လံာ်ယံးရမံယၤ 41:5 - Sgaw Karen Common Bible

⁵ ပှၤအဂၤဃိးဆံဟဲတုၤဝဲလၢ ဝ့ၢ်ၡက့ၣ်, ဝ့ၢ်ၡံလိၤ, ဒီးဝ့ၢ်ၡၤမရံလီၤ. အဝဲသ့ၣ် လူၤကွံာ်အခၣ်ဆူၣ်, ဖှီယာ်အကူအသိးတဖၣ်, ဒီးဂဲာ်လီၤအသးန့ၣ်လီၤ. အဝဲသ့ၣ်လဲၤစိာ်ဘုခ့ဒီး တၢ်နၢမူလၢ ကလုၢ်ထီၣ်တၢ်လၢ ယွၤအတၢ်လုၢ်ဟံၣ်ပူၤအဂီၢ်လီၤ.

လံာ်ယံးရမံယၤ 41:5 Iomraidhean Croise

လံာ်တၢ်ကဲထီၣ်အခီၣ်ထံး 33:18

လၢအတၢ်ဟဲက့ၤကဒါက့ၤလၢကီၢ်မ့းစပတၤမံန့ၣ်စီၤယၤကိာ်ဟဲ တုၤဘၣ်ဝဲဂ့ၤဂ့ၤဘၣ်ဘၣ်ဆူဝ့ၢ်ၡက့ၣ်အိၣ်လၢကီၢ်ကနၤဧၣ်အပူၤ ဒီးပာ်လီၤအသူၣ်ဒဲအလီၢ်လၢပျီတဘ့ၣ်အပူၤဘူးဒီးဝ့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 34:2

တုၤပှၤဃံၤဝံၤဖိစီၤဃမိၢ်အဖိခွါစီၤၡက့ၣ်, ပဒိၣ်ဖဲလီၢ်ကဝီၤန့ၣ်ထံၣ်အီၤဒီးဟံးန့ၢ်အီၤဒီးမၤဆူၣ်မၤ စိးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:12

ဘၣ်မုၢ်တနံၤ, စီၤယိၤသးအဒီပုၢ်ဝဲၢ်ခွါတဖၣ်လဲၤဆူဝ့ၢ်ၡက့ၣ် လၢကကွၢ်ထွဲအပၢ်အသိတဖၣ်အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:4

စီၤဃၤနူၣ်ဖီၣ်စီၤဒၤဝံးအပှၤစိာ်တၢ်ကစီၣ်တဖၣ်, လူၤကျိကွံာ်အဝဲသ့ၣ်အခၣ်ဆူၣ်တကပၤ, ကူးတဲာ်ကွံာ်အဝဲ သ့ၣ်အကူအသိးစးထီၣ်လၢအဆ့ကၤခီၣ်ထံးတုၤလၢအခံ ခိၣ်ဒီးဆှၢကဒါက့ၤအဝဲသ့ၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:1

စီၤရဃၤဘၣ်လဲၤဝဲဆူဝ့ၢ်ယရူၤၡလ့ၣ်ဖဲကယဲၢ်ပှၤဂီၢ်မုၢ်လၢကီၢ် အံၣ်စရ့လးအကလံၤစိးပာ်ဖှိၣ်အသးလၢကတီၣ်ထီၣ်အီၤဒ်စီၤပၤ အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:25

ကီၢ်အံၣ်စရ့လးအစီၤပၤစီၤယၤရၤဘၣ်မၤဂၢၢ်ထီၣ်ကျၢၤထီၣ်က့ၤ ဝ့ၢ်ၡက့ၣ်လၢအအိၣ်လၢကစၢၢ်အ့ဖရဲၣ်အတၢ်လူၢ်တၢ်တြီၤတဖၣ်အပူၤ ဒီးအိၣ်ဆိးဝဲဖဲန့ၣ်, တစိၢ်တလီၢ်န့ၣ်လီၤ. အန့ၣ်ဝံၤ, အဝဲဟးထီၣ်ကွံာ်ဒီးမၤဂၢၢ်ထီၣ်ကျၢၤထီၣ်က့ၤဝ့ၢ် ပနံၤအ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:24

