လံာ်ယံးရမံယၤ 37:13 - Sgaw Karen Common Bible

¹³ ဘၣ်ဆၣ်ဒီး, ဖဲယလဲၤတုၤဆူ ဘံၣ်ယၤမံၣ်အတြဲၤန့ၣ်, သုးခိၣ်လၢအပၢသုးဖိတဖၣ်လၢ အခိးတၢ်ဖဲန့ၣ်, လၢ အမံၤမ့ၢ်စီၤယရံယၤ, လၢအမ့ၢ်စီၤၡလ့မယၤအဖိခွါဒီး စီၤဃနၤနယၤအလံၤခွါန့ၣ်, ဒုးအိၣ်ကတီၢ်ယၤဒီၤစံးဝဲဒၣ်, “နမ့ၢ်ပှၤလၢအဟးသဒၣ်ဒီး ပာ်တ့ၢ်ကွံာ်ပှၤဒီးနခီဃီၤဆူ ပှၤဘၤဘူၤလိၣ်ဖိတဖၣ်အအိၣ်လီၤ.”

လံာ်ယံးရမံယၤ 37:13 Iomraidhean Croise

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ယံးရမံယၤ 20:2

အဝဲဟ့ၣ်လီၤအကလုၢ်လၢပှၤကဒိယၤတီၢ်ယၤဒီးစၢဃာ်ယၤလၢ ထးသွဲတဖၣ်ဘူးဒီးဘံၣ်ယၤမံၣ်အတြဲၤထီတတီၤလၢယွၤ အတၢ်လုၢ်ဟံၣ်အပူၤန့ၣ်လီၤ.

လံာ်ယံးရမံယၤ 21:9

ပှၤတဂၤဂ့ၤတဂၤဂ့ၤလၢအအိၣ်ဝဲလၢဝ့ၢ်ပူၤအံၤန့ၣ်ကသံလၢတၢ်ဒုးသုး အပူၤ, မ့တမ့ၢ်, လၢတၢ်သၣ်ဝံၤလီၤဒိအဃိ, မ့တမ့ၢ် လၢတၢ်ဆူးတၢ်ဆါအဃိန့ၣ်လီၤ. ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအဟးထီၣ်ဒီးဟ့ၣ် လီၤအသးဆူပှၤဘၤဘူၤလိၣ်ဖိတဖၣ်လၢ အဟဲထီၣ်ဒုးဝ့ၢ်အခဲအံၤအစုပူၤန့ၣ်, တဘၣ်တၢ်မၤသံအီၤဘၣ်. အစှၤကတၢၢ်အဝဲကပူၤဖျဲး ဒီးအိၣ်မူဘၣ်ဒံးဝဲန့ၣ်လီၤ.

လံာ်ယံးရမံယၤ 27:6

ယမ့ၢ်ပှၤတဂၤလၢ အပာ်လီၤပှၤကလုာ်ခဲလၢာ်အံၤလၢယခ့ယပှၤ ကီၢ်ဘၤ ဘူၤလိၣ်အစီၤပၤနဘူၤကးန့ စၢ်အစိကမီၤအဖီလာ်ဒီးယဒုးမၤဒၣ်လဲာ် ဆၣ်ဖိကီၢ်ဖိအမံၤတဖၣ်လၢ အဝဲအတၢ်မၤန့ၣ်လီၤ.

လံာ်ယံးရမံယၤ 28:14

ယွၤသ့တၢ်လၢာ်, အံၣ်စရ့လးအကစၢ်ယွၤ, စံးတ့ၢ်ဝဲလၢအဝဲ ကပာ်နီၣ်ယိးဘိထးတဘိလၢ ပှၤကလုာ်ခဲလၢာ်အံၤအလိၤ, ဒီး လၢအဝဲသ့ၣ်ကမၤကီၢ်ဘၤဘူၤလိၣ်အစီၤပၤ နဘူၤကးန့စၢ် အတၢ်န့ၣ်လီၤ. ယွၤစံးတ့ၢ်ဝဲလၢ အဝဲကမၢဒၣ်လဲာ်ဆၣ်ဖိကီၢ်ဖိအမံၤ တဖၣ်မၤစီၤနဘူၤကးန့စၢ်အတၢ်န့ၣ်လီၤ.”

