လံာ်ယံးရမံယၤ 39:4 - Sgaw Karen Common Bible

⁴ ဖဲစီၤပၤစံးဒကံယၤဒီး ကယဲၢ်အဝဲသုးဖိတဖၣ်ထံၣ် တၢ်လၢအမၤအသးန့ၣ်ဒီး, အဝဲသ့ၣ်ကျဲးစၢးဃ့ၢ်ပူၤဖျဲး အသးလၢ ဝ့ၢ်န့ၣ် လၢမုၢ်နၤခီအဆၢကတီၢ်လီၤ. အဝဲသ့ၣ်ဟးထီၣ်ကွံာ်ဝဲလၢ စီၤပၤအတၤသၣ်အလီၢ်အကျဲ, လဲၤခီဖျိကွံာ်ကျဲစၢၤဖိလၢ အဒုးစဲဘူးတၢ်ဒူၣ်ခံဒူၣ်ဒီး ပူၤဖျဲးဝဲဆူ ထံကျိယၢ်ဒ့ၣ်အတြီၤပူၤန့ၣ်လီၤ.

လံာ်ယံးရမံယၤ 39:4 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:5

စီၤပၤမၤခၢၣ်သနၢၣ်ထီၣ်က့ၤဝ့ၢ်အတၢ်တြီဆၢဒုၣ်ဒါအလီၢ်တဖၣ်, ခီဖျိတၢ်ဘှီဂ့ၤက့ၤဝ့ၢ်ခိၣ်ဒူ, ဘှီထီၣ်ပှၤခိးတၢ်အလီၢ်တဖၣ်လၢအဖီခိၣ်, ဒီးဘှီထီၣ်ကဒီးတၢ်ဒူၣ်လၢတၢ်ချၢတဒူၣ်န့ၣ်လီၤ. တကးဒံးဘၣ်, အဝဲဘှီဂ့ၤက့ၤတၢ်တြီဆၢဒုၣ်ဒါအလီၢ်တဖၣ်လၢအဘၣ် တၢ်ဘှီထီၣ်တ့ၢ်အီၤဖဲဝ့ၢ်ယရူၤၡလ့ၣ်အတၢ်လီၢ်လၢအလီၢ်လံၤတကပၤ အမုၢ်ထီၣ်, တၢ်လီၢ်လၢတၢ်မၤဃူမၤပှဲၤက့ၤအီၤအပူၤန့ၣ်လီၤ. အဝဲမၢပှၤမၤစ့ၢ်ကီးဘီတဖၣ်ဒီးကတီၤတဖၣ်အါအါဂီၢ်ဂီၢ်န့ၣ်လီၤ.

လံာ်ယၡါယၤ 22:11

သုဘှီထီၣ်တၢ်ပာ်ကီၤထံအလီၢ်လၢဝ့ၢ်အအိပူၤဒ်သိးသုကမၤ န့ၢ်ထံလၢအဟဲယွၤလီၤဝဲလၢကွံအလီၢ်လံၤလီၤ. ဘၣ်ဆၣ်သုတကနၣ်ဃုာ်ယွၤလၢအကူၣ်ကျဲၤတ့ၢ်တၢ်အံၤဒီး ဒုးကဲထီၣ်လိၣ်ထီၣ်အီၤ, လၢတၢ်ဆၢကတီၢ်လၢအယံာ်တ့ၢ် မးလံတဂၤန့ၣ်ဘၣ်.

လံာ်ယၡါယၤ 22:3

တချုးလၢသုပှၤခိၣ်ပှၤနၢ်တဖၣ်ခးဘၣ်ပျၢ်တဘိဧိၤန့ၣ်, အဝဲသ့ၣ်, ထွးထီၣ်ဃ့ၢ်ဝဲဒီးဘၣ်တၢ်ဖီၣ်န့ၢ်အီၤခဲလၢာ်လီၤ.

လံာ်ယၡါယၤ 29:2

အန့ၣ်ဒီး, ကစၢ်ယွၤကဆှၢလီၤတၢ်တတၢးတနါလၢဝ့ၢ်လၢ အဘၣ်တၢ်ကိးတ့ၢ်အီၤလၢ “အရံၤအ့လး’ အခီပညီ “ကစၢ်ယွၤအတၢ်လုၢ်လီၢ်” အဖီခိၣ်န့ၣ်လီၤ. တၢ်ဟီၣ်တၢ် ယၢၤဒီးတၢ်မဲာ်ထံမဲာ်နိကအိၣ်ဝဲ, ဒီးဝ့ၢ်ဒီဝ့ၢ်န့ၣ်ကလီၤဂာ်ဒီးတၢ် လုၢ်လီၢ်တတီၤလၢတၢ်သွံၣ်ကးဘၢကွံာ်အီၤန့ၣ်လီၤ.

