လံာ်ယံးရမံယၤ 40:1 - Sgaw Karen Common Bible

¹ ယွၤကတိၤတၢ်ဒီးယၤဖဲသုးခိၣ်ဖးဒိၣ်စီၤနဘူစၢ်ရဒၣ်ပျၢ်ထူၣ် ဖျဲးကွံာ်ယၤဖဲဝ့ၢ်ရၤမါဝံၤအလီၢ်ခံန့ၣ်လီၤ. ယဘၣ်တၢ်စၢဃာ်ယၤလၢထးသွဲ, ဒီးလဲၤစိာ်ဆှၢယၤဖဲန့ၣ်ဃုာ်ဒီး ဝ့ၢ်ယရူၤၡလ့ၣ်ဒီးကီၢ်ယူဒၤအပှၤဂီၢ်မုၢ်အဂၤလၢအဘၣ်တၢ်စိာ် ကွံာ်အီၤဆူကီၢ်ဘၤဘူၤလိၣ်ဒ်ကုၢ်တဖၣ်အသိးန့ၣ်လီၤ.

လံာ်ယံးရမံယၤ 40:1 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 16:1

လၢကီၢ်ယူဒၤအစီၤပၤအၤစါပၢတၢ်သၢဆံဃုနံၣ်တနံၣ်အပူၤန့ၣ်, ကီၢ်အံၣ်စရ့လးအစီၤပၤဘါၡၤဟဲနုာ်လီၤဒုးကီၢ်ယူဒၤဒီးစး ထီၣ်မၤဂၢၢ်မၤကျၢၤဝ့ၢ်ရၤမါအတိာ်အတာ်တဖၣ်ဒ်သိးအကတြီကွံာ် တၢ်ဟဲနုာ်ဟးထီၣ်လၢကီၢ်ယူဒၤအပူၤန့ၣ်လီၤ.

စံးထီၣ်ပတြၢၤ 107:16

အဂ့ၢ်ဒ်အံၤ, မၤကၢ်ကွံာ်တြဲၤတိၢ်ဘီတဖၣ်, ဒီးဒီၣ်တဲာ်ကွံာ်နီၣ်ဘိထးတဖၣ်န့ၣ်လီၤ.

စံးထီၣ်ပတြၢၤ 68:6

ပှၤလၢအအိၣ်သယုၢ်ထဲတဂၤဧိၤန့ၣ် ယွၤဟ့ၣ်အီၤဟံၣ်လၢကအိၣ်ဝဲ, အဝဲဆှၢဝဲပှၤဘၣ်တၢ်စၢဃာ်သ့ၣ်တဖၣ်ဆူ တၢ်အီၣ်ကုာ်အီပှဲၤန့ၣ်လီၤ. မ့မ့ၢ်ပှၤပူထီၣ်တၢ်ဖိသ့ၣ်တဖၣ်န့ၣ် အိၣ်ဝဲဆိးဝဲလၢတၢ်လီၢ်အိၣ်သယုၢ်န့ၣ်လီၤ.

လံာ်ယံးရမံယၤ 31:15

ယွၤစံးဝဲဒၣ်, “တၢ်ကလုၢ်သီၣ်ထီၣ်ဝဲလၢ ဝ့ၢ်ရၤမါအပူၤ, မ့ၢ်တၢ်ဟီၣ်ပသူဟီၣ်ပသီထီၣ် အတၢ်သီၣ်န့ၣ်လီၤ. နီၢ်ရၤဃ့လး ဟီၣ်ဝဲလၢ အဖိတဖၣ်အဃိန့ၣ်လီၤ. အဖိတဖၣ် လီၤမၢ်ကွံာ်လၢာ်လံ. ဒီးအဝဲတတူၢ်လိာ်ဘၣ်တၢ်ကမၤမုာ်ထီၣ်က့ၤအီၤဘၣ်.

