လံာ်ယံးရမံယၤ 4:29 - Sgaw Karen Common Bible

²⁹ ဖဲပှၤဒိးကသ့ၣ်တဖၣ်ဒီးပှၤခးချံၣ်ဖိတဖၣ်အတၢ်ကလုၢ်သီၣ်ထီၣ်န့ၣ်, ပှၤကိးဂၤဒဲးကထွးထီၣ်ဃ့ၢ်ကွံာ်ဝဲလီၤ. တနီၤကဃ့ၢ်ဆူသ့ၣ်ပှၢ်ပူၤ, ဒီးအဂၤတနီၤကလဲၤထီၣ်ဆူလၢၢ်လ့တဖၣ်အကျါလီၤ. ဝ့ၢ်ကိးဝ့ၢ်ဒဲးကအိၣ်တ့ၢ်လီၤဖျဲၣ်လီၤဟိ, ဒီးပှၤတအိၣ်ကဒီးလၢၤလၢအပူၤနီတဂၤဘၣ် နီတစုလၢၤဘၣ်လီၤ.

လံာ်ယံးရမံယၤ 4:29 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 33:11

လၢတၢ်န့ၣ်အဃိ, ယွၤပျဲကီၢ်စူၤရံအသုးမုၢ်အခိၣ်အနၢ်တဖၣ်လၢ ကလဲၤနုာ်လီၤဒုးကီၢ်ယူဒၤန့ၣ်လီၤ. ဒီးအဝဲသ့ၣ်ဖီၣ်န့ၢ်စီၤမနၤၡ့ၤ, ဘျးထီၣ်ထးက့ၣ်ခိၣ်တဖၣ်လၢအလိၤ, စၢဃးအီၤလၢထးသွဲဒီးက့ၤမိၤအီၤဆူကီၢ်ဘၤဘူၤလိၣ်န့ၣ်လီၤ.

လံာ်ယၡါယၤ 30:17

သုပှၤလၢအကထိတဖၣ်ကဃ့ၢ်ကွံာ်ဝဲဖဲသုထံၣ်သုဒုၣ်သုဒါသုးဖိ ထဲတဂၤဧိၤဒၣ်လဲာ်, ဒီးသုးဖိယဲၢ်ဂၤဧိၤကလၢဝဲလၢတၢ်ဒုးဃ့ၢ်ကွံာ် သုခဲလၢာ်အဂီၢ်န့ၣ်လီၤ. တၢ်တအိၣ်တီၢ်နီတမံၤလၢၤဘၣ်လၢသု သုးမုၢ်ဒီဖုအပူၤဘၣ်. ကအိၣ်တီၢ်ဒၣ်ထဲနီၣ်တယၢ်အတၢၣ်တဘိ ဧိၤလၢကစၢၢ်တဖျၢၣ်အဒီခိၣ်လီၤ.

လံာ်ယၡါယၤ 6:12

ယကဆှၢကွံာ်ပှၤဂီၢ်မုၢ်ဆူတၢ်လီၢ်ဖးယံၤဒီးဒုးကဲထီၣ်ထံကီၢ် ဒီဘ့ၣ်လၢတၢ်အိၣ်သယုၢ်သညိအလီၢ်န့ၣ်လီၤ.

လံာ်ယံးရမံယၤ 16:16

ယွၤစံးဝဲဒၣ်, “ယမၤလိာ်လံပှၤမၤညၣ်ဖိအါဂၤလၢ ကဟဲဒီးမၤန့ၢ်ပှၤဂီၢ်မုၢ်သ့ၣ်တဖၣ်အံၤန့ၣ်လီၤ. အန့ၣ်ဝံၤဒီးယ ကမၤလိာ်ပှၤဟးခးအီၣ်တၢ်ဖိအါဂၤလၢကလူၤခးအဝဲသ့ၣ်လၢက စၢၢ်ဒီးတၢ်လူၢ်ကိးဖျၢၣ်ဒဲးအဒီခိၣ်ဒီးလၢတၢ်ကအိပူၤတဖၣ်လၢလၢၢ် ဧိၤလ့ဧိၤအကျါန့ၣ်လီၤ.

လံာ်ယံးရမံယၤ 4:7

ဒ်ခ့ယုၢ်တဒုဟဲထီၣ်လၢအတၢ်အိၣ်ခူသူၣ်အလီၢ်အသိးန့ၣ်, ပှၤတဂၤလၢကမၤဟးဂီၤပှၤကလုာ်တဖၣ်ဟဲဟးထီၣ်လံန့ၣ်လီၤ. အဝဲဒၣ်ဟဲဝဲလၢကမၤဟးဂီၤကီၢ်ယူဒၤအဂီၢ်လီၤ. ကီၢ်ယူဒၤအဝ့ၢ်တဖၣ်ကအိၣ်လီၤတဲာ်လၢတၢ်ဟးဂူာ် ဟးဂီၤအပူၤဒီးပှၤတအိၣ်လၢအဝဲသ့ၣ်အပူၤ နီတဂၤဘၣ်န့ၣ်လီၤ.

