လံာ်ယံးရမံယၤ 41:1 - Sgaw Karen Common Bible

¹ လၢအနံၣ်အဝဲန့ၣ် နွံလါတလါအပူၤန့ၣ်, စီၤအလံၡမၤအလံၤခွါ, စီၤနသၤနံယၤအဖိခွါစီၤယံးၡမၤအ့လး, လၢအမ့ၢ်စီၤပၤအစၢၤ အသွဲၣ်တဂၤ, ဒီးစီၤပၤအပဒိၣ်ဖးဒိၣ်အကျါတဂၤန့ၣ်, လဲၤဆူ ဝ့ၢ်မံးစပၤဃုာ်ဒီၤ ပှၤအဂၤတဆံလၢ ကလဲၤထံၣ်လိာ် စီၤကဒါလယၤ အဂီၢ်န့ၣ်လီၤ. ဖဲအဝဲသ့ၣ် အီၣ်သကိးတၢ်အီၣ်တဘျီ အခါန့ၣ်,

လံာ်ယံးရမံယၤ 41:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်စီၤပၤခံဘ့ၣ်တဘ့ၣ် 11:1

ဖဲစီၤပၤအဃၤစယၤအမိၢ်နီၢ်ဧသၤလယၤသ့ၣ်ညါဝဲဒၣ်လၢအဖိခွါ ဘၣ်တၢ်မၤသံအီၤတဘျီဃီန့ၣ်အဝဲဟ့ၣ်လီၤအကလုၢ်လၢစီၤပၤအဟံၣ် ဖိဃီဖိခဲလၢာ်ကဘၣ်တၢ်မၤသံကွံာ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:22

ကီၢ်ဘၤဘူၤလိၣ်အစီၤပၤနဘူၤကးန့စၢ်ဒုးကဲထီၣ်စီၤအဃံကၣ် အဖိခွါဒီးစီၤၡၤဖၣ်အလံၤခွါစီၤကဒါလယၤလၢကီၢ်ယူဒၤ အပဒိၣ်ဖးဒိၣ်, ဒီးပာ်လီၤအီၤဒ်ပှၤအခိၣ်လၢကအံးထွဲကွၢ်ထွဲ ပှၤတဖၣ်လၢအတဘၣ်တၢ်စိာ်ထီၣ်ကွံာ်အီၤဆူကီၢ်ဘၤဘူၤလိၣ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 25:25

ဘၣ်ဆၣ်လၢနံၣ်အဝဲန့ၣ်လါနွံလါတလါအပူၤန့ၣ်စီၤနသၤနံယၤ အဖိခွါဒီးစီၤအလံၡမၤအလံၤခွါစီၤယံးၡမၤဧ့လးလၢအမ့ၢ် စီၤပၤအဒူၣ်ဖိထၢဖိအကျါတဂၤန့ၣ်, လဲၤဝဲဆူဝ့ၢ်မံးစပၤဃုာ်ဒီးပှၤအဂၤတဆံ, ဒုးစီၤကဒါလယၤ, ဒီးမၤသံကွံာ်အီၤန့ၣ်လီၤ. အဝဲမၤသံကွံာ်စ့ၢ်ကီးပှၤအံၣ်စရ့လးဖိဒီးပှၤဘၤဘူၤလိၣ်ဖိ လၢအအိၣ်ဖဲန့ၣ်ဒီးအီၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:10

တုၤစီၤပၤအဃၤစယၤအမိၢ်နီၢ်ဧသၤလယၤသ့ၣ်ညါဝဲလၢအဖိခွါဘၣ် တၢ်မၤသံကွံာ်အီၤတဘျီဃီန့ၣ်အဝဲဟ့ၣ်လီၤအကလုၢ်လၢကယဲၢ်ကီၢ် ယူဒၤအစီၤပၤအပှၤဟံၣ်ဖိဃီဖိခဲလၢာ်ကဘၣ်တၢ်မၤသံကွံာ်အီၤန့ၣ်လီၤ.

စံးထီၣ်ပတြၢၤ 109:5

အဝဲသ့ၣ်ဟ့ၣ်ဆၢက့ၤယၤတၢ်အၢလၢတၢ်ဂ့ၤအဂီၢ် ဒီးတၢ်သးဟ့လၢတၢ်အဲၣ်အဂီၢ်လီၤ.

