လံာ်ယံးရမံယၤ 38:7 - Sgaw Karen Common Bible

⁷ မ့ၢ်နာ်သက့ဒ်န့ၣ်ဒီး, ပှၤဒ့ဒံၣ်ဖိလၢ အမၤတၢ်လၢစီၤပၤအနူၢ်ပူၤ ပှၤကီၢ်ကူၤၡးဖိ စီၤဧ့ၤဘ့းမ့လ့းနၢ်ဟူဝဲလၢ အဝဲသ့ၣ်ဒၢနုာ်ယၤလၢ ထံပူၤန့ၣ်လီၤ. အခါဖဲန့ၣ်, စီၤပၤဆ့ၣ်နီၤစံၣ်ညီၣ်ဝဲ ကွီၢ်ဖဲဘံၣ်ယၤမံၣ်အတြဲၤန့ၣ်လီၤ.

လံာ်ယံးရမံယၤ 38:7 Iomraidhean Croise

လံာ်စီၤပၤခံဘ့ၣ်တဘ့ၣ် 24:15

စီၤနဘူၤကးန့စၢ်က့ၤကိးကွံာ်စီၤယဟိယါခံၣ်ဆူဝ့ၢ်ဘၤဘူၤ လိၣ်ဒ်ပှၤဘၣ်တၢ်စၢဃာ်တဂၤအသိး, ဃုာ်ဒီးစီၤယဟိၤယါခံၣ်အမိၢ်, အမါတဖၣ်, အပဒိၣ်ပပှၢ်တဖၣ်ဒီးပှၤတူၢ်ဒိၣ်ကီၤဒိၣ်တဖၣ်လၢကီၢ်ယူ ဒၤအပူၤန့ၣ်လီၤ.

စံးထီၣ်ပတြၢၤ 68:31

ပဒိၣ်တဖၣ်ကဟဲထီၣ်လၢအဲၤကူပတူးအပူၤ, ကူၤၡးကယူာ်ထီၣ်အစုဆူယွၤအအိၣ် လၢတၢ်ထုကဖၣ်န့ၣ်လီၤ.

တၢ်ကတိၤဒိ. 29:10

ပှၤအၢတူာ်ကိာ်တဖၣ်သးဟ့ပှၤသူၣ်လိၤသးဘျၢတဂၤလၢ်လၢ်န့ၣ်လီၤ. မ့မ့ၢ်, ပှၤအတီအလိၤတဖၣ်ကဒီဒၣ်အိၣ်ပှိၤပှၤဒ်န့ၣ်သိးတဂၤအတၢ် အိၣ်မူန့ၣ်လီၤ.

လံာ်ယၡါယၤ 56:3

ပှၤတခီဘီမုၢ်ဖိတဂၤလၢအပာ်ဖှိၣ်အသးဒီးယွၤအပှၤဂီၢ်မုၢ်န့ၣ် တကြၢးစံးဝဲလၢ, “ယွၤတပျဲယဘူၣ်တၢ်ဘါတၢ်ဒီးအပှၤ ဂီၢ်မုၢ်န့ၣ်ဘၣ်.” ပှၤတဂၤလၢတၢ်ဒ့ကွံာ်အဒံၣ်, တကြၢးဆိ ကမိၣ်ဝဲနီတစုလၢမ့ၢ်လၢအဖိအိၣ်တသ့ဘၣ်အဃိန့ၣ်, ကဲထီၣ်ပှၤဘၣ်ဃးဒီးကစၢ်ယွၤအပှၤဂီၢ်မုၢ်တသ့ဝဲနီတစုန့ၣ်ဘၣ်.

လံာ်ယံးရမံယၤ 13:23

ပှၤသူဖံးဖိတဂၤလဲလိာ်ကွံာ်အဖံးအလွဲၢ်မ့ၢ်ဂ့ၤ, ခ့စံၣ်ပိၣ်တဒုသုးကွံာ် အဖံးအကံၣ်ဃ့အဖျၢၣ်မ့ၢ်ဂ့ၤဘၣ်ကသ့ဧါ. အဝဲသ့ၣ်မၤဝဲမ့ၢ်သ့ဒီး နဲဒၣ်လၢအမၤထဲတၢ်အၢဒီးတမၤတၢ်အဂၤနီတမံၤဘၣ်န့ၣ်, မၤလိမၤတၢ်အဘၣ်ကသ့စ့ၢ်ကီးလီၤ.

