လံာ်ယံးရမံယၤ 40:5 - Sgaw Karen Common Bible

⁵ ဖဲယတစံးဆၢအီၤဘၣ်နီတမံၤဘၣ်န့ၣ်, စီၤနဘူစၢ်ရဒၣ်စံးဘၣ်ယၤ, “က့ၤကဒါက့ၤဆူစီၤၡၤဖၣ်အလံၤ, စီၤအဃံကၣ်အဖိခွါ, စီၤကဒါလယၤ, လၢကီၢ်ဘၤဘူၤလိၣ်အစီၤပၤဒုးကဲထီၣ်အီၤလၢပှၤပၢကီၢ် ယူဒၤအဝ့ၢ်တဖၣ်အအိၣ်န့ၣ်တက့ၢ်. နအိၣ်ဒီးအီၤဒီးနအိၣ်လၢပှၤဂီၢ်မုၢ်အကျါမ့ၢ်ဂ့ၤ, နလဲၤဆူတၢ်လီၢ်တပူၤပူၤလၢနဆိကမိၣ်နကြၢးလဲၤမ့ၢ်ဂ့ၤန့ၣ် သ့ဝဲလီၤ.” ဝံၤဒီးအဝဲဟ့ၣ်လီၤယၤတၢ်ဟ့ၣ်တမံၤဒီးတၢ်အီၣ်တနီၤလၢ ယကစိာ်ဃုာ်ဒီးယၤ, ဒီးပျဲယၤလၢယလဲၤလၢယကျဲဒၣ်ယဲန့ၣ်လီၤ.

လံာ်ယံးရမံယၤ 40:5 Iomraidhean Croise

လံာ်စီၤပၤခံဘ့ၣ်တဘ့ၣ် 22:12

ဒီးဟ့ၣ်လီၤအကလုၢ်ဒ်လာ်အံၤဆူပှၤလုၢ်တၢ်အခိၣ်စီၤဃံးလကံယၤ, ဆူစီၤၡၤဖၣ်အဖိခွါစီၤအဃံကၣ်, ဆူစီၤမံၤကါယၤအဖိခွါ စီၤဧးကဘိၢ်, ဆူကွီၢ်ဘျီၣ်အပှၤကွဲးလံာ်ဒိၣ်စီၤၡၤဖၣ်ဒီးဆူပှၤကွၢ်ထွဲမၤ စၢၤစီၤပၤစီၤဧစါယၤအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:14

စီၤဃံးလကံယၤ, စီၤအဃံကၣ်, စီၤဧးကဘိၢ်, စီၤၡၤဖၣ်ဒီးစီၤဧစါယၤတဖၣ်လဲၤဒ်သိးကသံကွၢ်တၢ်လၢပိာ်မုၣ် တဂၤလၢအမံၤမ့ၢ်ဝဲနီၢ်ဃူးလဒါဝံမုၣ်တဂၤလၢအအိၣ်ဆိးဝဲလၢ ဝ့ၢ်ယရူၤၡလ့ၣ်အတၢ်လီၢ်အသီ, အအိၣ်န့ၣ်လီၤ. (အဝဲအဝၤစီၤၡၤလူၣ်လၢအမ့ၢ်စီၤတံးကဝၤအဖိခွါ, ဒီးစီၤဃၢ်ဃၣ်အလံၤခွါန့ၣ်, မ့ၢ်ပှၤပၢၤယွၤအတၢ်လုၢ်ဟံၣ်အဆ့ ကၤဖးထီတဖၣ်န့ၣ်လီၤ.) အဝဲသ့ၣ်တဲဘၣ်နီၢ်ဃူးလဒါလၢတၢ်လၢအမၤတ့ၢ်အသး,

လံာ်ကွဲးနီၣ်တၢ်ခံဘ့ၣ်တဘ့ၣ် 34:20

ဒီးဟ့ၣ်လီၤအကလုၢ်ဒ်လၢလာ်အံၤဆူစီၤဃံးလကံယၤ, စီၤၡၤဖၣ်အဖိခွါစီၤအဃံကၣ်, စီၤမံၤကါအဖိခွါစီၤဧးဘဒိၣ်, ကွီၢ်ဘျီၣ်အပှၤကွဲးလံာ်ဒိၣ်စီၤၡၤဖၣ်, ဒီးစီၤပၤအပှၤကွၢ်ထွဲ မၤစၢၤအီၤစီၤဧစါယၤန့ၣ်လီၤ.

