လံာ်ယံးရမံယၤ 4:27 - Sgaw Karen Common Bible

²⁷ (ယွၤစံးတ့ၢ်ဝဲလၢဟီၣ်ခိၣ်ဒီဘ့ၣ်ညါကကဲထီၣ်တၢ်လီၢ်အိၣ်သယုၢ်, ဘၣ်ဆၣ်, အဝဲတမၤဟးဂီၤကွံာ်အီၤလၢာ်လၢာ်ဆ့ဆ့ဘၣ်)

လံာ်ယံးရမံယၤ 4:27 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:21

ဒီးလၢတၢ်န့ၣ်အဃိတၢ်လၢယွၤတဲဆိတ့ၢ်ဝဲခီဖျိဝံယံးရမံ ယၤန့ၣ်လၢထီၣ်ပှဲၤထီၣ်ဝဲလီၤ. စံးဝဲ, “ထံကီၢ်ကအိၣ်သယုၢ်လၢအနံၣ်နွံဆံအတီၢ်ပူၤ, ဒ်သိးကမၤပှဲၤက့ၤတၢ်အိၣ်ဘှံးအနံၣ်လၢတၢ်တတိၢ်န့ၢ်မၤထွဲတ့ၢ် အီၤဘၣ်န့ၣ်လီၤ.”

လံာ်စီၤနဃ့မယၤ 9:31

ဘၣ်ဆၣ်ဒီးလၢနတၢ်သးကညီၤဒိၣ်ဝဲအဃိ, နတလဲၤသဒၣ်အဝဲသ့ၣ်မ့ၢ်ဂ့ၤ, မၤဟးဂီၤကွံာ်အဝဲသ့ၣ်မ့ၢ်ဂ့ၤဘၣ်. နမ့ၢ်ကစၢ်ယွၤတဂၤလၢအသးအိၣ်တၢ်ဒီး အသးကညီၤတၢ်န့ၣ်လီၤ.

လံာ်ယၡါယၤ 17:6

ပှၤအိၣ်မူတ့ၢ်ကမ့ၢ်ဒၣ်ထဲပှၤစှၤဂၤဧိၤ, ဒီးကီၢ်အံၣ်စရ့လးက မၤသးဒ်သ့ၣ်စၤယံးတထံးလၢတၢ်ဒဲးကွံာ်အသၣ်ခဲလၢာ်, ဒီးတၢ်အိၣ်လီၤတဲာ်မ့ၢ်ဒၣ်ထဲလၢအစိးနါခံဖျၢၣ်သၢဖျၢၣ်ဒီး စှၤဖျၢၣ်လၢအဒ့လၢလာ်တဖၣ်အလိၤန့ၣ်လီၤ. ယၤ, ကီၢ်အံၣ်စရ့လးအကစၢ်ယွၤ, ကတိၤလံတၢ်လံ.”

လံာ်ယၡါယၤ 24:1

ယွၤကမၤဟးဂူာ်ဟးဂီၤဟီၣ်ခိၣ်ဒီးပာ်လီၤတဲာ်သယုၢ်သညိအီၤလီၤ. အဝဲကဝံာ်ပကံဟီၣ်ခိၣ်အမဲာ်ဖံးခိၣ်ဒီးမၤပြံပြါအပှၤဂီၢ်မုၢ်လီၤ.

လံာ်ယံးရမံယၤ 18:16

အဝဲသ့ၣ်ဒုးကဲထီၣ်တ့ၢ်ကီၢ်အံၤလၢတၢ် လီၤပျံၤလီၤဖုးအလီၢ်တတီၤ, လၢတၢ်ကသးဘၣ်အၢအီၤလီၤထူလီၤယိာ် အဂီၢ်န့ၣ်လီၤ. ကယဲၢ်ပှၤလၢအလဲၤခီဘၣ်ဖဲန့ၣ်, ကကမၢကမၣ်ဒီးသူၣ်ပျံၤသးဖုး လၢတၢ်လၢအဝဲသ့ၣ်ထံၣ်ဘၣ်ဝဲအဃိန့ၣ်လီၤ. အဝဲသ့ၣ်ကဂံၤဂုၤအခိၣ်လၢ တၢ်ကမၢကမၣ်အပူၤန့ၣ်လီၤ.

