လံာ်ယံးရမံယၤ 42:2 - Sgaw Karen Common Bible

² ဒီးစံးဘၣ်ယၤ, “ဝံသးစူၤမၤတၢ်လၢ ပမၢနၤန့ၣ်တက့ၢ်. ဃ့ထုကဖၣ်တၢ်လၢ ပဂီၢ်ဆူယွၤပကစၢ်အအိၣ်တက့ၢ်. ဃ့ထုကဖၣ်တၢ်လၢ ပဝဲလၢ အအိၣ်လီၤတဲာ်ခဲလၢာ်အဂီၢ်တက့ၢ်. တဘျီန့ၣ် ပအိၣ်အါဂၤလီၤ. ဒ်နထံၣ်နဲသ့အသိး, ခဲအံၤပအိၣ်လီၤတဲာ်ဒၣ်ထဲစှၤဂၤလီၤ.

လံာ်ယံးရမံယၤ 42:2 Iomraidhean Croise

လံာ်စီၤပၤအခီၣ်ထံးတဘ့ၣ် 13:6

စီၤပၤရၤယၤဘၣ်စံးဘၣ်ဝဲ, “ဝံသးစူၤဘါထုကဖၣ်န့ၢ်တၢ်လၢ ယဂီၢ်ဆူယွၤ, နကစၢ်ယွၤအအိၣ်ဒီးဃ့လၢအဝဲကမၤဘျါက့ၤယစုန့ၣ်တက့ၢ်.” ဝံဃ့ဘါထုကဖၣ်တၢ်ဆူယွၤအအိၣ်ဒီးစီၤပၤအစုဘျါက့ၤဝဲဒၣ် န့ၣ်လီၤ.

စံးထီၣ်ပတြၢၤ 119:170

မ်ယတၢ်ထုကဖၣ်ဟဲထီၣ်ဆူနအိၣ်တက့ၢ်. ဒီးမၤပူၤဖျဲးယၤဒ်နကလုၢ်ကထါအသိးန့ၣ်တက့ၢ်.

လံာ်တၢ်ဟးထီၣ်ကွံာ် 8:28

စီၤပၤစံးဝဲဒၣ်, “ယကပျၢ်သုဒ်သိးသုကလဲၤလုၢ်တၢ်ပာ်တၢ်ဆူ ယွၤသုကစၢ်ယွၤအအိၣ်လၢပှၢ်မုၢ်ကနၢဘၣ်ဆၣ်သုတဘၣ်လဲၤယံၤယံၤ ကလဲာ်ဘၣ်. ဒီးဃ့ဘါထုကဖၣ်တၢ်လၢယဂီၢ်တက့ၢ်.”

လံာ်တၢ်ဟးထီၣ်ကွံာ် 9:28

ဒီးဃ့ကညးယွၤတက့ၢ်. အဂ့ၢ်ဒ်အံၤလီသီၣ်ဒီးသူၣ်လီၤန့ၣ်အါ လံလၢပဂီၢ်လံ. ဒီးယအၢၣ်လီၤလၢယကပျၢ်သုဒီးသုတအိၣ်တဆိးဘၣ် ဖဲအံၤလၢၤဘၣ်.”

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယၡါယၤ 37:4

ကီၢ်အၤၡူၢ်အစီၤပၤဖးဒိၣ်ဆှၢလီၤအသုးခိၣ်လၢကဒုၣ်ဒွဲၣ်ကစၢ် ယွၤလၢအမူဝဲတဂၤလီၤ. မ်ယွၤနကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်အံၤဒီးစံၣ်ညီၣ်ပှၤ တဖၣ်လၢအစံးကတိၤတၢ်အံၤန့ၣ်တက့ၢ်. လၢတၢ်န့ၣ်အဃိ, ဃ့ထုကဖၣ်တၢ်ဆူကစၢ်ယွၤလၢပှၤလၢအိၣ်မူတ့ၢ်တဖၣ်အဂီၢ် တက့ၢ်.”

