လံာ်ယံးရမံယၤ 41:9 - Sgaw Karen Common Bible

⁹ ထံပူၤလၢ စီၤယံးၡမၤအ့လးကွံာ်နုာ်ပှၤလၢအဝဲမၤသံကွံာ်ဝဲတဖၣ် အစိၣ်န့ၣ်, မ့ၢ်ထံပူၤဖးဒိၣ်တပူၤလၢ စီၤပၤအၤစါခူၣ်တ့ၢ်ဝဲဖဲအဝဲ ဘၣ်တၢ်ဒုးအီၤလၢ ကီၢ်အံၣ်စရ့လးအစီၤပၤဘါၡၤအခါန့ၣ်လီၤ. စီၤယံးၡမၤအ့လးမၤပှဲၤထံပူၤန့ၣ်လၢ ပှၤအစိၣ်တဖၣ်န့ၣ်လီၤ.

လံာ်ယံးရမံယၤ 41:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:9

အခါခဲအံၤဒၣ်လဲာ်န့ၣ် ဘၣ်သ့ၣ်သ့ၣ်အဝဲအိၣ်ခူသူၣ်ဝဲဒၣ်လၢလ့ကအိတဖျၢၣ်အပူၤ မ့တမ့ၢ်လၢတၢ်လီၢ်အဂၤတတီၤန့ၣ်လီၤ. တုၤစီၤဒၤဝံးဒုးနပှၤတဖၣ်တကီၢ်ခါန့ၣ်, ပှၤတဂၤလၢ်လၢ်လၢအနၢ်ဟူတၢ်ဂ့ၢ်အံၤကစံးဝဲလၢ နပှၤတဖၣ်ဘၣ်တၢ်မၤနၢၤကွံာ်အီၤလံန့ၣ်လီၤ.

လံာ်ယၡါယၤ 14:19

မ့မ့ၢ်နဲ, နတၢ်သွၣ်ခိၣ်ပူၤတအိၣ်ဘၣ်. ဒီးနစိၣ်ဘၣ်တၢ်ကွံာ်လီၤ အီၤဆူတၢ်အုၣ်တၢ်ကျၣ်အပူၤလီၤ. ဘၣ်တၢ်ကးဘၢအီၤလၢ သုးဖိတဖၣ်အနီၢ်ခိလၢအသံလၢတၢ်ဒုးတၢ်ယၤအပူၤဒီးဘၣ်တၢ် စူးကွံာ်ဃုာ်အီၤဒီးအဝဲသ့ၣ်ဆူလၢၢ်လ့အပူၤတပူၤဒီးဘၣ်တၢ်ယီၢ်တံၢ် အီၤန့ၣ်လီၤ.

ဧ့ၤဘြံၤ 11:38

ဟီၣ်ခိၣ်တကြၢးတဘၣ်ဘၣ်ဒီးအဝဲသ့ၣ်ဘၣ်. အဝဲသ့ၣ်ဟးဝ့ၤဝီၤလၢမဲးမုၢ်ခိၣ်ဒီးလၢကစၢၢ်ခိၣ်ကလိကျါ ဒီးအိၣ်ဝဲဆိးဝဲလၢလၢၢ်ဒီးလ့အအိပူၤဒီးလၢဟီၣ်ခိၣ် အအိပူၤလီၤ.

လံာ်ပှၤစံၣ်ညီၣ်ကွီၢ် 6:2

ပှၤမံးဒယၣ်ဖိတဖၣ်အဂံၢ်အဘါဆူၣ်န့ၢ်ဒံးအံၣ်စရ့လး, ဒီးအံၣ်စရ့လးအပှၤဂီၢ်မုၢ်ပာ်ခူသူၣ်အသးလၢလၢၢ်ကအိလ့ကအိတဖၣ်အပူၤ ဒီးတၢ်လီၢ်ပူၤဖျဲးအဂၤတဖၣ်လၢကစၢၢ်ကလိအကျါန့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:6

အန့ၣ်ဝံၤဒီးအဝဲသ့ၣ်ဒုးတၢ်ထီဒါပှၤအံၣ်စရ့လးဖိတဖၣ်လၢတၢ် ဒုးဆူၣ်ဆူၣ်ကိၤကိၤတခါဒီးဒုးကဲထီၣ် တၢ်လီၤပျံၤလီၤဖုးဖးဒိၣ်တမံၤလၢအဝဲသ့ၣ်အဂီၢ်လီၤ. ပှၤအံၣ်စရ့လးဖိတနီၤပာ်ခူသူၣ်အသးလၢလၢၢ်ကအိဒီးတၢ်ပူၤ တဖၣ်အပူၤမ့ၢ်ဂ့ၤ, လၢလ့ကျါမ့ၢ်ဂ့ၤ, တၢ်ပူၤဖိတဖၣ်အပူၤ, ဒီးထံပူၤတဖၣ်အပူၤမ့ၢ်ဂ့ၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:11

မၤသးဒ်န့ၣ်ဒီး, အဝဲသ့ၣ်ပျဲပှၤဖလ့ၡသးဖိတဖၣ်ထံၣ်အဝဲသ့ၣ် ဒီးပှၤဖလ့ၡသးဖိတဖၣ်စံး, “ကွၢ်လၢန့ၣ်တက့ၢ်. ပှၤဧ့ၤဘြံၤ ဖိတနီၤဟဲထွးထီၣ်လၢတၢ် ပူၤဖဲအအိၣ်ခူသူၣ်ဝဲဒၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:22

ပှၤအဂၤလၢအပာ်ခူသူၣ်အသးလၢကီၢ်အ့ဖရဲၣ်အတၢ်လူၢ်ဒီခိၣ်တဖၣ် နၢ်ဟူလၢပှၤဖလ့ၡသးဖိတဖၣ်ထွးထီၣ်ဃ့ၢ်သတးဒီးအဝဲ သ့ၣ်စ့ၢ်ကီးပာ်ဖှိၣ်ဃုာ်အသးဒီးစီၤစီလူးဒီးဒုးတၢ်ထီဒါ ပှၤဖလ့ၡသးဖိတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:3

အဝဲတုၤဃီၤဖဲလ့ကအိတခါ ဘူးဒီးသိအကရၢတဖၣ်လၢကျဲအကပၤ ဒီးလဲၤနုာ်ဆူလ့ကအိအပူၤဒ်သိးအကမၤဖှံထီၣ်အတၢ်ဝံတၢ်ယိးလီၤ. တၢ်န့ၣ်ဘၣ်အတီၤလၢအမ့ၢ်လ့ကအိတခါဃီဖဲစီၤဒၤဝံး ဒီးအပှၤတဖၣ်အိၣ်ခူသူၣ်ဝဲလၢလ့ကအိအလီၢ်ခံကတၢၢ်န့ၣ်လီၤ.