လံာ်ယံးရမံယၤ 37:18 - Sgaw Karen Common Bible

¹⁸ အန့ၣ်ဒီး ယသံကွၢ်အီၤ, “တၢ်ကမၣ်လၢ ယမၤဘၣ်တ့ၢ်ထီဒါနၤမ့ၢ်ဂ့ၤ, နပဒိၣ်ပပှၢ်တဖၣ်မ့ၢ်ဂ့ၤ, ပှၤဂီၢ်မုၢ်အံၤမ့ၢ်ဂ့ၤလၢ နကဒၢနုာ် ယၤ ဆူဃိာ်ပူၤမ့ၢ်တၢ်ကမၣ်မနုၤတမံၤလဲၣ်.

လံာ်ယံးရမံယၤ 37:18 Iomraidhean Croise

လံာ်တၢ်ကဲထီၣ်အခီၣ်ထံး 31:36

တုၤနုၤတစု, စီၤယၤကိာ်အသးထီၣ်ဒီးသံကွၢ်ဝဲလၢတၢ်သးဒိၣ် အပူၤ, “ယလုၣ်သ့ၣ်ခါပတာ်တ့ၢ်တၢ်သိၣ်တၢ်သီမနုၤလဲၣ်. ယမၤဟးဂီၤတၢ်သိၣ်တၢ်သီမနုၤလၢအဟ့ၣ်နၤတၢ်ခွဲးတၢ်ယာ်ဒ်သိး နကလူၤဖီၣ်ယၤန့ၣ်လဲၣ်.

တၢ်ကတိၤဒိ. 17:13

နမ့ၢ်ဟ့ၣ်ကၣ်တၢ်အၢလၢတၢ်ဂ့ၤအဂီၢ်န့ၣ်, နထုးထီၣ်ကွံာ်တၢ်အၢတၢ်သီလၢနဟံၣ်ပူၤတသ့နီတဘျီဘၣ်.

တၢ်ကတိၤဒိ. 17:26

တၢ်မၢပှၤလၢအတၢ်ကမၣ်တအိၣ်တဂၤလိးက့ၤစ့န့ၣ်တဘၣ်ဘၣ်. တၢ်စံၣ်ညီၣ်တီဘၣ်တၢ်ဘိးကဒါကွံာ်အီၤဖဲပှၤအဂ့ၤတဖၣ်ဘၣ်တၢ် စံၣ်ညီၣ်အီၤလီၤ.

လံာ်ယံးရမံယၤ 26:19

စီၤပၤဃံးစကံယၤဒီး ကီၢ်ယူဒအပှၤဂီၢ်မုၢ်တမၤသံကွံာ်ဝံမံကၤဘၣ်. အခိၣ်တလိာ်စီၤဃံးစကံယၤ ယူးယီၣ်မၤလၤကပီၤတ့ၢ်ယွၤဒီး ကျဲးစၢးမၤန့ၢ် ယွၤအတၢ်ကွၢ်မဲာ်န့ၣ်လီၤ. ဒီးယွၤလဲလိာ်တၢ်ပာ်လီၤအသး ဘၣ်ဃးတၢ်တတၢး တနါလၢ အစံးတ့ၢ်ဝဲလၢ အကဒုးဘၣ်လီၤက့ၤ ပသးလၢ တၢ်တတၢးတနါလၢ အလီၤပျံၤလီၤဖုးဒိၣ်မးတမံၤန့ၣ်လီၤ.”

လံာ်ဒၤနံးယ့လး 6:22

ကစၢ်ယွၤလၢယဘါအီၤန့ၣ်ဆှၢလီၤတ့ၢ်ဝဲအကလူးလၢအက ကးတံၢ်ခ့ယုၢ်တဖၣ်အထးခိၣ်ဒ်သိးအသုတမၤဆါယၤတဂ့ၤ အဂီၢ်လီၤ. အဂ့ၢ်ဒ်အံၤ, သ့ၣ်ညါဝဲလၢယမ့ၢ်ပှၤသူၣ်တီသးလိၤဒီး ယတမၤကမၣ်တ့ၢ်နၤ, နဲဒၣ်စီၤပၤအဃိန့ၣ်လီၤ.”

