လံာ်ယံးရမံယၤ 37:3 - Sgaw Karen Common Bible

³ စီၤပၤစံးဒကံယၤမၢလီၤ စီၤၡလ့မယၤအဖိခွါစီၤယဟူၤကၤလး ဒီးပှၤလုၢ်တၢ်အခိၣ်စီၤစဖါနယၤလၢ အမ့ၢ်စီၤမၤစ့ယၤ အဖိခွါဆူ ယအိၣ်လၢ ကမၢယၤဒ်သိးယကဃ့ထုကဖၣ်ဆူယွၤ, ပကစၢ်ယွၤအအိၣ်လၢပပှၤကလုာ်အခၢၣ်စးန့ၣ်လီၤ.

လံာ်ယံးရမံယၤ 37:3 Iomraidhean Croise

လံာ်စီၤပၤအခီၣ်ထံးတဘ့ၣ် 13:6

စီၤပၤရၤယၤဘၣ်စံးဘၣ်ဝဲ, “ဝံသးစူၤဘါထုကဖၣ်န့ၢ်တၢ်လၢ ယဂီၢ်ဆူယွၤ, နကစၢ်ယွၤအအိၣ်ဒီးဃ့လၢအဝဲကမၤဘျါက့ၤယစုန့ၣ်တက့ၢ်.” ဝံဃ့ဘါထုကဖၣ်တၢ်ဆူယွၤအအိၣ်ဒီးစီၤပၤအစုဘျါက့ၤဝဲဒၣ် န့ၣ်လီၤ.

လံာ်တၢ်ဟးထီၣ်ကွံာ် 10:17

ဒီးခဲကနံၣ်အံၤပျၢ်လၢ်ယတၢ်ဒဲးဘးအအံၤတစုဒီးဃ့ကညးယွၤ, သုကစၢ်ယွၤဒ်သိးကဟံးထီၣ်ကွံာ်တၢ်စံၣ်ညီၣ်လၢအမၤသံတၢ်သ့ အံၤလၢယၤတက့ၢ်.”

လံာ်တၢ်ဟးထီၣ်ကွံာ် 8:28

စီၤပၤစံးဝဲဒၣ်, “ယကပျၢ်သုဒ်သိးသုကလဲၤလုၢ်တၢ်ပာ်တၢ်ဆူ ယွၤသုကစၢ်ယွၤအအိၣ်လၢပှၢ်မုၢ်ကနၢဘၣ်ဆၣ်သုတဘၣ်လဲၤယံၤယံၤ ကလဲာ်ဘၣ်. ဒီးဃ့ဘါထုကဖၣ်တၢ်လၢယဂီၢ်တက့ၢ်.”

လံာ်တၢ်ဟးထီၣ်ကွံာ် 8:8

စီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “ဃ့ကညးယွၤလၢအကဒုးဟးထီၣ်ကွံာ်ဒ့ၣ်ဧိၤကွီၣ်ဧိၤလၢယ အိၣ်, ဒီးလၢယပှၤဂီၢ်မုၢ်အအိၣ်တက့ၢ်. ဒီးယကပျၢ်သုပှၤဂီၢ်မုၢ်ဒ်သိး အဝဲသ့ၣ်လဲၤလုၢ်တၢ်ပာ်တၢ်ဆူယွၤအအိၣ်ကသ့ဝဲန့ၣ်လီၤ.”

လံာ်တၢ်ဟးထီၣ်ကွံာ် 9:28

ဒီးဃ့ကညးယွၤတက့ၢ်. အဂ့ၢ်ဒ်အံၤလီသီၣ်ဒီးသူၣ်လီၤန့ၣ်အါ လံလၢပဂီၢ်လံ. ဒီးယအၢၣ်လီၤလၢယကပျၢ်သုဒီးသုတအိၣ်တဆိးဘၣ် ဖဲအံၤလၢၤဘၣ်.”

လံာ်ယံးရမံယၤ 15:11

ယွၤဧၢ, ယမ့ၢ်တမၤတ့ၢ်နတၢ်မၤဂ့ၤဂ့ၤဘၣ်ဘၣ်, ယမ့ၢ်တဃ့ သကွံာ်ကညးတ့ၢ်နၤလၢယဒုၣ်ယဒါတဖၣ်အခၢၣ်စးဖဲအဝဲသ့ၣ် အိၣ်လၢတၢ်ကီတၢ်ခဲဒီးတၢ်ဘၣ်ကိၢ်ဘၣ်ဂီၤအကတီၢ်ဘၣ်န့ၣ်ဘၣ်ဒီး, မ်အဝဲသ့ၣ်အတၢ်ဆိၣ်အၢခဲလၢာ်ကလၢထီၣ်ပှဲၤထီၣ်ဒၣ်ဝဲတက့ၢ်.

