လံာ်ယံးရမံယၤ 4:28 - Sgaw Karen Common Bible

²⁸ ဟီၣ်ခိၣ်ကသူၣ်အုးသးအုး, မူခိၣ်ကခံးလီၤဝဲလီၤ. ယွၤကတိၤလံတၢ်လံ, ဒီးတလဲလိာ်ကွံာ်အတၢ်ပာ်သူၣ်ပာ်သးဘၣ်. အဝဲစံၣ်ညီၣ်နီၤဖးပဲာ်ဖးတ့ၢ်လံတၢ်လံ, ဒီးတဃၣ်ကဒါက့ၤဝဲဘၣ်.

လံာ်ယံးရမံယၤ 4:28 Iomraidhean Croise

လံာ်ယၡါယၤ 24:4

ဟီၣ်ခိၣ်ဃ့ထီကွံာ်ဝဲဒီးလီၤညွံးလီၤဘဲကွံာ်ဝဲလီၤ. ဟီၣ်ခိၣ်ဒီဘ့ၣ်လီၤစၢ်ကွံာ်ဝဲ, ဟီၣ်ခိၣ်ဒီးမူကပိာ်လိၤအုၣ် သံကျၣ်သံကွံာ်ဝဲလီၤ.

လံာ်ယၡါယၤ 34:4

မုၢ်, လါ, ဒီးဆၣ်တဖၣ်ကလီၤကလဲကွံာ်ဒီးကဲထီၣ်ဖၣ်ဆါန့ၣ် လီၤ. မူကပိာ်လိၤကလီၤမၢ်ကွံာ်ဒ်လံာ်ထူတထူဘၣ်တၢ်ထူထီၣ် အီၤအသိး, ဒီးဆၣ်တဖၣ်ကလီၤဆှု ဝဲဒ်သ့ၣ်လၣ်တဖၣ်လီၤဆှုကွံာ်လၢစပံးမုၢ်တမုၢ်, မ့တမ့ၢ်, ချၢၣ်ဒၢတထူၣ်အလိၤအသိး န့ၣ်လီၤ.

လံာ်ယၡါယၤ 5:30

ဖဲမုၢ်နံၤအဝဲန့ၣ်ဟဲတုၤဝဲဒီး, အဝဲသ့ၣ်ကညီၤဝဲလၢအံၣ်စရ့ လးအဖီခိၣ်ဒ်ပီၣ်လဲၣ်သီၣ်ဒိၣ်သီၣ်သွါအသိးလီၤ. ကွၢ်ထံကီၢ်အံၤတက့ၢ်. တၢ်ခံးတၢ်နၤဒီးတၢ်သူၣ်အုးသးအုးလီၤ. တၢ်ကပီၤဘၣ်တၢ်ယူၢ်လီၤကွံာ် အီၤလၢတၢ်ခံးတၢ်နၤလီၤ.

လံာ်ယၡါယၤ 50:3

ယမၤခံးသူမူကပိာ်လိၤသ့ဝဲဒီးကမၤအသးဒ်အဟီၣ်တၢ်ယၢၤတၢ်လၢ ပှၤသံတဖၣ်အဃိအသိးလီၤ.”

လံာ်ယံးရမံယၤ 12:11

အဝဲသ့ၣ်ဒုးကဲထီၣ်အီၤလၢပှၢ်မုၢ်ကနၢတတီၤ ဒီးအိၣ်သယုၢ်သညိဝဲလၢယမဲာ်ညါန့ၣ်လီၤ. ထံကီၢ်ဒီဘ့ၣ်ညါကဲထီၣ်မဲးမုၢ်ခိၣ်တတီၤဒီး ပှၤတကနၣ်ဃုာ်ဘၣ်အီၤနီတဂၤဘၣ်.

လံာ်ယံးရမံယၤ 12:4

ပထံပကီၢ်အံၤကဃ့ထီဒံးဆံးယံာ် ဒီးနီၣ်ဧိၤမံၤဧိၤလၢစံာ်လီၢ်ကိးပူၤဒဲးကလီၤညွံးလီၤဘဲ ဒံးဆံးယံာ်လဲၣ်. ဆၣ်ဖိကီၢ်ဖိတဖၣ်ဒီးထိၣ်ဖိတဖၣ်သံဝဲ လၢပှၤဂီၢ်မုၢ်အတၢ်အၢတၢ်သီအဃိလီၤ. ပှၤဂီၢ်မုၢ်န့ၣ်စံးဝဲလၢ, “ကစၢ်ယွၤတထံၣ်တၢ်လၢပမၤအီၤန့ၣ်ဘၣ်.”

