လံာ်ယံးရမံယၤ 37:20 - Sgaw Karen Common Bible

²⁰ ဒီးအခဲအံၤ, နဲဒၣ်တၢ်ဒိၣ်စီၤပၤဧၢ, ယဃ့ကညးနၤလၢ နကဒိကနၣ်ယၤဒီး မၤတၢ်လၢ ယဃ့နၤန့ၣ်လီၤ. ဝံသးစူၤတဘၣ်ဆှၢကဒါက့ၤ ယၤဆူဃိာ်လၢ စီၤယိၤနၤသၣ်အဟံၣ်န့ၣ်တဂ့ၤ. နမ့ၢ်မၤဒ်န့ၣ်ဒီး, ယကသံဖဲန့ၣ်သပှၢ်ကတၢၢ်လီၤ.”

လံာ်ယံးရမံယၤ 37:20 Iomraidhean Croise

စံးထီၣ်ပတြၢၤ 119:170

မ်ယတၢ်ထုကဖၣ်ဟဲထီၣ်ဆူနအိၣ်တက့ၢ်. ဒီးမၤပူၤဖျဲးယၤဒ်နကလုၢ်ကထါအသိးန့ၣ်တက့ၢ်.

လံာ်ယံးရမံယၤ 26:15

ဘၣ်ဆၣ်ဒီး, သ့ၣ်ညါတၢ်အံၤ သပှၢ်ကတၢၢ်တက့ၢ်. သုမ့ၢ် မၤသံယၤဒီး, သုဝဲဒီးဝ့ၢ်အံၤ အပှၤဂီၢ်မုၢ်ခဲလၢာ်အတၢ်ကမၣ် ကအိၣ်လၢ အမၤသံပှၤတဂၤလၢ အတၢ်ကမၣ်တအိၣ်ဘၣ် အဃိန့ၣ်လီၤ. အဂ့ၢ်ဒ်အံၤ, ပှၤလၢအမၢလီၤယၤလၢယကဟ့ၣ်ဒုး ပလီၢ်သုလၢ တၢ်ဂ့ၢ်အံၤန့ၣ် မ့ၢ်ယွၤလီၤ.”

လံာ်ယံးရမံယၤ 36:7

ဘၣ်သ့ၣ်သ့ၣ်, အဝဲသ့ၣ်ကဃ့ထုကဖၣ်တၢ်ဆူယွၤ ဒီးဃၣ်ကွံာ်အသးလၢ အကျဲအအၢအသီတဖၣ် အပူၤ, မ့ၢ်လၢယွၤမၤပျံၤမၤဖုးပှၤဂီၢ်မုၢ်အံၤလၢအတၢ် သးဒိၣ်ဒီး အတၢ်သးကဲၤထီၣ်လၢ အလီၤပျံၤလီၤဖုးဒိၣ် မးအဃိန့ၣ်လီၤ.”

လံာ်ယံးရမံယၤ 38:26

တဲဘၣ်အဝဲသ့ၣ်, မ့ၢ်ဒၣ်နဃ့ကညးယၤဧိၤလၢ ယသုတဆှၢ ကဒါက့ၤနၤဆူ ဃိာ်ပူၤလၢ နကသံဖဲန့ၣ်အဂီၢ်တဂ့ၤလီၤ.”

လံာ်ယံးရမံယၤ 38:28

ဒီးတၢ်ပာ်ယၤလၢ ဃိာ်ပူၤလၢအအိၣ်လၢနူၢ်အဂၢၤပူၤ တုၤမုၢ်တနံၤလၢ ဝ့ၢ်ယရူၤၡလ့ၣ်ဘၣ်တၢ်မၤန့ၢ်အီၤတစု န့ၣ်လီၤ.

လံာ်ယံးရမံယၤ 42:2

ဒီးစံးဘၣ်ယၤ, “ဝံသးစူၤမၤတၢ်လၢ ပမၢနၤန့ၣ်တက့ၢ်. ဃ့ထုကဖၣ်တၢ်လၢ ပဂီၢ်ဆူယွၤပကစၢ်အအိၣ်တက့ၢ်. ဃ့ထုကဖၣ်တၢ်လၢ ပဝဲလၢ အအိၣ်လီၤတဲာ်ခဲလၢာ်အဂီၢ်တက့ၢ်. တဘျီန့ၣ် ပအိၣ်အါဂၤလီၤ. ဒ်နထံၣ်နဲသ့အသိး, ခဲအံၤပအိၣ်လီၤတဲာ်ဒၣ်ထဲစှၤဂၤလီၤ.