လံာ်ယံးရမံယၤ 39:6 - Sgaw Karen Common Bible

⁶ ဖဲဝ့ၢ်ရံးဘလၤန့ၣ်, အဝဲမၤသံစီၤစံးဒကံယၤအဖိခွါ တဖၣ်လၢ စီၤစံးဒကံယၤအမဲာ်ညါလီၤ. ဒီးအဝဲမၤသံ ကွံာ်စ့ၢ်ကီး ကီၢ်ယူဒၤအပဒိၣ်ပပှၢ်တဖၣ်န့ၣ်လီၤ.

လံာ်ယံးရမံယၤ 39:6 Iomraidhean Croise

လံာ်တၢ်ကဲထီၣ်အခီၣ်ထံး 21:16

ဒီးလဲၤဆ့ၣ်နီၤယံၤဒီးအီၤအပျၢ်ခံကယၤဘျဲၣ်လီၤ. ဒီးစံးလီၤက့ၤအသး, “ယကထံၣ်ယဖိသံန့ၣ်ယတူၢ်တပှဲၤဘၣ်.” ဒီးဖဲအဆ့ၣ်နီၤဝဲဖဲန့ၣ်အခါအမဲာ်ထံလီၤဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 44:34

ပိာ်ခွါဖိသၣ်မ့ၢ်တက့ၤဃုာ်ဒီးယၤဘၣ်ဒီး, ယက့ၤကဒါက့ၤဆူ ယပၢ်အအိၣ်ကသ့ဒ်လဲၣ်. တၢ်တတၢးတနါအံၤလၢကလီၤဘၣ် လၢယပၢ်အလိၤန့ၣ်, ယကွၢ်အီၤတကဲဘၣ်.”

လံာ်စီၤပၤခံဘ့ၣ်တဘ့ၣ် 22:20

ဒီးတၢ်စံၣ်ညီၣ်လၢယကဒုးလီၤဘၣ်အီၤလၢဝ့ၢ်ယရူၤၡလ့ၣ်အ လိၤန့ၣ်, တချုးလၢနသံဝံၤဒံးဘၣ်န့ၣ်, တလီၤဘၣ်ဝဲဘၣ်. ယကပျဲနသံနဲမုာ်မုာ်န့ၣ်လီၤ.” ပှၤတဖၣ်န့ၣ်က့ၤကဒါက့ၤဆူစီၤပၤယိၤၡံယၤအအိၣ်, အိၣ်ဃုာ်ဒီးတၢ်ကစီၣ်အံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:7

ဖဲစီၤစံးဒကံယၤကွၢ်တၢ်အဖၢမုၢ်န့ၣ်, အဝဲအဖိခွါတဖၣ်ဘၣ်တၢ် မၤသံအီၤဝံၤဒီးစီၤနဘူၤကးန့စၢ်အူခွဲးထီၣ်ကွံာ်စီၤစံး ဒကံယၤအမဲာ်ချံစၢဃာ်အီၤလၢထးသွဲဒီးက့ၤမိၤအီၤဆူ ဝ့ၢ်ဘၤဘူၤလိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:28

ဒီးတၢ်စံၣ်ညီၣ်လၢယကဒုးလီၤဘၣ်အီၤလၢဝ့ၢ်ယရူၤၡလ့ၣ်အလိၤန့ၣ် ကဟဲတုၤဒၣ်လၢနသံဝံၤအလီၢ်ခံလီၤ. ယကပျဲနသံမုာ်မုာ်န့ၣ်လီၤ.” ပှၤတဖၣ်န့ၣ်က့ၤကဒါက့ၤဆူစီၤပၤယိၤၡံယၤအအိၣ်, အိၣ်ဒီးတၢ်ကစီၣ်အံၤလီၤ.

လံာ်နီၢ်အ့ၤစတၢ် 8:6

တၢ်တတၢးတနါဒ်သိးအံၤမ့ၢ်တုၤအိၣ်ယပှၤဂီၢ်မုၢ်, ဒီးယဘူးယတံၢ်ဒၣ်ယဲတဖၣ်မ့ၢ်ဘၣ်တၢ်မၤသံအီၤန့ၣ်ဒီး, ယတူၢ်ယဲကသ့ဒ်လဲၣ်.”

လံာ်ယၡါယၤ 13:16

ဖဲအဝဲသ့ၣ်ကွၢ်တၢ်လၢတၢ်မၤစၢၤတအိၣ်ဘၣ်အပူၤန့ၣ်, အဖိဆံးဖိတဖၣ်ကဘၣ်တၢ်တီၢ်သံကွံာ်အီၤ, အဟံၣ်တဖၣ် ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးအမါတဖၣ်ကဘၣ်တၢ်မၤ ဆူၣ်မၤစိးအီၤန့ၣ်လီၤ.”

လံာ်ယၡါယၤ 34:12

စီၤပၤလၢကပၢထံကီၢ်န့ၣ်တအိၣ်ဘၣ်နီတဂၤဘၣ်, ဒီးပှၤခိၣ်ပှၤနၢ်တဖၣ်ကသံကွံာ်ခဲလၢာ်လီၤ.

