လံာ်ယံးရမံယၤ 37:7 - Sgaw Karen Common Bible

⁷ ယကစံးဘၣ်စီၤစံးဒကံယၤဒ်အံၤ, “ကီၢ်အဲၤကူပတူး အသုးမုၢ်ဟဲထီၣ်လံလၢ ကမၤစၢၤနၤအဂီၢ်လံ, ဘၣ်ဆၣ်ဒီး ကက့ၤကဒါက့ၤ ဆူအကီၢ်ဒၣ်ဝဲလီၤ.

လံာ်ယံးရမံယၤ 37:7 Iomraidhean Croise

လံာ်စီၤပၤခံဘ့ၣ်တဘ့ၣ် 22:18

လၢစီၤပၤအနီၢ်ကစၢ်ဒၣ်ဝဲအဂီၢ်န့ၣ်, အအံၤမ့ၢ်တၢ်လၢယၤ, အံၣ်စရ့လးအကစၢ်ယွၤစံးဝဲဒၣ်န့ၣ်လီၤ. နဒိကနၣ်တ့ၢ်တၢ်လၢအအိၣ်ကွဲးအသးလၢလံာ်အပူၤ,

လံာ်စီၤပၤခံဘ့ၣ်တဘ့ၣ် 24:7

ကီၢ်အဲၤကူပတူးအစီၤပၤဒီးအဝဲအသုးမုၢ်တဟးထီၣ်ကဒီးလၢၤလၢ ကီၢ်အဲၤကူပတူးအပူၤနီတစုလၢၤဘၣ်. မ့ၢ်လၢခဲအံၤကီၢ်ဘၤဘူၤလိၣ်အစီၤပၤပၢကယဲၢ်လီၢ်ကဝီၤလၢအဘၣ် ဃးဒီးကီၢ်အဲၤကူပတူး, စးထီၣ်လၢထံကျိဖရၤသး, တုၤလီၤလၢကီၢ်အဲၤကူပတူးအကလံၤစိးကီၢ်ဆၢဒၣ်လဲာ်အ ဃိန့ၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယၡါယၤ 30:7

တၢ်မၤစၢၤလၢကီၢ်အဲၤကူပတူးဟ့ၣ်လီၤဝဲန့ၣ်အဘျုးတအိၣ်ဘၣ်. သတးဒီး, ယကိးကလိာ်ကလာ်တ့ၢ်ကီၢ်အဲၤကူပတူးအမံၤလၢ, ပယိၤလၢအစုၣ်အပျၢ်တအိၣ်ဘၣ်န့ၣ်လီၤ.

လံာ်ယၡါယၤ 36:6

သုမုၢ်လၢ်လၢကီၢ်အဲၤကူပတူးကမၤစၢၤသုလီၤ. ဘၣ်ဆၣ်တၢ်န့ၣ်ကလီၤဂာ်ဒီးတၢ်သူတပိၢ်တဘိဒ်နီၣ်ထိးဘိ တဘိအသိးန့ၣ်လီၤ. ကကၢ်ကွံာ်ဝဲဒီးကဆဲးတိၢ်ဘၣ်သုစုန့ၣ်လီၤ. ကီၢ်အဲၤကူပတူးအစီၤပၤမ့ၢ်တၢ်ဒ်န့ၣ်ဖဲပှၤတဂၤဂ့ၤတဂၤဂ့ၤ သန့ၤအသးလၢအီၤန့ၣ်လီၤ.

လံာ်ယံးရမံယၤ 2:18

တၢ်လဲၤဆူကီၢ်အဲၤကူပတူးဒ်သိးတၢ်ကအီထံလၢထံကျိနံၤလါန့ၣ်, နဆိကမိၣ်လၢနကမၤန့ၢ်တၢ်မနုၤတမံၤလဲၣ်. တၢ်လဲၤဆူကီၢ်အၤၡူၢ် ဒ်သိးတၢ်ကအီထံလၢထံကျိဖရၤသးန့ၣ်, နဆိကမိၣ်လၢနကမၤန့ၢ် တၢ်မနုၤတမံၤလဲၣ်.