လံာ်ယံးရမံယၤ 36:12

ဝံၤဒီး အဝဲလဲၤဆူ စီၤပၤအနူၢ်ပူၤဒီး ဆူကွီၢ်ဘျီၣ် အပှၤကွဲးလံာ်အဒၢး, ဖဲပဒိၣ်ပပှၢ်ခဲလၢာ်အိၣ်ဖှိၣ်ဝဲန့ၣ်လီၤ. ကွီၢ်ဘျီၣ်အပှၤကွဲးလံာ် စီၤအလံၡမၤ, စီၤၡမါယၤအဖိခွါ စီၤဒလါယၤ, စီၤဧးကဘိၢ်အဖိခွါစီၤအ့လနၤသၣ်, စီၤၡၤဖၣ်အဖိခွါ စီၤကမၤရယၤ, စီၤဃနၤနယၤအဖိခွါ စီၤစံးဒကံယၤ, ဒီးပဒိၣ်ပပှၢ်အဂၤတဖၣ်ခဲလၢာ် အအိၣ်ဖဲန့ၣ်လီၤ.

လံာ်ယံးရမံယၤ 38:1

စီၤမးတၣ်အဖိခွါ စီၤၡဖၤတယၤ, စီၤပၣ်ၡဃူၢ်အဖိခွါ စီၤကဒါလယၤ, စီၤၡလ့မယၤ အဖိခွါ စီၤယူကၤလး, ဒီး စီၤမၤလကံယၤအဖိခွါ စီၤပၣ်ၡဃူၢ် နၢ်ဟူတၢ်လၢ ယတဲဘၣ်ပှၤဂီၢ်မုၢ်ဒ်အံၤ,

လံာ်ယံးရမံယၤ 38:4

အန့ၣ်ဒီး, ပဒိၣ်ပပှၢ်တဖၣ် လဲၤဆူစီၤပၤအအိၣ်ဒီး စံးဝဲ, “ပှၤတဂၤအံၤ ကြၢးဘၣ်တၢ်မၤသံအီၤလီၤ. မ့ၢ်လၢအဝဲဒၣ် ကတိၤတၢ်ဒ်သိးအံၤအဃိန့ၣ်, အဝဲမၤလီၤမၢ်ကွံာ် ပှၤသုးဖိလၢအအိၣ်လၢ ဝ့ၢ်ပူၤတဖၣ် အတၢ်သးဒူန့ၣ်လီၤ. ဒီးအဝဲမၤတၢ်တမံၤအံၤဆူ ပှၤအဂၤခဲလၢာ်လၢ အအိၣ်လီၤ တဲာ်လၢ ဝ့ၢ်အံၤအပူၤန့ၣ်လီၤ. အဝဲတကျဲးစၢးမၤစၢၤပှၤဂီၢ်မုၢ် ဘၣ်. အဝဲအဲၣ်ဒိးမၤဘၣ်ဒိဘၣ်ထံး ထဲအဝဲသ့ၣ်တခီန့ၣ်လီၤ.”

လံာ်ယံးရမံယၤ 38:7

မ့ၢ်နာ်သက့ဒ်န့ၣ်ဒီး, ပှၤဒ့ဒံၣ်ဖိလၢ အမၤတၢ်လၢစီၤပၤအနူၢ်ပူၤ ပှၤကီၢ်ကူၤၡးဖိ စီၤဧ့ၤဘ့းမ့လ့းနၢ်ဟူဝဲလၢ အဝဲသ့ၣ်ဒၢနုာ်ယၤလၢ ထံပူၤန့ၣ်လီၤ. အခါဖဲန့ၣ်, စီၤပၤဆ့ၣ်နီၤစံၣ်ညီၣ်ဝဲ ကွီၢ်ဖဲဘံၣ်ယၤမံၣ်အတြဲၤန့ၣ်လီၤ.

လံာ်သးသယုၢ်တၢ် 4:18

ဒုၣ်ဒါန့ၣ်ခိးကွၢ်ပှၤဒီးပလဲၤတၢ်လၢကျဲတဖၣ် အပူၤဒၣ်လဲာ်တသ့ဘၣ်. ပမုၢ်နံၤတဖၣ်လၢာ်ကွံာ်ဝဲ, တၢ်အကတၢၢ်ဟဲတုၤလံ.