လံာ်ယံးရမံယၤ 20:4

ယွၤအကစၢ်ဒၣ်ဝဲစံးဝဲဒၣ်, “ယကဒုးကဲထီၣ်နၤလၢတၢ်ပျံၤတၢ် ဖုးတမံၤလၢနဂီၢ်ဒၣ်နဲဒီးလၢနတံၤသကိးတဖၣ်အဂီၢ်, ဒီးနကထံၣ်ဘၣ် အဝဲသ့ၣ်ခဲလၢာ်ဘၣ်တၢ်မၤသံအီၤလၢအဒုၣ်အဒါတဖၣ်အါမးန့ၣ်လီၤ. ယကပာ်ကီၢ်ယူဒၤအပှၤဂီၢ်မုၢ်ခဲလၢာ်လၢကီၢ်ဘၤဘူၤလိၣ်အစီၤပၤ အစိကမီၤအဖီလာ်လီၤ. အဝဲကက့ၤစိာ်ကွံာ်အဝဲသ့ၣ်တနီၤဆူ အထံအကီၢ်ဒ်ပှၤဘၣ်တၢ်စိာ်မၢကဲကုၢ်တဖၣ်အသိးဒီးပှၤအဂၤ တဖၣ်န့ၣ်ကမၤသံကွံာ်ဝဲလီၤ.

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 34:3

နတပူၤဖျဲးလၢ အစုပူၤဘၣ်. နကဘၣ်တၢ်ဖီၣ်န့ၢ်နၤဒီး ဟ့ၣ်လီၤကွံာ် နၤဆူအဝဲအစုပူၤန့ၣ်လီၤ. နကထံၣ်ဘၣ်အီၤလၢ မဲာ်သကိးမဲာ်ဒီး ကတိၤတၢ်ဒီးအီၤလၢ နနီၢ်ကစၢ်ဒၣ်နဲ, ဝံၤဒီးနကလဲၤဆူ ကီၢ်ဘၤဘူၤလိၣ်လီၤ.

လံာ်ယံးရမံယၤ 38:23

အန့ၣ်ဒီး ယတဲအါထီၣ်အီၤ, “ကယဲၢ်နပှၤပိာ်မုၣ်ခဲလၢာ်ဒီး နဖိနလံၤတဖၣ် ကဘၣ်တၢ်စိာ်ကွံာ်အီၤဆူ ပှၤဘၤဘူၤလိၣ်ဖိတဖၣ် အအိၣ်, ဒီးနဲနကစၢ်ဒၣ်နဲ နတထူၣ်ဖျဲးလၢအဝဲသ့ၣ်အစုပူၤဘၣ်. ကီၢ်ဘၤဘူၤလိၣ် အစီၤပၤ ကစိာ်ထီၣ်ကွံာ်နၤဒ် ပှၤဃိာ်ဖိအသိး, ဒီၤဝ့ၢ်အံၤကဘၣ်တၢ်ဒွဲၣ်အူထီၣ်ကွံာ်အီၤလၢာ် လၢာ်ဆ့ဆ့န့ၣ်လီၤ.”

လံာ်ယံးရမံယၤ 52:10

ဖဲဝ့ၢ်ရံးဘလးန့ၣ်, အဝဲမၤသံကွံာ် စီၤစံးဒကံယၤအဖိခွါ တဖၣ်လၢ အမဲာ်ညါဒၣ်ဝဲ, ဒီးအဝဲမၢသံစ့ၢ်ကီးကီၢ်ယူဒၤ ပဒိၣ်ပပှၢ်တဖၣ်န့ၣ်လီၤ.

လံာ်ယဃ့းစက့လး 23:24

အဝဲသ့ၣ်ကဟဲထီၣ်ဒုးနၤလၢကလံၤစိးတခီ, ဟဲစိာ်ဃုာ်ဒီးသုး မုၢ်ဖးဒိၣ်တဖုအိၣ်ဒီးလ့ၣ်ကဟၣ်ဒုးတၢ်တဖၣ်ဒီးလ့ၣ်ကဟၣ်လၢ အစိာ်တၢ်အီၣ်တၢ်အီဒီးတၢ်အပီးအလီန့ၣ်လီၤ. အဝဲသ့ၣ်ကကဝီၤဃာ် နၤအိၣ်ဒီးကတီၤတဖၣ်, ဒီးခိၣ်သလုးထးတဖၣ်လၢအဒီသဒၢအီၤန့ၣ် လီၤ. ယကဟ့ၣ်လီၤကွံာ်နၤဆူအဝဲသ့ၣ်အစုပူၤဒီးအဝဲသ့ၣ်ကစံၣ် ညီၣ်နၤလၢအဝဲသ့ၣ်အတၢ်သိၣ်တၢ်သီဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 24:5

သူသိအဂ့ၤကတၢၢ်အညၣ်တက့ၢ်. ဖှိၣ်ထီၣ်သ့ၣ်မုၣ်လၢသပၢၤအဖီလာ်တက့ၢ်. ပျဲထံချီကလာ်ထီၣ်တက့ၢ်. ချီတၢ်အဃံတဖၣ်ဒီးတၢ်ညၣ်တက့ၢ်.”

လံာ်စဖါနယၤ 1:8

ယွၤစံးဝဲဒၣ်, “လၢတၢ်မၤသံမၤဝီတၢ်အမုၢ်နံၤဝဲန့ၣ်, ယကစံၣ်ညီၣ်အပဒိၣ်ပပှၢ်တဖၣ်, စီၤပၤအဖိခွါတဖၣ်ဒီးကယဲၢ်ပှၤလၢအလူၤထွဲမၤထွဲပှၤတခီဘီမုၢ်ဖိ အလုၢ်အလၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 28:34

သုတၢ်တူၢ်ဘၣ်ခီၣ်ဘၣ်တဖၣ်ကမၤလီၤမၢ်ကွံာ်သုသးလၢအသ့ၣ်ညါတၢ် သ့န့ၣ်လီၤ.