လံာ်ယံးရမံယၤ 4:30 - Sgaw Karen Common Bible

³⁰ ဝ့ၢ်ယရူၤၡလ့ၣ်ဧၢ, နဘၣ်တၢ်စံၣ်ညီၣ်ဃါမနၤလီၤ. နကူထီၣ်ကၤထီၣ်လၢတၢ်ဂီၤဆှုၣ်ကလာ်ဘၣ်မနုၤအဃိလဲၣ်. နတကယၢကယဲနသးလၢတၢ်မျၢ်ပလဲ, ခဲၣ်နမဲာ်ချံတဖၣ်ဘၣ်မနုၤအဃိ လဲၣ်. နမၤဃံမၤလၤနသးကလီကလီလီၤ. ပှၤလၢအအဲၣ်နၤတဖၣ်ညိကွံာ်တ့ၢ်လံနၤ ဒီးသးအိၣ်မၤသံနၤလီၤ.

လံာ်ယံးရမံယၤ 4:30 Iomraidhean Croise

လံာ်စီၤပၤခံဘ့ၣ်တဘ့ၣ် 9:30

စီၤယ့ၤဟူလဲၤတုၤဝဲဆူဝ့ၢ်ယံးစရ့လးန့ၣ်လီၤ. နီၢ်အံၤစ့ဘ့ၤလးနၢ်ဟူဘၣ်တၢ်မၤတ့ၢ်လံအသးန့ၣ်အဃိ, တိၤဃံလၤထီၣ်အမဲာ်ဖံး, ကတဲာ်ကတီၤအခိၣ်သူဒီးဆၢထၢၣ်ကွၢ်လီၤ တၢ်လၢနူၢ်ဧိၤစီၤဧိၤအပဲတြီဖိတဘ့ၣ်အပူၤဆူကျဲမုၢ်ခိၣ်န့ၣ်လီၤ.

တၢ်ကတိၤဒိ. 6:25

ပျဲအဝဲသ့ၣ်အတၢ်ဃံတၢ်လၤလ့ပစီန့ၢ်နၤတဂ့ၤ. ပျဲအမဲာ်ချံလၢအကလံာ်လွဲတၢ်အပျံၤသကွီၤန့ၣ်ဖီၣ်န့ၢ်နၤတ ဂ့ၤ.

တၢ်ကတိၤဒိ. 7:10

ဒီးပိာ်မုၣ်အံၤသဂၢၢ်တ့ၢ်အီၤ, ကူသိးတ့ၢ်တၢ်ဒ်ဃဲသဲမုၣ်တဂၤ အသိးဒီးမၤအတၢ်ကူၣ်တၢ်ကျဲၤတဖၣ်န့ၣ်လီၤ.

လံာ်ယၡါယၤ 10:3

ယွၤမ့ၢ်စံၣ်ညီၣ်သုဒီးသုကမၤဒ်လဲၣ်. ယွၤမ့ၢ်ဒုးဘၣ်သုလၢတၢ် နးတၢ်ဖှီၣ်ဖးဒိၣ်လၢအဟဲလၢထံကီၢ်လၢအယံၤတဘ့ၣ်ဒီး, သုကမၤဒ်လဲၣ်. လၢတၢ်မၤစၢၤအဂီၢ်, သုကဃ့ၢ်ဆူ လဲၣ်ခီလဲၣ်. သုတၢ်ထူးတၢ်တီၤတဖၣ်, သုကပာ်ခူသူၣ်အီၤဖဲလဲၣ်.

လံာ်ယၡါယၤ 20:6

ဖဲတၢ်ဆၢကတီၢ်န့ၣ်ဟဲဝဲဒီး, ပှၤလၢအအိၣ်လၢကီၢ်ဖလ့ၡသး အပီၣ်လဲၣ်ကၢၢ်နံၤတဖၣ်ကစံးဝဲ, ကွၢ်တၢ်လၢအမၤတ့ၢ်အသး ဒီးပှၤတကလုာ်လၢပသန့ၤပသးလၢအီၤလၢကဒီဒၣ်အိၣ်ပှိၤပှၤလၢ ကီၢ်အၤၡူၢ်အစီၤပၤဖးဒိၣ်အဂီၢ်န့ၣ်တက့ၢ်. ပအိၣ်မူကသ့ဒံးဝဲလၢကျဲဒ်လဲၣ်.”

