လံာ်ယံးရမံယၤ 40:7 - Sgaw Karen Common Bible

⁷ ပှၤယူဒၤဖိအသုးခိၣ်သုးနၢ်တနီၤဒီးအသုးဖိတဖၣ်တပာ်လီၤအ စုကဝဲၤဘၣ်. အဝဲသ့ၣ်နၢ်ဟူဘၣ်ဝဲလၢကီၢ်ဘၤဘူၤလိၣ် အစီၤပၤပာ်ထီၣ်စီၤကဒါလယၤလၢကီၢ်အပဒိၣ်ဖးဒိၣ်, ပာ်အီၤဒ်ပှၤကွၢ်ထွဲ ပၢဆှၢပှၤခဲလၢာ်လၢအတဘၣ်တၢ်စိာ်ကွံာ်အီၤဆူကီၢ်ဘၤဘူၤလိၣ်, ပှၤဂီၢ်မုၢ်လၢအဖှီၣ်ယာ်ကတၢၢ်လၢကီၢ်အံၤအပူၤတဖၣ်န့ၣ်လီၤ.

လံာ်ယံးရမံယၤ 40:7 Iomraidhean Croise

လံာ်စီၤပၤခံဘ့ၣ်တဘ့ၣ် 25:12

ဘၣ်ဆၣ်လၢကီၢ်ယူဒၤအပူၤန့ၣ်, အဝဲပာ်တ့ၢ်ပှၤအဖှီၣ်ကတၢၢ်အကျါ တနီၤလၢအတၢ်စုလီၢ်ခီၣ်ခိၣ်တအိၣ်နီတမံၤ, ဒီးမၢအဝဲသ့ၣ်မၤတၢ်လၢစပံးလီၢ်တဖၣ်ဒီးစံာ်ပျီတဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:4

ဝ့ၢ်ခိၣ်ဒူတဖၣ်ဘၣ်တၢ်ဘၢၣ်ဖျိကွံာ်အီၤန့ၣ်လီၤ. ပှၤဘၤဘူၤလိၣ်ဖိတဖၣ်ကဝီၤဝ့ၢ်ဒၣ်လဲာ်န့ၣ်, ကယဲၢ်ပှၤသုးဖိ ခဲလၢာ်ဃ့ၢ်ပူၤဖျဲးကွံာ်ဝဲဒၣ်လၢမုၢ်နၤအခါန့ၣ်လီၤ. အဝဲသ့ၣ်ဟးထီၣ်ကွံာ်လၢစီၤပၤအတၤသၣ်လီၢ်အကျဲ, လဲၤခီဖျိဝဲကျဲစၢၤလၢအဒုးစဲဘူးတၢ်ဒူၣ်ခံခါဒီးဃ့ၢ် ပူၤဖျဲးကွံာ်ဝဲဒၣ်ဆူယၢ်ဒ့ၣ်အတၢ်တြီၤပူၤတခီန့ၣ်လီၤ.

လံာ်ယံးရမံယၤ 39:10

လၢကီၢ်ယူဒၤအပူၤန့ၣ်, အဝဲပာ်တီၢ်ဝဲပှၤလၢ အဖှီၣ်ကတၢၢ် အကျါတနီၤလၢ အတၢ်ဖိတၢ်လံၤတအိၣ်နီတမံၤဘၣ်, ဒီးအဝဲဟ့ၣ်လီၤအဝဲသ့ၣ်လၢ စပံးလီၢ်တဖၣ်ဒီး စံာ်ပျီတဖၣ်န့ၣ်လီၤ.

လံာ်ယံးရမံယၤ 39:14

ထုးထီၣ်ကွံာ်ယၤလၢ ဃိာ်လၢအအိၣ်လၢ နူၢ်အဂၢၤပူၤန့ၣ်လီၤ. အဝဲသ့ၣ်ပာ်ယၤလၢ စီၤၡၤဖၣ်အလံၤ, စီၤအဃံကၣ်အဖိခွါ, စီၤကဒါလယၤအစုပူၤ လၢကအံးထွဲကွၢ်ထွဲ ကဟုကယာ်ယၤ တုၤယက့ၤတုၤလၢ ဟံၣ်ဂ့ၤဂ့ၤဘၣ်ဘၣ်တစုန့ၣ်လီၤ. ဒီး လၢတၢ်န့ၣ်အဃိဒီး, ယအိၣ်ယဲဖဲန့ၣ်လၢ ပှၤဂီၢ်မုၢ်အကျါန့ၣ်လီၤ.

လံာ်ယံးရမံယၤ 39:4

ဖဲစီၤပၤစံးဒကံယၤဒီး ကယဲၢ်အဝဲသုးဖိတဖၣ်ထံၣ် တၢ်လၢအမၤအသးန့ၣ်ဒီး, အဝဲသ့ၣ်ကျဲးစၢးဃ့ၢ်ပူၤဖျဲး အသးလၢ ဝ့ၢ်န့ၣ် လၢမုၢ်နၤခီအဆၢကတီၢ်လီၤ. အဝဲသ့ၣ်ဟးထီၣ်ကွံာ်ဝဲလၢ စီၤပၤအတၤသၣ်အလီၢ်အကျဲ, လဲၤခီဖျိကွံာ်ကျဲစၢၤဖိလၢ အဒုးစဲဘူးတၢ်ဒူၣ်ခံဒူၣ်ဒီး ပူၤဖျဲးဝဲဆူ ထံကျိယၢ်ဒ့ၣ်အတြီၤပူၤန့ၣ်လီၤ.

