ၢ်အ သးန့ၣ်နီၣ်ဧိၤမံၤဧိၤဒီးတၤဆှူၣ်တပှီာ်တဖၣ်ကဒိၣ်ဘၢကွံာ်အီၤ န့ၣ်လီၤ.