လံာ်ယံးရမံယၤ 40:12 - Sgaw Karen Common Bible

¹² လၢတၢ်န့ၣ်အဃိ, အဝဲသ့ၣ်ဟးထီၣ်ကွံာ်လၢတၢ်လီၢ်တဖၣ်ဖဲ အဝဲသ့ၣ်ဘၣ်တၢ်မၤလီၤပြံလီၤပြါတ့ၢ်အီၤဒီးဟဲက့ၤကဒါက့ၤ ဆူကီၢ်ယူဒၤန့ၣ်လီၤ. အဝဲသ့ၣ်ဟဲဆူစီၤကဒါလယၤအအိၣ်ဖဲ ဝ့ၢ်မံးစပၤ, ဒီးဖဲန့ၣ်အဝဲသ့ၣ်ထၢဖှိၣ်ပာ်ဖှိၣ်စပံးထံဒီး တၤသူတၤသၣ်တဖၣ်အါအါဂီၢ်ဂီၢ်န့ၣ်လီၤ.

လံာ်ယံးရမံယၤ 40:12 Iomraidhean Croise

တၢ်ကတိၤဒိ. 27:25

ဖဲဘုအသီတဝီမဲထီၣ်သၣ်ထီၣ်ဝဲအခါန့ၣ်, ကူးဘုလီၢ်လံၤ, ဒီးနီၣ်ဧိၤမံၤဧိၤလၢကစၢၢ်တဖၣ်အကပၤတက့ၢ်.

လံာ်ယၡါယၤ 16:9

ခဲအံၤယဟီၣ်ယယၢၤလၢစံးဘမၤအစပံးမုၢ်အလီၢ်တဖၣ် အဃိ, ဒ်ယဟီၣ်ယယၢၤလၢဝ့ၢ်ယၤစ့ၢ်အဃိအသိးန့ၣ်လီၤ. ယမဲာ်ထံတဖၣ်လီၤဝဲလၢဝ့ၢ်ဃ့ၡဘိၣ်ဒီးဝ့ၢ်အ့လဧၤလ့ၤ အဂီၢ်လီၤ. အဂ့ၢ်ဒ်အံၤတၢ်ကူးဘုတအိၣ်လၢၤ လၢအကမၤသးခုအပှၤဂီၢ်မုၢ်အဂီၢ်ဘၣ်.

လံာ်ယံးရမံယၤ 40:10

ယကစၢ်ဒၣ်ယဲယကအိၣ်ဖဲဝ့ၢ်မံးစပၤဒီးကဲထီၣ်သုခၢၣ်စးဖဲ ပှၤဘၤဘူၤလိၣ်ဖိတဖၣ်ဟဲဖဲအံၤန့ၣ်လီၤ. ဘၣ်ဆၣ်ဒီး, သုထၢဖှိၣ်ဒီးပာ်ဖှိၣ်ပာ်တံၤစပံးထံ, တၤသူတၤသၣ်ဒီးသ့ၣ်စၤယံးအသိ, ဒီးအိၣ်ဖဲဒူသဝီတဖၣ်လၢသုမၤန့ၢ်အီၤအပူၤသ့ဝဲလီၤ.”

လံာ်ယံးရမံယၤ 40:13

တၢ်အံၤဝံၤအလီၢ်ခံဒီးစီၤယိဃၤနၣ်ဒီးပှၤသုးဖိအခိၣ်အနၢ် တဖၣ်လၢတပာ်လီၤဘၣ်အစုကဝဲၤန့ၣ်ဟဲဆူစီၤကဒါလယၤ အအိၣ်ဖဲဝ့ၢ်မံးစပၤ,

လံာ်ယံးရမံယၤ 41:10

အန့ၣ်ဝံၤဒီး, စီၤပၤအဖိမုၣ်တဖၣ် ဃုာ်ဒီးဝ့ၢ်မံးစပၤအပှၤဂီၢ် မုၢ်လၢအအိၣ်လီၤတဲာ်ခဲလၢာ်, လၢသုးခိၣ်ဖးဒိၣ် စီၤနဘူစၢ်ရဒၣ်ပာ်ဝဲလၢစီၤကဒါလယၤအတၢ်ပၢဆှၢကဟုကယာ် အပူၤန့ၣ်, အဝဲဒုးကဲထီၣ်အဝဲသ့ၣ်ဆူ ပှၤဃိာ်ဖိတဖၣ်န့ၣ်လီၤ. စီၤယံးၡမၤအ့လးစိာ်မၢကဲကုၢ်အဝဲဆူ ပှၤဧၣ်မိၣ်ဖိအလီၢ်ကဝီၤ အကျဲတခီန့ၣ်လီၤ.

လံာ်ယံးရမံယၤ 43:5

အန့ၣ်ဒီး, စီၤယိဃၤနၣ်ဒီၤ သုးခိၣ်သုးနၢ်ခဲလၢာ်လဲၤကိး ကွံာ်ပှၤကိးဂၤဒဲးလၢ အအိၣ်လီၤတဲာ်လၢ ကီၢ်ယူဒၤအပူၤ, ဃုာ်ဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤလၢ ပှၤကလုာ်တဖၣ် အကျါဖဲအဝဲသ့ၣ်ဘၣ်တၢ်မၤလီၤပြံလီၤ ပြါတ့ၢ်အီၤန့ၣ်ဆူကီၢ်အဲၤကူပတူးလီၤ.

လံာ်ယံးရမံယၤ 44:18

ဘၣ်ဆၣ်ဒီး, စးထီၣ်ဖဲ ပဆိကတီၢ်တၢ်လုၢ်ထီၣ်ပာ်ထီၣ်ဆူမူခိၣ် အနီၢ်ပၤမုၣ်, ဒီးဆိကတီၢ်ပတၢ်လူလီၤတၢ်လုၢ်စပံးထံလၢအဂီၢ်န့ၣ်, ပတအိၣ်ဒီးတၢ်နီတမံၤလၢၤဘၣ်, ဒီးပပှၤဂီၢ်မုၢ်သံတ့ၢ်ဝဲလၢ တၢ်ဒုးတၢ်ယၤအပူၤဒီးခီဖျိတၢ်သၣ်ဝံၤလီၤဒိန့ၣ်လီၤ.”

လံာ်ယဃ့းစက့လး 34:6

လၢတၢ်န့ၣ်အဃိ, ယသိတဖၣ်ဟးဝ့ၤဝီၤလၢတၢ်လူၢ်လၢအထီ တဖၣ်ဒီးကစၢၢ်ကလိတဖၣ်အလိၤန့ၣ်လီၤ. အဝဲသ့ၣ်လီၤပြံလီၤပြါ လၢဟီၣ်ခိၣ်အမဲာ်ဖံးခိၣ်ဒီးပှၤလၢကကွၢ်ဃုအဝဲသ့ၣ် မ့ၢ်ဂ့ၤဂုာ်ကျဲးစၢးလၢကဃုထံၣ်က့ၤအဝဲသ့ၣ်မ့ၢ်ဂ့ၤတအိၣ်နီ တဂၤဘၣ်.