လံာ်စီၤဧ့စြၤ 7:27

စီၤဧ့စြၤစံးဝဲ, “စံးထီၣ်ပတြၢၤယွၤ, ပမိၢ်ပၢ်ဖံဖုလၢပျၢၤအကစၢ်ယွၤန့ၣ်တက့ၢ်. အဝဲထိၣ်ဂဲၤလံစီၤပၤဖးဒိၣ်အသး, လၢကျဲဒ်အံၤဒ်သိးကမၤလၤကပီၤယွၤအတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤလံ.

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

လံာ်စီၤယိၤဘး 22:29

ကစၢ်ယွၤဆီၣ်လီၤပှၤပာ်ထီၣ်ထီသးဒီးအုၣ်က့ၤခီၣ်က့ၤပှၤဆီၣ် လီၤအသးန့ၣ်လီၤ.

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

လံာ်ယံးရမံယၤ 15:11

ယွၤဧၢ, ယမ့ၢ်တမၤတ့ၢ်နတၢ်မၤဂ့ၤဂ့ၤဘၣ်ဘၣ်, ယမ့ၢ်တဃ့ သကွံာ်ကညးတ့ၢ်နၤလၢယဒုၣ်ယဒါတဖၣ်အခၢၣ်စးဖဲအဝဲသ့ၣ် အိၣ်လၢတၢ်ကီတၢ်ခဲဒီးတၢ်ဘၣ်ကိၢ်ဘၣ်ဂီၤအကတီၢ်ဘၣ်န့ၣ်ဘၣ်ဒီး, မ်အဝဲသ့ၣ်အတၢ်ဆိၣ်အၢခဲလၢာ်ကလၢထီၣ်ပှဲၤထီၣ်ဒၣ်ဝဲတက့ၢ်.

လံာ်ယံးရမံယၤ 26:24

ဘၣ်ဆၣ်, မ့ၢ်လၢစီၤၡ့ၤဖၣ်အဖိခွါ စီၤအဃံကၣ်အတၢ်မၤ စၢၤယၤအဃိဒီး, ယတဘၣ်တၢ်ဟ့ၣ်လီၤကွံာ်ယၤဆူပှၤဂီၢ် မုၢ်အစုပူၤလၢ တၢ်ကမၤသံယၤအဂီၢ်န့ၣ်ဘၣ်.

လံာ်ယံးရမံယၤ 39:14

ထုးထီၣ်ကွံာ်ယၤလၢ ဃိာ်လၢအအိၣ်လၢ နူၢ်အဂၢၤပူၤန့ၣ်လီၤ. အဝဲသ့ၣ်ပာ်ယၤလၢ စီၤၡၤဖၣ်အလံၤ, စီၤအဃံကၣ်အဖိခွါ, စီၤကဒါလယၤအစုပူၤ လၢကအံးထွဲကွၢ်ထွဲ ကဟုကယာ်ယၤ တုၤယက့ၤတုၤလၢ ဟံၣ်ဂ့ၤဂ့ၤဘၣ်ဘၣ်တစုန့ၣ်လီၤ. ဒီး လၢတၢ်န့ၣ်အဃိဒီး, ယအိၣ်ယဲဖဲန့ၣ်လၢ ပှၤဂီၢ်မုၢ်အကျါန့ၣ်လီၤ.

လံာ်ယံးရမံယၤ 40:4

အခဲအံၤ, ယဘ့ၣ်လီၤကွံာ်ထးသွဲတဖၣ်လၢအအိၣ်လၢနစု ဒ့တဖၣ်အလိၤဒီးပျၢ်ဖျဲးကွံာ်နၤန့ၣ်လံ. နမ့ၢ်သးအိၣ်လဲၤဃုာ် ဒီးယၤဆူကီၢ်ဘၤဘူၤလိာ်န့ၣ်, နမၤနဲသ့ဒီးယကအံးထွဲကွၢ်ထွဲ နခံလီၤ. ဘၣ်ဆၣ်ဒီး, နမ့ၢ်တသးအိၣ်လဲၤဘၣ်ဒီးနလဲၤအလီၢ်တအိၣ် ဘၣ်လီၤ. နအိၣ်ဒီးထံကီၢ်ဒီဘ့ၣ်ညါလၢနမဲာ်ညါလၢနကဃုထၢအိၣ်ဆိးနဲ ဒီးဖဲနသးအိၣ်လဲၤန့ၣ်နလဲၤနဲသ့လီၤ.”