လံာ်ယံးရမံယၤ 2:36

သုမၤစှၤလီၤသုလုၢ်သုပှ့ၤခီဖျိသုဃၣ်ကွံာ်သုသးဆူပှၤကလုာ်အဂၤ တဖၣ်အကစၢ်တဖၣ်အအိၣ်အဃိန့ၣ်လီၤ. သုကသးဟးဂီၤကွံာ်လၢ ကီၢ်အဲၤကူပတူးအဃိ, ဒ်သုသးဟးဂီၤကွံာ်တ့ၢ်လၢကီၢ်အၤ ၡူၢ်အဃိအသိးန့ၣ်လီၤ.

လံာ်ယံးရမံယၤ 2:37

သုကဃၣ်ကွံာ်သုသးလၢကီၢ်အဲၤကူပတူး, သုကဆုးလီၤသုခိၣ် လၢတၢ်မဲာ်ဆှးအပူၤန့ၣ်လီၤ. ယၤ, ယွၤအံၤယညိ ကွံာ်တ့ၢ်ပှၤတဖၣ်လၢသုနာ်န့ၢ်အီၤ, ဒီးသုတမၤန့ၢ်ဘၣ်တၢ်နီ တမံၤလၢအဝဲသ့ၣ်အအိၣ်ဘၣ်.”

လံာ်ယံးရမံယၤ 21:1

ကီၢ်ယူဒၤအစီၤပၤစီၤစံးဒကံယၤမၢလီၤစီၤမၤလကံယၤအဖိခွါ စီၤပၣ်ၡဃူၢ်ဒီးစီၤမၤစ့ယၤအဖိခွါပှၤလုၢ်တၢ်အခိၣ်စီၤစဖါနယၤဆူ ယအိၣ်, အိၣ်ဒီးတၢ်ဃ့ကညးဒ်လၢလာ်အံၤ, န့ၣ်လီၤ.

လံာ်ယံးရမံယၤ 21:2

“ဝံသးစူၤကတိၤတၢ်ဒီးယွၤလၢပဂီၢ်တက့ၢ်. အဂ့ၢ်ဒ်အံၤ, ကီၢ်ဘၤဘူၤလိၣ်အစီၤပၤနဘူၤကးန့စၢ်ဒီးအဝဲအသုးမုၢ် ကဝီၤဃာ်ဝ့ၢ်လံ. ဘၣ်တဘၣ်ယွၤကမၤတၢ်လီၤလးအါမံၤ အကျါတမံၤလၢပဂီၢ်ဒီးမၢဆူၣ်စီၤနဘူၤကးန့စၢ်လၢအဂုၤ က့ၤဆူအလီၢ်ခံန့ၣ်လီၤ.”

လံာ်ယံးရမံယၤ 37:3

စီၤပၤစံးဒကံယၤမၢလီၤ စီၤၡလ့မယၤအဖိခွါစီၤယဟူၤကၤလး ဒီးပှၤလုၢ်တၢ်အခိၣ်စီၤစဖါနယၤလၢ အမ့ၢ်စီၤမၤစ့ယၤ အဖိခွါဆူ ယအိၣ်လၢ ကမၢယၤဒ်သိးယကဃ့ထုကဖၣ်ဆူယွၤ, ပကစၢ်ယွၤအအိၣ်လၢပပှၤကလုာ်အခၢၣ်စးန့ၣ်လီၤ.

လံာ်ယံးရမံယၤ 37:5

ကီၢ်ဘၤဘူၤလိၣ်အသုးမုၢ်ကဝီၤ တ့ၢ်ဃာ်ဝ့ၢ်ယရူၤၡလ့ၣ်, ဘၣ်ဆၣ်ဒီး ဖဲအဝဲသ့ၣ် နၢ်ဟူဘၣ်ဝဲလၢ ကီၢ်အဲၤကူပတူးအသုးမုၢ် ဟဲခီဂာ်တ့ၢ်ကီၢ်အဲၤကူပတူးအကီၢ်ဆၢဒီး, အဝဲသ့ၣ်ဂုၤက့ၤ အလီၢ်ခံန့ၣ်လီၤ.