လံာ်ယၡါယၤ 42:20

ကီၢ်အံၣ်စရ့လးဧၢ, နထံၣ်တ့ၢ်တၢ်အါမးလံ. ဘၣ်ဆၣ်တၢ်အံၤအခီပညီအိၣ်လၢနဂီၢ်ဒ်လဲၣ်. နအိၣ်ဒီးနနၢ်တဖၣ်လၢနကနၢ်ဟူတၢ်အဂီၢ်, ဘၣ်ဆၣ်ဒီးတၢ်လၢနနၢ်ဟူတ့ၢ်နီၢ်နီၢ်န့ၣ် မ့ၢ်တၢ်မနုၤလဲၣ်.”

လံာ်ယံးရမံယၤ 15:11

ယွၤဧၢ, ယမ့ၢ်တမၤတ့ၢ်နတၢ်မၤဂ့ၤဂ့ၤဘၣ်ဘၣ်, ယမ့ၢ်တဃ့ သကွံာ်ကညးတ့ၢ်နၤလၢယဒုၣ်ယဒါတဖၣ်အခၢၣ်စးဖဲအဝဲသ့ၣ် အိၣ်လၢတၢ်ကီတၢ်ခဲဒီးတၢ်ဘၣ်ကိၢ်ဘၣ်ဂီၤအကတီၢ်ဘၣ်န့ၣ်ဘၣ်ဒီး, မ်အဝဲသ့ၣ်အတၢ်ဆိၣ်အၢခဲလၢာ်ကလၢထီၣ်ပှဲၤထီၣ်ဒၣ်ဝဲတက့ၢ်.

လံာ်ယံးရမံယၤ 2:27

သုဝဲခဲလၢာ်သုဝဲလၢအစံးသ့ၣ်တထူၣ်မ့ၢ်သုပၢ်ဒီးလၢၢ်တထူၣ်မ့ၢ် သုမိၢ်န့ၣ်ကဘၣ်တၢ်မၤမဲာ်ဆှးအီၤန့ၣ်လီၤ. တၢ်အံၤကမၤအသးမ့ၢ်လၢသုဃၣ်ကွံာ် သုသးလၢယၤဒီးသုတဃၣ်ဃီၤဘၣ်သုသးဆူ ယအိၣ်ဘၣ်အဃိလီၤ. ဘၣ်ဆၣ်ဒီးဖဲသုဘၣ်တၢ်ကီတၢ်ခဲန့ၣ်, သုဃ့ကညးလၢယကဟဲဒီးအုၣ်က့ၤခီၣ်က့ၤသုအဂီၢ်န့ၣ်လီၤ.

လံာ်ယံးရမံယၤ 21:2

“ဝံသးစူၤကတိၤတၢ်ဒီးယွၤလၢပဂီၢ်တက့ၢ်. အဂ့ၢ်ဒ်အံၤ, ကီၢ်ဘၤဘူၤလိၣ်အစီၤပၤနဘူၤကးန့စၢ်ဒီးအဝဲအသုးမုၢ် ကဝီၤဃာ်ဝ့ၢ်လံ. ဘၣ်တဘၣ်ယွၤကမၤတၢ်လီၤလးအါမံၤ အကျါတမံၤလၢပဂီၢ်ဒီးမၢဆူၣ်စီၤနဘူၤကးန့စၢ်လၢအဂုၤ က့ၤဆူအလီၢ်ခံန့ၣ်လီၤ.”

လံာ်ယံးရမံယၤ 36:7

ဘၣ်သ့ၣ်သ့ၣ်, အဝဲသ့ၣ်ကဃ့ထုကဖၣ်တၢ်ဆူယွၤ ဒီးဃၣ်ကွံာ်အသးလၢ အကျဲအအၢအသီတဖၣ် အပူၤ, မ့ၢ်လၢယွၤမၤပျံၤမၤဖုးပှၤဂီၢ်မုၢ်အံၤလၢအတၢ် သးဒိၣ်ဒီး အတၢ်သးကဲၤထီၣ်လၢ အလီၤပျံၤလီၤဖုးဒိၣ် မးအဃိန့ၣ်လီၤ.”