စံးထီၣ်ပတြၢၤ 41:9

ယတံၤသကိးအဂ့ၤကတၢၢ်, ပှၤလၢယနာ်န့ၢ်အီၤအဒိၣ်ကတၢၢ် လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်, ထီဒါက့ၤယၤလီၤ.

တၢ်ကတိၤဒိ. 13:10

တၢ်ပာ်ထီၣ်ထီသးန့ၣ်ဒုးအိၣ်ထီၣ်ဒၣ်ထဲတၢ်ကီတၢ်ခဲဧိၤန့ၣ်လီၤ. မ့မ့ၢ်ပှၤလၢအတူၢ်လိာ်တၢ်ဟ့ၣ်ကူၣ်န့ၣ်, မ့ၢ်တၢ်ကူၣ်သ့ဒိၣ်ဒၣ်တၢ် တက့ၢ်လီၤ.

တၢ်ကတိၤဒိ. 27:4

တၢ်သူၣ်ဒိၣ်သးဖျိးန့ၣ်အၢသီဒီးမၤဟးဂီၤတၢ်သ့လီၤ. ဘၣ်ဆၣ်ဒီးတုၤတၢ်ထိၣ်သတြီၤအီၤဒီးတၢ်သူၣ်က့ၣ်သးကါန့ၣ်, တမ့ၢ်တၢ်နီတမံၤလၢၤဘၣ်လီၤ.

လံာ်ယံးရမံယၤ 36:12

ဝံၤဒီး အဝဲလဲၤဆူ စီၤပၤအနူၢ်ပူၤဒီး ဆူကွီၢ်ဘျီၣ် အပှၤကွဲးလံာ်အဒၢး, ဖဲပဒိၣ်ပပှၢ်ခဲလၢာ်အိၣ်ဖှိၣ်ဝဲန့ၣ်လီၤ. ကွီၢ်ဘျီၣ်အပှၤကွဲးလံာ် စီၤအလံၡမၤ, စီၤၡမါယၤအဖိခွါ စီၤဒလါယၤ, စီၤဧးကဘိၢ်အဖိခွါစီၤအ့လနၤသၣ်, စီၤၡၤဖၣ်အဖိခွါ စီၤကမၤရယၤ, စီၤဃနၤနယၤအဖိခွါ စီၤစံးဒကံယၤ, ဒီးပဒိၣ်ပပှၢ်အဂၤတဖၣ်ခဲလၢာ် အအိၣ်ဖဲန့ၣ်လီၤ.

လံာ်ယံးရမံယၤ 36:20

ပဒိၣ်ပပှၢ်တဖၣ် ပာ်လံာ်ထူအံၤလၢ ကွီၢ်ဘျီၣ်အပူၤကွဲးလံာ် စီၤအလံၡမၤအဒၢးပူၤ, ဒီးလဲၤဝဲဆူစီၤပၤအနူၢ်ပူၤဒီး ဖဲန့ၣ်တဲဖျါတၢ်ကိးမံၤဒဲးဆူစီၤပၤန့ၣ်လီၤ.

လံာ်ယံးရမံယၤ 39:14

ထုးထီၣ်ကွံာ်ယၤလၢ ဃိာ်လၢအအိၣ်လၢ နူၢ်အဂၢၤပူၤန့ၣ်လီၤ. အဝဲသ့ၣ်ပာ်ယၤလၢ စီၤၡၤဖၣ်အလံၤ, စီၤအဃံကၣ်အဖိခွါ, စီၤကဒါလယၤအစုပူၤ လၢကအံးထွဲကွၢ်ထွဲ ကဟုကယာ်ယၤ တုၤယက့ၤတုၤလၢ ဟံၣ်ဂ့ၤဂ့ၤဘၣ်ဘၣ်တစုန့ၣ်လီၤ. ဒီး လၢတၢ်န့ၣ်အဃိဒီး, ယအိၣ်ယဲဖဲန့ၣ်လၢ ပှၤဂီၢ်မုၢ်အကျါန့ၣ်လီၤ.

