လံာ်ယံးရမံယၤ 40:10 - Sgaw Karen Common Bible

¹⁰ ယကစၢ်ဒၣ်ယဲယကအိၣ်ဖဲဝ့ၢ်မံးစပၤဒီးကဲထီၣ်သုခၢၣ်စးဖဲ ပှၤဘၤဘူၤလိၣ်ဖိတဖၣ်ဟဲဖဲအံၤန့ၣ်လီၤ. ဘၣ်ဆၣ်ဒီး, သုထၢဖှိၣ်ဒီးပာ်ဖှိၣ်ပာ်တံၤစပံးထံ, တၤသူတၤသၣ်ဒီးသ့ၣ်စၤယံးအသိ, ဒီးအိၣ်ဖဲဒူသဝီတဖၣ်လၢသုမၤန့ၢ်အီၤအပူၤသ့ဝဲလီၤ.”

လံာ်ယံးရမံယၤ 40:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:1

ဖဲစီၤဒၤဝံးလဲၤပျံကွံာ်တၢ်လူၢ်ဒီခိၣ်တစဲးန့ၣ်, သတူၢ်ကလာ်အဝဲဘၣ်တၢ်ဟဲသဂၢၢ်အီၤလၢစီၤမဖံဘိၤၡ့းအခ့အပှၤ စီၤစံဘၤန့ၣ်လီၤ. အဝဲအိၣ်ဒီးကသ့ၣ်ယီၤခံဒုလၢအပဒၢးထီၣ်ဝဲကိၣ်အဖျၢၣ်ခံကယၤ, စပံးသၣ်ဃ့အချံၣ်တကယၤ, သ့ၣ်သၣ်အသီကဘှဲဒဲအချံၣ်တကယၤဒီး ထၢၣ်တၢ်ဖံးတဖျၢၣ်လၢအပှဲၤဝဲဒီးစပံးထံန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:8

နမါတဖၣ်အတၢ်ဘူၣ်တၢ်တီၢ်ဂ့ၤနးလဲၣ်. ဒီးနခ့နပှၤတဖၣ်လၢအအိၣ်လၢနမဲာ်ညါထီဘိဒီးအိၣ်ဒီးတၢ်ခွဲး တၢ်ယာ်လၢကနၢ်ဟူဘၣ်နတၢ်ကူၣ်သ့အတၢ်ကတိၤတဖၣ်န့ၣ်, အတၢ်ဘူၣ်တၢ်တီၢ်ဂ့ၤနးလဲၣ်.

တၢ်ကတိၤဒိ. 22:29

ဒုးနဲၣ်ယၤပှၤတဂၤလၢအမၤတၢ်မၤအဂ့ၤတမံၤန့ၣ်တက့ၢ်. ဒီးယကဒုးနဲၣ်နၤပှၤတဂၤလၢအဂ့ၤန့ၢ်ဒံးပှၤအါတက့ၢ်ဒီးကြၢး ဒီးစီၤပၤတဖၣ်အတၢ်ရ့လိာ်မုာ်လိာ်န့ၣ်လီၤ.

တၢ်ကတိၤဒိ. 27:25

ဖဲဘုအသီတဝီမဲထီၣ်သၣ်ထီၣ်ဝဲအခါန့ၣ်, ကူးဘုလီၢ်လံၤ, ဒီးနီၣ်ဧိၤမံၤဧိၤလၢကစၢၢ်တဖၣ်အကပၤတက့ၢ်.

လံာ်ယၡါယၤ 16:9

ခဲအံၤယဟီၣ်ယယၢၤလၢစံးဘမၤအစပံးမုၢ်အလီၢ်တဖၣ် အဃိ, ဒ်ယဟီၣ်ယယၢၤလၢဝ့ၢ်ယၤစ့ၢ်အဃိအသိးန့ၣ်လီၤ. ယမဲာ်ထံတဖၣ်လီၤဝဲလၢဝ့ၢ်ဃ့ၡဘိၣ်ဒီးဝ့ၢ်အ့လဧၤလ့ၤ အဂီၢ်လီၤ. အဂ့ၢ်ဒ်အံၤတၢ်ကူးဘုတအိၣ်လၢၤ လၢအကမၤသးခုအပှၤဂီၢ်မုၢ်အဂီၢ်ဘၣ်.

လံာ်ယံးရမံယၤ 35:19

အဃိဒီး, ယွၤ, ယွၤသ့တၢ်လၢာ်, အံၣ်စရ့လးအကစၢ်ယွၤ အၢၣ်လီၤအီလီၤလၢ စီၤရ့ကးအဖိခွါစီၤယိၤနဒာ်ကအိၣ်ဒီး အစၢၤအသွဲၣ်ပိာ်ခွါတဂၤထီဘိလၢကမၤယတၢ်မၤအဂီၢ်န့ၣ်လီၤ.”

လံာ်ယံးရမံယၤ 39:10

လၢကီၢ်ယူဒၤအပူၤန့ၣ်, အဝဲပာ်တီၢ်ဝဲပှၤလၢ အဖှီၣ်ကတၢၢ် အကျါတနီၤလၢ အတၢ်ဖိတၢ်လံၤတအိၣ်နီတမံၤဘၣ်, ဒီးအဝဲဟ့ၣ်လီၤအဝဲသ့ၣ်လၢ စပံးလီၢ်တဖၣ်ဒီး စံာ်ပျီတဖၣ်န့ၣ်လီၤ.

