လံာ်ယံးရမံယၤ 39:17 - Sgaw Karen Common Bible

¹⁷ ဘၣ်ဆၣ်ဒီးယၤ, ယွၤအံၤ, ယကဒီဒၣ်အိၣ်ပှိၤနၤ, ဒီးနတဘၣ်တၢ်ဟ့ၣ်လီၤကွံာ်ဘၣ်နၤဆူ ပှၤလၢနပျံၤအီၤတဖၣ်အစုပူၤန့ၣ်ဘၣ်.

လံာ်ယံးရမံယၤ 39:17 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:14

စီၤဒၤဝံးစံးဆၢဝဲဒၣ်, “ယအိၣ်လၢတၢ်စုကတၢၢ်ခီၣ်ကတၢၢ်အပူၤလီၤ. ဘၣ်ဆၣ်ဒီးယတအဲၣ်ဒိးလၢပှၤကညီကစံၣ်ညီၣ်ယၤဘၣ်. မ်ယွၤအကစၢ်ဒၣ်ဝဲမ့ၢ်ပှၤတဂၤလၢအစံၣ်ညီၣ်ပှၤတက့ၢ်. အဂ့ၢ်ဒ်အံၤ, အဝဲပှဲၤဒီးတၢ်သူၣ်ကညီၤသးကညီၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 18:15

စီၤအ့ၤလံယၤစံးဆၢဝဲ, “လၢယွၤသ့တၢ်လၢာ်ကစၢ်လၢအမူဝဲ ဒီးယမၤအတၢ်တဂၤအမံၤအပူၤန့ၣ်, ယအၢၣ်လီၤယသးလၢယကလဲၤဒုးနဲၣ် ဖျါယသးလၢစီၤပၤတနံၤအံၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 18:16

လၢတၢ်န့ၣ်အဃိစီၤဧိၤဘါဒယၤလဲၤဃီၤဆူစီၤပၤအၤဃာ်အအိၣ် ဒီးတဲအီၤ, ဒီးစီၤအၤဃာ်ဟးထီၣ်လၢကလဲၤထံၣ်စီၤအ့ၤလံယၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 6:16

စီၤအလံၤၡါစံးဆၢဝဲဒၣ်, “ပျံၤတၢ်တဂ့ၤ. ပအိၣ်ဒီးပှၤလၢပအိၣ်တကပၤအါန့ၢ်ဒံးပှၤအိၣ်လၢအဝဲသ့ၣ်အအိၣ် တကပၤတက့ၢ်လီၤ.”

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

လံာ်ယံးရမံယၤ 1:19

ဘၣ်ဆၣ်ဒီးမုၢ်မဆါတနံၤအံၤ, ယဟ့ၣ်လီၤလံနၤတၢ်ဂံၢ်တၢ်ဘါ လၢနကတြီဆၢအဝဲသ့ၣ်အဂီၢ်လီၤ. နကလီၤဂာ်ဒီးဝ့ၢ်တဝ့ၢ်လၢ အဘၣ်တၢ်မၤကျၢၤအီၤလၢတိာ်ဧိၤတာ်ဧိၤ, ထးအထူၣ်တထူၣ်, ဒီးတၢ်အခိၣ်ဒူတိၢ်ဘီတခါန့ၣ်လီၤ. အဝဲသ့ၣ်တမၤနၢၤမၤဃၣ် နၤဘၣ်. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ်အိၣ်ပှိၤနၤ အဂီၢ်လီၤ. ယၤ, ယွၤအံၤယကတိၤလံတၢ်လံ.”

လံာ်ယံးရမံယၤ 38:1

စီၤမးတၣ်အဖိခွါ စီၤၡဖၤတယၤ, စီၤပၣ်ၡဃူၢ်အဖိခွါ စီၤကဒါလယၤ, စီၤၡလ့မယၤ အဖိခွါ စီၤယူကၤလး, ဒီး စီၤမၤလကံယၤအဖိခွါ စီၤပၣ်ၡဃူၢ် နၢ်ဟူတၢ်လၢ ယတဲဘၣ်ပှၤဂီၢ်မုၢ်ဒ်အံၤ,

လံာ်ယံးရမံယၤ 38:9

“နဲဒၣ်တၢ်ဒိၣ်စီၤပၤဧၢ, တၢ်လၢပှၤတဖၣ်အံၤမၤဝဲန့ၣ်ကမၣ်လီၤ. အဝဲသ့ၣ်ဒၢနုာ် စီၤယံးရမံယၤလၢထံပူၤ, ဒီးဖဲန့ၣ်အဝဲကသံဝဲ သပှၢ်ကတၢၢ်လၢအသၣ်ဝံၤလီၤဒိအဃိ, မ့ၢ်လၢ တၢ်အီၣ်တအိၣ် လၢၤဘၣ်လၢ ဝ့ၢ်အံၤအပူၤအဃိန့ၣ်လီၤ.”

လံာ်ဒၤနံးယ့လး 6:16

လၢတၢ်န့ၣ်အဃိ, စီၤပၤဟ့ၣ်လီၤအကလုၢ်ဒ်သိးစီၤဒၤနံးယ့လး ကဘၣ်တၢ်လဲၤစိာ်ဒီးတ့ၢ်လီၤကွံာ်အီၤဆူခ့ယုၢ်တဖၣ်အတဝၢပူၤ န့ၣ်လီၤ. အဝဲစံးဘၣ်စီၤဒၤနံးယ့လး, “မ်နကစၢ်ယွၤလၢနမၤ အတၢ်မၤလၢတၢ်သူၣ်တီသးရၤအပူၤန့ၣ်အုၣ်က့ၤခီၣ်က့ၤနၤတက့ၢ်.”

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’