လံာ်ယံးရမံယၤ 52:7

ဒီးဝ့ၢ်အခိၣ်ဒူ တဖၣ်ဘၣ်တၢ်မၤလီၤပှီၢ်ဘၢၣ်ဖျိအီၤန့ၣ်လီၤ. ပှၤဘၤဘူၤလိၣ်ဖိတဖၣ် မ့ၢ်ကဝီၤဃာ်ဝ့ၢ်ဒၣ်လဲာ်န့ၣ်, ပှၤ သုးဖိခဲလၢာ် ဃ့ၢ်ထူၣ်ဖျဲးဝဲလၢ မနၤခီအဆၢကတီၢ်လီၤ. အဝဲသ့ၣ်ဟးထီၣ်ကွံာ်ဝဲလၢ စီၤပၤအတၤသၣ်လီၢ်အကျဲ, လဲၤခီဖျိကျဲစၢၤလၢ အဒုးစဲဘူးတၢ်ဒူၣ်ခံခါ, ဒီးထွးထီၣ်ဃ့ၢ် ကွံာ်ဆူ ထံကျိယၢ်ဒ့ၣ်အတြီၤန့ၣ်လီၤ.

လံာ်ယံးရမံယၤ 6:23

အဝဲသ့ၣ်ဟံးထီၣ်အချံၣ်တဖၣ်ဒီးအနးတဖၣ်လီၤ. အဝဲသ့ၣ်အၢဝဲသီဝဲဒီးတသးကညီၤတၢ်ဘၣ်. အဝဲသ့ၣ်အကလုၢ်သီၣ်လီၤဂာ်ဒ်ပီၣ်လဲၣ်သီၣ် ထီၣ်ရူၢ်ရူၢ်အသိး, ဖဲအဝဲသ့ၣ်ဒိးထီၣ်အကသ့ၣ် တဖၣ်န့ၣ်လီၤ. အဝဲသ့ၣ်အိၣ်ကတဲာ်ကတီၤအသးလၢတၢ်ဒုး ထီဒါဝ့ၢ်ယရူၤရှလ့ၣ်အဂီၢ်န့ၣ်လီၤ.”

လံာ်ဧၤမိၣ် 9:1

ဒီးယထံၣ်ယွၤဆၢထၢၣ်လၢတၢ်လုၢ်လီၢ်အဃၢၤလီၤ. အဝဲဟ့ၣ်လီၤအကလုၢ်, တီၢ်တၢ်လုၢ်ဟံၣ်အထူၣ်ခိၣ်ထိးဆူၣ်ဆူၣ်ဒ်သိးအခီၣ်ထံးကဟူးဝး အဂီၢ်တက့ၢ်. မၤကၢ်ကွံာ်အီၤဒီးပျဲအလီၤတဲာ်လၢပှၤဂီၢ်မုၢ်အခိၣ်လိၤတ က့ၢ်. ယကမၤသံကွံာ်ပှၤအိၣ်လီၤတဲာ်တဖၣ်လၢတၢ်ဒုးအပူၤလီၤ. ပှၤဃ့ၢ်ပူၤဖျဲးတသ့နီတဂၤဘၣ်. ပှၤထူၣ်ဖျဲးတအိၣ်နီတဂၤဘၣ်.

လံာ်လူၤကၣ် 23:30

အဝဲန့ၣ်ကမ့ၢ်ဆၢကတီၢ်ဖဲပှၤကစံးဘၣ်ကစၢၢ်ကလိတဖၣ်, ‘လီၤတဲာ်လၢပလိၤတက့ၢ်.’ ဒီးတၢ်လူၢ်တဖၣ်, ‘ပာ်ခူသူၣ်ပှၤတက့ၢ်’ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:6

အန့ၣ်ဝံၤဒီးအဝဲသ့ၣ်ဒုးတၢ်ထီဒါပှၤအံၣ်စရ့လးဖိတဖၣ်လၢတၢ် ဒုးဆူၣ်ဆူၣ်ကိၤကိၤတခါဒီးဒုးကဲထီၣ် တၢ်လီၤပျံၤလီၤဖုးဖးဒိၣ်တမံၤလၢအဝဲသ့ၣ်အဂီၢ်လီၤ. ပှၤအံၣ်စရ့လးဖိတနီၤပာ်ခူသူၣ်အသးလၢလၢၢ်ကအိဒီးတၢ်ပူၤ တဖၣ်အပူၤမ့ၢ်ဂ့ၤ, လၢလ့ကျါမ့ၢ်ဂ့ၤ, တၢ်ပူၤဖိတဖၣ်အပူၤ, ဒီးထံပူၤတဖၣ်အပူၤမ့ၢ်ဂ့ၤလီၤ.