လံာ်ယံးရမံယၤ 14:2

“ကီၢ်ယူဒၤဟီၣ်တၢ်ယၢၤတၢ်လီၤ. အဝ့ၢ်တဖၣ်ဟါမၢ်ကွံာ်လၢာ်လံ. အပှၤဂီၢ်မုၢ်မံလီၤလၢဟီၣ်ခိၣ်လိၤလၢတၢ် သူၣ်အုးသးအုးအပူၤဒီးဝ့ၢ်ယရူၤၡလ့ၣ် ကိးထီၣ်လၢတၢ်မၤစၢၤအဂီၢ်လီၤ.

လံာ်ယံးရမံယၤ 23:10

အဂ့ၢ်ဒ်အံၤ, ကီၢ်အံၤပှဲၤဝဲဒီးပှၤဂီၢ်မုၢ်လၢအသးတတီဒီးယွၤန့ၣ်လီၤ. အဝဲသ့ၣ်အိၣ်မူတၢ်အိၣ်မူအအၢအသီဒီးသူကမၣ်အစိကမီၤန့ၣ်လီၤ. မ့ၢ်လၢယွၤအတၢ်ဆိၣ်အၢအဃိန့ၣ်, ထံကီၢ်သူၣ်အုးသးအုး ဒီးတၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲန့ၣ်လီၤ.

လံာ်ယံးရမံယၤ 23:20

ဒီးတဆိကတီၢ်ဘၣ်အသးတုၤလီၤလၢတၢ်လၢအဝဲတိာ်လၢကမၤဝဲ တဖၣ်မၤဝံၤဘၣ်က့ၤဝဲခဲလၢာ်တစုန့ၣ်ဘၣ်. လၢမုၢ်နံၤလၢအကဟဲ တဖၣ်အပူၤန့ၣ်, အပှၤဂီၢ်မုၢ်ကနၢ်ပၢၢ်တၢ်အံၤဆှံဆှံန့ၣ်လီၤ.”

လံာ်ယံးရမံယၤ 30:24

တချုးလၢယွၤမၤဝံၤကွံာ် ကယဲၢ်တၢ်လၢ အဝဲတိာ်ပာ် မၤဝဲတဖၣ်ဒံးဘၣ်န့ၣ်, ကလံၤမုၢ်အံၤတဆိကတီၢ်အသး ဘၣ်. လၢမုၢ်နံၤတဖၣ်လၢ အကဟဲဝဲအပူၤန့ၣ်, အပှၤဂီၢ်မုၢ် ကနၢ်ပၢၢ်တၢ်အံၤ ထံထံဆးဆးန့ၣ်လီၤ.

လံာ်ယံးရမံယၤ 51:12

ဟ့ၣ်လီၤတၢ်ပနီၣ်လၢ တၢ်ကထီၣ်ဒုးဝ့ၢ်ဘၤဘူၤလိၣ်အခိၣ်ဒူတဖၣ် အဂီၢ်န့ၣ်တက့ၢ်. မၤဆူၣ်ထီၣ်ပှၤပၢၤတၢ်ဖိအတိၤ, ဒီးပာ်လီၤပှၤခိးတၢ်ဖိတဖၣ်တက့ၢ်. ကတဲာ်ကတီၤပှၤခိးခူ သူၣ်တၢ်တဖၣ်တက့ၢ်. ယွၤမၤတ့ၢ်လံတၢ်လၢ အဝဲစံးဝဲလၢ ကမၤဘၣ်ကီၢ်ဘၤဘူၤလိၣ် အပှၤဂီၢ်မုၢ်န့ၣ်လီၤ.”

လံာ်ယံးရမံယၤ 7:16

ယွၤစံးဝဲဒၣ်, “စီၤယံးရမံယၤဧၢ, ဘါထုကဖၣ်လၢပှၤဂီၢ်မုၢ် အံၤအဂီၢ်တဂ့ၤ. ဟီၣ်မ့ၢ်ဂ့ၤ, ဘါထုကဖၣ်မ့ၢ်ဂ့ၤလၢအဝဲသ့ၣ် အခၢၣ်စးတဂ့ၤ. ဃ့ကညးယၤတဂ့ၤ. အဂ့ၢ်ဒ်အံၤ, ယတဒိကနၣ်နၤဘၣ်.

