လံာ်ယံးရမံယၤ 37:17 - Sgaw Karen Common Bible

¹⁷ လၢခံဒီး, စီၤပၤစံးဒကံယၤမၢပှၤလဲၤကိးယၤ, ဒီးဖဲန့ၣ်လၢနူၢ်အပူၤန့ၣ်, အဝဲသံကွၢ်ခူသူၣ်ယၤ, “မ့ၢ်တၢ်ကစီၣ်အိၣ်တမံၤမံၤလၢ ယွၤအအိၣ်ဧါ.” ယစံးဆၢအီၤ, “အိၣ်လီၤ.” ဒီးယစံးအါထီၣ်အီၤ, “နကဘၣ်တၢ်ဟ့ၣ်လီၤကွံာ်နၤဆူ ကီၢ်ဘၤဘူၤလိၣ်အစီၤပၤအစုပူၤန့ၣ်လီၤ.”

လံာ်ယံးရမံယၤ 37:17 Iomraidhean Croise

လံာ်စီၤပၤအခီၣ်ထံးတဘ့ၣ် 22:15

ဖဲအဝဲဟဲပာ်ဖျါထီၣ်အသးလၢစီၤပၤအၤဃာ်အမဲာ်ညါန့ၣ်စီၤပၤ သံကွၢ်အီၤ, “စီၤမံၤကါယၤဧၢ, မ့ၢ်စီၤပၤယဟိၡၤဖးဒီးယၤပကြၢးလဲၤ ထီၣ်ဒုးဝ့ၢ်ရၤမိးဧါ. မ့တမ့ၢ်ပတကြၢးလဲၤဘၣ်န့ၣ်လဲၣ်.” စီၤမံၤကါယၤစံးဆၢဝဲ, “လဲၤထီၣ်ဒုးတက့ၢ်. သပှၢ်ကတၢၢ်သုကမၤနၢၤတၢ်လီၤ. ယွၤကဟ့ၣ်သုတၢ်မၤနၢၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:16

ဘၣ်ဆၣ်စီၤအၤဃာ်စံးဆၢဝဲ, “ဖဲနကတိၤတၢ်ဒီးယၤလၢယွၤအမံၤ အပူၤန့ၣ်, တဲတၢ်မ့ၢ်တၢ်တီတက့ၢ်. ယကဘၣ်တဲနၤတၢ်အံၤပှံၤဘျီလဲၣ်.”

လံာ်စီၤပၤခံဘ့ၣ်တဘ့ၣ် 25:7

ဖဲစီၤစံးဒကံယၤကွၢ်တၢ်အဖၢမုၢ်န့ၣ်, အဝဲအဖိခွါတဖၣ်ဘၣ်တၢ် မၤသံအီၤဝံၤဒီးစီၤနဘူၤကးန့စၢ်အူခွဲးထီၣ်ကွံာ်စီၤစံး ဒကံယၤအမဲာ်ချံစၢဃာ်အီၤလၢထးသွဲဒီးက့ၤမိၤအီၤဆူ ဝ့ၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 15:11

ယွၤဧၢ, ယမ့ၢ်တမၤတ့ၢ်နတၢ်မၤဂ့ၤဂ့ၤဘၣ်ဘၣ်, ယမ့ၢ်တဃ့ သကွံာ်ကညးတ့ၢ်နၤလၢယဒုၣ်ယဒါတဖၣ်အခၢၣ်စးဖဲအဝဲသ့ၣ် အိၣ်လၢတၢ်ကီတၢ်ခဲဒီးတၢ်ဘၣ်ကိၢ်ဘၣ်ဂီၤအကတီၢ်ဘၣ်န့ၣ်ဘၣ်ဒီး, မ်အဝဲသ့ၣ်အတၢ်ဆိၣ်အၢခဲလၢာ်ကလၢထီၣ်ပှဲၤထီၣ်ဒၣ်ဝဲတက့ၢ်.

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 24:8

မ့မ့ၢ်လၢကီၢ်ယူဒၤအစီၤပၤစံးဒကံယၤ, ပှၤလူၤထံဂ့ၢ်ကီၢ် ဂ့ၢ်တဖၣ်လၢအအိၣ်ဝးတရံးအီၤ, ဒီးဝ့ၢ်ယရူၤၡလ့ၣ်အပှၤဂီၢ်မုၢ်အဂၤလၢအအိၣ်လၢကီၢ်အံၤအပူၤ မ့ၢ်ဂ့ၤ, သုးအသးဆူကီၢ်အဲၤကူပတူးအပူၤမ့ၢ်ဂ့ၤအဂီၢ်န့ၣ်, ယၤ, ယွၤအံၤယကမၤဘၣ်အဝဲသ့ၣ်ခဲလၢာ်ဒ်ချၢၣ်ဒၢသၣ်လၢအတဂ့ၤတ ဖၣ်, တဂ့ၤဝဲတုၤဒၣ်လဲာ်နအီၣ်အီၤတသ့ဘၣ်အသိးန့ၣ်လီၤ.