လံာ်ယံးရမံယၤ 39:9

လၢခံကတၢၢ်, စီၤနဘူစၢ်ရဒၣ်လၢ အမ့ၢ်သုးခိၣ်ကျၢၢ်န့ၣ်, စိာ်ကွံာ်ပှၤဂီၢ်မုၢ်လၢ အိၣ်လီၤတဲာ်လၢ ဝ့ၢ်ပူၤတဖၣ် အဟဲဃ့ၢ်ခီနုာ်ဆူ အဝဲသ့ၣ်အအိၣ်, ဒ်ကုၢ်တဖၣ်အသိးဆူ ကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 42:7

အသီတဆံဝံၤအလီၢ်ခံဒီး, ယွၤကတိၤတၢ်ဒီးယၤလီၤ.

လံာ်ယဃ့းစက့လး 33:21

လၢပဘၣ်တၢ်စိာ်မၢကဲကုၢ်ပှၤ, တဆံခံနံၣ်တနံၣ်, လါတဆံလါ တလါထီၣ်ယဲၢ်သီတသီန့ၣ်, ပှၤတဂၤလၢအဃ့ၢ်ပူၤဖျဲးထီၣ်လၢ ဝ့ၢ်ယရူၤၡလ့ၣ်ဟဲဝဲ, ဒီးတဲဘၣ်တ့ၢ်ယၤလၢဝ့ၢ်န့ၣ်လီၤကွံာ်လံ န့ၣ်လီၤ.

မၤတၢ် 21:13

ဘၣ်ဆၣ်ဒီးအဝဲဒၣ်စံးဆၢဝဲ, “သုဟီၣ်သုယၢၤဒ်သိးအံၤဒီးမၤသဘှံးယသးဘၣ်မနုၤ အဃိလဲၣ်. ယအိၣ်ကတဲာ်ကတီၤယသးတမ့ၢ်ထဲလၢယကဘၣ် တၢ်စၢဃာ်ယၤဖဲဝ့ၢ်ယရူၤၡလ့ၣ်န့ၣ်ဘၣ်. မ့မ့ၢ်လၢယကသံဖဲန့ၣ်လၢကစၢ်ယ့ၣ်ၡူးအဂီၢ်ဒၣ်လဲာ်န့ၣ်လီၤ.”

မၤတၢ် 28:20

လၢတၢ်န့ၣ်အဃိ, ယဃ့ထံၣ်ဒီးဃ့ကတိၤဘၣ်တၢ်ဒီးသု, အဂ့ၢ်ဒ်အံၤယဘၣ်တၢ်စၢဃာ်ယၤလၢပျံၤထးအံၤ, မ့ၢ်ဒၣ်လၢပှၤလၢပှၤအံၣ်စရ့လးဖိပာ်ထီၣ်အတၢ်မုၢ်လၢ် လၢအလိၤတဂၤန့ၣ်အဃိလီၤ.”

အ့းဖ့းစူး 6:20

လၢတၢ်အံၤအဂီၢ်ယမ့ၢ်ကလူး, ပှၤစိာ်တၢ်ကစီၣ်လၢအခဲအံၤလီၤဘၣ်လၢဃိာ်ပူၤတဂၤ န့ၣ်လီၤ. ဃ့ထုကဖၣ်ဒ်သိးယကအိၣ်ဒီးတၢ်သးခူတလ့ၢ် လၢယတၢ်စံၣ်တဲၤတဲလီၤတၢ်သးခုကစီၣ်အပူၤဒ်ယဂ့ၤ မၤယဲအသိးန့ၣ်တက့ၢ်.

လံာ်စီၤယိၤၡူ 18:25

အိၣ်စ့ၢ်ကီးဒီးဝ့ၢ်ကံးဘိၣ်, ရၤမါ, ဘအ့ရိး, မံးစပၤ, ကဖံရၤ, မိစၤ,

လံာ်စီၤၡမူၤအ့လးအခီၣ်ထံးတဘ့ၣ် 7:17

အန့ၣ်ဝံၤဒီးအဝဲက့ၤကဒါက့ၤဝဲဆူအဟံၣ်လၢဝ့ၢ်ရၤမါအပူၤ, ဖဲအဝဲမၤစ့ၢ်ကီးတၢ်ဒ်ပှၤစံၣ်ညီၣ်ကွီၢ်အသိးန့ၣ်လီၤ. လၢဝ့ၢ်ရၤမါအပူၤန့ၣ်အဝဲသူၣ်ထီၣ်တၢ်လုၢ်လီၢ်တခါဆူယွၤအအိၣ်လီၤ.