လံာ်ယံးရမံယၤ 39:8 - Sgaw Karen Common Bible

⁸ ဖဲန့ၣ်အခါ, ပှၤဘၤဘူၤလိၣ်ဖိတဖၣ် ဒွဲၣ်အူထီၣ်ကွံာ် စီၤပၤအနူၢ်ဒီၤ အပှၤဂီၢ်မုၢ်အဟံၣ်တဖၣ်, ဒီးမၤလီၤပှီၢ် ကွံာ်ဝ့ၢ်ယရူၤရှလ့ၣ်အခိၣ်ဒူတဖၣ်န့ၣ်လီၤ.

လံာ်ယံးရမံယၤ 39:8 Iomraidhean Croise

လံာ်စီၤပၤခံဘ့ၣ်တဘ့ၣ် 25:8

လၢကီၢ်ဘၤဘူၤလိၣ်အစီၤပၤနဘူၤကးန့စၢ်, အနံၣ်တဆံခွံနံၣ်တနံၣ်လါယဲၢ်လါတလါထီၣ်နွံသီတသီ အနံၤန့ၣ်, စီၤပၤအပှၤဟ့ၣ်ကူၣ်တၢ်ဒီးအသုးမုၢ်အသုးခိၣ်ကျၢၢ် စီၤနဘူစၢ်ရဒၣ်လဲၤနုာ်လီၤဝဲဆူဝ့ၢ်ယရူၡလ့ၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:19

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, ဒီးဝ့ၢ်, ဃုာ်ဒီးအနီတဖၣ်ဒီးတၢ်ထူးတၢ်တီၤတဖၣ်ဒီးမၤလီၤပှီၢ်ကွံာ် ဝ့ၢ်ခိၣ်ဒူန့ၣ်လီၤ.

လံာ်စီၤနဃ့မယၤ 1:3

ဒီးအဝဲသ့ၣ်တဲဘၣ်ယၤလၢပှၤလၢအိၣ်လီၤတဲာ်ဒီးဟဲက့ၤတုၤဆူ အထံဧိၤကီၢ်ဧိၤဒၣ်ဝဲန့ၣ်အိၣ်လၢတၢ်ကီတၢ်ခဲနးမးအပူၤဒီး ပှၤတခီဘီမုၢ်ဖိလၢအအိၣ်ဘူးတဖၣ်န့ၣ်ကွၢ်တလီၤအဝဲသ့ၣ်န့ၣ် လီၤ. အဝဲသ့ၣ်တဲဘၣ်စ့ၢ်ကီးယၤလၢဝ့ၢ်ယရူၤၡလ့ၣ်အဝ့ၢ်ခိၣ်ဒူတဖၣ် န့ၣ်စးထီၣ်လၢအဘၣ်တၢ်ဒွဲၣ်ကွံာ်အီၤန့ၣ်တဘၣ်တၢ်ဘှီထီၣ်က့ၤ ဒံးအီၤဘၣ်န့ၣ်လီၤ.

စံးထီၣ်ပတြၢၤ 79:7

အဂ့ၢ်ဒ်အံၤ, အဝဲသ့ၣ်မၤသံတ့ၢ်လံပှၤလီၤစၢၤလၢစီၤယၤကိာ် ဒီးမၤဟးဂီၤတ့ၢ်လံအထံအကီၢ်န့ၣ်လံ.

လံာ်ယၡါယၤ 5:9

ယနၢ်ဟူတ့ၢ်ယွၤသ့တၢ်လၢာ်ကစၢ်စံးဝဲဒၣ်, “ဟံၣ်လၢအဒိၣ်ဒီးဂ့ၤဝဲခဲလၢာ်အံၤကလီၤ ဟိဒီးဟးဂီၤကွံာ်ခဲလၢာ်လီၤ.

လံာ်ယံးရမံယၤ 17:27

ဘၣ်ဆၣ်ဒီးအဝဲသ့ၣ်ကဘၣ်စူၢ်ယၤဒီးတိၢ်န့ၢ်ဖံးဃာ်မုၢ်အိၣ်ဘှံးနံၤန့ၣ် ဒ်မုၢ်နံၤစီဆှံတနံၤအသိးန့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ် တဘၣ်ဟဲစိာ်နုာ်တၢ်ဝံတၢ်ယိးခီဖျိဝ့ၢ်အံၤအတြဲၤတဖၣ်ဘၣ်. အဝဲသ့ၣ်မ့ၢ်မၤဝဲဒီး, ယကဒွဲၣ်အူထီၣ်ဝ့ၢ်ယရူၤၡလ့ၣ်အတြဲၤတ ဖၣ်လၢမ့ၣ်အူလီၤ. မ့ၣ်အူကအီၣ်ကွံာ်ဝ့ၢ်ယရူၤၡ လ့ၣ်အနူၢ်အစီၤတဖၣ်, ဒီးပှၤမၤလီၤပံာ်ကွံာ်အီၤတန့ၢ်နီတဂၤဘၣ်.”