လံာ်ယံးရမံယၤ 37:6

အန့ၣ်ဒီးယွၤ, အံၣ်စရ့လးအကစၢ်ယွၤ စံးဘၣ်ယၤလၢ

လံာ်သးသယုၢ်တၢ် 1:7

ဝ့ၢ်ယရူၤၡလ့ၣ်လၢအလီၤပှီၢ်အိၣ်သယုၢ်အံၤခဲအံၤသ့ၣ်နီၣ်ထီၣ် က့ၤအတၢ်ကဟုကညီၢ်လၢပျၢၤန့ၣ်လီၤ. ဖဲအလီၤတ့ၢ်ဆူဒုၣ်ဒါတဖၣ်အစုပူၤန့ၣ်, ပှၤတအိၣ်နီတဂၤလၢ အကမၤစၢၤအီၤဘၣ်. ပှၤလၢအမၤနၢၤအီၤတဖၣ်နံၤဘၣ်ဖၣ်လဲတ့ၢ် အတၢ်လီၤပှီၢ်န့ၣ်လီၤ.

လံာ်သးသယုၢ်တၢ် 4:17

ပကွၢ်တ့ၢ်တၢ်တုၤပကွၢ်ဆူညါတကဲလၢၤဘၣ်လၢတၢ်မၤစၢၤလၢအတဟဲ နီတစုအဂီၢ် ဒီးပအိၣ်ခိးတၢ်မၤစၢၤကဟဲလၢပှၤတကလုာ်လၢအတအိၣ်ဒီးတၢ်နီ တမံၤလၢကဟ့ၣ်တၢ်အဂီၢ်န့ၣ်လီၤ.

လံာ်ယဃ့းစက့လး 17:17

ကီၢ်အဲၤကူပတူးအစီၤပၤအသုးမုၢ်လၢအဂံၢ်ဆူၣ်ဘါဆူၣ်ဒၣ်လဲာ် န့ၣ်, ဖဲလၢပှၤဘၤဘူၤလိၣ်ဖိတဖၣ်မၤထီထီၣ်ဟီၣ်ခိၣ်ဝးတရံးဝ့ၢ်ဒီး ခူၣ်လီၤတၢ်ကျိၤတဖၣ်လၢကမၤသံပှၤဂီၢ်မုၢ်အါဂၤအခါန့ၣ်ဒုး စၢၤအီၤတၢ်တသ့ဘၣ်.

လံာ်ယဃ့းစက့လး 29:16

ကီၢ်အံၣ်စရ့လး တသန့ၤထီၣ်လၢၤအသးလၢအဖီခိၣ်လၢတၢ်မၤစၢၤ အဂီၢ်နီတစုလၢၤဘၣ်. ကီၢ်အဲၤကူပတူးအတၢ်ဟဲဝံဟဲစိာ်ကဒုးသ့ၣ်နီၣ် ကီၢ်အံၣ်စရ့လးလၢ တၢ်သန့ၤသးလၢအဝဲအဖီခိၣ်န့ၣ် မ့ၢ်တၢ်လၢအကမၣ်ဆံးအါလဲၣ်. အန့ၣ်တစု, ကီၢ်အံၣ်စရ့လးကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ် န့ၣ်လီၤ.”

လံာ်ယဃ့းစက့လး 30:22

အန့ၣ်ဝံၤဒီး, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ် စံးဝဲန့ၣ်လီၤ. ယမ့ၢ်ကီၢ်အဲၤကူပတူးအစီၤပၤအဒုၣ်အဒါန့ၣ်လီၤ. ယကမၤကၢ်ကွံာ်အစုခံခီလၢာ်, လၢအဂ့ၤဒံးမ့ၢ်ဂ့ၤ, လၢအကၢ်ကွံာ် တ့ၢ်လံတခီမ့ၢ်ဂ့ၤဒီးနးကလီၤတဲာ်ကွံာ်လၢအစုပူၤန့ၣ်လီၤ.