လံာ်ယံးရမံယၤ 41:8 - Sgaw Karen Common Bible

⁸ ဘၣ်ဆၣ်ဒီး ပှၤအိၣ်ဆံဆဲၣ်ဂၤလၢ အကျါလၢ အစံးဘၣ် စီၤယံးၡမၤအ့လး, “ဝံသးစူၤ မၤသံပှၤတဂ့ၤ. ပအိၣ်ဒီး ဘုကၠူၣ်, ဘုမုယီၤ, သ့ၣ်စၤယံးအသိ, ဒီးကနဲစီလၢပပာ်ခူသူၣ်အီၤလၢ စံာ်ပျီတဖၣ်အပူၤန့ၣ်လီၤ.” လၢတၢ်န့ၣ်အဃိ, အဝဲပျဲပူၤဖျဲးကွံာ်ဝဲသ့ၣ်န့ၣ်လီၤ.

လံာ်ယံးရမံယၤ 41:8 Iomraidhean Croise

လံာ်စီၤယိၤဘး 2:4

တုၤနုၤတစုမုၣ်ကီၤလံၢ်စံးဆၢယွၤ, “ပှၤကညီကဟ့ၣ်လီၤကွံာ် ကယဲၢ်တၢ်ခဲလၢာ်လၢအအိၣ်ဒီးအီၤလၢအသးသမူအဂီၢ်လီၤ.

တၢ်ကတိၤဒိ. 13:8

ပှၤအထူးအတီၤတဂၤကဘၣ်သူအစ့လၢကမၤပူၤဖျဲးအသးသမူ အဂီၢ်လီၤ. ဘၣ်ဆၣ်ဒီးပှၤတမၤပျံၤမၤဖုးပှၤအဖှီၣ်အယာ်တဂၤန့ၣ် နီတဂၤဘၣ်.

လံာ်ယၡါယၤ 45:3

ယကဟ့ၣ်လီၤနၤတၢ်လုၢ်ဒိၣ်ပှ့ၤဒိၣ်တဖၣ်လၢ တၢ်လီၢ်ခူသူၣ်ခံးသူတဖၣ်အပူၤန့ၣ်လီၤ. အန့ၣ်တစု, နကသ့ၣ်ညါလၢယမ့ၢ်ယွၤ ဒီးအံၣ်စရ့လးအကစၢ်ယွၤလၢအကိးတ့ၢ်နၤလၢနမံၤန့ၣ်လီၤ.

လံာ်ယံးရမံယၤ 41:9

ထံပူၤလၢ စီၤယံးၡမၤအ့လးကွံာ်နုာ်ပှၤလၢအဝဲမၤသံကွံာ်ဝဲတဖၣ် အစိၣ်န့ၣ်, မ့ၢ်ထံပူၤဖးဒိၣ်တပူၤလၢ စီၤပၤအၤစါခူၣ်တ့ၢ်ဝဲဖဲအဝဲ ဘၣ်တၢ်ဒုးအီၤလၢ ကီၢ်အံၣ်စရ့လးအစီၤပၤဘါၡၤအခါန့ၣ်လီၤ. စီၤယံးၡမၤအ့လးမၤပှဲၤထံပူၤန့ၣ်လၢ ပှၤအစိၣ်တဖၣ်န့ၣ်လီၤ.

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်မးသဲ 6:25

လၢတၢ်န့ၣ်အဃိ ယစံးဘၣ်သု, သုတဘၣ်ယိၣ်တၢ်လၢတၢ်အီၣ်တၢ်အီလၢ သုသးသမူအဂီၢ်မ့ၢ်ဂ့ၤ, တၢ်ကူတၢ်သိးလၢသုနီၢ်ခိအဂီၢ်မ့ၢ်ဂ့ၤန့ၣ်တဂ့ၤ. နီၢ်နီၢ်တခီသးသမူန့ၣ်အကါဒိၣ်န့ၢ်တၢ်အီၣ်တၢ်အီဒီးနီၢ်ခိအကါဒိၣ်န့ၢ် တၢ်ကူတၢ်သိးတက့ၢ်တမ့ၢ်ဘၣ်ဧါ.