လံာ်ယံးရမံယၤ 39:11 - Sgaw Karen Common Bible

¹¹ ဘၣ်ဆၣ်ဒီး စီၤပၤနဘူၤကးန့ စၢ်မၤလိာ်ဃီၤ သုးခိၣ်ဖးဒိၣ် စီၤနဘူစၢ်ရဒၣ်လၢ ကဟ့ၣ်လီၤ အကလုၢ်ဒ်လၢ လာ်အံၤအသိးန့ၣ်လီၤ.

လံာ်ယံးရမံယၤ 39:11 Iomraidhean Croise

လံာ်စီၤယိၤဘး 5:15

ဘၣ်ဆၣ်ဒီးကစၢ်ယွၤအုၣ်က့ၤခီၣ်က့ၤပှၤဖှီၣ်ဖိယာ်ဖိလၢတၢ်သံ ဒီးအုၣ်က့ၤခီၣ်က့ၤပှၤဂံၢ်စၢ်လၢတၢ်မၤအၢမၤနးအပူၤန့ၣ်လီၤ.

လံာ်စီၤယိၤဘး 5:16

အဝဲဟ့ၣ်တၢ်မုၢ်လၢ်ဆူပှၤဖှီၣ်ဖိယာ်ဖိသ့ၣ်တဖၣ်ဒီးကးတံာ်ပှၤ တတီတလိၤအထးခိၣ်န့ၣ်လီၤ.

လံာ်စီၤယိၤဘး 5:19

တဘျီဘၣ်တဘျီ, အဝဲကမၤပူၤဖျဲးနၤလၢတၢ်မၤဆါန့ၣ်လီၤ.

လံာ်ယံးရမံယၤ 1:8

ပျံၤအဝဲသ့ၣ်တဂ့ၤ. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ် အိၣ်ပှိၤနၤအဂီၢ်လီၤ. ယၤ, ယွၤအံၤ, ကတိၤတ့ၢ်လံတၢ်လံ.”

လံာ်ယံးရမံယၤ 15:11

ယွၤဧၢ, ယမ့ၢ်တမၤတ့ၢ်နတၢ်မၤဂ့ၤဂ့ၤဘၣ်ဘၣ်, ယမ့ၢ်တဃ့ သကွံာ်ကညးတ့ၢ်နၤလၢယဒုၣ်ယဒါတဖၣ်အခၢၣ်စးဖဲအဝဲသ့ၣ် အိၣ်လၢတၢ်ကီတၢ်ခဲဒီးတၢ်ဘၣ်ကိၢ်ဘၣ်ဂီၤအကတီၢ်ဘၣ်န့ၣ်ဘၣ်ဒီး, မ်အဝဲသ့ၣ်အတၢ်ဆိၣ်အၢခဲလၢာ်ကလၢထီၣ်ပှဲၤထီၣ်ဒၣ်ဝဲတက့ၢ်.

လံာ်ယံးရမံယၤ 15:20

ယကဒုးကဲထီၣ်နၤဒ်တၢ်အဒူၣ်တိၢ်ဘီနီၢ်နီၢ်လၢအကျၢၤတခါလၢ ပှၤဂီၢ်မုၢ်အံၤအမဲာ်ညါန့ၣ်လီၤ. အဝဲသ့ၣ်ကဒုးတၢ်ထီဒါနၤ, ဘၣ်ဆၣ်ဒီးအဝဲသ့ၣ်တမၤနၢၤဘၣ်နၤဘၣ်. ယကအိၣ်ဒီးနၤလၢ တၢ်ဒီဒၣ်အိၣ်ပှိၤနၤအဂီၢ်ဒီးမၤပူၤမၤဖျဲးနၤန့ၣ်လီၤ.