ဝံၤဒီးအဝဲပှ့ၤန့ၢ်ကီၢ်ၡၤမရံအကစၢၢ်လၢစ့အဘ့ၣ်ဃုကထိ လၢပှၤတဂၤလၢအမံၤမ့ၢ်ဝဲစီၤၡ့မ့ၢ်အအိၣ်န့ၣ်လီၤ. စီၤဧိၣ်ရံၤမၤဂၢၢ်ထီၣ်ကျၢၤထီၣ်ကစၢၢ်န့ၣ်, သူၣ်ထီၣ်ဝ့ၢ်တဖျၢၣ်ဖဲန့ၣ်ဒီးယုၢ်ဝဲအမံၤလၢၡၤမရံပိာ်ထွဲထီၣ်စီၤၡ့မ့ၢ်, ကစၢၢ်အကစၢ်လၢညါအမံၤအခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:29

လၢကီၢ်ယူဒၤအစီၤပၤအၤစါပၢတၢ်သၢဆံဃိးနံၣ်တနံၣ်အပူၤ န့ၣ်, စီၤဧိၣ်ရံၤအဖိခွါစီၤအၤဃာ်ကဲထီၣ်ကီၢ်အံၣ်စရ့လးအစီၤပၤ, ဒီးအဝဲပၢတၢ်လၢကီၢ်ၡၤမရံခံဆံခံနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:9

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, နူၢ်ဧိၤစီၤဧိၤဒီး ကယဲၢ်ပှၤအကါဒိၣ်လၢဝ့ၢ်ယရူၤရှလ့ၣ်ပူၤတဖၣ်အဟံၣ်ခဲလၢာ်,

လံာ်ကွဲးနီၣ်တၢ်အခီၣ်ထံးတဘ့ၣ် 19:4

စီၤဃၤနူၣ်ဖီၣ်န့ၢ်စီၤဒၤဝံးအပှၤစိာ်တၢ်ကစီၣ်တဖၣ်, ဒီးလူၤကွံာ်အဝဲသ့ၣ်အခၣ်ဆူၣ်, ဒီးကူးတဲာ်အဝဲသ့ၣ်အဆ့လၢအဖး ဖီဖဲအခံကိၢ်ဒီးပျၢ်ကွံာ်ဝဲဒၣ်လီၤ.

စံးထီၣ်ပတြၢၤ 102:14

မ့ၢ်ဘၣ်တၢ်မၤဟးဂီၤကွံာ်အီၤဒၣ်လဲာ် နခ့နပှၤတဖၣ်အဲၣ်အီၤ, မ့ၢ်အိၣ်လၢတၢ်ဟးဂီၤအပူၤဒၣ်လဲာ် အဝဲသ့ၣ်သးကညီၤဘၣ်အီၤလီၤ.

စံးထီၣ်ပတြၢၤ 78:60

အဝဲလဲၤသဒၣ်ကွံာ် အတၢ်အိၣ်တၢ်ဆိးအလီၢ်လၢၡံလိၤ, ဒဲလၢအဝဲအိၣ်ဝဲလၢပှၤကညီအကျါန့ၣ်လီၤ.

လံာ်ယၡါယၤ 15:2

ပှၤဒံးဘိၣ်ဖိတဖၣ်လဲၤထီၣ်ကစၢၢ်လၢကဟီၣ်ဝဲယၢၤဝဲဖဲတၢ်ဘူၣ် တၢ်ဘါအလီၢ်အိၣ်ဝဲန့ၣ်လီၤ. ပှၤမိၤအးဖိတဖၣ်ဟီၣ်ဝဲယၢၤဝဲလၢ တၢ်သူၣ်အုးသးအုးအပူၤလၢဝ့ၢ်နဘိဒီးဝ့ၢ်မ့ဒဘၤတဖၣ်အဃိလီၤ. အဝဲသ့ၣ်လူၤကွံာ်အခိၣ်တဖၣ်ဒီးအခၣ်ဆူၣ်တဖၣ်လၢတၢ်သူၣ်အုး သးအုးအပူၤလီၤ.