လံာ်ယံးရမံယၤ 2:27

သုဝဲခဲလၢာ်သုဝဲလၢအစံးသ့ၣ်တထူၣ်မ့ၢ်သုပၢ်ဒီးလၢၢ်တထူၣ်မ့ၢ် သုမိၢ်န့ၣ်ကဘၣ်တၢ်မၤမဲာ်ဆှးအီၤန့ၣ်လီၤ. တၢ်အံၤကမၤအသးမ့ၢ်လၢသုဃၣ်ကွံာ် သုသးလၢယၤဒီးသုတဃၣ်ဃီၤဘၣ်သုသးဆူ ယအိၣ်ဘၣ်အဃိလီၤ. ဘၣ်ဆၣ်ဒီးဖဲသုဘၣ်တၢ်ကီတၢ်ခဲန့ၣ်, သုဃ့ကညးလၢယကဟဲဒီးအုၣ်က့ၤခီၣ်က့ၤသုအဂီၢ်န့ၣ်လီၤ.

လံာ်ယံးရမံယၤ 29:21

ယွၤသ့တၢ်လၢာ်, အံၣ်စရ့လးအကစၢ်ယွၤ, ကတိၤတ့ၢ်တၢ် ဘၣ်ဃးစီၤကိၤလါယၤအဖိခွါ စီၤအၤဃာ်ဒီးစီၤမၤစ့ယၤအဖိခွါ စီၤစံးဒကံယၤ, ပှၤတဖၣ်လၢအတဲဘၣ်သုလၢ တၢ်လီတၢ်ဝ့ၤ တဖၣ်လၢ ယွၤအမံၤအပူၤ, အဂ့ၢ်န့ၣ်လီၤ. ယွၤစံးတ့ၢ်ဝဲလၢ သါကဟ့ၣ်လီၤကွံာ်အဝဲသ့ၣ်ဆူကီၢ်ဘၤဘူၤလိၣ်အစီၤပၤ နဘူၤကးန့စၢ် အတၢ်စိတၢ်ကမီၤအပူၤဒီး အဝဲကမၤသံကွံာ် အဝဲသ့ၣ်လၢ သုမဲာ်ညါန့ၣ်လီၤ.

လံာ်ယံးရမံယၤ 29:25

အဝဲဆှၢလီၤတ့ၢ်လံာ်ပရၢတဘ့ၣ်လၢအကစၢ် ဒၣ်ဝဲအမံၤအပူၤ, ဆူကယဲၢ်ပှၤဂီၢ်မုၢ်လၢ ဝ့ၢ်ယရူၤ ရှလ့ၣ်အအိၣ်ဒီး ဆူစီၤမၤစ့ယၤအဖိခွါ ပှၤလုၢ်တၢ်အခိၣ် စီၤစဖါနယၤအအိၣ်, ဒီးဆူပှၤလုၢ်တၢ်အခိၣ်အဂၤ တဖၣ်ခဲလၢာ်အအိၣ်လီၤ. လၢလံာ်အံၤအပူၤန့ၣ်, စီၤၡမါယၤကွဲးတၢ်ဆူ စီၤစဖါနယၤအအိၣ်ဒီးစံးဝဲဒၣ်,

လံာ်ယံးရမံယၤ 37:17

လၢခံဒီး, စီၤပၤစံးဒကံယၤမၢပှၤလဲၤကိးယၤ, ဒီးဖဲန့ၣ်လၢနူၢ်အပူၤန့ၣ်, အဝဲသံကွၢ်ခူသူၣ်ယၤ, “မ့ၢ်တၢ်ကစီၣ်အိၣ်တမံၤမံၤလၢ ယွၤအအိၣ်ဧါ.” ယစံးဆၢအီၤ, “အိၣ်လီၤ.” ဒီးယစံးအါထီၣ်အီၤ, “နကဘၣ်တၢ်ဟ့ၣ်လီၤကွံာ်နၤဆူ ကီၢ်ဘၤဘူၤလိၣ်အစီၤပၤအစုပူၤန့ၣ်လီၤ.”

လံာ်ယံးရမံယၤ 37:7

ယကစံးဘၣ်စီၤစံးဒကံယၤဒ်အံၤ, “ကီၢ်အဲၤကူပတူး အသုးမုၢ်ဟဲထီၣ်လံလၢ ကမၤစၢၤနၤအဂီၢ်လံ, ဘၣ်ဆၣ်ဒီး ကက့ၤကဒါက့ၤ ဆူအကီၢ်ဒၣ်ဝဲလီၤ.

