လံာ်ယံးရမံယၤ 40:9 - Sgaw Karen Common Bible

⁹ စီၤကဒါလယၤစံးဘၣ်အဝဲသ့ၣ်, “ယအုၣ်ခီၣ်လီၤယသးလၢအလီၢ် တအိၣ်လၢသုကပျံၤတၢ်ဒ်သိးသုကဟ့ၣ်လီၤသုသးဆူ ပှၤဘၤဘူၤလိၣ်ဖိတဖၣ်အစုပူၤန့ၣ်ဘၣ်. အိၣ်ဆိးဖဲကီၢ်အံၤအ ပူၤ, မၤကီၢ်ဘၤဘူၤလိၣ်အစီၤပၤအတၢ်မၤ, ဒီးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢသုဂီၢ်န့ၣ်လီၤ.

လံာ်ယံးရမံယၤ 40:9 Iomraidhean Croise

လံာ်တၢ်ကဲထီၣ်အခီၣ်ထံး 49:15

ဘၣ်ဆၣ်အဝဲထံၣ်ဝဲလၢလီၢ်အိၣ်ဘှံးအံၤဂ့ၤဝဲ ဒီးထံကီၢ်မ့ၢ်လီၢ်အမုာ်အခုၣ်လီၤ. လၢတၢ်န့ၣ်အဃိ, အဝဲသကူးလီၤအပျိၢ်ဒ်သိးကဝံထီၣ်ယိးထီၣ်တၢ် ဘိၣ်ဒီးကဘၣ်တၢ်မၤဆူၣ်အီၤလၢကမၤတၢ်ဒ်ကုၢ်တဂၤအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:24

စီၤကဒါလယၤစံးဘၣ်အဝဲသ့ၣ်, “ယဆိၣ်တၢ်ဒီးသုလၢ, အလီၢ်တအိၣ်လၢသုကဘၣ်ပျံၤဘၣ်ဖုးကီၢ်ဘၤဘူၤလိၣ် အသုးခိၣ်သုးနၢ်တဖၣ်န့ၣ်ဘၣ်. သူၣ်လီၤသုတၢ်အိၣ်တၢ်ဆိးအလီၢ်ဖဲထံကီၢ်အံၤအပူၤ, မၤကီၢ်ဘၤဘူၤလိၣ်အစီၤပၤအတၢ်မၤ, ဒီးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢသုဂီၢ်န့ၣ်လီၤ.”

စံးထီၣ်ပတြၢၤ 128:2

နကအီၣ်နစုအတၢ်ဖံးတၢ်မၤအတၤသၣ်, နကသူၣ်ဖှံသးညီဒီးနကအိၣ်မုာ်လီၤ.

စံးထီၣ်ပတြၢၤ 37:3

သန့ၤနသးလၢယွၤဒီးမၤတၢ်ဂ့ၤတက့ၢ်. အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.

လံာ်ယံးရမံယၤ 27:11

ဘၣ်ဆၣ်ဒီး, ပှၤတကလုာ်လၢ်လၢ်မ့ၢ်, ဆီၣ်လီၤအသးလၢ ကီၢ်ဘၤဘူၤလိၣ်အစီၤပၤအဖီလာ်ဒီး မၤဝဲအတၢ်မၤဒီး, ယကပျဲအီၤလၢကအိၣ်ဘၣ်ဆိးဘၣ်ဒံး ဝဲလၢအထံအကီၢ်ဒၣ်ဝဲအပူၤ, လၢကထူစံာ်ထူပှဲၤဒီးအိၣ်ဝဲဆိးဝဲဖဲန့ၣ်အဂီၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်သးသယုၢ်တၢ် 1:1

ဝ့ၢ်ယရူၤၡလ့ၣ်လၢတဘျီအခါအပှဲၤတ့ၢ်မးဒီးပှၤဂီၢ်မုၢ်န့ၣ်, အိၣ်သယုၢ်သညိမးလဲၣ်. တဘျီန့ၣ်ဘၣ်တၢ်ပာ်ဒိၣ်ပာ်ကဲတ့ၢ်အီၤလၢဟီၣ်ခိၣ်, ခဲအံၤမၤအသးဒ်မုၣ်ကမဲတဂၤအသိးမးလဲၣ်. လၢညါလီၤဂာ်ဒီးနီၢ်ပၤမုၣ်ဖိလၢအပၢဘၣ်ကီၢ်စဲၣ်ကီၢ်ဆၣ်တဖၣ် လီၤ. မ့မ့ၢ်ခဲအံၤလီၤတဲာ်ကွံာ်ဆူတၢ်မၢကဲကုၢ်အလီၢ်လံ.

လံာ်သးသယုၢ်တၢ် 5:9

ပှၤမၤသံမၤဝီတၢ်တဖၣ်လဲၤဝ့ၤဝီၤတၢ်လၢထံကီၢ် အခိၣ်အဃၢၤ ဒီးပဘၣ်လိာ်ဒူပသးဖဲပဃ့တၢ်လၢတၢ်အီၣ် အဂီၢ်န့ၣ်လီၤ.