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယံးရမံယၤ 13:21

ဖဲပှၤဂီၢ်မုၢ်လၢနဆိကမိၣ်လၢအမ့ၢ်နတံၤသကိးတဖၣ်မၤနၢၤနၤဒီး ပၢဘၣ်နၤဒီး, နကစံးဒ်လဲၣ်. နကအိၣ်လၢတၢ်ဆူးတၢ်ဆါအပူၤ ဒ်ပိာ်မုၣ်တဂၤလၢအဆံးစၢ်ထီၣ်အဖိအသိးန့ၣ်လီၤ.

လံာ်ယံးရမံယၤ 22:23

နအိၣ်ဂၢၢ်ဆိးကျၢၤလၢသ့ၣ်ဆှိအ့ရ့းတဖၣ်လၢအဘၣ်တၢ်ဟဲက့ၤ စိာ်လၢကီၢ်လဘၤနိၣ်အကျါန့ၣ်လီၤ. ဘၣ်ဆၣ်ဒီး, တၢ်မၤဆူးမၤဆါလၢ အလီၤဂာ်ဒ်ပိာ်မုၣ်တဂၤအဟုးဆါထီၣ်အသိး, မ့ၢ်ဟဲ မၤဘၣ်ဒိဘၣ်ထံးနၤဒီး, နကလီၤသးကညီၤဆံးအါလဲၣ်.

လံာ်ယံးရမံယၤ 30:14

ပှၤလၢအအဲၣ်သုခဲလၢာ်သးပ့ၤနီၣ်ကွံာ်သုလံ. အဝဲသ့ၣ်တကနၣ်ဃုာ်သုလၢၤဘၣ်. ယဒုးတ့ၢ်သုဒ်ဒုၣ်ဒါအသိး, သုဘၣ်စံၣ်ညီၣ်မ့ၢ်တၢ်လၢ အဆူၣ်ဝဲ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်သးသယုၢ်တၢ် 1:19

ယကိးထီၣ်တ့ၢ်ယဒီသိၣ်ဒီမှံၤတဖၣ်, ဘၣ်ဆၣ်ဒီးဂ့ၢ်လိာ်တ့ၢ်ဝဲ လၢကမၤစၢၤယၤအဂီၢ်လီၤ. ပှၤလုၢ်တၢ်အခိၣ်တဖၣ်ဒီးပှၤခိၣ်ပှၤနၢ်တဖၣ်သံဝဲလၢဝ့ၢ်အကျဲ တဖၣ်အပူၤ, ဖဲအဟးဃုတၢ်အီၣ်တၢ်အီလၢကဒုးမူဒံးအဝဲသ့ၣ်အဂီၢ်န့ၣ်လီၤ.

လံာ်သးသယုၢ်တၢ် 1:2

ဟီၣ်ဝဲယၢၤဝဲသီတနၤကျၢၤ, ဒီးမဲာ်ထံမဲာ်နိတဖၣ်ယွၤလီၤဝဲ လၢအဘိးပၤတဖၣ်လီၤ. ကယဲၢ်အတံၤသကိးလၢညါတဖၣ်အကျါပှၤ တအိၣ်လီၤတဲာ်ဘၣ်နီတဂၤလၢကမၤမုာ်ထီၣ်အီၤဘၣ်. အဒီသိၣ်ဒီမှံၤတဖၣ်ဟ့ၣ်လီၤကွံာ်အီၤဒီးခဲအံၤအဝဲသ့ၣ်ထီ ဒါအီၤလီၤ.

လံာ်သးသယုၢ်တၢ် 4:17

ပကွၢ်တ့ၢ်တၢ်တုၤပကွၢ်ဆူညါတကဲလၢၤဘၣ်လၢတၢ်မၤစၢၤလၢအတဟဲ နီတစုအဂီၢ် ဒီးပအိၣ်ခိးတၢ်မၤစၢၤကဟဲလၢပှၤတကလုာ်လၢအတအိၣ်ဒီးတၢ်နီ တမံၤလၢကဟ့ၣ်တၢ်အဂီၢ်န့ၣ်လီၤ.