လံာ်ယံးရမံယၤ 15:21

ယကမၤပူၤမၤဖျဲးနၤလၢပှၤတတီတလိၤဒီးပှၤမၤတၢ်လၢတၢ်စုဆူၣ် ခီၣ်တကးတဖၣ်အတၢ်စိတၢ်ကမီၤအပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 37:2

ဘၣ်ဆၣ်ဒီး, စီၤစံးဒကံယၤမ့ၢ်ဂ့ၤ, အပဒိၣ်ပပှၢ်တဖၣ်မ့ၢ်ဂ့ၤ, ပှၤဂီၢ်မုၢ်မ့ၢ်ဂ့ၤ တစူၢ်ဘၣ်တၢ်ကစီၣ်လၢ ယွၤဟ့ၣ်လီၤတ့ၢ်ယၤန့ၣ်ဘၣ်.

လံာ်ယံးရမံယၤ 40:1

ယွၤကတိၤတၢ်ဒီးယၤဖဲသုးခိၣ်ဖးဒိၣ်စီၤနဘူစၢ်ရဒၣ်ပျၢ်ထူၣ် ဖျဲးကွံာ်ယၤဖဲဝ့ၢ်ရၤမါဝံၤအလီၢ်ခံန့ၣ်လီၤ. ယဘၣ်တၢ်စၢဃာ်ယၤလၢထးသွဲ, ဒီးလဲၤစိာ်ဆှၢယၤဖဲန့ၣ်ဃုာ်ဒီး ဝ့ၢ်ယရူၤၡလ့ၣ်ဒီးကီၢ်ယူဒၤအပှၤဂီၢ်မုၢ်အဂၤလၢအဘၣ်တၢ်စိာ် ကွံာ်အီၤဆူကီၢ်ဘၤဘူၤလိၣ်ဒ်ကုၢ်တဖၣ်အသိးန့ၣ်လီၤ.

လံာ်ယံးရမံယၤ 40:4

အခဲအံၤ, ယဘ့ၣ်လီၤကွံာ်ထးသွဲတဖၣ်လၢအအိၣ်လၢနစု ဒ့တဖၣ်အလိၤဒီးပျၢ်ဖျဲးကွံာ်နၤန့ၣ်လံ. နမ့ၢ်သးအိၣ်လဲၤဃုာ် ဒီးယၤဆူကီၢ်ဘၤဘူၤလိာ်န့ၣ်, နမၤနဲသ့ဒီးယကအံးထွဲကွၢ်ထွဲ နခံလီၤ. ဘၣ်ဆၣ်ဒီး, နမ့ၢ်တသးအိၣ်လဲၤဘၣ်ဒီးနလဲၤအလီၢ်တအိၣ် ဘၣ်လီၤ. နအိၣ်ဒီးထံကီၢ်ဒီဘ့ၣ်ညါလၢနမဲာ်ညါလၢနကဃုထၢအိၣ်ဆိးနဲ ဒီးဖဲနသးအိၣ်လဲၤန့ၣ်နလဲၤနဲသ့လီၤ.”

လံာ်ယံးရမံယၤ 52:12

လၢကီၢ်ဘၤဘူၤလိၣ်အစီၤပၤ စီးနဘူၤကးန့စၢ် မၤတၢ်ပှဲၤထီၣ်တဆံနွံနံၣ်တနံၣ်, လါယဲၢ်လါတလါ, လါထီၣ်တဆံသီအနံၤန့ၣ်, စီၤနဘူစၢ်ရဒၣ်လၢအမ့ၢ် ပှၤဟ့ၣ်ကူၣ်စီၤပၤဒီး မ့ၢ်စ့ၢ်ကီးသုးမုၢ်အသုးခိၣ်ဖးဒိၣ်, ဟဲနုာ်လီၤဆူ ဝ့ၢ်ယရူၤၡလ့ၣ်အပူၤလီၤ.

မၤတၢ် 24:23

အဝဲဒၣ်ဟ့ၣ်လီၤအကလုၢ်ဆူပှၤသုးဖိတကယၤအခိၣ်လၢကွၢ် ထွဲစီၤပီလူးန့ၣ်, ဒ်သိးအကခိးကွၢ်အီၤ, ဘၣ်ဆၣ်ကဟ့ၣ်အီၤတၢ်သဘျ့တဆံးတက့ၢ်ဒီးကပျဲအတံၤသကိး တဖၣ်မၤန့ၢ်အီၤတၢ်လၢအလိၣ်ဘၣ်ဝဲတဖၣ်န့ၣ်လီၤ.