လံာ်ယံးရမံယၤ 40:12

လၢတၢ်န့ၣ်အဃိ, အဝဲသ့ၣ်ဟးထီၣ်ကွံာ်လၢတၢ်လီၢ်တဖၣ်ဖဲ အဝဲသ့ၣ်ဘၣ်တၢ်မၤလီၤပြံလီၤပြါတ့ၢ်အီၤဒီးဟဲက့ၤကဒါက့ၤ ဆူကီၢ်ယူဒၤန့ၣ်လီၤ. အဝဲသ့ၣ်ဟဲဆူစီၤကဒါလယၤအအိၣ်ဖဲ ဝ့ၢ်မံးစပၤ, ဒီးဖဲန့ၣ်အဝဲသ့ၣ်ထၢဖှိၣ်ပာ်ဖှိၣ်စပံးထံဒီး တၤသူတၤသၣ်တဖၣ်အါအါဂီၢ်ဂီၢ်န့ၣ်လီၤ.

လံာ်ယံးရမံယၤ 40:6

ယလဲၤဒီးအိၣ်လၢစီၤကဒါလယၤအသကိးလၢဝ့ၢ်မံးစပၤအပူၤဒီး အိၣ်လၢပှၤဂီၢ်မုၢ်လၢအအိၣ်လီၤတဲာ်လၢကီၢ်ပူၤအကျါန့ၣ်လီၤ.

လံာ်ယံးရမံယၤ 43:5

အန့ၣ်ဒီး, စီၤယိဃၤနၣ်ဒီၤ သုးခိၣ်သုးနၢ်ခဲလၢာ်လဲၤကိး ကွံာ်ပှၤကိးဂၤဒဲးလၢ အအိၣ်လီၤတဲာ်လၢ ကီၢ်ယူဒၤအပူၤ, ဃုာ်ဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤလၢ ပှၤကလုာ်တဖၣ် အကျါဖဲအဝဲသ့ၣ်ဘၣ်တၢ်မၤလီၤပြံလီၤ ပြါတ့ၢ်အီၤန့ၣ်ဆူကီၢ်အဲၤကူပတူးလီၤ.

လံာ်ယံးရမံယၤ 48:32

ယကဟီၣ်လၢ ဝ့ၢ်ကံၢ်ဃ့ရ့းအပှၤဂီၢ်မုၢ်အဃိအါန့ၢ်ဒိၣ်န့ၢ်ဒံး, လၢဝ့ၢ်ယၤစ့ၢ်အပှၤဂီၢ်မုၢ်အဃိတက့ၢ်လီၤ. ဝ့ၢ်စံဘမၤဧၢ, နလီၤဂာ်ဒ်စပံးမုၢ်တမုၢ်လၢ အဒ့တဖၣ်လဲၤခီဂာ်ပီၣ်လဲၣ်သံဒီးလဲၤဝဲ ယံၤတုၤလဲၤဝ့ၢ်ယၤစ့ၢ်အသိးန့ၣ်လီၤ. ဘၣ်ဆၣ်အခဲကနံၣ်အံၤ, နတၢ်ကိၢ်ခါအတၤသၣ်တဖၣ်ဒီး နစပံးသၣ်တဖၣ် ဘၣ်တၢ်မၤဟးဂီၤကွံာ်အီၤလံ.

လံာ်မံကၤ 7:1

တၢ်မုၢ်လၢ်တအိၣ်လၢၤဘၣ်. ယလီၤဂာ်ဒ်ပှၤလီၤဒိတဂၤလၢတထံၣ်န့ၢ်ဘၣ်သ့ၣ်သၣ်နီတဖျၢၣ်လၢ သ့ၣ်တဖၣ်အလိၤဒီးစပံးသၣ်နီတဖျၢၣ်လၢစပံးမုၢ်အလိၤအသိးန့ၣ် လီၤ. ကယဲၢ်စပံးသၣ်ခဲလၢာ်ဒီးချၢၣ်ဒၢသၣ်လၢအဝံၣ်တဖၣ်ဘၣ်တၢ်ဒဲး ကွံာ်အီၤခဲလၢာ်လံ.

လံာ်လူၤကၣ် 21:36

ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”

လံာ်သိၣ်လီၤသီလီၤတၢ် 1:38

ဘၣ်ဆၣ်ဒီးဒုးဆူၣ်ထီၣ်ပှၤမၤစၢၤနၤ, စီၤနိၣ်အဖိခွါစီၤယိၤၡူ အတၢ်ပာ်လီၤသးန့ၣ်တက့ၢ်. အဝဲကဆှၢပှၤအံၣ်စရ့လးဖိလၢကလဲၤ မၤန့ၢ်ထံကီၢ်န့ၣ်အဂီၢ်လီၤ.

လံာ်သိၣ်လီၤသီလီၤတၢ် 16:13

တုၤသုယီၢ်သုဘုဧိၤဟုဧိၤခဲလၢာ်ဒီးသုစံၢ်လီၤသုစပံးသၣ် တဖၣ်ဝံၤခဲလၢာ်န့ၣ်မၤဘူၣ်ဒဲလၢနွံသီအတီၢ်ပူၤတက့ၢ်.