လံာ်ယံးရမံယၤ 25:11

ထံကီၢ်ဒီဘ့ၣ်ညါအံၤ ကအိၣ်တ့ၢ်လၢတၢ်ဟးဂီၤအပူၤ ဒီးကမ့ၢ်တၢ်ထံၣ်ဘၣ်အလီၢ်လၢအလီၤကမၢကမၣ်န့ၣ်လီၤ. ဒီးကီၢ်ယူဒၤအပှၤဂီၢ်မုၢ်ဒီး ပှၤကလုာ်တဖၣ်လၢ အအိၣ်ဘူးအိၣ်တံၢ်ဒီး အီၤကမၤကီၢ်ဘၤဘူၤလိၣ်အစီၤပၤအတၢ်မၤအနံၣ်နွံဆံန့ၣ်လီၤ.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 4:20

တၢ်တတၢးတနါတမံၤပိာ်ထွဲအဂၤတမံၤအခံလီၤ. ထံကီၢ်ဒီဘ့ၣ်အိၣ်လီၤတဲာ်လၢတၢ်ဟးဂီၤတဖၣ် အပူၤလီၤ. သတူၢ်ကလာ်ပအိၣ်ဆိးအဒဲတဖၣ်ဘၣ် တၢ်မၤဟးဂီၤအီၤ ဒီးအယၣ်ဘျးသဒၢတဖၣ်ဘၣ်တၢ်ဖှီယာ်ကွံာ်အီၤ အက့က့အခီခီန့ၣ်လီၤ.

လံာ်ယံးရမံယၤ 4:7

ဒ်ခ့ယုၢ်တဒုဟဲထီၣ်လၢအတၢ်အိၣ်ခူသူၣ်အလီၢ်အသိးန့ၣ်, ပှၤတဂၤလၢကမၤဟးဂီၤပှၤကလုာ်တဖၣ်ဟဲဟးထီၣ်လံန့ၣ်လီၤ. အဝဲဒၣ်ဟဲဝဲလၢကမၤဟးဂီၤကီၢ်ယူဒၤအဂီၢ်လီၤ. ကီၢ်ယူဒၤအဝ့ၢ်တဖၣ်ကအိၣ်လီၤတဲာ်လၢတၢ်ဟးဂူာ် ဟးဂီၤအပူၤဒီးပှၤတအိၣ်လၢအဝဲသ့ၣ်အပူၤ နီတဂၤဘၣ်န့ၣ်လီၤ.

လံာ်ယံးရမံယၤ 44:6

သတးဒီး, ယလူလီၤဂၢ်လီၤတ့ၢ် ယတၢ်သးဒိၣ်ဒီးသးကဲၤထီၣ်လၢ ကီၢ်ယူဒၤအဝ့ၢ်တဖၣ်အဖီခိၣ်ဒီးလၢဝ့ၢ်ယရူၤရှလ့ၣ်အကျဲမုၢ် ကျဲဘိတဖၣ် အဖီခိၣ်ဒီးယဒွဲၣ်အူထီၣ်ကွံာ် အဝဲသ့ၣ်လၢ မ့ၣ်အူန့ၣ်လီၤ. အဝဲသ့ၣ်အိၣ်လီၤပှီၢ်တ့ၢ်ဝဲလၢ တၢ်ဟးဂူာ်ဟးဂီၤ အပူၤဒီး ကဲထီၣ်တၢ်ထံၣ်ဘၣ်အလီၢ်တပူၤလၢ အလီၤ ပျံၤလီၤဖုးဒ် အအိၣ်ဝဲခဲအံၤအသိးန့ၣ်လီၤ.