လံာ်ယံးရမံယၤ 38:1

စီၤမးတၣ်အဖိခွါ စီၤၡဖၤတယၤ, စီၤပၣ်ၡဃူၢ်အဖိခွါ စီၤကဒါလယၤ, စီၤၡလ့မယၤ အဖိခွါ စီၤယူကၤလး, ဒီး စီၤမၤလကံယၤအဖိခွါ စီၤပၣ်ၡဃူၢ် နၢ်ဟူတၢ်လၢ ယတဲဘၣ်ပှၤဂီၢ်မုၢ်ဒ်အံၤ,

လံာ်ယံးရမံယၤ 42:1

အန့ၣ်ဒီး, သုးမုၢ်အခိၣ်အနၢ်ခဲလၢာ်, ဃုာ်ဒီးစီၤကါရ့ၤအဖိခွါ စီၤယိဃၤန့ၣ်, ဒီးစီၤဟိၤၡၤယၤအဖိခွါ စီၤယစါနယၤ ဟဲဝဲဒီး ပှၤဂီၢ်မုၢ်စးထီၣ်လၢ အဆံးကတၢၢ်ပၢၢ်တုၤလၢအဒိၣ်ကတၢၢ်,

လံာ်ယံးရမံယၤ 42:20

သုမၤကမၣ်တၢ်ဖးဒိၣ်တမံၤလက အဒုးသံက့ၤသုသ့ ဝဲန့ၣ်လီၤ. သုမၢယဃ့ထုကဖၣ်တၢ်ဆူ ယွၤပကစၢ်ယွၤ လၢ သုဂီၢ်, ဒီးသုအၢၣ်လီၤလၢ သုကမၤတၢ်ကိးမံၤဒဲးလၢ အဝဲမၤလိာ်ဝဲန့ၣ်လီၤ.

လံာ်ယံးရမံယၤ 52:24

အါန့ၢ်အန့ၣ်, စီၤနဘူစၢ်ရဒၣ်လၢ အမ့ၢ်သုးခိၣ် ဖးဒိၣ်, စိာ်မၢကဲကုၢ် ကွံာ်ပှၤလုၢ်တၢ်အခိၣ်အဒိၣ် ကတၢၢ်စီၤစရါယၤ, ဒီးပှၤလုၢ်တၢ်အခိၣ် ခံဂၤတဂၤလၢ အမ့ၢ်စီၤစဖါနယၤ, ဒီးယွၤအတၢ်လုၢ်ဟံၣ်အပဒိၣ် ပပှၢ်လၢအကါဒိၣ်အဂၤသၢဂၤန့ၣ်လီၤ.

လံာ်တၢ်ဂံၢ် 21:7

ပှၤဂီၢ်မုၢ်ဟဲဆူစီၤမိၤၡ့အအိၣ်ဒီးစံးဝဲဒၣ်, “ပမၤဒဲးဘးလံတၢ်ဖဲပကတိၤတၢ်ထီဒါယွၤဒီးထီဒါနၤန့ၣ် လီၤ. ခဲအံၤဘါထုကဖၣ်ဆူယွၤအအိၣ် ဒ်သိးကဟံးထီၣ်ကွံာ်ဂုၢ်သ့ၣ်တဖၣ်အံၤတက့ၢ်.” မၤသးဒ်န့ၣ်ဒီး, စီၤမိၤၡ့ဘါထုကဖၣ်တၢ်လၢပှၤဂီၢ်မုၢ်အဂီၢ်လီၤ.

မၤတၢ် 8:24

စီၤၡံမိၣ်စံးဆၢက့ၤစီၤပ့းတရူးဒီးစီၤယိၤဟၣ်, “ဝံသးစူၤဃ့ထုကဖၣ်ကစၢ်လၢယဂီၢ်, ဒ်သိးတၢ်လၢသုစံးတ့ၢ်တဖၣ်အသုတဟဲဘၣ်ယၤနီတမံၤတဂ့ၤန့ၣ် တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 12:19

ဒီးအဝဲသ့ၣ်စံးဘၣ်စီၤၡမူၤအ့လး, “တၢ်ဒိၣ်ဧၢ, ဝံသးစူၤဘါထုကဖၣ်ဆူယွၤ, နကစၢ်ယွၤအအိၣ်လၢပဂီၢ်ဒ်သိးပသု တသံတဂ့ၤန့ၣ်တက့ၢ်. ခဲအံၤပသ့ၣ်ညါလီၤတံၢ်လၢ, ပတၢ်ဒဲးဘးအဂၤခဲလၢာ်အမဲာ်ညါန့ၣ်ပမၤတ့ၢ်တၢ်ဒဲးဘးခီဖျိ ပဃ့န့ၢ်စီၤပၤတဂၤအဃိလီၤ.”