လံာ်ယံးရမံယၤ 40:13

တၢ်အံၤဝံၤအလီၢ်ခံဒီးစီၤယိဃၤနၣ်ဒီးပှၤသုးဖိအခိၣ်အနၢ် တဖၣ်လၢတပာ်လီၤဘၣ်အစုကဝဲၤန့ၣ်ဟဲဆူစီၤကဒါလယၤ အအိၣ်ဖဲဝ့ၢ်မံးစပၤ,

လံာ်ယံးရမံယၤ 40:5

ဖဲယတစံးဆၢအီၤဘၣ်နီတမံၤဘၣ်န့ၣ်, စီၤနဘူစၢ်ရဒၣ်စံးဘၣ်ယၤ, “က့ၤကဒါက့ၤဆူစီၤၡၤဖၣ်အလံၤ, စီၤအဃံကၣ်အဖိခွါ, စီၤကဒါလယၤ, လၢကီၢ်ဘၤဘူၤလိၣ်အစီၤပၤဒုးကဲထီၣ်အီၤလၢပှၤပၢကီၢ် ယူဒၤအဝ့ၢ်တဖၣ်အအိၣ်န့ၣ်တက့ၢ်. နအိၣ်ဒီးအီၤဒီးနအိၣ်လၢပှၤဂီၢ်မုၢ်အကျါမ့ၢ်ဂ့ၤ, နလဲၤဆူတၢ်လီၢ်တပူၤပူၤလၢနဆိကမိၣ်နကြၢးလဲၤမ့ၢ်ဂ့ၤန့ၣ် သ့ဝဲလီၤ.” ဝံၤဒီးအဝဲဟ့ၣ်လီၤယၤတၢ်ဟ့ၣ်တမံၤဒီးတၢ်အီၣ်တနီၤလၢ ယကစိာ်ဃုာ်ဒီးယၤ, ဒီးပျဲယၤလၢယလဲၤလၢယကျဲဒၣ်ယဲန့ၣ်လီၤ.

လံာ်ယံးရမံယၤ 40:6

ယလဲၤဒီးအိၣ်လၢစီၤကဒါလယၤအသကိးလၢဝ့ၢ်မံးစပၤအပူၤဒီး အိၣ်လၢပှၤဂီၢ်မုၢ်လၢအအိၣ်လီၤတဲာ်လၢကီၢ်ပူၤအကျါန့ၣ်လီၤ.

လံာ်ယံးရမံယၤ 40:7

ပှၤယူဒၤဖိအသုးခိၣ်သုးနၢ်တနီၤဒီးအသုးဖိတဖၣ်တပာ်လီၤအ စုကဝဲၤဘၣ်. အဝဲသ့ၣ်နၢ်ဟူဘၣ်ဝဲလၢကီၢ်ဘၤဘူၤလိၣ် အစီၤပၤပာ်ထီၣ်စီၤကဒါလယၤလၢကီၢ်အပဒိၣ်ဖးဒိၣ်, ပာ်အီၤဒ်ပှၤကွၢ်ထွဲ ပၢဆှၢပှၤခဲလၢာ်လၢအတဘၣ်တၢ်စိာ်ကွံာ်အီၤဆူကီၢ်ဘၤဘူၤလိၣ်, ပှၤဂီၢ်မုၢ်လၢအဖှီၣ်ယာ်ကတၢၢ်လၢကီၢ်အံၤအပူၤတဖၣ်န့ၣ်လီၤ.

လံာ်ယံးရမံယၤ 40:8

လၢတၢ်န့ၣ်အဃိ, စီၤနသၤနံယၤအဖိခွါစီၤယံးၡမၤအ့လး, စီၤကါရ့ၤအဖိခွါစီၤယိၤဃၤနၣ်, စီၤတးနဃူမ့းအဖိခွါစီၤစရါယၤ, ပှၤနတိဖၤဖိစီၤဧ့ၤဖ့ၤအဖိခွါတဖၣ်, ဒီးပှၤမၤကးဖိစီၤယစၤနယၤ, လဲၤတၢ်ဒီးအပှၤတဖၣ်ဆူစီၤကဒါလယၤအအိၣ်လၢဝ့ၢ်မံးစပၤန့ၣ် လီၤ.

လံာ်ယဃ့းစက့လး 17:13

အဝဲက့ၤကိးစီၤပၤအဒူၣ်ဖိထၢဖိအကျါတဂၤဒီးမၤလံာ်ဃံၤဃာ် တဘ့ၣ်ဒီးအီၤ, ဒီးမၢအဆိၣ်လီၤအသးလၢကတီဒီးအီၤန့ၣ်လီၤ. အဝဲက့ၤကိးပှၤလၢအကါဒိၣ်တဖၣ်ဒ်ပှၤဘၣ်တၢ်ဟ့ၣ်ကီၤလၢတၢ်အုၣ် ခီၣ်အဂီၢ်တဖၣ်အသိး,

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).