လံာ်သးသယုၢ်တၢ် 2:17

လၢခံကတၢၢ်န့ၣ်, ယွၤမၤဝံၤတၢ်ဒ်အကတိၤပျံၤကတိၤဖုးဆိပာ်ဝဲ လၢအကမၤတၢ်န့ၣ်လီၤ. အဝဲမၤဟးဂီၤတ့ၢ်ပှၤဒ်အဟ့ၣ်ပလီၢ်တ့ၢ်ပှၤလၢပျၢၤလံၤလံၤအသိး ဒီးတသးကညီၤဘၣ်တၢ်ဘၣ်. ဟ့ၣ်လီၤတၢ်မၤနၢၤလၢပဒုၣ်ပဒါတဖၣ်, ဟ့ၣ်လီၤအီၤလၢတၢ်သးခု လၢပတၢ်လီၤပှီၢ်အဖီခိၣ်န့ၣ်လီၤ.

လံာ်ယဃ့းစက့လး 24:14

ယၤ, ယွၤကတိၤတ့ၢ်တၢ်လီၤ. တၢ်ဆၢကတီၢ်ဘၣ်လၢယဂီၢ်လၢယကမၤတၢ်အဂီၢ်လံ. ယတကွၢ်ကပာ်ကွံာ်နတၢ်ဒဲးဘးတဖၣ်မ့ၢ်ဂ့ၤ, ဒုးနဲၣ်တၢ်သူၣ်အိၣ်သးအိၣ်မ့ၢ်ဂ့ၤအိၣ်ဒီးတၢ်သးကညီ နၤမ့ၢ်ဂ့ၤန့ၣ်ဘၣ်. နကဘၣ်တၢ်စံၣ်ညီၣ်နၤလၢတၢ်လၢ နမၤတ့ၢ်အီၤအဃိန့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဟိၤၡ့ 13:14

ယတအုၣ်က့ၤခီၣ်က့ၤဘၣ်ပှၤဂီၢ်မုၢ်အံၤလၢတၢ်သံအကီၢ်ပူၤမ့ၢ်ဂ့ၤ, မၤပူၤဖျဲးအဝဲသ့ၣ်လၢတၢ်သံအစိကမီၤမ့ၢ်ဂ့ၤဘၣ်. ဟဲစိာ်ဃီၤနတၢ်သံသတြိာ်, ဟဲစိာ်ဃီၤနတၢ်မၤဟးဂီၤ, တၢ်သံအဘီအမုၢ်ဧၢ. ယတသးကညီၤလၢၤဘၣ်ပှၤဂီၢ်မုၢ်အံၤဘၣ်.

လံာ်ဟိၤၡ့ 4:3

မၤသးဒ်န့ၣ်ဒီး, ကီၢ်န့ၣ်ကဃ့ထီကွံာ်ဝဲဒီးကယဲၢ်တၢ်လၢအအိၣ်လၢ အပူၤကသံကွံာ်ဝဲလီၤ. ကယဲၢ်ဆၣ်ဖိကီၢ်ဖိတဖၣ်ဒီးထိၣ် တဖၣ်ဒီးညၣ်ဒၣ်လဲာ်ကသံကွံာ်ဝဲဒၣ်န့ၣ်လီၤ.

လံာ်ယိၤအ့လး 1:10

စံာ်ဧိၤပျီဧိၤတဖၣ်ဘၣ်တၢ်မၤဟးဂီၤကွံာ်အီၤ, ဟီၣ်ခိၣ်ဃ့ထီကွံာ်ဝဲ, မ့ၢ်လၢဘုဧိၤဟုဧိၤဘၣ်တၢ်မၤဟးဂီၤကွံာ်အီၤ, စပံးထံဃ့ထီကွံာ်ဝဲ, ဒီးသ့ၣ်စၤယံးအထံးတဖၣ်လီၤညွံးလီၤဘဲကွံာ်ဝဲဒၣ်အဃိန့ၣ်လီၤ.

လံာ်စကၤရယၤ 8:14

“ပျံၤတၢ်တဂ့ၤ.” ယွၤစံးဝဲဒၣ်, “ဖဲသုမိၢ်ပၢ်ဖံဖုလၢပျၢၤတဖၣ်မၤသးဒိၣ်ထီၣ်ယၤန့ၣ်, ယကူၣ်ကျဲၤတ့ၢ်တၢ်တတၢးတနါလၢအဝဲသ့ၣ်အဂီၢ်, ဒီးယတလဲလိာ်ယသးဘၣ်ဒီး, မၤထွဲယတၢ်ကူၣ်ကျဲၤတဖၣ်န့ၣ်လီၤ.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်မးသဲ 27:45

ဖဲမုၢ်ထူၣ်အကတီၢ်န့ၣ်, တၢ်ခံးလီၤလၢကီၢ်ဒီဘ့ၣ်ညါအပူၤတုၤလီၤလၢ ဟါသၢနၣ်ရံၣ်အကတီၢ်န့ၣ်လီၤ.