လံာ်ယံးရမံယၤ 39:9

လၢခံကတၢၢ်, စီၤနဘူစၢ်ရဒၣ်လၢ အမ့ၢ်သုးခိၣ်ကျၢၢ်န့ၣ်, စိာ်ကွံာ်ပှၤဂီၢ်မုၢ်လၢ အိၣ်လီၤတဲာ်လၢ ဝ့ၢ်ပူၤတဖၣ် အဟဲဃ့ၢ်ခီနုာ်ဆူ အဝဲသ့ၣ်အအိၣ်, ဒ်ကုၢ်တဖၣ်အသိးဆူ ကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 41:1

လၢအနံၣ်အဝဲန့ၣ် နွံလါတလါအပူၤန့ၣ်, စီၤအလံၡမၤအလံၤခွါ, စီၤနသၤနံယၤအဖိခွါစီၤယံးၡမၤအ့လး, လၢအမ့ၢ်စီၤပၤအစၢၤ အသွဲၣ်တဂၤ, ဒီးစီၤပၤအပဒိၣ်ဖးဒိၣ်အကျါတဂၤန့ၣ်, လဲၤဆူ ဝ့ၢ်မံးစပၤဃုာ်ဒီၤ ပှၤအဂၤတဆံလၢ ကလဲၤထံၣ်လိာ် စီၤကဒါလယၤ အဂီၢ်န့ၣ်လီၤ. ဖဲအဝဲသ့ၣ် အီၣ်သကိးတၢ်အီၣ်တဘျီ အခါန့ၣ်,

လံာ်ယံးရမံယၤ 41:10

အန့ၣ်ဝံၤဒီး, စီၤပၤအဖိမုၣ်တဖၣ် ဃုာ်ဒီးဝ့ၢ်မံးစပၤအပှၤဂီၢ် မုၢ်လၢအအိၣ်လီၤတဲာ်ခဲလၢာ်, လၢသုးခိၣ်ဖးဒိၣ် စီၤနဘူစၢ်ရဒၣ်ပာ်ဝဲလၢစီၤကဒါလယၤအတၢ်ပၢဆှၢကဟုကယာ် အပူၤန့ၣ်, အဝဲဒုးကဲထီၣ်အဝဲသ့ၣ်ဆူ ပှၤဃိာ်ဖိတဖၣ်န့ၣ်လီၤ. စီၤယံးၡမၤအ့လးစိာ်မၢကဲကုၢ်အဝဲဆူ ပှၤဧၣ်မိၣ်ဖိအလီၢ်ကဝီၤ အကျဲတခီန့ၣ်လီၤ.

လံာ်ယံးရမံယၤ 41:11

စီၤယိဃၤနၣ်ဒီး သုးခိၣ်သုးနၢ်ခဲလၢာ်လၢအအိၣ်ဒီးအီၤနၢ်ဟူဘၣ် တၢ်မၤသရူးမၤကမၣ်လၢ စီၤယံးၡမၤအ့လးမၤတ့ၢ်ဝဲန့ၣ်လီၤ.

လံာ်ယံးရမံယၤ 43:6

အဝဲသ့ၣ်လဲၤကိးစ့ၢ်ကီး ပိာ်ခွါတဖၣ်, ပိာ်မုၣ်တဖၣ်, ဖိသၣ်တဖၣ် ဒီးစီၤပၤအဖိမုၣ်တဖၣ်န့ၣ်လီၤ. အဝဲသ့ၣ်လဲၤကိးကွံာ် ပှၤကိးဂၤဒဲးလၢ သုးခိၣ်ဖးဒိၣ်စီၤနဘူစၢ်ရဒၣ်ပာ်လီၤတဲာ်တ့ၢ်ဝဲလၢ စီၤကဒါလယၤအတၢ်ပၢဆှၢကဟုကယာ်အပူၤ, ဃုာ်ဒီး စီၤဘၤရူးဒီၤယၤန့ၣ်လီၤ.

လံာ်ယံးရမံယၤ 52:16

ဘၣ်ဆၣ်လၢ ကီၢ်ယူဒၤအပူၤန့ၣ်, အဝဲပာ်တီၢ်ပှၤဂီၢ်မုၢ်လၢ အဖှီၣ်အယာ်ကတၢၢ်တနီၤ, ပှၤလၢအစုလီၢ်ခီၣ်ခိၣ်တအိၣ်နီတမံၤတဖၣ်, ဒီးအဝဲပာ်လီၤပှၤသ့ၣ်တဖၣ်အံၤ လၢကမၤတၢ်လၢ စပံးလီၢ် တဖၣ်ဒီး စံာ်ပျီတဖၣ်အပူၤန့ၣ်လီၤ.

လံာ်ယဃ့းစက့လး 45:16

ကယဲၢ်ပှၤဂီၢ်မုၢ်လၢကီၢ်ပူၤခဲလၢာ်ဘၣ်လဲၤစိာ်တၢ်လုၢ်တဖၣ်ဆူကီၢ် အံၣ်စရ့လးအစီၤပၤဖိခွါလၢအပၢတၢ်အအိၣ်န့ၣ်လီၤ.