လံာ်ယံးရမံယၤ 16:6

ပှၤထူးပှၤတီၤဒီးပှၤဖှီၣ်ဖိယာ်ဖိကသံလၢထံကီၢ်အံၤအပူၤ, ဘၣ်ဆၣ် ပှၤတခူၣ်လီၤအဝဲသ့ၣ်မ့ၢ်ဂ့ၤ, ဟီၣ်တၢ်ယၢၤတၢ်လၢအဝဲသ့ၣ်အဂီၢ် မ့ၢ်ဂ့ၤနီတဂၤဘၣ်. ပှၤတဂဲာ်လီၤအသးမ့ၢ်ဂ့ၤ, လူၤအခိၣ်လၢတၢ်ဒုးနဲၣ်အတၢ်သးအုးအဃိမ့ၢ်ဂ့ၤနီတဂၤဘၣ်.

လံာ်ယံးရမံယၤ 41:4

လၢခံတနံၤ, တချုးဒံးဘၣ်လၢ ပှၤသ့ၣ်ညါထွဲဒံးတၢ်ဂ့ၢ်ဘၣ်ဃး စီၤကဒါလယၤဘၣ်တၢ်မၤသံအီၤနီတဂၤအခါန့ၣ်,

လံာ်ယံးရမံယၤ 47:5

တၢ်သူၣ်အုးသးအုးဖးဒိၣ် တုၤအိၣ်ဝ့ၢ်ဂါစၤအပှၤဂီၢ်မုၢ် ဒီးဝ့ၢ်အၤၡကလိၣ်အပှၤဂီၢ်မုၢ်အိၣ်ဘှ့ၣ်အိၣ်ဘှီၣ်ဝဲလီၤ. တၢ်လီၢ်အဂၤအိၣ်လီၤတဲာ်လၢကီၢ်ဖလ့ၡသး, ကဘၣ်မိၢ်ဘၣ်မးဒီး ဂဲာ်လီၤအသး, ဒံးဆံးယံာ်လဲၣ်.

လံာ်ယံးရမံယၤ 48:37

အဝဲသ့ၣ်ခဲလၢာ်န့ၣ်, လူၤကွံာ်အခိၣ်တဖၣ်ဒီး တံာ်ကွံာ်အခၣ်ဆူၣ်တဖၣ်လံ. အဝဲသ့ၣ်ခဲလၢာ်ဂဲာ်လီၤအစုတဖၣ်ဒီး ပှၤကိးဂၤဒဲးကူကၤ ထၢၣ်တၢ်ကံးယာ်န့ၣ်လီၤ.

လံာ်ယံးရမံယၤ 7:12

လဲၤဆူဝ့ၢ်ၡံလိၤ, တၢ်လီၢ်အဆိကတၢၢ်လၢယဃုထၢတ့ၢ်အီၤ လၢပှၤကဘူၣ်ထီၣ်ဘါထီၣ်ယၤအဂီၢ်, ဒီးကွၢ်တၢ်လၢယမၤဘၣ်တ့ၢ် အီၤ, လၢယပှၤဂီၢ်မုၢ်အံၣ်စရ့လးအတၢ်ဒဲးဘးတဖၣ်အဃိ န့ၣ်တက့ၢ်.

လံာ်ယံးရမံယၤ 7:14

လၢတၢ်န့ၣ်အဃိ, ဒ်တၢ်လၢယမၤဘၣ်တ့ၢ်ဝ့ၢ်ၡံလိၤအသိးန့ၣ်, ယကမၤစ့ၢ်ကီးယတၢ်လုၢ်ဟံၣ်ဒၣ်ယဲအံၤလၢသုပာ်သုတၢ်နာ်လၢ အပူၤန့ၣ်လီၤ. ဖဲတၢ်လီၢ်အဝဲအံၤ, လၢယဟ့ၣ်လီၤတ့ၢ်သုမိၢ်ပၢ် ဖံဖုလၢပျၢၤဒီးသုအပူၤန့ၣ်ယကမၤတၢ်တမံၤဃီလၢယမၤတ့ၢ်အီၤ ဖဲဝ့ၢ်ၡံလိၤန့ၣ်လီၤ.

