လံာ်ယံးရမံယၤ 40:15 - Sgaw Karen Common Bible

¹⁵ အန့ၣ်ဒီး, စီၤယိဃၤနၣ်စံးဘၣ်အီၤလၢတၢ်ခူသူၣ်အပူၤ, “ပျဲယလဲၤဒီးမၤသံစီၤယံးၡမၤအ့လးတက့ၢ်. ဒီးမတၤမၤတၢ်အံၤလဲၣ်န့ၣ်, ပှၤတသ့ၣ်ညါနီတဂၤဘၣ်. ဘၣ်မနုၤအဃိအဝဲဘၣ်တၢ်ကပျဲအီၤလၢကမၤသံနၤန့ၣ်လဲၣ်. တၢ်န့ၣ်ကကဲထီၣ်တၢ်လၢအမၤလီၤပြံလီၤပြါကွံာ်ကယဲၢ် ပှၤယူဒၤဖိလၢအအိၣ်ဝးတရံးနၤတဖၣ်ဒီးတၢ်ကဟဲစိာ်တၢ် တတၢးတနါဆူကယဲၢ်ပှၤဂီၢ်မုၢ်အလိၤလၢအအိၣ်လီၤ တဲာ်လၢကီၢ်ယူဒၤအပူၤန့ၣ်လီၤ.”

လံာ်ယံးရမံယၤ 40:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:3

အဝဲသ့ၣ်စံးဆၢဝဲဒၣ်, “နတဘၣ်လဲၤဃုာ်တၢ်ဒီးပှၤဘၣ်. ပဝဲအကျါတနီၤမ့ၢ်ဃၣ်ကဒါက့ၤအသးဒီးဃ့ၢ်မ့ၢ်ဂ့ၤ, ပဝဲအကျါတဝာ်မ့ၢ်ဘၣ်တၢ်မၤသံကွံာ်အီၤမ့ၢ်ဂ့ၤန့ၣ်တမ့ၢ်ကလီၤ ဆီနီတမံၤလၢပဒုၣ်ပဒါအဂီၢ်ဘၣ်ဆၣ်, နလုၢ်ဒိၣ်ပှ့ၤဒိၣ်ထဲသိးဒီးပဝဲအဂၤတကလးညါန့ၣ်လီၤ. နမ့ၢ်အိၣ်လၢဝ့ၢ်ပူၤဖဲအံၤဒီးဆှၢလီၤန့ၢ်ပှၤတၢ်မၤစၢၤန့ၣ် ဂ့ၤဒိၣ်ဒၣ်တၢ်တက့ၢ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 21:17

ဘၣ်ဆၣ်ဒီးနီၢ်စရူယၤအဖိခွါစီၤအဘံၡဲၤဟဲမၤစၢၤစီၤဒၤဝံးဒီးဒုးပှၤဖးဒိၣ်တဂၤန့ၣ်, ဒီးမၤသံကွံာ်အီၤလီၤ. တုၤနုၤတစု, စီၤဒၤဝံးအပှၤတဖၣ်မၢစီၤဒၤဝံးအၢၣ်လီၤတၢ်လၢအဝဲတပိာ်လၢၤဘၣ်အဝဲသ့ၣ်အခံဆူ တၢ်ဒုးပျီအပူၤနီတစု ဘၣ်န့ၣ်လီၤ. အဝဲသ့ၣ်စံးဝဲဒၣ်, “နမ့ၢ်ကီၢ်အံၣ်စရ့လးအတၢ်မုၢ်လၢ် ဒီးပတအဲၣ်ဒိးလၢနကလီၤမၢ်ကွံာ်လၢပဂီၢ်ဘၣ်.”

လံာ်စီၤယိၤဘး 31:31

ကယဲၢ်ယပှၤမၤတၢ်ဖိခဲလၢာ်သ့ၣ်ညါလၢယတူၢ်လိာ်တ့ၢ် ပှၤသမှံၤတဖၣ်ထီဘိန့ၣ်လီၤ.

လံာ်ယံးရမံယၤ 40:8

လၢတၢ်န့ၣ်အဃိ, စီၤနသၤနံယၤအဖိခွါစီၤယံးၡမၤအ့လး, စီၤကါရ့ၤအဖိခွါစီၤယိၤဃၤနၣ်, စီၤတးနဃူမ့းအဖိခွါစီၤစရါယၤ, ပှၤနတိဖၤဖိစီၤဧ့ၤဖ့ၤအဖိခွါတဖၣ်, ဒီးပှၤမၤကးဖိစီၤယစၤနယၤ, လဲၤတၢ်ဒီးအပှၤတဖၣ်ဆူစီၤကဒါလယၤအအိၣ်လၢဝ့ၢ်မံးစပၤန့ၣ် လီၤ.

လံာ်ယံးရမံယၤ 42:2

ဒီးစံးဘၣ်ယၤ, “ဝံသးစူၤမၤတၢ်လၢ ပမၢနၤန့ၣ်တက့ၢ်. ဃ့ထုကဖၣ်တၢ်လၢ ပဂီၢ်ဆူယွၤပကစၢ်အအိၣ်တက့ၢ်. ဃ့ထုကဖၣ်တၢ်လၢ ပဝဲလၢ အအိၣ်လီၤတဲာ်ခဲလၢာ်အဂီၢ်တက့ၢ်. တဘျီန့ၣ် ပအိၣ်အါဂၤလီၤ. ဒ်နထံၣ်နဲသ့အသိး, ခဲအံၤပအိၣ်လီၤတဲာ်ဒၣ်ထဲစှၤဂၤလီၤ.

လံာ်ယိၤဟၣ် 11:50

မ့ၢ်သုတသ့ၣ်ညါလၢ, တၢ်ပျဲပှၤတဂၤတူၢ်သံအသးလၢပှၤခဲလၢာ် အဂီၢ်အံၤဂ့ၤဒိၣ်န့ၢ်ဒံးပှၤဒီကလုာ်ညါကဟးဂီၤကွံာ်တက့ၢ်န့ၣ်ဘၣ် ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 24:4

ပှၤတဖၣ်စံးဘၣ်အီၤ, “တၢ်အံၤမ့ၢ်နခွဲးနယာ်လီၤ. ယွၤစံးတ့ၢ်ဝဲလၢကပာ်နဒုၣ်နဒါလၢနစိကမီၤအဖီလာ်ဒီးနမၤအီၤ ဒ်နသးအိၣ်မၤအီၤအသိးန့ၣ်သ့ဝဲဒၣ်လီၤ.” စီၤဒၤဝံးလဲၤစွါဝဲဒီးကူးတဲာ်န့ၣ်စီၤစီလူးအဆ့ကၤဖးထီတက့လီၤ. တၢ်န့ၣ်စီၤစီလူးတသ့ၣ်ညါဝဲဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:8

စီၤအဘံၡဲၤစံးဘၣ်စီၤဒၤဝံး, “တနၤအံၤကစၢ်ယွၤပာ်လီၤ နဒုၣ်နဒါလၢနစိကမီၤအဖီလာ်လီၤ. ခဲအံၤပျဲယဆဲးအကစၢ်ဒၣ်ဝဲဒီးအဘီဖျိကွံာ်အီၤဒီးဆဲးတံၢ် အီၤဖဲဟီၣ်ခိၣ်လိၤထဲတဘီဧိၤတက့ၢ်. ယတဆဲးဘၣ်ခံဘီဘၣ်.”