လံာ်ယိၤဟၣ် 10:32

ယ့ၣ်ၡူးစံးဘၣ်အဝဲသ့ၣ်, “ယဒုးနဲၣ်တ့ၢ်သုတၢ်မၤအဂ့ၤအါမံၤလၢယပၢ်အအိၣ်လံ. သုသးအိၣ်ကွံာ်ယၤလၢလၢၢ်လၢတၢ်မၤဖဲလဲၣ်တမံၤအဃိ လဲၣ်.”

မၤတၢ် 23:1

စီၤပီလူးကွၢ်ဃီၤတၢ်လိၤလိၤဆူကီၣ်ကးကရၢဖိတဖၣ်အအိၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, ယသးလၢအသ့ၣ်ညါဒၣ်တၢ်လၢအဂ့ၤဆှံဝဲဒၣ်လီၤတံၢ်လီၤဆဲး ဘၣ်ဃးဒီးယတၢ်အိၣ်မူဒီကတီၢ်ညါလၢကစၢ်ယွၤအမဲာ်ညါ, တုၤလီၤလၢမုၢ်မဆါတနံၤအံၤလီၤ.”

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

မၤတၢ် 25:11

ယမ့ၢ်လုၣ်သ့ၣ်ခါပတာ်ဘၣ်ထံကီၢ်အတၢ်သိၣ်တၢ်သီဒီးမၤတၢ် တမံၤမံၤလၢအကြၢးဒီးတၢ်စံၣ်ညီၣ်သံန့ၣ်, ယတဃ့လၢယကပူၤ ဖျဲးဘၣ်. ဘၣ်ဆၣ်ဒီးတၢ်လၢအဝဲသ့ၣ်ပာ်ဖျါထီဒါယၤ တဖၣ်မ့ၢ်တတီတလိၤဘၣ်ဒီး, ပှၤဟ့ၣ်လီၤယၤဆူအဝဲသ့ၣ်အစုပူၤတသ့နီတဂၤဘၣ်. ယပတံထီၣ်တၢ်ဆူစီၤပၤဖးဒိၣ်အအိၣ်လီၤ.”

မၤတၢ် 25:25

ဘၣ်ဆၣ်ဒီး, ယနီၢ်ကစၢ်ဒၣ်ယဲယတထံၣ်လၢအဝဲမၤဘၣ်တၢ်တမံၤမံၤ လၢအကြၢးဒီးတၢ်စံၣ်ညီၣ်သံအီၤန့ၣ်ဘၣ်. ဒီးမ့ၢ်လၢအဝဲအနီၢ်ကစၢ်ဒၣ်ဝဲပတံထီၣ်တၢ်လၢစီၤပၤဖးဒိၣ် ကစံၣ်ညီၣ်န့ၢ်အတၢ်ဂ့ၢ်တၢ်ကျိၤအဃိ, ယပာ်လီၤယသးလၢ ယကဆှၢလီၤအီၤလီၤ.

မၤတၢ် 25:8

မ့မ့ၢ်စီၤပီလူးတခီကတိၤဒီဒၣ်အသးဒီးစံးဝဲ, “ယတမၤတ့ၢ်တၢ်ကမၣ်ထီဒါပှၤယူဒၤဖိအတၢ်သိၣ်တၢ်သီမ့ၢ်ဂ့ၤ, တၢ်လုၢ်ဟံၣ်မ့ၢ်ဂ့ၤ, ဒီးရိမ့ၤအစီၤပၤဖးဒိၣ်မ့ၢ်ဂ့ၤနီတမံၤဘၣ်.”

မၤတၢ် 26:31

ဒီးဖဲအဝဲသ့ၣ်ဟးထီၣ်ဝံၤအလီၢ်ခံန့ၣ်, စံးလိာ်အသးတဂၤဒီးတဂၤ, “ပှၤတဂၤအံၤတမၤတ့ၢ်တၢ်လၢအကြၢး ဒီးတၢ်သံမ့ၢ်ဂ့ၤ, တၢ်ဒၢနုာ်အီၤလၢဃိာ်ပူၤမ့ၢ်ဂ့ၤနီတမံၤဘၣ်.”

ကလၤတံ 4:16

ယစံးဘၣ်တဲဘၣ်သုတၢ်မ့ၢ်တၢ်တီအဃိအခဲအံၤ, မ့ၢ်ယကဲထီၣ်သုဒုၣ်သုဒါလံဧါ.