လံာ်ယံးရမံယၤ 37:1 - Sgaw Karen Common Bible

¹ ကီၢ်ဘၤဘူၤလိၣ်အစီၤပၤ နဘူးကးန့စ့ၢ်ပာ်ထီၣ်စီၤစံးဒကံယၤ လၢအမ့ၢ်စီၤယိၤၡံယၤအဖိခွါဒ် ကီၢ်ယူဒၤအစီၤပၤ အသိးလၢ စီၤယဟိၤယါခံၣ်အလီၢ်န့ၣ်လီၤ.

လံာ်ယံးရမံယၤ 37:1 Iomraidhean Croise

လံာ်စီၤပၤခံဘ့ၣ်တဘ့ၣ် 24:12

ဒီးစီၤပၤယဟိၤယါခံၣ်ဃုာ်ဒီးအဝဲအမိၢ်, အဝဲအဖိခွါတဖၣ်, သုးခိၣ်သုးနၢ်တဖၣ်, ဒီးပဒိၣ်ပပှၢ်လၢနူၢ်ပူၤစီၤပူၤတဖၣ်ဟ့ၣ် လီၤအသးဆူပှၤဘၤဘူၤလိၣ်ဖိတဖၣ်အစုပူၤန့ၣ်လီၤ. ဖဲစီၤပၤနဘူၤကးန့စၢ်ပၢတၢ်ဃိးနံၣ်တနံၣ်အပူၤန့ၣ်အဝဲစိာ် ထီၣ်ကွံာ်ဝဲစီၤယဟိၤယါခံၣ်ဒ်ပှၤဘၣ်စၢဃာ်အသိး,

လံာ်စီၤပၤခံဘ့ၣ်တဘ့ၣ် 24:17

စီၤနဘူၤကးန့စၢ်ဒုးကဲထီၣ်စီၤယဟိၤယါခံၣ်အဖါတံၢ်စီၤမး တးနယၤလၢကီၢ်ယူဒၤအစီၤပၤဒီးလဲလိာ်ကွံာ်ဝဲအမံၤဆူစီၤ စံးဒကံယၤန့ၣ်လီၤ.

လံာ်ယံးရမံယၤ 21:1

ကီၢ်ယူဒၤအစီၤပၤစီၤစံးဒကံယၤမၢလီၤစီၤမၤလကံယၤအဖိခွါ စီၤပၣ်ၡဃူၢ်ဒီးစီၤမၤစ့ယၤအဖိခွါပှၤလုၢ်တၢ်အခိၣ်စီၤစဖါနယၤဆူ ယအိၣ်, အိၣ်ဒီးတၢ်ဃ့ကညးဒ်လၢလာ်အံၤ, န့ၣ်လီၤ.

လံာ်ယံးရမံယၤ 22:24

ယွၤစံးဘၣ်ကီၢ်ယူဒၤအစီၤပၤစီၤယဟိယါကံၣ်အဖိခွါ စီၤယဟိယါခံၣ်, “ဒ်ယမ့ၢ်နီၢ်နီၢ်ကစၢ်ယွၤလၢအမူဝဲတဂၤအသိး, နမ့မ့ၢ်ဒၣ်လဲာ်တၢ်စဲပနီၣ်အပသံးတဘိလၢယစုထွဲအလိၤန့ၣ်, ယကဘ့ၣ်လီၤကွံာ်နၤ,

လံာ်ယံးရမံယၤ 22:28

ယစံးယဲ, “မ့ၢ်စီၤပၤယဟိၤယါခံၣ်ကဲထီၣ်ဒ်သပၢၤသ့ၣ်ဖး တဖျၢၣ်အသိးလၢအဘၣ်တၢ်စူးကွံာ်အီၤဒီးပှၤတသးလီအီၤ နီတဂၤဘၣ်န့ၣ်ဧါ. လၢတၢ်န့ၣ်အဃိ, မ့ၢ်အဝဲဒီးအဖိတဖၣ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အလီၢ်, တၢ်လီၢ်လၢအဝဲသ့ၣ်တသ့ၣ်ညါဝဲလၢအဂ့ၢ်နီတမံၤန့ၣ်ဧါ.”

လံာ်ယံးရမံယၤ 24:1

ယွၤဒုးနဲၣ်ယၤချၢၣ်ဒၢသၣ်ခံနာ်လၢအဘၣ်တၢ်ပာ်လီၤအီၤလၢ ယွၤအတၢ်လုၢ်ဟံၣ်အမဲာ်ညါန့ၣ်လီၤ. (တၢ်အံၤမ့ၢ်ဖဲကီၢ်ဘၤဘူၤလိၣ်အစီၤပၤနဘူၤကးန့စၢ်စိာ်ကွံာ် စီၤယဟိၤယါကံၣ်အဖိခွါ, ကီၢ်ယူဒၤအစီၤပၤစီၤယဟိၤယါခံၣ်ဒ်ပှၤဘၣ်တၢ်စိာ်မၢကဲကုၢ် တဂၤအသိးလၢဝ့ၢ်ယရူၤၡလ့ၣ်ဆူကီၢ်ဘၤဘူၤလိၣ်, ဃုာ်ဒီးကီၢ်ယူဒၤအပှၤခိၣ်နၢ်တဖၣ်, ပှၤမၤတၢ်စုသ့ခီၣ်သ့တဖၣ် ဒီးပှၤမၤတၢ်ဖိလၢအသ့အဘၣ်တဖၣ်ဝံၤအလီၢ်ခံန့ၣ်လီၤ.)

လံာ်ယံးရမံယၤ 34:2

ယွၤ, အံၣ်စရ့လးအကစၢ်ယွၤ, တဲဘၣ်တ့ၢ်ယၤ လၢ ယကလဲၤဒီးစံးဘၣ်ကီၢ်ယူဒၤအစီၤပၤ စီၤ စံးဒကံယၤဒ်အံၤ, “ယၤ, ယွၤအံၤ, ယကဟ့ၣ်လီၤကွံာ် ဝ့ၢ်အံၤဆူကီၢ်ဘၤဘူၤလိၣ်အစီၤပၤအစုပူၤ, ဒီးအဝဲဒၣ် ကဒွဲၣ်အူကွံာ်အီၤလီၤ.

လံာ်ယံးရမံယၤ 52:31

နံၣ်လၢစီၤအ့ဝလးမရၤဒိးကဲထီၣ်စီၤပၤလၢ ကီၢ်ဘၤဘူၤလိၣ်အပူၤန့ၣ်, အဝဲဒုးနဲၣ်တၢ်သးကညီဆူ ကီၢ်ယူဒၤအစီၤပၤယဟိၤယါခံၣ်ခီဖျိတၢ်ပျၢ်ဖျဲးကွံာ်အီၤလၢ ဃိာ်ပူၤန့ၣ်လီၤ. တၢ်အံၤမၤအသးဖဲ စီၤယဟိၤယါခံၣ်ဘၣ်တၢ်စိာ်ကွံာ် အီၤဒ်ပှၤဃိာ်ဖိတဂၤအသိးပှဲၤထီၣ်သၢဆံနွံနံၣ်, တဆံခံလါတလါ, လါထီၣ်ခံဆံယဲၢ်သီတသီနံၤန့ၣ်လီၤ.