လံာ်ယံးရမံယၤ 21:10

ယပာ်လီၤတ့ၢ်ယသးလၢယတပျၢ်ဖျဲးဝ့ၢ်အံၤဘၣ်. မ့မ့ၢ်ယကမၤဟးဂီၤကွံာ်အီၤန့ၣ်လီၤ. ဝ့ၢ်အံၤကဘၣ်တၢ်ဟ့ၣ်လီၤ အီၤဆူကီၢ်ဘၤဘူၤလိၣ်အစီၤပၤအစုပူၤဒီးအဝဲဒၣ်ကဒွဲၣ် အူကွံာ်အီၤခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 32:29

ဒီးဒွဲၣ်အူထီၣ်အီၤလၢ မ့ၣ်အူလီၤ. အဝဲသ့ၣ် ကဆူးထီၣ်ကွံာ် ဝ့ၢ် အံၤ ဃုာ်ဒီးဟံၣ်တဖၣ် ဖဲပှၤဂီၢ်မုၢ်မၤသးဒိၣ်တ့ၢ်ယၤ ခီဖျိတၢ်ဆိၣ် ကဲၤ တၢ်နၢမူလၢဘဧၤလၤ အဂီၢ်လၢ ဟံၣ်ခိၣ်တဖၣ်အလိၤဒီး ခီဖျိ တၢ်လူလီၤဂၢ်လီၤ တၢ်လုၢ်စပံးထံတဖၣ်ဆူ ကစၢ်အဂၤတဖၣ် အအိၣ်အဃိလီၤ.

လံာ်ယံးရမံယၤ 34:2

ယွၤ, အံၣ်စရ့လးအကစၢ်ယွၤ, တဲဘၣ်တ့ၢ်ယၤ လၢ ယကလဲၤဒီးစံးဘၣ်ကီၢ်ယူဒၤအစီၤပၤ စီၤ စံးဒကံယၤဒ်အံၤ, “ယၤ, ယွၤအံၤ, ယကဟ့ၣ်လီၤကွံာ် ဝ့ၢ်အံၤဆူကီၢ်ဘၤဘူၤလိၣ်အစီၤပၤအစုပူၤ, ဒီးအဝဲဒၣ် ကဒွဲၣ်အူကွံာ်အီၤလီၤ.

လံာ်ယံးရမံယၤ 34:22

ယကဟ့ၣ်လီၤတၢ်ကလုၢ်ဒီး အဝဲသ့ၣ်ကဟဲက့ၤကဒါက့ၤဆူ ဝ့ၢ်အံၤလီၤ. အဝဲသ့ၣ်ကထီၣ်ဒုးအီၤ, ဒီးမၤန့ၢ်အီၤ, ဒီးဒွဲၣ် အူထီၣ်ကွံာ်အီၤန့ၣ်လီၤ. ယကဒုးကဲထီၣ်ကီၢ် ယူဒၤအဝ့ၢ်တဖၣ် လၢမဲးမုၢ်ခိၣ်တတီၤဖဲ ပှၤ တအိၣ်နီတဂၤဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 37:10

သုမ့ၢ်မၤနၢၤကွံာ်ပှၤဘၤဘူၤလိၣ်အသုးမုၢ်ဒီဖုညါတုၤလၢ အဝဲသ့ၣ်အဒဲတဖၣ်အပူၤအိၣ်မံလီၤတ့ၢ်ဒၣ်ထဲ ပှၤလၢအဘၣ်ဒိ ဘၣ်ထံးတဖၣ်ဧိၤဒၣ်လဲာ်န့ၣ်, ပှၤတဖၣ်န့ၣ်ကဂဲၤဆၢထၢၣ်ဒံးဝဲ ဒီးဒွဲၣ်အူထီၣ်ဝ့ၢ်အံၤလၢ မ့ၣ်အူလၢာ်လၢာ်ဆ့ဆ့န့ၣ်လီၤ.”

လံာ်ယံးရမံယၤ 38:18

မ့မ့ၢ်နမ့ၢ်တဟ့ၣ်လီၤကွံာ်နသးဘၣ်ဒီး, ဝ့ၢ်အံၤကဘၣ်တၢ်ဟ့ၣ်လီၤကွံာ်အီၤဆူပှၤဘၤဘူၤလိၣ်ဖိတဖၣ်လၢ အကဒွဲၣ်အူကွံာ်အီၤ အစုပူၤဒီး နတထူၣ်ဖျဲးလၢ အဝဲ သ့ၣ်အစုပူၤဘၣ်လီၤ.”

လံာ်ယံးရမံယၤ 5:10

ယဆှၢလီၤဒုၣ်ဒါတဖၣ်လၢကကျီလီၤကွံာ် ယပှၤဂီၢ်မုၢ်အစပံးအလီၢ်တဖၣ်, ဘၣ်ဆၣ်ဒီးတမ့ၢ်လၢကဘၣ်မၤဟးဂီၤကွံာ်ဝဲ လၢာ်လၢာ်ဆ့ဆ့ဘၣ်. ယကတဲဘၣ်အဝဲသ့ၣ်လၢကပဲာ်တဲာ်ကွံာ်အဒ့တဖၣ်, မ့ၢ်လၢဒ့တဖၣ်အံၤတမ့ၢ်ယတၢ်ဘၣ်အဃိလီၤ.

