လံာ်ယံးရမံယၤ 36:9 - Sgaw Karen Common Bible

⁹ ဖဲစီၤယိၤၡံယၤ အဖိခွါ ကီၢ်ယူဒၤအစီၤပၤ စီၤယဟိၤယါကံၣ်အနံၣ် ပှဲၤထီၣ်ယဲၢ်နံၣ်တနံၣ်, လါခွံလါတလါအပူၤန့ၣ်, ပှၤဂီၢ်မုၢ် ဒုၣ်တၢ်အီၣ် ဒ်သိးကန့ၢ်ဘၣ်ယွၤအတၢ်ကွၢ်မဲာ် အဂီၢ်န့ၣ်လီၤ. တၢ်ဒုၣ်တၢ်အီၣ်အံၤ ဘၣ်တၢ်မၤအီၤလၢ ပှၤခဲလၢာ် လၢအအိၣ် လၢဝ့ၢ်ယရူၤၡလ့ၣ်အပူၤ ဃုာ်ဒီး, ပှၤခဲ လၢာ်လၢ အဟဲဖဲန့ၣ်လၢ ကီၢ်ယူဒၤအဝ့ၢ်တဖၣ်အပူၤ န့ၣ်လီၤ.

လံာ်ယံးရမံယၤ 36:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:3

စီၤယဟိၡၤဖးပျံၤတၢ်ဖုးတၢ်ဒီးဘါထုကဖၣ်တၢ်ဆူယွၤအအိၣ်လၢ တၢ်နဲၣ်ကျဲအဂီၢ်န့ၣ်လီၤ. အန့ၣ်ဝံၤဒီး, အဝဲဟ့ၣ်လီၤအကလုၢ်လၢတၢ်ဒုၣ်တၢ်အီၣ်တမံၤကဘၣ်တၢ် မၤအီၤလၢထံကီၢ်ဒီဘ့ၣ်အပူၤအဂီၢ်န့ၣ်လီၤ.

လံာ်စီၤနဃ့မယၤ 9:1

လၢလါတလါဃီအံၤထီၣ်ခံဆံလွံၢ်သီတသီန့ၣ်ကီၢ်အံၣ်စရ့လး အပှၤဂီၢ်မုၢ်အိၣ်ဖှိၣ်ရိဖှိၣ်ဒီးဒုၣ်တၢ်အီၣ်ဒ်သိးကပာ်ဖျါ အတၢ်သူၣ်အုးသးအုးလၢအတၢ်ဒဲးဘးတဖၣ်အဃိန့ၣ်လီၤ.

လံာ်ယံးရမံယၤ 36:1

လၢစီၤယိၤၡံယၤအဖိခွါ စီၤယဟိၤယါကံၣ်ကဲစီၤပၤလၢ ကီၢ်ယူဒၤ လွံၢ်နံၣ်တနံၣ်အပူၤန့ၣ်, ယွၤစံးဘၣ်တ့ၢ်ယၤ,

လံာ်ယံးရမံယၤ 36:22

မ့ၢ်တၢ်ဂိၢ်ခါအကတီၢ်ဒီး စီၤပၤဆ့ၣ်နီၤဝဲလၢတၢ်ဂိၢ်ခါအနူၢ်ပူၤ လၢမ့ၣ်အူပူၣ်အမဲာ်ညါန့ၣ်လီၤ.

လံာ်ယံးရမံယၤ 36:6

ဘၣ်ဆၣ်ဒီး, ယအဲၣ်ဒိးလၢ နကလဲၤဖဲန့ၣ်ခဲကိာ် တဘျီဖဲ ပှၤဂီၢ်မုၢ်ဒုၣ်တၢ်အီၣ်အဆၢကတီၢ်န့ၣ်လီၤ. နကဘၣ်ဖးထီၣ်တၢ်ဂ့ၢ်လၢ လံာ်ထူပူၤအံၤလၢ နကလုၢ်ဖးဒိၣ်, ဒ်သိးအဝဲသ့ၣ်ကနၢ်ဟူတၢ်ခဲလၢာ်လၢ ယွၤစံးဘၣ်တ့ၢ်ယၤဒီး တၢ်လၢယကိးထီၣ်န့ၢ်နၤန့ၣ်လီၤ. မၤတၢ်အံၤ ဖဲတၢ်လီၢ်လၢ ပှၤကိးဂၤဒဲး, ဃုာ်ဒီး ကီၢ်ယူဒၤအပှၤဂီၢ်မုၢ်လၢ အဟဲလၢအဝ့ၢ်ဒၣ်ဝဲ တဖၣ် နၢ်ဟူနၤကသ့န့ၣ်တက့ၢ်.

