လံာ်ယံးရမံယၤ 4:21 - Sgaw Karen Common Bible

²¹ ယကထံၣ်ဒံးတၢ်ဒုးဆူၣ်အံၤဒီးနၢ်ဟူဘၣ်ဒံးကွဲၤအသီၣ်န့ၣ်, ဆံးယံာ်လဲၣ်.

လံာ်ယံးရမံယၤ 4:21 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 35:25

ဝံယံးရမံယၤကွဲးထုးထီၣ်ထါသးသယုၢ်တၢ်တယုၢ်လၢစီၤပၤယိၤ ၡံယၤအဂီၢ်န့ၣ်လီၤ. တၢ်န့ၣ်ကဲထီၣ်တၢ်လုၢ်တၢ်လၢ်တမံၤလၢကီၢ်အံၣ်စရ့လးအပူၤ, လၢပှၤသးဝံၣ်တၢ်ဖိပိာ်ခွါတဖၣ်ဒီးပိာ်မုၣ်တဖၣ်အဂီၢ်လၢကသူ ထါသးဝံၣ်အံၤဖဲအဝဲသ့ၣ်ဟီၣ်တၢ်ယၢၤတၢ်လၢအဝဲအဂီၢ်န့ၣ်လီၤ. တၢ်သးဝံၣ်အံၤဘၣ်တၢ်ထံၣ်န့ၢ်အီၤလၢလံာ်သးသယုၢ်တၢ်တဖၣ်အတၢ်ပာ် ဖှိၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:10

ဖဲတၢ်မဲထီၣ်သီအကတီၢ်တုၤဝဲန့ၣ်, စီၤပၤနဘူၤကးန့စ့ၢ်က့ၤ ကိးစီၤပၤယဟါယါခံၣ်ဒ်ပှၤဘၣ်တၢ်စၢဃာ်တဂၤအသိးဆူကီၢ်ဘၤ ဘူၤလိၣ်ဒီးစိာ်ထီၣ်ကွံာ်ယွၤအတၢ်လုၢ်ဟံၣ်အတၢ်ထူးတၢ်တီၤတဖၣ် န့ၣ်လီၤ. အန့ၣ်ဒီး, စီၤပၤနဘူၤကးန့စၢ်ဒုးကဲထီၣ်စီၤယဟိယါခံၣ်အဖါ တံၢ်စီၤစံးဒကံယၤလၢကီၢ်ယူဒၤဒီးဝ့ၢ်ယရူၤရှလ့ၣ်အစီၤပၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:3

ကီၢ်အဲၤကူပတူးအစီၤပၤနကိၤဖီၣ်အီၤဒ်ပှၤဘၣ်စၢဃာ်အသိးဒီး မၢကီၢ်ယူဒၤဟ့ၣ်စ့အကံကၢ်တယၤဒီးထူတကံကၢ်ဒ်တၢ်ခိ တၢ်သွဲအသိးန့ၣ်လီၤ.

လံာ်ယံးရမံယၤ 4:19

တၢ်ဆါယၤနးမးလီၤ. ယတူၢ်တၢ်ဆါအံၤတကဲလၢၤဘၣ်. အိ, ယသူၣ်စံၣ်သးစံၣ်အၢအၢသီသီလီၤ. ယအိၣ်ဘှ့ၣ် အိၣ်ဘှီၣ်တသ့ဘၣ်. ယနၢ်ဟူကွဲၤအသီၣ်တဖၣ် ဒီးတၢ်ဒုးတၢ်ယၤအတၢ်ကိးသတြီထီၣ်တဖၣ်လီၤ.

လံာ်ယံးရမံယၤ 4:20

တၢ်တတၢးတနါတမံၤပိာ်ထွဲအဂၤတမံၤအခံလီၤ. ထံကီၢ်ဒီဘ့ၣ်အိၣ်လီၤတဲာ်လၢတၢ်ဟးဂီၤတဖၣ် အပူၤလီၤ. သတူၢ်ကလာ်ပအိၣ်ဆိးအဒဲတဖၣ်ဘၣ် တၢ်မၤဟးဂီၤအီၤ ဒီးအယၣ်ဘျးသဒၢတဖၣ်ဘၣ်တၢ်ဖှီယာ်ကွံာ်အီၤ အက့က့အခီခီန့ၣ်လီၤ.

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်ယံးရမံယၤ 42:14

သုတဘၣ်စံးလၢ, ‘တမု့ၢ်ဘၣ်, ပကလဲၤဒီးအိၣ်ဆိးလၢ ကီၢ်အဲၤကူပတူးအပူၤ ဖဲပတကွၢ်ဆၢၣ်မဲာ်ဘၣ်လၢၤ တၢ်ဒုးတၢ်ယၤမ့ၢ်ဂ့ၤ, နၢ်ဟူဘၣ်တၢ်ကိးထီၣ်လၢ တၢ်ဒုးတၢ်ယၤအဂီၢ်မ့ၢ်ဂ့ၤ, ဖဲပတသၣ်ဝံၤလီၤဒိမ့ၢ်ဂ့ၤလီၤ,’ န့ၣ်ဘၣ်.

လံာ်ယံးရမံယၤ 6:1

ဘံၣ်ယၤမံၣ်အပှၤဂီၢ်မုၢ်သ့ၣ်ဧၢ, ဃ့ၢ်ကွံာ်လၢတၢ်ဘံၣ်တၢ်ဘၢ အဂီၢ်တက့ၢ်. ဃ့ၢ်ပူၤဖျဲးကွံာ်သုသးလၢဝ့ၢ်ယရူၤရှလ့ၣ်တက့ၢ်. အူထီၣ်ကွဲၤလၢဝ့ၢ်တကိၤအပူၤဒီး မၤထီၣ်တၢ်ပနီၣ်မ့ၣ်အူတမံၤ လၢဝ့ၢ်ဘ့ၤသဟးကၤရ့ၣ်အပူၤတက့ၢ်. အဂ့ၢ်ဒ်အံၤ, တၢ်တတၢး တနါဒီးတၢ်မၤဟးဂီၤတဖၣ်ဘူးထီၣ်ကဟဲဝဲလၢကလံၤစိးတခီန့ၣ်လီၤ.