လံာ်ယံးရမံယၤ 25:35

သုကပူၤဖျဲးအဂီၢ်ကျဲတအိၣ် နီတဘိဘၣ်.

လံာ်ယံးရမံယၤ 37:3

စီၤပၤစံးဒကံယၤမၢလီၤ စီၤၡလ့မယၤအဖိခွါစီၤယဟူၤကၤလး ဒီးပှၤလုၢ်တၢ်အခိၣ်စီၤစဖါနယၤလၢ အမ့ၢ်စီၤမၤစ့ယၤ အဖိခွါဆူ ယအိၣ်လၢ ကမၢယၤဒ်သိးယကဃ့ထုကဖၣ်ဆူယွၤ, ပကစၢ်ယွၤအအိၣ်လၢပပှၤကလုာ်အခၢၣ်စးန့ၣ်လီၤ.

လံာ်ယံးရမံယၤ 38:5

စီၤပၤစံးဒကံယၤစံးဆၢဝဲ, “မ့မ့ၢ်ဒ်န့ၣ်ဒီး, ဂ့ၤလံ. တၢ်လၢသုသးအိၣ်မၤအီၤန့ၣ်, မၤဘၣ်တက့ၢ်. ယတြီဘၣ်သုတသ့ဘၣ်.”

လံာ်ယံးရမံယၤ 52:8

ဘၣ်ဆၣ်ဒီး, ကီၢ်ဘၤဘူၤလိၣ်အသုးမုၢ် လူၤစီၤပၤစံးဒကံယၤ, ဖီၣ်န့ၢ်အီၤဖဲ ပျီပူၤဘူးဒီး ဝ့ၢ်ယရံၤဃိ, ဒီးအဝဲအသုးဖိခဲလၢာ်ဃ့ၢ်သဒၣ်ကွံာ်အီၤန့ၣ်လီၤ.

လံာ်ယဃ့းစက့လး 7:26

တၢ်တတၢးတနါတမံၤကပိာ်ထွဲထီၣ်အဂၤတမံၤအခံ, ဒီးတၢ်သးအုးအကစီၣ်ကတုၤအိၣ်သုတထံၣ်ဃီလီၤ. သုကဃ့ကညးဝံတဖၣ်လၢကလီၣ်ဖျါန့ၢ်သုတၢ်လၢအဝဲသ့ၣ်ထံၣ် ဆိဝဲလီၤ. ပှၤလုၢ်တၢ်အခိၣ်တဖၣ်ကသိၣ်လိပှၤဂီၢ်မုၢ်အဂီၢ် တၢ်တအိၣ်ဒီးအီၤနီတမံၤဘၣ်, ဒီးပှၤသးပှၢ်တဖၣ်တမ့ၢ်ကအိၣ်ဒီးတၢ်ဟ့ၣ်ကူၣ်လၢကဟ့ၣ်ဝဲနီတမံၤဘၣ်.

လံာ်တၢ်ဂံၢ် 23:17

မၤသးဒ်န့ၣ်ဒီးအဝဲက့ၤကဒါက့ၤဝဲဒီးထံၣ်ဘၣ်ဝဲစီၤဘၤလးဆၢ ထၢၣ်ဒံးဒၣ်ဖဲအတၢ်လုၢ်မ့ၣ်အူအကပၤဃုာ်ဒီးကီၢ်မိၤအးအပှၤခိၣ် နၢ်တဖၣ်န့ၣ်လီၤ. စီၤဘၤလးသံကွၢ်ဝဲလၢမ့ၢ်ယွၤစံးတ့ၢ်တၢ်မနုၤတမံၤလဲၣ်.

လံာ်မၢ်ကူး 6:20

စီၤပၤဟ့ၤရိာ်ပျံၤစီၤယိၤဟၣ်မ့ၢ်လၢအသ့ၣ်ညါဝဲလၢစီၤယိၤ ဟၣ်မ့ၢ်ပှၤတီပှၤလိၤဒီးပှၤစီပှၤဆှံတဂၤသတးဒီးကဟုကယာ် ဃာ်ဝဲဂ့ၤဂ့ၤလီၤ. တဘျီလၢ်လၢ်တုၤအနၢ်ဟူဘၣ်အတၢ်စံးတၢ်ကတိၤဒီး, အဝဲဒၣ်အသးဘၣ်တံာ်တာ်ဒိၣ်ဒိၣ်ကလဲာ်ဘၣ်ဆၣ်သးခုဒိကနၣ်အီၤ လီၤ.