လံာ်မၢ်ကူး 15:33

တုၤမုၢ်ထူၣ်အကတီၢ်ဘၣ်ဒီး, တၢ်ဟဲခံးလီၤလၢကီၢ်ဒီဘ့ၣ်ညါ အပူၤပၢၢ်တုၤလၢမုၢ်ဃ့ၢ်လီၤသၢနၣ်ရံၣ်လီၤ.

လံာ်လူၤကၣ် 23:44

ဖဲမုၢ်ဆါခီတဆံခံနၣ်ရံၣ်ဃၣ်ဃၣ်န့ၣ်, မုၢ်ဆိကတီၢ်ကွံာ်အတၢ်ကပီၤဒီး တၢ်ခံးမးလၢကီၢ်ဒီဘ့ၣ်ညါတုၤလၢဟါခီလီၤသၢနၣ်ရံၣ်,

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

အ့းဖ့းစူး 1:9

လၢအတၢ်ကူၣ်ဘၣ်ကူၣ်သ့ဒီးအတၢ်ထံၣ်တုာ်ကွၢ်ဖျါတၢ်ခဲလၢာ် အပူၤ, ယွၤမၤတ့ၢ်တၢ်ဒ်အတိာ်ပာ်တ့ၢ်ဝဲအသိးဒီးလီၣ်ဖျါထီၣ်န့ၢ်ပှၤ လၢအတၢ်ရဲၣ်တၢ်ကျဲၤခူသူၣ်လၢအတိာ်ပာ်တ့ၢ်လံဝဲလၢ အကမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

ဧ့ၤဘြံၤ 7:21

ဖဲပှၤလုၢ်တၢ်အခိၣ်အဂၤတဖၣ်ဟံးထီၣ်ဖီၣ်ထီၣ်အတၢ်ဖံးတၢ် မၤန့ၣ်တၢ်ဆိၣ်လီၤသးဒ်သိးအံၤတအိၣ်ဘၣ်. ဘၣ်ဆၣ်ဒီး ဖဲယ့ၣ်ၡူးကဲထီၣ်ပှၤလုၢ်တၢ်အခိၣ်န့ၣ်အိၣ်ဃုာ်ဒီးကစၢ်ယွၤ အတၢ်ဆိၣ်လီၤအသးဒီးအီၤ, ဒီးစံးဝဲဒၣ်, “ကစၢ်မၤတ့ၢ်တၢ်အၢၣ်လီၤသမှံၤသပှၢ်တမံၤ ဒီးတထုးက့ၤဝဲဒၣ်ဘၣ်. ‘နကမ့ၢ်ပှၤလုၢ်တၢ်အခိၣ်အစိၤစိၤအဃၣ်ဃၣ်လီၤ.’ ”

လံာ်လီၣ်ဖျါ 6:12

ဒီးယထံၣ်သိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်ဃုခါ တခါလီၤ. ဟီၣ်ခိၣ်ဟူးဝးထီၣ်ဝဲဒၣ်ဆူၣ်ဆူၣ်ကလဲာ်, ဒီးမုၢ်ခံးသူထီၣ်ဝဲဒ်ထၢၣ်တၢ်ကံးယာ်လၢအလွဲၢ်သူတဖျၢၣ် အသိး, ဒီးလါထီၣ်ဂီၤဝဲဒီဘ့ၣ်ညါဒ်တၢ်သွံၣ်အသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:29

ကီၢ်အံၣ်စရ့လးအကစၢ်ယွၤလၢအကဟုကညီၢ်ဒိၣ်န့ၣ်တလီတၢ်မ့ၢ်ဂ့ၤ, ဆီတလဲအတၢ်ပာ်သူၣ်ပာ်သးမ့ၢ်ဂ့ၤဘၣ်. အဝဲတမ့ၢ်ပှၤကညီတဂၤ, ဒီးအဝဲတဆီတလဲအတၢ်ပာ်သူၣ်ပာ်သးဘၣ်.”