လံာ်ယိၤအ့လး 1:13

ပှၤလုၢ်တၢ်အခိၣ်လၢအမၤတၢ်လၢတၢ်လုၢ်လီၢ်သ့ၣ်ဧၢ, ကူထီၣ်သိးထီၣ်တၢ်သူၣ်အုးသးအုးအဆ့ကၤဒီးဟီၣ်တက့ၢ်. လဲၤနုာ်ဆူယွၤအတၢ်လုၢ်ဟံၣ်ပူၤဒီးသူၣ်အုးသးအုးသီတနၤ ကျၢၤတက့ၢ်. ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤ ဆူသုကစၢ်ယွၤအအိၣ်န့ၣ်ဘၣ်.

လံာ်ယိၤအ့လး 1:14

ဘိးဘၣ်သ့ၣ်ညါလၢတၢ်ဒုၣ်တၢ်အီၣ်တၢ်အီအဂီၢ်, ကိးတၢ်အိၣ်ဖှိၣ်ရိဖှိၣ်, ကိးဖှိၣ်ပှၤခိၣ်ပှၤနၢ်တဖၣ် ဒီးယူဒၤအပှၤဂီၢ်မုၢ်ခဲလၢာ် ဆူယွၤအတၢ်လုၢ်ဟံၣ်အပူၤဒီးကိးထီၣ်ဆူ ယွၤအအိၣ်တက့ၢ်.

လံာ်ယိၤနါ 3:5

ဒီးပှၤနံၤနဝ့ဖိတဖၣ်နာ်ကစၢ်ယွၤအတၢ်ကစီၣ်လီၤ. လၢတၢ်န့ၣ်အဃိ, အဝဲသ့ၣ်ဘိးဘၣ်သ့ၣ်ညါတၢ်ဒုၣ်တၢ်အီၣ်, ဒီးပှၤခဲလၢာ်, ပှၤအဒိၣ်တုၤလၢပှၤအဆံးသိးထီၣ်ဆ့ကၤထၢၣ်သွ့ဒ်သိးကပာ်ဖျါ ထီၣ်ဝဲလၢအဝဲသ့ၣ်ပီၢ်ယၢ်လီၤက့ၤလံအသးန့ၣ်လီၤ.

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”

လံာ်ပှၤစံၣ်ညီၣ်ကွီၢ် 20:26

တုၤနုၤတစု, ပှၤအံၣ်စရ့လးဖိခဲလၢာ်လဲၤထီၣ်ဆူဘ့ၤသ့လးဒီး ဟီၣ်ဝဲယၢၤဝဲလီၤ. အဝဲသ့ၣ်ဆ့ၣ်နီၤဖဲန့ၣ်လၢယွၤအမဲာ်ညါဒီးတၢ်အီၣ်တုၤမုၢ်ဟါလီၤတစုန့ၣ်လီၤ. အဝဲသ့ၣ်ဒုၣ်တၢ်အီၣ်ဒီးလုၢ်တၢ်လုၢ်မၤဃူမၤဖိး ဒီးတၢ်လုၢ်မ့ၣ်အူလၢကစၢ်ယွၤအမဲာ်ညါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:6

လၢတၢ်န့ၣ်အဃိအဝဲသ့ၣ်ပာ်ဖှိၣ်ထီၣ်အသးဖဲဝ့ၢ်မံးစပၤလီၤ. အဝဲသ့ၣ်ဒၢၣ်န့ၢ်ထံတနီၤဒီးလူလီၤအီၤဒ်တၢ်လုၢ်မၤဘူၣ်တမံၤ ဆူယွၤအအိၣ်ဒီးဒုၣ်တၢ်အီၣ်သ့တနံၤကျၢၤလီၤ. အဝဲသ့ၣ်စံး, “ပမၤတ့ၢ်တၢ်ဒဲးဘးထီဒါယွၤလီၤ.” (ဝ့ၢ်မံးစပၤန့ၣ်မ့ၢ်တၢ်လီၢ်လၢစီၤၡမူၤအ့လးမၤလိၤမၤဘၣ် တၢ်ဂ့ၢ်လိာ်ဘှီလိာ်တဖၣ်လၢပှၤအံၣ်စရ့လးဖိတဖၣ်အဘၢၣ်စၢၤန့ၣ်လီၤ.)