လံာ်ယံးရမံယၤ 42:15 - Sgaw Karen Common Bible

¹⁵ သုမ့ၢ်စံးဒ်အံၤဒီး, ‘သ့တၢ်လၢာ်ယွၤ, အံၣ်စရ့လးအကစၢ်ယွၤ စံးဘၣ်သုလၢ, သုမ့ၢ်ပာ်လီၤတ့ၢ်သုသးလၢ သုကလဲၤဒီး အိၣ်ဆိးလၢကီၢ်အဲၤကူပတူးန့ၣ်,

လံာ်ယံးရမံယၤ 42:15 Iomraidhean Croise

လံာ်တၢ်ကဲထီၣ်အခီၣ်ထံး 31:21

စီၤယၤကိာ်ဟံးန့ၢ်တၢ်လၢအဘၣ်ဃးဒီးအီၤခဲလၢာ်ဒီးဟးထီၣ် ကွံာ်ချ့သဒံးန့ၣ်လီၤ. ဒီးလဲၤခီဂာ်ထံကျိဖးဒိၣ်ဖရၤသးဒီးလဲၤဝဲဆူ ကီၢ်အိၣ်ဒီးတၢ်လူၢ်တၢ်တြီၤလၢကီၢ်ကံးလဧးန့ၣ်လီၤ.

လံာ်ယံးရမံယၤ 27:8

ဘၣ်ဆၣ်ဒီး, ပှၤကလုာ်တကလုာ်လၢ်လၢ်မ့ၢ်ဂ့ၤ, ဘီမုၢ်တဘ့ၣ် လၢ်လၢ်မ့ၢ်ဂ့ၤ, မ့ၢ်တဆီၣ်လီၤအသးလၢ အဝဲအတၢ်ပၢအဖီလာ် ဘၣ်ဒီး, ယကစံၣ်ညီၣ်ပှၤကလုာ်အဝဲန့ၣ်ခီဖျိ တၢ်ဒုးတၢ်ယၤ, တၢ် သၣ်ဝံၤလီၤဒိ, ဒီးတၢ်ဆူးတၢ်ဆါတုၤလီၤလၢယပျဲစီၤနဘူၤကးန့ စၢ်မၤဟးဂီၤကွံာ်အီၤလၢာ်လၢာ်ဆ့ဆ့ တစုန့ၣ်လီၤ.

လံာ်ယံးရမံယၤ 42:17

ပှၤဂီၢ်မုၢ်လၢ အပာ်လီၤအသးလၢ ကလဲၤအိၣ်လဲၤဆိးလၢ ကီၢ်အဲၤကူပတူးအပူၤခဲလၢာ်န့ၣ်, ကသံဝဲလၢတၢ်ဒုးတၢ်ယၤအပူၤ မ့တမ့ၢ်တၢ်သၣ်ဝံလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိန့ၣ်လီၤ. ပှၤတအိၣ်မူလီၤတဲာ်ဘၣ် နီတဂၤဘၣ်, ဒီးတပူၤဖျဲးဒီး တၢ်တတၢးတနါလၢ ယကဒုးဘၣ်အဝဲ သ့ၣ်န့ၣ်, နီတဂၤဘၣ်.’

လံာ်ယံးရမံယၤ 44:24

ယတဲဘၣ်ပှၤဂီၢ်မုၢ်ခဲလၢာ်, လီၤဆီဒၣ်တၢ်ပိာ်မုၣ်တဖၣ်, တၢ်လၢယွၤသ့တၢ်လၢာ်အံၣ်စရ့လးအကစၢ်ယွၤ စံးဘၣ်တ့ၢ် ကီၢ်ယူဒၤ အပှၤဂီၢ်မုၢ်လၢ အအိၣ်လၢ ကီၢ်အဲၤကူပတူးအပူၤလီၤ.

လံာ်ဒၤနံးယ့လး 11:17

ကီၢ်စူၤရံအစီၤပၤကကူၣ်ထီၣ်တၢ်ကျဲၤဖးဒိၣ်တမံၤခီဖျိအသုးမုၢ်အဂံၢ် အဘါခဲလၢာ်လၢအဘီအမုၢ်အပူၤတမံၤန့ၣ်လီၤ. ဒီးလၢတၢ်မၤဟးဂီၤကွံာ်အဒုၣ်အဒါအဘီမုၢ်အဂီၢ်န့ၣ်ကဒုးအိၣ် ထီၣ်တၢ်ဒီသိၣ်ဒီမှံၤလိာ်သးဒီးအီၤဒီးဟ့ၣ်အီၤလၢအပှၤပိာ်မုၣ် သးစၢ်တဂၤလၢကဖျီဃုာ်အသးဒီးအီၤန့ၣ်လီၤ. ဘၣ်ဆၣ်ဒီးအတၢ်ကူၣ်တၢ်ကျဲၤအံၤတကဲထီၣ်လိၣ်ထီၣ်ဘၣ်.

လံာ်လူၤကၣ် 9:51

ဖဲမုၢ်နံၤမုၢ်သီတဖၣ်ဘူးထီၣ်လၢယ့ၣ်ၡူးကဘၣ်တၢ်စိာ်ထီၣ် အီၤဆူမူခိၣ်န့ၣ်, အဝဲဒၣ်ပာ်လီၤအသးကျၢၤမုဆှုဒီးလဲၤဝဲဒၣ်ဆူဝ့ၢ်ယရူၤၡလ့ၣ်လီၤ.

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.