လံာ်ယိၤအ့လး 2:13

မ်သုတၢ်သူၣ်ကၢ်သးလီၤပာ်ဖျါထီၣ် သုတၢ်သူၣ်အုးသးအုး, ဒီးထဲသုဖှီသုကူသုသိးန့ၣ်တလၢတပှဲၤဘၣ်. ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်. အဝဲဒၣ်န့ၣ်ပှဲၤဝဲဒီးတၢ်သူၣ်ဂ့ၤသးဝါ, ဒီးတၢ်သူၣ်ကညီၤသးကညီၤန့ၣ်လီၤ. အဝဲဒၣ်အသူၣ်စူၤအသးစူၤဒီးတီ ဒီးအတၢ်အၢၣ်လီၤအီလီၤန့ၣ်လီၤ. အဝဲဒၣ်ထီဘိအိၣ်ကတဲာ်ကတီၤအသးလၢကပျၢ်တၢ်ကမၣ်ဒီးတမ့ၢ်လၢ ကစံၣ်ညီၣ်တၢ်အဂီၢ်ဘၣ်.

လံာ်သိၣ်လီၤသီလီၤတၢ် 14:1

သုမ့ၢ်ယွၤသုကစၢ်ယွၤအပှၤဂီၢ်မုၢ်န့ၣ်လီၤ. လၢတၢ်န့ၣ်အဃိဖဲသုသူၣ်အုးသးအုးလၢတၢ်သံအဃိန့ၣ်, ဂဲာ်လီၤသုသးမ့ၢ်ဂ့ၤမၤလ့ၤသုခိၣ်တိသၣ်မ့ၢ်ဂ့ၤဒ်ပှၤဂီၢ် မုၢ်အဂၤမၤဝဲအသိးန့ၣ်တဂ့ၤ.

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.

လံာ်စီၤယိၤၡူ 24:32

စီၤယိၤသးအစိၣ်လၢပှၤအံၣ်စရ့လးဖိဟဲစိာ်ထီၣ်ဝဲလၢကီၢ်အဲၤကူပတူးန့ၣ် ဘၣ်တၢ်ခူၣ်လီၤအီၤဖဲဝ့ၢ်ၡက့ၣ်, လၢဟီၣ်ခိၣ်တကဝီၤလၢစီၤယၤကိာ်ပှ့ၤန့ၢ်ဝဲလၢစ့ ညၣ်အဘ့ၣ်တကယၤလၢစီၤၡက့ၣ်အပၢ်, စီၤဃမိၢ်အဖိခွါတဖၣ်အစုပူၤန့ၣ်လီၤ. ဟီၣ်ခိၣ်အံၤကဲထီၣ်ဝဲ တၢ်န့ၢ်သါလၢစီၤယိၤသးအဖိတဖၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 18:31

ဒီးစီၤမံၤကါအတၢ်ဂီၤစိးပျၤအသးအိၣ်ဝဲဖဲန့ၣ်ယံာ်ထဲသိးဒီးဒဲစီဆှံ အိၣ်ဖဲဝ့ၢ်ၡံလိၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:1

စီၤကံးဒဧိၣ်အဖိခွါစီၤအဘံၤမ့လ့းလဲၤဝဲဆူ အမိၢ်အဘူးအတံၢ်ခဲလၢာ်အိၣ်ဝဲဆိးဝဲအလီၢ်ဝ့ၢ်ၡက့ၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:7

တၢ်မၤအသးဒ်သိးအံၤတနံၣ်ဝံၤတနံၣ်, ဒီးဖဲအဝဲသ့ၣ်လဲၤဆူ ယွၤအဟံၣ်တဘျီလၢ်လၢ်န့ၣ်နီၢ်ပနံးနၤမၤဖှီၣ်အသးနးမးတုၤ အဝဲဟီၣ်ဒီးဂ့ၢ်လိာ်တၢ်အီၣ်တၢ်အီတမံၤလၢ်လၢ်န့ၣ်လီၤ.