လံာ်ယံးရမံယၤ 20:2

အဝဲဟ့ၣ်လီၤအကလုၢ်လၢပှၤကဒိယၤတီၢ်ယၤဒီးစၢဃာ်ယၤလၢ ထးသွဲတဖၣ်ဘူးဒီးဘံၣ်ယၤမံၣ်အတြဲၤထီတတီၤလၢယွၤ အတၢ်လုၢ်ဟံၣ်အပူၤန့ၣ်လီၤ.

လံာ်ယံးရမံယၤ 26:16

အန့ၣ်ဒီး, ပှၤခိၣ်ပှၤနၢ်တဖၣ်ဒီး ပှၤဂီၢ်မုၢ်စံးဘၣ်ပှၤ လုၢ်တၢ်အခိၣ် တဖၣ်ဒီးဝံတဖၣ်, စံးဝဲ, ပှၤတဂၤအံၤ ကတိၤတၢ်ဒီး ပှၤလၢယွၤ ပကစၢ်ယွၤအမံၤအပူၤန့ၣ်လီၤ. အဝဲတကြၢးဘၣ်တၢ်မၤသံအီၤဘၣ်.

လံာ်ယံးရမံယၤ 29:2

ယကွဲးတ့ၢ်အီၤဖဲ စီၤပၤယဟိၤယါခံၣ်, အဝဲအမိၢ်, နူၢ်ဧိၤစီၤဧိၤ အပဒိၣ်ပပှၢ်တဖၣ်, ကီၢ်ယူဒၤဒီးဝ့ၢ်ယရူၤရှလ့ၣ်အခိၣ်အနၢ်တဖၣ်ဒီး ပှၤမၤတၢ်စုသ့ခီၣ်သ့ အတၢ်မၤတဖၣ်, ဒီးပှၤမၤတၢ်ဖိလၢ အသ့လီၤဆီ တဖၣ်, ဘၣ်တၢ်စိာ်မၢကဲကုၢ်အီၤဝံၤ အလီၢ်ခံန့ၣ်လီၤ.

လံာ်ယံးရမံယၤ 34:19

ဘၣ်ဆၣ်ဒီး အဝဲသ့ၣ်မၤဟးဂီၤကွံာ်တၢ်အၢၣ်လီၤဒီး တတိၢ်န့ၢ်ဖံးဃာ်ဘၣ်အတၢ်ဂ့ၢ်လၢတၢ်ပာ်လီၤအီၤတဖၣ်န့ၣ်လီၤ. အဃိဒီး, ယကမၤ, ပှၤဂီၢ်မုၢ်သ့ၣ်တဖၣ်အံၤဒ် တၢ်လၢအဝဲသ့ၣ် မၤတ့ၢ်ကျီၢ်ဖါအသိးန့ၣ်လီၤ.

လံာ်ယံးရမံယၤ 37:13

ဘၣ်ဆၣ်ဒီး, ဖဲယလဲၤတုၤဆူ ဘံၣ်ယၤမံၣ်အတြဲၤန့ၣ်, သုးခိၣ်လၢအပၢသုးဖိတဖၣ်လၢ အခိးတၢ်ဖဲန့ၣ်, လၢ အမံၤမ့ၢ်စီၤယရံယၤ, လၢအမ့ၢ်စီၤၡလ့မယၤအဖိခွါဒီး စီၤဃနၤနယၤအလံၤခွါန့ၣ်, ဒုးအိၣ်ကတီၢ်ယၤဒီၤစံးဝဲဒၣ်, “နမ့ၢ်ပှၤလၢအဟးသဒၣ်ဒီး ပာ်တ့ၢ်ကွံာ်ပှၤဒီးနခီဃီၤဆူ ပှၤဘၤဘူၤလိၣ်ဖိတဖၣ်အအိၣ်လီၤ.”