လံာ်ယဃ့းစက့လး 28:13

နအိၣ်ဆိးတ့ၢ်လၢ ဧ့ၤဒ့ၣ်, ကစၢ်ယွၤအတၤသၣ်လီၢ်အပူၤဒီး နသိးထီၣ်တ့ၢ်လၢၢ်တၢ်မျၢ်ကိးကလုာ်ဒဲး လၢအမ့ၢ်တၢ်မျၢ်ဆီသွံၣ် တဖၣ်, တၢ်မျၢ်မဟူယၤတိၤအသး, တၢ်မျၢ်ဘီအူး သဖးယၤ, တၢ်မျၢ်လါဟ့, တၢ်မျၢ်မဟူယၤဂီၤ, တၢ်မျၢ်နကၤသွဲး, တၢ်မျၢ်နံၤလါအဲးတဖၣ်, လၢၢ်လါဟ့တဖၣ်ဒီးလၢၢ်ဂီၤတဖၣ်န့ၣ်လီၤ. နအိၣ်စ့ၢ်ကီးဒီးတၢ်ကယၢကယဲတဖၣ်လၢထူန့ၣ်လီၤ. တၢ်တဖၣ်န့ၣ်ဘၣ်တၢ်မၤတ့ၢ်အီၤလၢနဂီၢ်ဖဲမုၢ်တနံၤလၢ နဘၣ်တၢ်တ့လီၤပာ်လီၤနၤန့ၣ်လီၤ.

လံာ်ယဃ့းစက့လး 28:9

ဖဲအဝဲသ့ၣ်ဟဲလၢ ကမၤသံနၤန့ၣ်မ့ၢ်နကစံးဒံး ဒၣ်လၢနမ့ၢ်ယွၤတဂၤန့ၣ်ဧါ. ဖဲနကွၢ်ဆၢၣ်မဲာ်ဘၣ်ဒီး ပှၤလၢကမၤသံနၤတဖၣ်န့ၣ်, နကမ့ၢ်ပှၤတဂၤလၢ အသံသ့ဒီးတမ့ၢ်ဘၣ် တၢ်စီတၢ်ဆှံလ့ၤတက့ၤဘၣ်န့ၣ်လီၤ.

လံာ်ဧိၤဘါဒယၤ 1:7

ပှၤလၢအဒီတံၤဒီသကိးတ့ၢ်ဒီးသုခဲလၢာ်လီန့ၢ်သုလံ ဒီးနီၣ်ထီၣ်ကွံာ်လံသုလၢသုကီၢ်အပူၤ, ပှၤလၢအအိၣ်ဃူအိၣ်ဖိးဒီးသုတဖၣ်မၤနၢၤသုလံ, သုတံၤသုသကိးလၢသုနာ်န့ၢ်အီၤတဖၣ်ပာ်လီၤလံ ပျံၤသကွီၤလၢသုဂီၢ် ဒီးစံး, “အတၢ်ကူၣ်သ့ကူၣ်ဘၣ်လၢအအိၣ်ဒီးအီၤခဲလၢာ်န့ၣ်အိၣ်ဖဲလဲၣ်” န့ၣ်လီၤ.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.

လံာ်လီၣ်ဖျါ 17:13

စီၤပၤအဂၤတဆံအံၤ, အဝဲသ့ၣ်ကိးဂၤဒဲးအိၣ်ဒီးတၢ်တိာ်ပာ် တမံၤဃီ, ဒီးအဝဲသ့ၣ်ဟ့ၣ်လီၤကွံာ်အတၢ်ဂံၢ်တၢ်ဘါဒီးတၢ်စိတၢ် ကမီၤဆူတၢ်ဒူတၢ်ဃိၤတဒုန့ၣ်လီၤ.

လံာ်လီၣ်ဖျါ 17:2

ဟီၣ်ခိၣ်အစီၤပၤတဖၣ်မၤကမၣ်မုၣ်ကမၣ်ခွါဒီးအီၤ, ဒီးပှၤဟီၣ်ခိၣ်ဖိတဖၣ်အီမူၤအသးလၢစပံးထံဘၣ်ဃးဒီး အဝဲအလုၢ်အၢလၢ်သီန့ၣ်လီၤ.”

လံာ်လီၣ်ဖျါ 17:4

ပိာ်မုၣ်န့ၣ်ကူသိးဝဲလၢတၢ်အလွဲၢ်လုးတကုာ်ဒီးတၢ်အလွဲၢ်ဂီၤဆှုၣ်ကလာ်, ဒီးကယၢကယဲအသးလၢထူ, လၢၢ်လုၢ်ဒိၣ်ပှ့ၤဒိၣ်ဒီး တၢ်မျၢ်ပလဲတဖၣ်လီၤ. လၢအဝဲဒၣ်အစုပူၤန့ၣ်, ဟံးဃာ်ဝဲလီခီထူတဘ့ၣ်လၢအပှဲၤဒီးတၢ်လီၤသးဘၣ်အၢတကြၢး တဘၣ်တဖၣ်, လၢအအိၣ်ထီၣ်ဝဲခီဖျိအတၢ်အိၣ်မူတဂ့ၤတဝါအဃိ န့ၣ်လီၤ.