လံာ်ယံးရမံယၤ 37:20

ဒီးအခဲအံၤ, နဲဒၣ်တၢ်ဒိၣ်စီၤပၤဧၢ, ယဃ့ကညးနၤလၢ နကဒိကနၣ်ယၤဒီး မၤတၢ်လၢ ယဃ့နၤန့ၣ်လီၤ. ဝံသးစူၤတဘၣ်ဆှၢကဒါက့ၤ ယၤဆူဃိာ်လၢ စီၤယိၤနၤသၣ်အဟံၣ်န့ၣ်တဂ့ၤ. နမ့ၢ်မၤဒ်န့ၣ်ဒီး, ယကသံဖဲန့ၣ်သပှၢ်ကတၢၢ်လီၤ.”

လံာ်ယံးရမံယၤ 37:3

စီၤပၤစံးဒကံယၤမၢလီၤ စီၤၡလ့မယၤအဖိခွါစီၤယဟူၤကၤလး ဒီးပှၤလုၢ်တၢ်အခိၣ်စီၤစဖါနယၤလၢ အမ့ၢ်စီၤမၤစ့ယၤ အဖိခွါဆူ ယအိၣ်လၢ ကမၢယၤဒ်သိးယကဃ့ထုကဖၣ်ဆူယွၤ, ပကစၢ်ယွၤအအိၣ်လၢပပှၤကလုာ်အခၢၣ်စးန့ၣ်လီၤ.

လံာ်ယံးရမံယၤ 38:14

လၢတၢ်မၤအသးအဂၤတဘျီန့ၣ်, စီၤပၤစံးဒကံယၤ မၢပှၤလဲၤကိးယၤလၢ ယကလဲၤဆူ အအိၣ်ဖဲကျဲစၢၤ လဲၤနုာ်ဆူ ယွၤအတၢ်လုၢ်ဟံၣ်အပူၤသၢပူၤတပူၤ, ဒီးအဝဲဒၣ်စံးဝဲ, “ယကသံကွၢ်နၤတၢ်သံကွၢ် တမံၤလီၤ. ဒီးယအဲၣ်ဒိးလၢနကတဲဘၣ်ယၤ တၢ်မ့ၢ်တၢ်တီလၢာ် လၢာ်ဆ့ဆ့န့ၣ်လီၤ.”

လံာ်ယံးရမံယၤ 40:15

အန့ၣ်ဒီး, စီၤယိဃၤနၣ်စံးဘၣ်အီၤလၢတၢ်ခူသူၣ်အပူၤ, “ပျဲယလဲၤဒီးမၤသံစီၤယံးၡမၤအ့လးတက့ၢ်. ဒီးမတၤမၤတၢ်အံၤလဲၣ်န့ၣ်, ပှၤတသ့ၣ်ညါနီတဂၤဘၣ်. ဘၣ်မနုၤအဃိအဝဲဘၣ်တၢ်ကပျဲအီၤလၢကမၤသံနၤန့ၣ်လဲၣ်. တၢ်န့ၣ်ကကဲထီၣ်တၢ်လၢအမၤလီၤပြံလီၤပြါကွံာ်ကယဲၢ် ပှၤယူဒၤဖိလၢအအိၣ်ဝးတရံးနၤတဖၣ်ဒီးတၢ်ကဟဲစိာ်တၢ် တတၢးတနါဆူကယဲၢ်ပှၤဂီၢ်မုၢ်အလိၤလၢအအိၣ်လီၤ တဲာ်လၢကီၢ်ယူဒၤအပူၤန့ၣ်လီၤ.”

