လံာ်ယံးရမံယၤ 40:3 - Sgaw Karen Common Bible

³ ဒီးအခဲအံၤ, အဝဲမၤတ့ၢ်လံတၢ်လၢအစံးဘၣ်တ့ၢ်ဝဲလၢအကမၤဝဲ န့ၣ်လီၤ. တၢ်ခဲလၢာ်အံၤမၤအသးမ့ၢ်လၢနပှၤဂီၢ်မုၢ်မၤတ့ၢ်တၢ်ဒဲးဘးထီ ဒါယွၤဒီးတစူၢ်တ့ၢ်အီၤဘၣ်အဃိန့ၣ်လီၤ.

လံာ်ယံးရမံယၤ 40:3 Iomraidhean Croise

လံာ်စီၤနဃ့မယၤ 9:28

တုၤတၢ်ဃူတၢ်ဖိးန့ၢ်ကဒါန့ၣ်, အဝဲသ့ၣ်မၤဒဲးဘးတ့ၢ်ကဒီးတၢ် ဒီးနပျဲက ဒီးအဒုၣ်အဒါမၤနၢၤအဝဲသ့ၣ်န့ၣ်လီၤ. အန့ၣ်ဒၣ်လဲာ်ဖဲအဝဲသ့ၣ်ပီၢ်ယၢ်လီၤက့ၤအသး, ဒီးဃ့တၢ်မၤစၢၤလၢနၤလၢနကမၤပူၤဖျဲးအဝဲသ့ၣ်န့ၣ်, နနၢ်ဟူအတၢ်ဃ့လၢမူခိၣ်ဒီးလၢနတၢ်သးကညီၤဖးဒိၣ်အပူၤ, နမၤပူၤဖျဲးအဝဲသ့ၣ်တဘျီဝံၤတဘျီန့ၣ်လီၤ.

လံာ်စီၤနဃ့မယၤ 9:33

နမၤတ့ၢ်တၢ်အဘၣ်လၢတၢ်စံၣ်ညီၣ်ပှၤ, ပမၤတ့ၢ်တၢ်ဒဲးဘးဘၣ်ဆၣ်, နမ့ၢ်တ့ၢ်ပှၤလၢအသူၣ်တီသးရၤလီၤ.

လံာ်ယံးရမံယၤ 11:17

ယၤ, ယွၤသ့တၢ်လၢာ်အံၤ, ယသူၣ်လီၤတ့ၢ်ကီၢ်အံၣ်စရ့လးဒီး ကီၢ်ယူဒၤန့ၣ်လီၤ. ဘၣ်ဆၣ်ခဲအံၤ, ယမၤပျံၤမၤဖုးအဝဲသ့ၣ် လၢတၢ်တတၢးတနါန့ၣ်လီၤ. မ့ၢ်လၢအဝဲသ့ၣ်မၤတ့ၢ်တၢ်ကမၣ်အဃိ, အဝဲသ့ၣ်ဟဲစိာ်တၢ်အံၤလၢအကစၢ်ဒၣ်ဝဲအဖီခိၣ်လီၤ. အဝဲသ့ၣ် မၤသးဒိၣ်ထီၣ်ယၤ, ခီဖျိအလုၢ်ထီၣ်တၢ်လုၢ်တၢ်ပာ်တဖၣ်ဆူ ဘဧၤလးအအိၣ်န့ၣ်လီၤ.”

လံာ်ယံးရမံယၤ 22:8

တၢ်န့ၣ်အလီၢ်ခံ, ပှၤတခီဘီမုၢ်ဖိအါဂၤကလဲၤခီဂာ်တၢ်ဒီး သံကွၢ်လိာ်သးတဂၤဒီးတဂၤ, ဘၣ်မနုၤအဃိလၢယၤ, ယွၤအံၤ, ယမၤဘၣ်တ့ၢ်ဝ့ၢ်ဖးဒိၣ်အံၤလၢတၢ်ဒ်သိးအံၤတမံၤလဲၣ်န့ၣ်လီၤ.

လံာ်ယံးရမံယၤ 39:16

ယကတဲဘၣ်စီၤဧ့ၤဘ့းမ့လ့းလၢ, ယွၤသ့တၢ်လၢာ်, အံၣ်စရ့လးအကစၢ်ယွၤ စံးတ့ၢ်ဝဲဒ်အံၤ, ဒ်ယစံးတ့ၢ်လၢ ယကမၤအသိးန့ၣ်, ယကဒုးဘၣ် တၢ်ဟးဂီၤလၢ ဝ့ၢ်အံၤအလိၤဒီး တမ့ၢ်တၢ်ဘီၣ်တၢ်ညီဘၣ်လီၤ. ဖဲတၢ်အံၤမၤအသးန့ၣ်, နကအိၣ်ဖဲန့ၣ်လၢနကထံၣ်ဘၣ်အီၤ အဂီၢ်န့ၣ်လီၤ.

လံာ်ယံးရမံယၤ 44:23

တၢ်တတၢးတနါလၢအလီၤဘၣ်သုခဲအံၤန့ၣ်, မ့ၢ်လၢသုလုၢ်ထီၣ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်ဒီး မၤတ့ၢ်တၢ်ဒဲးဘးထီဒါ ယွၤခီဖျိတၢ်တစူၢ်အတၢ်မၤလိာ်တဖၣ်အဃိန့ၣ်လီၤ.”

လံာ်ယံးရမံယၤ 50:7

အဝဲသ့ၣ်ဘၣ်တၢ်ဒုးအီၤလၢပှၤလၢအထံၣ်န့ၢ်အီၤခဲလၢာ်လီၤ. အဝဲသ့ၣ်အဒုၣ်အဒါတဖၣ် စံးဝဲလၢ, အဝဲသ့ၣ်မၤတ့ၢ်တၢ်ဒဲးဘး ထီဒါယွၤအဃိ, တၢ်လၢပမၤတ့ၢ်န့ၣ်တကမၣ်ဘၣ်. အဝဲသ့ၣ်အမိၢ်ပၢ်ဖံဖုလၢပျၢၤတဖၣ် နာ်ယွၤဒီးအဝဲသ့ၣ် အကစၢ်ဒၣ်ဝဲစ့ၢ်ကီး ကြၢးသးတီတ့ၢ်ဒံးဒီးအီၤန့ၣ်လီၤ.

လံာ်သးသယုၢ်တၢ် 2:17

လၢခံကတၢၢ်န့ၣ်, ယွၤမၤဝံၤတၢ်ဒ်အကတိၤပျံၤကတိၤဖုးဆိပာ်ဝဲ လၢအကမၤတၢ်န့ၣ်လီၤ. အဝဲမၤဟးဂီၤတ့ၢ်ပှၤဒ်အဟ့ၣ်ပလီၢ်တ့ၢ်ပှၤလၢပျၢၤလံၤလံၤအသိး ဒီးတသးကညီၤဘၣ်တၢ်ဘၣ်. ဟ့ၣ်လီၤတၢ်မၤနၢၤလၢပဒုၣ်ပဒါတဖၣ်, ဟ့ၣ်လီၤအီၤလၢတၢ်သးခု လၢပတၢ်လီၤပှီၢ်အဖီခိၣ်န့ၣ်လီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 29:25

ဒီးတၢ်စံးဆၢကမ့ၢ်ဝဲ, တၢ်န့ၣ်မ့ၢ်လၢယွၤအပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤဒီးအီၤ, ယွၤ, လၢအမ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤဖဲ အဝဲထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအခါအဃိန့ၣ်လီၤ.