လံာ်ယံးရမံယၤ 46:28

ယကဟဲဆူ သုအိၣ်ဒီးအုၣ်က့ၤခီၣ်က့ၤသုလီၤ. ယကမၤဟးဂီၤပှၤကလုာ်ခဲလၢာ်လၢယမၤလီၤပြံလီၤပြါတ့ၢ် သုလၢအကျါ, ဘၣ်ဆၣ်ဒီး ယတမၤဟးဂီၤသုဘၣ်. ယတပျၢ်ဖျဲးသုလၢ တၢ်စံၣ်ညီၣ်အပူၤဘၣ်. မ့မ့ၢ်, ဖဲယစံၣ်ညီၣ်သုဒီး ယကမၤအီၤဖဲအတီအဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 5:10

ယဆှၢလီၤဒုၣ်ဒါတဖၣ်လၢကကျီလီၤကွံာ် ယပှၤဂီၢ်မုၢ်အစပံးအလီၢ်တဖၣ်, ဘၣ်ဆၣ်ဒီးတမ့ၢ်လၢကဘၣ်မၤဟးဂီၤကွံာ်ဝဲ လၢာ်လၢာ်ဆ့ဆ့ဘၣ်. ယကတဲဘၣ်အဝဲသ့ၣ်လၢကပဲာ်တဲာ်ကွံာ်အဒ့တဖၣ်, မ့ၢ်လၢဒ့တဖၣ်အံၤတမ့ၢ်ယတၢ်ဘၣ်အဃိလီၤ.

လံာ်ယံးရမံယၤ 5:18

ယွၤစံးဝဲဒၣ်, “လၢမုၢ်နံၤဒ်န့ၣ်အသိးအပူၤတဖၣ်ဒၣ်လဲာ်, ယတမၤ ဟးဂီၤကွံာ်ယပှၤဂီၢ်မုၢ်လၢာ်လၢာ်ဆ့ဆ့ဘၣ်.

လံာ်ယံးရမံယၤ 7:34

ထံကီၢ်ကကဲထီၣ်မဲးမုၢ်ခိၣ်တတီၤလီၤ. လၢကီၢ်ယူဒၤအဝ့ၢ်တ ဖၣ်အပူၤဒီးလၢဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်ယကမၤ ကတၢၢ်ကွံာ်တၢ်သူၣ်ခုသးခုဒီးတၢ်သူၣ်ဖှံသးညီအသီၣ် တဖၣ်ဒီးတၢ်တ့တၢ်ဖျီအမူးတဖၣ်အတၢ်သူၣ်ဖှံသးညီတဖၣ်န့ၣ်လီၤ.

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်သးသယုၢ်တၢ် 2:7

ယွၤစူးကွံာ်ညိကွံာ်အတၢ်လုၢ်လီၢ်ဒီးကွံာ်တ့ၢ်ကွံာ်အတၢ်လုၢ် ဟံၣ်စီဆှံန့ၣ်လီၤ. ပျဲတ့ၢ်ဝဲဒုၣ်ဒါတဖၣ်လၢကဖှီယာ်ကွံာ်အတၢ်ဒူၣ်တဖၣ်လီၤ. အဝဲသ့ၣ်ကိးပသူထီၣ်တ့ၢ်ဝဲလၢတၢ်မၤနၢၤအပူၤဖဲတၢ်လီၢ်လၢ တဘျီပဘူၣ်ထီၣ်ဘါထီၣ်တ့ၢ်တၢ်အိၣ်ဒီးတၢ်သးခုန့ၣ်လီၤ.