လံာ်ယံးရမံယၤ 42:20

သုမၤကမၣ်တၢ်ဖးဒိၣ်တမံၤလက အဒုးသံက့ၤသုသ့ ဝဲန့ၣ်လီၤ. သုမၢယဃ့ထုကဖၣ်တၢ်ဆူ ယွၤပကစၢ်ယွၤ လၢ သုဂီၢ်, ဒီးသုအၢၣ်လီၤလၢ သုကမၤတၢ်ကိးမံၤဒဲးလၢ အဝဲမၤလိာ်ဝဲန့ၣ်လီၤ.

လံာ်သးသယုၢ်တၢ် 1:1

ဝ့ၢ်ယရူၤၡလ့ၣ်လၢတဘျီအခါအပှဲၤတ့ၢ်မးဒီးပှၤဂီၢ်မုၢ်န့ၣ်, အိၣ်သယုၢ်သညိမးလဲၣ်. တဘျီန့ၣ်ဘၣ်တၢ်ပာ်ဒိၣ်ပာ်ကဲတ့ၢ်အီၤလၢဟီၣ်ခိၣ်, ခဲအံၤမၤအသးဒ်မုၣ်ကမဲတဂၤအသိးမးလဲၣ်. လၢညါလီၤဂာ်ဒီးနီၢ်ပၤမုၣ်ဖိလၢအပၢဘၣ်ကီၢ်စဲၣ်ကီၢ်ဆၣ်တဖၣ် လီၤ. မ့မ့ၢ်ခဲအံၤလီၤတဲာ်ကွံာ်ဆူတၢ်မၢကဲကုၢ်အလီၢ်လံ.

လံာ်ယဃ့းစက့လး 12:16

ယကပျဲအဝဲသ့ၣ်စှၤဂၤအိၣ်လီၤတဲာ်တ့ၢ်လၢတၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးလၢတၢ်ဆူးတၢ်ဆါတဖၣ်မၤအသးဝံၤအလီၢ်ခံ, ဖဲန့ၣ်လၢပှၤကလုာ်တဖၣ်အကျါ့ၣ်, အဝဲသ့ၣ်ကသ့ၣ်ညါနၢ်ပၢၢ်ဝဲလၢ အတၢ်မၤတဖၣ်လီၤသးဘၣ်အၢတ့ၢ်ဒ်လဲၣ်ဒီးကအၢၣ်လီၤအီၤလီၤဝဲလၢ ယမ့ၢ်ယွၤ, န့ၣ်လီၤ.”

လံာ်ဟိၤၡ့ 8:10

ဘၣ်ဆၣ်ခဲကနံၣ်အံၤယကပာ်ဖှိၣ်အဝဲသ့ၣ်ခဲလၢာ်ဒီးစံၣ်ညီၣ် အဝဲသ့ၣ်တဖၣ်လီၤ. တယံာ်ဘၣ်ဒီးအဝဲသ့ၣ်ကဝံာ်ပကံးအသးလၢတၢ်ဆူးတၢ်ဆါအပူၤဖဲ ကီၢ်အၤၡူၢ်အစီၤပၤဖးဒိၣ်မၤနးမၤဖှီၣ်အီၤအခါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:22

ဒီးယကဆှၢလီၤဆၣ်ဖိကီၢ်ဖိအမံၤလၢသုကျါဒီးကမၤသံသုဖိ သုလံၤ, ဒီးမၤဟးဂီၤကွံာ်သုဆၣ်ဖိကီၢ်ဖိအဒၢဒီးမၤစှၤလီၤသု ဒ်သိးသုကျဲတဖၣ်ကအိၣ်သယုၢ်အဂီၢ်လီၤ.

လံာ်ဧၤမိၣ် 7:2

လၢယတၢ်ထံၣ်လၢညါခီအပူၤယထံၣ်တ့ၢ်ဒွဲၣ်တဖၣ်အီၣ်လၢာ်ကွံာ်ကယဲၢ် တၢ်အသံကစဲာ်ကိးမံၤဒဲးလၢကီၢ်ပူၤန့ၣ်လီၤ. တုၤနုၤတစုယစံး, တၢ်စိတၢ်ကမီၤခဲလၢာ်အယွၤဧၢ, ပျၢ်နပှၤဂီၢ်မုၢ်အတၢ်ကမၣ်တက့ၢ်. အဝဲသ့ၣ်မူဒံးဝဲကသ့ဒ်လဲၣ်. အဝဲသ့ၣ်မ့ၢ်ပှၤအဆံးဒီးအဂံၢ်စၢ်ဘါစၢ်ဒိၣ်မးလီၤ.

