လံာ်ယံးရမံယၤ 38:19 - Sgaw Karen Common Bible

¹⁹ ဘၣ်ဆၣ်ဒီး စီၤပၤစံးဆၢဝဲ, “ယပျံၤဘၣ်ယပှၤထံဖိကီၢ်ဖိတဖၣ်လၢ အဟးသဒၣ်ကွံာ် ပှၤဒီးလဲၤခီဃီၤဆူ ပှၤဘၤဘူၤလိၣ်ဖိတဖၣ် အအိၣ်န့ၣ်လီၤ. ယကဘၣ်တၢ်ဟ့ၣ်လီၤကွံာ်ဘၣ်ဖုးယၤဆူ အဝဲသ့ၣ်အစုပူၤဒီး အဝဲသ့ၣ်ကမၤဆူး မၤဆါဘၣ် ဖုးယၤန့ၣ်လီၤ.”

လံာ်ယံးရမံယၤ 38:19 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:10

ပှၤစိာ်တၢ်ကစီၣ်တဖၣ်လဲၤဆူကယဲၢ်ဝ့ၢ်အိၣ်လၢအ့ဖရဲၣ်အဒူၣ်ဒီး မနၤၡ့ၤအဒူၣ်အလီၢ်ကဝီၤပူၤ, ဒီးလဲၤတုၤဝဲယံၤပၢၢ်တုၤလၢကလံၤစိးလၢစဘူလိၣ်အဒူၣ်အိၣ် ဝဲန့ၣ်လီၤ. ဘၣ်ဆၣ်ပှၤဂီၢ်မုၢ်နံၤဘၣ်ဖၣ်လဲအဝဲသ့ၣ်ဒီးမၤအဝဲသ့ၣ်ကလိာ် ကလာ်န့ၣ်လီၤ.

လံာ်စီၤနဃ့မယၤ 4:1

ဒီးတုၤစီၤစၤနဘၤလးနၢ်ဟူဝဲဒၣ်လၢပဝဲပှၤယူဒၤဖိတဖၣ်ပစး ထီၣ်ဘှီကဒါက့ၤဝ့ၢ်ခိၣ်ဒူန့ၣ်အသးထီၣ်ဝဲဒီးစးထီၣ်နံၤဘၣ် ဖၣ်လဲပှၤန့ၣ်လီၤ.

လံာ်စီၤယိၤဘး 31:34

ယတပျံၤဘၣ်တၢ်လၢပှၤကသီၣ်ဝံသဲကလၤလၢယဂ့ၢ်နီတဘျီဘၣ်. ယတအိၣ်ဃိကလာ်ဒီးအိၣ်လၢဟံၣ်ပူၤလၢတၢ်ပျံၤဘၣ်အဝဲသ့ၣ်အတၢ် ဒုၣ်ဒွဲၣ်စံးအၢယၤအဃိန့ၣ်နီတဘျီဘၣ်.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်ယၡါယၤ 57:11

ယွၤစံးဝဲ, “တုၤဒၣ်လဲာ်သုဘၣ်တဲယၤတၢ်လီတၢ်ဝ့ၤတဖၣ် ဒီးသးပ့ၤနီၣ်ကွံာ်ယၤလၢာ်လၢာ်ဆ့ဆ့န့ၣ်, မ့ၢ်ကစၢ်မတၤတဖၣ်မၤပျံၤမၤဖုးသုန့ၣ်လဲၣ်. မ့ၢ်သုဆိကတီၢ်ကွံာ်သု တၢ်ယူးယီၣ်ယၤ, မ့ၢ်လၢယအိၣ်ဘှ့ၣ် အိၣ်ဘှီၣ်ကဲၣ်ဆိးအဃိန့ၣ်ဧါ.

လံာ်ယံးရမံယၤ 20:7

ယွၤဧၢ, နလံၣ်န့ၢ်လီန့ၢ်ယၤ ဒီးယဘၣ်တၢ်လံၣ်န့ၢ်လီန့ၢ်ယၤလံ. နဂံၢ်ဆူၣ်ဘါဆူၣ်န့ၢ်ယၤတက့ၢ် ဒီးနမၤနၢၤကွံာ်ယၤလီၤ. ပှၤခဲလၢာ်နံၤဘၣ်ဖၣ်လဲယၤ ဒီးဒုၣ်ဒွဲၣ်ပယွဲယၤကိးမုၢ်နံၤမုၢ်နၤဒဲးန့ၣ်လီၤ.

လံာ်ယံးရမံယၤ 38:22

လၢတၢ်ထံၣ်လၢညါ ခီအံၤအပူၤန့ၣ်, ယထံၣ်ဘၣ် လၢပိာ်မုၣ်တဖၣ် လၢအအိၣ်တီၢ်လၢ ကီၢ်ယူဒၤ အစီၤပၤအနူၢ်ပူၤန့ၣ် ဘၣ်တၢ်ဆှၢထီၣ်အီၤဆူကီၢ် ဘၤဘူၤလိၣ်အစီၤပၤ အပဒိၣ်ပပှၢ်တဖၣ် အအိၣ်န့ၣ်လီၤ. ဒီးဖဲအဝဲသ့ၣ်လဲၤတၢ်အခါ စံးကတိၤတၢ်မနုၤလဲၣ်န့ၣ်, ဒိကနၣ်တက့ၢ်. စီၤပၤအတံၤသကိး အဂ့ၤကတၢၢ်တဖၣ်ဆှၢကမၣ်အီၤ, အဝဲသ့ၣ်ထီဒါကွံာ်အဝဲအတၢ်စံၣ်ညီၣ်လံ. ဒီးခဲအံၤ, ဖဲအဝဲအခီၣ်လီၤဘျၢကွံာ်လၢ ကပံာ်အကျါန့ၣ်, အတံၤသကိးတဖၣ် ဟးသဒၣ်ကွံာ်အီၤလံ”

လံာ်ယံးရမံယၤ 38:5

စီၤပၤစံးဒကံယၤစံးဆၢဝဲ, “မ့မ့ၢ်ဒ်န့ၣ်ဒီး, ဂ့ၤလံ. တၢ်လၢသုသးအိၣ်မၤအီၤန့ၣ်, မၤဘၣ်တက့ၢ်. ယတြီဘၣ်သုတသ့ဘၣ်.”