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်သးသယုၢ်တၢ် 1:10

အဒုၣ်အဒါတဖၣ်ဂုာ်န့ၢ်အတၢ်လုၢ်ဒိၣ်ပှ့ၤဒိၣ်လၢအအိၣ်ဒီးအီၤ တဖၣ်ခဲလၢာ်လီၤ. ထံၣ်ဘၣ်တ့ၢ်ဝဲအဒုၣ်အဒါတဖၣ်နုာ်လီၤဆူ တၢ်လုၢ်ဟံၣ်အပူၤ, တၢ်လီၢ်ဖဲယွၤတြီပှၤကလုာ်ဂၤတဖၣ်လၢ အသုတလဲၤနုာ်တဂ့ၤန့ၣ်လီၤ.

လံာ်သးသယုၢ်တၢ် 2:2

ယွၤမၤဟးဂီၤကွံာ်ကယဲၢ်ဒူသဝီလၢကီၢ်ယူဒၤအပူၤလၢတၢ်သး ကညီၤတအိၣ်ဘၣ်အပူၤလီၤ. ဒီးမၤလီၤပှီၢ်ကွံာ်တ့ၢ်တိာ်တဖၣ်လၢအဒီသဒၢတ့ၢ်ထံကီၢ်လီၤ. ဟဲစိာ်ဝဲတၢ်မဲာ်ဆှးဆူဘီမုၢ်န့ၣ်ဒီးအပဒိၣ်ပပှၢ်တဖၣ်အလိၤ လီၤ.

လံာ်သးသယုၢ်တၢ် 2:7

ယွၤစူးကွံာ်ညိကွံာ်အတၢ်လုၢ်လီၢ်ဒီးကွံာ်တ့ၢ်ကွံာ်အတၢ်လုၢ် ဟံၣ်စီဆှံန့ၣ်လီၤ. ပျဲတ့ၢ်ဝဲဒုၣ်ဒါတဖၣ်လၢကဖှီယာ်ကွံာ်အတၢ်ဒူၣ်တဖၣ်လီၤ. အဝဲသ့ၣ်ကိးပသူထီၣ်တ့ၢ်ဝဲလၢတၢ်မၤနၢၤအပူၤဖဲတၢ်လီၢ်လၢ တဘျီပဘူၣ်ထီၣ်ဘါထီၣ်တ့ၢ်တၢ်အိၣ်ဒီးတၢ်သးခုန့ၣ်လီၤ.

လံာ်ယဃ့းစက့လး 16:41

အဝဲသ့ၣ်ကဒွဲၣ်အူထီၣ်ကွံာ်နဟံၣ်တဖၣ်ဒီးပျဲပှၤပိာ်မုၣ်ဂီၢ် မုၢ်တဖုထံၣ်ဘၣ်တၢ်စံၣ်ညီၣ်နၤန့ၣ်လီၤ. ယကဒုးဆိကတီၢ်နၤလၢနတၢ်မ့ၢ်ပှၤဃဲသဲမုၣ်တဂၤ, ဒီးဆိကတီၢ်နၤလၢနတၢ်ဟ့ၣ်တဖၣ်ဆူပှၤလၢနအဲၣ်အီၤတဖၣ်န့ၣ်လီၤ.

လံာ်ယဃ့းစက့လး 23:47

ပျဲပှၤဂီၢ်မုၢ်တဖုလၢအတၢထီၣ်တၢလီၤန့ၣ်ကွံာ်သံအဝဲသ့ၣ်လၢ လၢၢ်ဒီးဒုးအဝဲသ့ၣ်လၢနးတဖၣ်, မၤသံကွံာ်အဖိတဖၣ်ဒီးဒွဲၣ် အူကွံာ်အဝဲသ့ၣ်အဟံၣ်တဖၣ်န့ၣ်တက့ၢ်.

လံာ်ယဃ့းစက့လး 33:21

လၢပဘၣ်တၢ်စိာ်မၢကဲကုၢ်ပှၤ, တဆံခံနံၣ်တနံၣ်, လါတဆံလါ တလါထီၣ်ယဲၢ်သီတသီန့ၣ်, ပှၤတဂၤလၢအဃ့ၢ်ပူၤဖျဲးထီၣ်လၢ ဝ့ၢ်ယရူၤၡလ့ၣ်ဟဲဝဲ, ဒီးတဲဘၣ်တ့ၢ်ယၤလၢဝ့ၢ်န့ၣ်လီၤကွံာ်လံ န့ၣ်လီၤ.

လံာ်ဧၤမိၣ် 2:5

မၤသးဒ်န့ၣ်ဒီးယကဆှၢလီၤမ့ၣ်အူဆူကီၢ်ယူဒၤအဖီခိၣ်ဒီးဒွဲၣ်အူ ကွံာ်ဝ့ၢ်ယရူၤရှလ့ၣ်အတိာ်ဧိၤတာ်ဧိၤတဖၣ်န့ၣ်လီၤ.”

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.