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

မၤတၢ် 8:24

စီၤၡံမိၣ်စံးဆၢက့ၤစီၤပ့းတရူးဒီးစီၤယိၤဟၣ်, “ဝံသးစူၤဃ့ထုကဖၣ်ကစၢ်လၢယဂီၢ်, ဒ်သိးတၢ်လၢသုစံးတ့ၢ်တဖၣ်အသုတဟဲဘၣ်ယၤနီတမံၤတဂ့ၤန့ၣ် တက့ၢ်.”

လံာ်သိၣ်လီၤသီလီၤတၢ် 28:62

သုမ့ၢ်အါထီၣ်ဂီၢ်ထီၣ်ဝဲဒ်ဆၣ်တဖၣ်လၢမူကပိာ်လိၤဒၣ်လဲာ်, ထဲပှၤလၢသုကျါစှၤဂၤဧိၤကအိၣ်မူတ့ၢ်ဝဲ, မ့ၢ်လၢသုတစူၢ်ဘၣ်ယွၤ, သုကစၢ်ယွၤဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 28:63

ဒ်သိးဒၣ်ယွၤမုာ်လၤသးခုတ့ၢ်လၢတၢ်မၤဘီၣ်ထီၣ်ညီထီၣ်သု အပူၤ, လၢတၢ်မၤအါထီၣ်သုနီၣ်ဂံၢ်အပူၤအသိးန့ၣ်, အဝဲကမုာ်လၤသးခုစ့ၢ်ကီးလၢတၢ်မၤဟးဂီၤသုအပူၤဒီးလၢတၢ် ဟဲစိာ်တၢ်ဟးဂီၤလၢသုလိၤအပူၤန့ၣ်လီၤ. သုကဘၣ်တၢ်ထဲးထုးထီၣ်ကွံာ်သုလၢကီၢ်တဘ့ၣ်လၢသုကဘၣ်မၤပှဲၤ အီၤအပူၤန့ၣ်လီၤ.

လံာ်သိၣ်လီၤသီလီၤတၢ် 4:27

ယွၤကမၤလီၤပြံလီၤပြါသုဆူပှၤကလုာ်ဂၤတဖၣ်အကျါ, ဖဲထဲဒၣ်ပှၤစှၤဂၤဧိၤလၢသုကျါကအိၣ်မူလီၤတဲာ်တ့ၢ်ဝဲဒၣ် န့ၣ်လီၤ.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:19

ဒီးအဝဲသ့ၣ်စံးဘၣ်စီၤၡမူၤအ့လး, “တၢ်ဒိၣ်ဧၢ, ဝံသးစူၤဘါထုကဖၣ်ဆူယွၤ, နကစၢ်ယွၤအအိၣ်လၢပဂီၢ်ဒ်သိးပသု တသံတဂ့ၤန့ၣ်တက့ၢ်. ခဲအံၤပသ့ၣ်ညါလီၤတံၢ်လၢ, ပတၢ်ဒဲးဘးအဂၤခဲလၢာ်အမဲာ်ညါန့ၣ်ပမၤတ့ၢ်တၢ်ဒဲးဘးခီဖျိ ပဃ့န့ၢ်စီၤပၤတဂၤအဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:8

ဒီးအဝဲသ့ၣ်စံးဘၣ်စီၤၡမူၤအ့လး, “ဘါထုကဖၣ်တၢ်တထံၣ်ဃီဆူကစၢ်ယွၤ အအိၣ်လၢအကအုၣ်က့ၤခီၣ်က့ၤပှၤလၢပှၤဖလ့ၡသးဖိအစုပူၤတက့ၢ်.”