လံာ်ယံးရမံယၤ 39:9

လၢခံကတၢၢ်, စီၤနဘူစၢ်ရဒၣ်လၢ အမ့ၢ်သုးခိၣ်ကျၢၢ်န့ၣ်, စိာ်ကွံာ်ပှၤဂီၢ်မုၢ်လၢ အိၣ်လီၤတဲာ်လၢ ဝ့ၢ်ပူၤတဖၣ် အဟဲဃ့ၢ်ခီနုာ်ဆူ အဝဲသ့ၣ်အအိၣ်, ဒ်ကုၢ်တဖၣ်အသိးဆူ ကီၢ်ဘၤဘူၤလိၣ်န့ၣ်လီၤ.

လံာ်ယိၤဟၣ် 12:42

အန့ၣ်ဒၣ်လဲာ်, ပှၤယူဒၤဖိအခိၣ်အနၢ်အါဂၤစူၢ် က့ၤနာ်က့ၤယ့ၣ်ၡူးဘၣ်ဆၣ်ဒီးမ့ၢ်လၢအပျံၤဘၣ်ပှၤဖၤရံၤၡဲ တဖၣ်အဃိ, ဒ်သိးဒီးအဝဲသ့ၣ်အသုတဘၣ်တၢ်ဟီထီၣ်ကွံာ်အီၤလၢ ဘူၣ်ဘျီၣ်လၢအမ့ၢ်တၢ်ဘါလီၢ်တဂ့ၤဒီး, အဝဲသ့ၣ်တအၢၣ်လီၤ အီလီၤတၢ်စူၢ်တၢ်နာ်လၢပှၤဂၤအမဲာ်ညါဘၣ်.

လံာ်ပှၤစံၣ်ညီၣ်ကွီၢ် 16:25

ဖဲအဝဲသ့ၣ်ဟဲစိာ်ထီၣ်စီၤၡံၣ်ၡိၣ်လၢဃိာ်ပူၤန့ၣ်အဝဲသ့ၣ်မၢ အမၤသးဖှံအီၤဒီးမၢအဆၢထၢၣ်လၢတၢ်အထူၣ်တဖၣ်အကဆူးန့ၣ်လီၤ. ဖဲပှၤဂီၢ်မုၢ်ထံၣ်အီၤန့ၣ်အဝဲသ့ၣ်သးဝံၣ်စံးထီၣ်ပတြၢၤအကစၢ်, “ပကစၢ်ဟ့ၣ်လံပှၤလၢတၢ်မၤနၢၤပဒုၣ်ပဒါလၢ အမၤဟးဂူာ်ဟးဂီၤပကီၢ်ဒီးမၤသံတ့ၢ်ပှၤအါဂၤန့ၣ်လံ.”

လံာ်ပှၤစံၣ်ညီၣ်ကွီၢ် 9:54

တုၤနုၤတစု, အဝဲကိးန့ၢ်ပှၤသးစၢ်လၢအစိာ်အစုကဝဲၤန့ၣ်ချ့ချ့ဒီးစံးဘၣ်အီၤ, “ထုးထီၣ်နနးဒီးမၤသံကွံာ်ယၤတက့ၢ်. ယတအဲၣ်ဒိးလၢပှၤစံးလၢပိာ်မုၣ်တဂၤမၤသံယၤန့ၣ်ဘၣ်.” ဒီးပှၤသးစၢ်န့ၣ်ဆဲးဖျိအီၤဒီးသံဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:24

စီၤစီလူးစံးဆၢဝဲ, “မ့ၢ်လီၤ. ယမၤတ့ၢ်တၢ်ဒဲးဘးလီၤ. ယတစူၢ်တ့ၢ်ယွၤအတၢ်မၤလိာ်ဒီးနတၢ်သိၣ်နဲၣ်ယုၤတဖၣ်န့ၣ်ဘၣ်. ယပျံၤတ့ၢ်ယပှၤတဖၣ်ဒီးမၤတၢ်လၢအဝဲသ့ၣ်အဲၣ်ဒိးဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:4

အဝဲစံးဘၣ်ပှၤသးစၢ်တဂၤလၢအစိာ်အစုကဝဲၤတဖၣ်န့ၣ်, “ထုးထီၣ်နနးဒီးမၤသံယၤဒ်သိးပှၤတစူၢ်တနာ်ယွၤ, ပှၤဖလ့ၡသးဖိတဖၣ်အံၤအသုတကတိၤဒိၣ်လီၤအကိာ်လၢယဖီခိၣ်ဒီး မၤသံယၤတဂ့ၤန့ၣ်တက့ၢ်.” ဘၣ်ဆၣ်ဒီးပှၤသးစၢ်တဂၤန့ၣ်ပျံၤတၢ်နးနးကလဲာ်လၢကမၤတၢ်အံၤ န့ၣ်လီၤ. မၤသးဒ်န့ၣ်ဒီး, စီၤစီလူးထုးထီၣ်အနးဒၣ်ဝဲဒီးဆဲးလီၤက့ၤ အသးလီၤ.