လံာ်ယံးရမံယၤ 38:8

လၢတၢ်န့ၣ်အဃိ, စီၤဧ့ၤဘ့းမ့လ့းလဲၤဖဲန့ၣ်ဒီးစံးဘၣ်စီၤပၤ,

လံာ်ဧၤမိၣ် 5:10

သုဝဲသ့ၣ်အံၤ, သုသးဟ့ကယဲၢ်ပှၤလၢအတၤတၢ်တတီတလိၤဒီးကတိၤ တၢ်မ့ၢ်တၢ်တီလၢကွီၢ်ဘျီၣ်ပူၤန့ၣ်လီၤ.

လံာ်စကၤရယၤ 14:10

လီၢ်ကဝီၤဒီတကဝီၤညါ, စးထီၣ်လၢဝ့ၢ်က့ဘၢ်လၢကလံၤစိး, ပၢၢ်လၢဝ့ၢ်ရံးမိၣ်လၢကလံၤထံးန့ၣ်ကဘၣ်တၢ်မၤပၢၤအီၤလီၤ. ဝ့ၢ်ယရူၤၡလ့ၣ်ကအိၣ်ထီၣ်ထီလၢတၢ်လီၢ်လၢအအိၣ်ဝးတရံးအီၤ တဖၣ်အဖီခိၣ်န့ၣ်လီၤ. ဝ့ၢ်န့ၣ်အိၣ်သူၣ်လီၤဒၣ်အသးဖဲအလီၢ်လီၢ်စးထီၣ်လၢဘံၣ် ယၤမံၣ်အတြဲၤဒီးတုၤဆူဝ့ၢ်သနၢၣ်အတြဲၤ, လၢအမ့ၢ်တြဲၤလၢအအိၣ်ပာ်တ့ၢ်လၢပျၢၤ, ဒီးစးထီၣ်လၢတၢးထီဃနၤန့လးဒီးတုၤဆူစီၤပၤအနီၣ်စံၣ် စပံးထံတဖၣ်အလီၢ်န့ၣ်လီၤ.

လံာ်မးသဲ 20:16

ဒ်န့ၣ်အသိး, ပှၤအါဂၤလၢအအိၣ်လၢခံကတၢၢ်ကအိၣ်က့ၤလၢညါ ကတၢၢ်, ဒီးပှၤအိၣ်လၢညါကတၢၢ်ကအိၣ်က့ၤလၢခံကတၢၢ်လီၤ.”

လံာ်သိၣ်လီၤသီလီၤတၢ် 21:19

အဝဲအမိၢ်အပၢ်တဖၣ်ကဘၣ်လဲၤကိးအီၤဆူဝ့ၢ်ဖဲအဝဲအိၣ်ဝဲ ဆိးဝဲအခိၣ်အနၢ်တဖၣ်အမဲာ်ညါဒီးမၢအဆၢထၢၣ်လၢကကွၢ်ဆၢၣ်မဲာ် ကွီၢ်အဂီၢ်န့ၣ်လီၤ.

လံာ်စီၤယိၤၡူ 20:4

အဝဲကလဲၤဃ့ၢ်ဝဲဆူဝ့ၢ်တဖၣ်အံၤအကျါတဝ့ၢ်ဝ့ၢ်ဒီး လဲၤဆူတၢ်စံၣ်ညီၣ်အလီၢ်လၢဝ့ၢ်လဲၤနုာ်အကျဲစၢၤ ဒီးဒုးသ့ၣ်ညါပှၤခိၣ်ပှၤနၢ်တဖၣ်တၢ်လၢအမၤအသးအဂ့ၢ်န့ၣ်လီၤ. အန့ၣ်ဒီးအဝဲသ့ၣ်ကပျဲနုာ်အီၤဆူဝ့ၢ်ပူၤဒီးဟ့ၣ်အီၤတၢ်လီၢ် လၢကအိၣ်ဝဲအဂီၢ်ဒ်သိးကအိၣ်ဘၣ်ဝဲဖဲန့ၣ်လီၤ.