လံာ်ဧၤမိၣ် 7:10

ဒီးစီၤအမၤစယါ, ဝ့ၢ်ဘ့ၤသ့လးအပှၤလုၢ်တၢ်အခိၣ်ဆှၢလီၤတၢ် ကစီၣ်ဆူအံၣ်စရ့လးအစီၤပၤစီၤယၤရၤဘၣ်အအိၣ်ဒီးစံးဝဲဒၣ်, စီၤဧၤမိၣ်ကူၣ်ထီၣ်တၢ်အၢထီဒါနၤလၢအံၣ်စရ့လးဖိအကျါလီၤ. အတၢ်ကတိၤတဖၣ်ကမၤဟးဂီၤကွံာ်ထံကီၢ်န့ၣ်လီၤ.

လံာ်စကၤရယၤ 14:10

လီၢ်ကဝီၤဒီတကဝီၤညါ, စးထီၣ်လၢဝ့ၢ်က့ဘၢ်လၢကလံၤစိး, ပၢၢ်လၢဝ့ၢ်ရံးမိၣ်လၢကလံၤထံးန့ၣ်ကဘၣ်တၢ်မၤပၢၤအီၤလီၤ. ဝ့ၢ်ယရူၤၡလ့ၣ်ကအိၣ်ထီၣ်ထီလၢတၢ်လီၢ်လၢအအိၣ်ဝးတရံးအီၤ တဖၣ်အဖီခိၣ်န့ၣ်လီၤ. ဝ့ၢ်န့ၣ်အိၣ်သူၣ်လီၤဒၣ်အသးဖဲအလီၢ်လီၢ်စးထီၣ်လၢဘံၣ် ယၤမံၣ်အတြဲၤဒီးတုၤဆူဝ့ၢ်သနၢၣ်အတြဲၤ, လၢအမ့ၢ်တြဲၤလၢအအိၣ်ပာ်တ့ၢ်လၢပျၢၤ, ဒီးစးထီၣ်လၢတၢးထီဃနၤန့လးဒီးတုၤဆူစီၤပၤအနီၣ်စံၣ် စပံးထံတဖၣ်အလီၢ်န့ၣ်လီၤ.

လံာ်လူၤကၣ် 23:2

ဖဲအဝဲသ့ၣ်ပာ်တၢ်ကမၣ်လၢအဝဲဒၣ်အလိၤဒီးစံး, “ပဖီၣ်န့ၢ်ပှၤတဂၤအံၤလၢအဆှၢကမၣ်ပပှၤကလုာ်, တြီအဝဲသ့ၣ်လၢအသုတဟ့ၣ်တၢ်ခိတၢ်သွဲဆူစီၤပၤဖးဒိၣ် အအိၣ်တဂ့ၤ, ဒီးစံးလီၤအသးလၢအနီၢ်ကစၢ်ဒၣ်ဝဲမ့ၢ်ခရံာ်, စီၤပၤတဂၤန့ၣ်လီၤ.”

မၤတၢ် 24:13

ဒ်န့ၣ်အသိး, တၢ်ကမၣ်လၢအဝဲသ့ၣ်ပာ်ထီၣ်လၢယလိၤန့ၣ်, အဝဲသ့ၣ်ဟ့ၣ်တၢ်အုၣ်အသးတသ့ဘၣ်.

မၤတၢ် 6:11

အန့ၣ်ဒီး, အဝဲသ့ၣ်သဆၣ်ထီၣ်ပှၤတနီၤအခံလၢတၢ်ခူသူၣ်ခူလံာ် အပူၤလၢအကအုၣ်အသးကဘျံးကဘျၣ်ဒီးစံး, “ပနၢ်ဟူဘၣ်တ့ၢ်လံအဝဲဒၣ်အတၢ်ကတိၤတရီတပါထီဒါစီၤမိၤၡ့ ဒီးကစၢ်ယွၤန့ၣ်လီၤ.”

၂ ကရံၣ်သူး 6:8

ပဘၣ်တၢ်မၤလၤကပီၤပှၤဒီးတၢ်မၤဟးဂီၤပလၤပကပီၤ, ပဘၣ်တၢ်ဒုၣ်ဒွဲၣ်ဒီးတၢ်စံးထီၣ်ပတြၢၤပှၤန့ၣ်လီၤ. ပဘၣ်တၢ်ပာ်ပှၤဒ်ပှၤလီတၢ်ဖိဘၣ်ဆၣ်ဒီးပကတိၤ တၢ်မ့ၢ်တၢ်တီလီၤ.