လံာ်ယံးရမံယၤ 41:1

လၢအနံၣ်အဝဲန့ၣ် နွံလါတလါအပူၤန့ၣ်, စီၤအလံၡမၤအလံၤခွါ, စီၤနသၤနံယၤအဖိခွါစီၤယံးၡမၤအ့လး, လၢအမ့ၢ်စီၤပၤအစၢၤ အသွဲၣ်တဂၤ, ဒီးစီၤပၤအပဒိၣ်ဖးဒိၣ်အကျါတဂၤန့ၣ်, လဲၤဆူ ဝ့ၢ်မံးစပၤဃုာ်ဒီၤ ပှၤအဂၤတဆံလၢ ကလဲၤထံၣ်လိာ် စီၤကဒါလယၤ အဂီၢ်န့ၣ်လီၤ. ဖဲအဝဲသ့ၣ် အီၣ်သကိးတၢ်အီၣ်တဘျီ အခါန့ၣ်,

လံာ်ယံးရမံယၤ 41:18

လၢတၢ်န့ၣ်အဃိ အဝဲသ့ၣ်လဲၤဝဲဆူ ကီၢ်အဲၤကူပတူးဒ်သိးဒီး ကယံၤထီၣ်ကွံာ်ဒီၤ ပှၤဘၤဘူၤလိၣ်ဖိတဖၣ်အဂီၢ်လီၤ. လၢကျဲန့ၣ်, အဝဲသ့ၣ်ဆိကတီၢ်ဖဲ ကံးမဟၣ်လၢ အဘူးဒီးဝ့ၢ်ဘ့ၤသလ့ဃ့ၣ်န့ၣ်လီၤ.

လံာ်ယံးရမံယၤ 41:2

စီၤယံးၡမၤအ့လးဒီး ပှၤအဂၤတဆံ ထုးထီၣ်အနးတဖၣ် ဒီးမၤသံကွံာ်စီၤကဒါလယၤန့ၣ်လီၤ.

မၤတၢ် 27:3

မုၢ်ဆ့ၣ်ထီၣ်တနံၤန့ၣ်ပလဲၤတုၤလၢဝ့ၢ်စံဒိၣ်လီၤ. စီၤယူၤလံဂ့ၤဝဲလၢစီၤပီလူးအဖီခိၣ်ဒီးဟ့ၣ်အဝဲဒၣ်အခွဲးလၢ အကလဲၤအိၣ်သကိးအတံၤသကိးတဖၣ်ဒီးဒိးန့ၢ်တၢ် လၢအလိၣ်ဘၣ်ဝဲတဖၣ်လီၤ.

မၤတၢ် 27:43

ဘၣ်ဆၣ်ပှၤသုးဖိတကယၤအခိၣ်သးအိၣ်မၤပူၤဖျဲးစီၤပီ လူးသတးဒီး, အဝဲဒၣ်တြီပှၤသုးဖိတဖၣ် ဒ်သိးအသုတမၤ သံပှၤဃိာ်ဖိတဖၣ်တဂ့ၤလီၤ. လၢတၢ်န့ၣ်အလီၢ်အဝဲဟ့ၣ်လီၤ အကလုၢ်ဒ်သိးပှၤလၢအပီၢ်ထံသ့ကိးဂၤဒဲးကစံၣ်လီၤဆိဆူထံ ကျါဒီးပီၢ်ထံဆူခိန့ၣ်လီၤ.

မၤတၢ် 28:10

အဝဲသ့ၣ်ဟ့ၣ်ပှၤတၢ်ဟ့ၣ်အါအါဂီၢ်ဂီၢ်, ဒီးလၢခံဖဲပဒိးထီၣ်ကဘီန့ၣ်, အဝဲသ့ၣ်တီၣ်ထီၣ်တၢ်လၢပကလိၣ်ဘၣ်အီၤလၢပတၢ်လဲၤတဘျီန့ၣ် အဂီၢ်လီၤ.

ဧ့ၤဘြံၤ 13:6

လၢတၢ်အံၤအဃိပစံးပဝဲလၢတၢ်သးခူတလ့ၣ်အပူၤသ့ဝဲလၢ, “ကစၢ်မ့ၢ်ပှၤလၢအမၤစၢၤယၤ ယတပျံၤဘၣ်တၢ်ဘၣ်. ပှၤဟီၣ်ခိၣ်ဖိမၤယၤကသ့မနုၤတမံၤလဲၣ်.”