လံာ်ယဃ့းစက့လး 11:13

ဖဲယကတိၤတၢ်လၢဝံအကျိာ်အဖၢမုၢ်န့ၣ်, စီၤပလၤတယၤလီၤဃံၤသံဝဲလီၤ. ယထိၣ်လီၤဃံၤအီထီလာ်ယသးလၢဟီၣ်ခိၣ်လိၤဒီးကိးသတြီထီၣ်, ယွၤပၢဘၣ်တၢ်ဘၣ်တ့ခဲလၢာ်ကစၢ်ဧၢ, တဘၣ်မၤဒ်န့ၣ်တဂ့ၤ. မ့ၢ်နမၤသံပှၤကိးဂၤဒဲးလၢအအိၣ်လီၤတဲာ်လၢကီၢ်အံၣ်စရ့လး အပူၤအံၤန့ၣ်ဧါ.

လံာ်ယဃ့းစက့လး 20:17

အန့ၣ်ဒၣ်လဲာ်ယအိၣ်ဒီးတၢ်သးကညီၤလၢအဝဲသ့ၣ်အဖီခိၣ်လီၤ. ယပာ်လီၤယသးလၢယတမၤသံအဝဲသ့ၣ်ဖဲန့ၣ်လၢပှၢ်မုၢ်ကနၢအပူၤဘၣ်.

လံာ်ယဃ့းစက့လး 33:28

ယကဒုးကဲထီၣ်ထံကီၢ်အံၤလၢတၢ်အိၣ်တယုၢ်အိၣ်လီၤဃီအလီၢ် တပူၤလၢအဘျုးတအိၣ်ဘၣ်ဒီးတၢ်စိတၢ်ကမီၤလၢအဝဲသ့ၣ် ပာ်ကဖၢလၢတ့ၢ်အသးဒိၣ်မးလၢအဃိန့ၣ်, ကကတၢၢ်ကွံာ်ဝဲဒၣ် လီၤ. ကီၢ်အံၣ်စရ့လးအကစၢၢ်ကလိတဖၣ်, ကဘၣ်တၢ်ခဲဘၢ အီၤတုၤဒၣ်လဲာ်ပှၤလဲၤထီၣ်က့ၤလီၤခီဖျိအီၤတသ့နီတဂၤဘၣ်န့ၣ်လီၤ.

လံာ်ယဃ့းစက့လး 6:14

မ့ၢ်လီၤ. ယကယူာ်ထီၣ်ယစုဒီးမၤဟးဂီၤအဝဲသ့ၣ်အထံအကီၢ်န့ၣ်လီၤ. ယကဒုးကဲထီၣ်အီၤလၢတၢ်လီၢ်လီၤဟိတပူၤစးထီၣ်လၢကလံၤထံး မဲးမုၢ်ခိၣ်တုၤလီၤလၢဝ့ၢ်ဒံးဘလးလၢကလံၤစိးတခီ, ဒီးယတပျဲပူၤတၢ်လီၢ်နီတတီၤဖဲပှၤအံၣ်စရ့လးဖိတဖၣ်အိၣ်ဆိး ဝဲန့ၣ်ဘၣ်လီၤ. အန့ၣ်ဒီး, ပှၤခဲလၢာ်ကသ့ၣ်ညါလၢယမ့ၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:31

ဒီးယကမၤဟးဂီၤကွံာ်သုဝ့ၢ်တဖၣ်, သုတၢ်ဘူၣ်တၢ်ဘါအလီၢ်တဖၣ် ဒီးယတတူၢ်လိာ်သုတၢ်လုၢ်တၢ်ပာ်တဖၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 26:44

ဘၣ်ဆၣ်ဒီး, အန့ၣ်ဒၣ်လဲာ်, ဖဲအဝဲသ့ၣ်အိၣ်ဒံးလၢအဒုၣ်အဒါတဖၣ် အကီၢ်ပူၤအခါန့ၣ်, ယတညိကွံာ်ဒီးမၤဟးဂီၤအဝဲသ့ၣ်လၢာ်လၢာ်ဆ့ဆ့ဘၣ်. တၢ်န့ၣ်ကမၤကတၢၢ်ကွံာ်ယတၢ်အၢၣ်လီၤအီလီၤဒီးအဝဲသ့ၣ်ဒီးယတၢ်မ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.