လံာ်ယံးရမံယၤ 32:4

ဒီးစီၤပၤစံးဒကံယၤတပူၤဖျဲး ဝဲဒၣ်ဘၣ်, အဝဲကဘၣ် တၢ်ဟ့ၣ်လီၤကွံာ်အီၤဆူ ကီၢ်ဘၤဘူၤလိၣ် အစီၤပၤ အစုပူၤလီၤ. အဝဲကထံၣ်ဘၣ်အီၤလၢ မဲာ်သကိးမဲာ်ဒီး ကကတိၤဘၣ်တၢ်ဒီးအီၤ ခီဂၤဂၤန့ၣ်လီၤ.

လံာ်ယံးရမံယၤ 32:5

စီၤစံးဒကံယၤကဘၣ်တၢ်စိာ်ကွံာ်အီၤဆူ ကီၢ်ဘၤဘူၤလိၣ်, ဒီးအဝဲဒၣ်ကအိၣ်ဖဲန့ၣ် တုၤလီၤလၢယမၤတၢ်ဒီးအီၤတမံၤ မံၤတစုန့ၣ်လီၤ. အဝဲဒၣ်မ့ၢ်ဒုးပှၤဘၤဘူၤလိၣ်ဖိတဖၣ် ဒၣ်လဲာ်, အဝဲတမၤန့ၢ်မၤနၢၤတၢ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 12:12

စီၤပၤဖိလၢအပၢအဝဲသ့ၣ်, ကဝံထီၣ်ယိးထီၣ်အတၢ်ဘိၣ်လၢအဖံဘၣ် ခိၣ်လၢတၢ်ခံးတၢ်နၤအကျါဒီးဃ့ၢ်ထူၣ်ဖျဲးကွံာ်ခီဖျိတၢ်ပူၤတပူၤလၢ အဝဲသ့ၣ်ဘၢၣ်ဖျိဝဲလၢအဂီၢ်လၢတၢ်ဒူၣ်အပူၤန့ၣ်လီၤ. အဝဲကကးဘၢအမဲာ်ချံတဖၣ်ဒီးအဝဲကလဲၤဆူလဲၣ်န့ၣ်တထံၣ်ဝဲဘၣ်.

လံာ်ယဃ့းစက့လး 12:4

ဖဲမုၢ်ဆါအတၢ်ကပီၤအိၣ်ဒံးဝဲန့ၣ်, ဘိၣ်ထီၣ်နတၢ်ဘိၣ်လၢတၢ်လဲၤ ကဲကုၢ်အဂီၢ်, ဒ်သိးအဝဲသ့ၣ်ထံၣ်ဘၣ်နၤကသ့, ဒီးပျဲအဝဲသ့ၣ်ထံၣ်နဟးထီၣ်လၢဟါခီ, ဒ်နကလဲၤဆူတၢ်ဘၣ်စိာ်မၢကဲကုၢ်အပူၤအသိးန့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်တၢ်ဘူၣ်ထီၣ်ဘါထီၣ် 26:36

ဒီးသုဝဲပှၤလၢအအိၣ်လၢဒုၣ်ဒါအကီၢ်ပူၤတဖၣ်န့ၣ်ယကမၤပျံၤမၤဖုးသုတုၤဒၣ်လဲာ်သ့ၣ်လၣ်ဟူး ဝးအသီၣ်န့ၣ်ကဒုးထွးထီၣ်ဃ့ၢ်သုန့ၣ်လီၤ. သုကဃ့ၢ်ဒ်သုဘၣ်တၢ်လူၤဖီၣ်န့ၢ်သုလၢတၢ်ဒုးတၢ်ယၤအပူၤအသိး, ဒီးသုကလီၤဃံၤဝဲဖဲသုဒုၣ်သုဒါတလူၤဘၣ်သုအခါဒၣ်လဲာ်န့ၣ်လီၤ.

လံာ်ဧၤမိၣ် 2:14

ပှၤလၢအဃ့ၢ်တၢ်ချ့တဖၣ်ဒၣ်လဲာ်တပူၤဖျဲးဘၣ်. ပှၤဂံၢ်ဆူၣ်ဘါဆူၣ်တဖၣ်အဂံၢ်အဘါကလၢာ်ကွံာ် ဝဲဒီးပှၤသုးဖိတဖၣ်အုၣ်က့ၤခီၣ်က့ၤအသးသမူတန့ၢ်ဘၣ်.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.