လံာ်ယံးရမံယၤ 36:5 - Sgaw Karen Common Bible

⁵ အန့ၣ်ဝံၤဒီး, ယဟ့ၣ်လီၤစီၤဘၤရူးလၢ တၢ်သိၣ် လိနဲၣ်ယုၤတဖၣ် ဒ်လၢလာ်အံၤန့ၣ်လီၤ. “ယတဘၣ် တၢ်ပျဲယၤလၢ ယကလဲၤနုာ်ဆူ ယွၤအတၢ်လုၢ်ဟံၣ် အပူၤလၢၤဘၣ်.

လံာ်ယံးရမံယၤ 36:5 Iomraidhean Croise

လံာ်စီၤနဃ့မယၤ 6:10

ဒီးလၢဆၢကတီၢ်ဒ်အံၤန့ၣ်ယလဲၤအိၣ်သကိးစီၤၡမါယၤလၢအမ့ၢ် စီၤဒလါယၤအဖိခွါ, စီၤမဟ့တးဘအ့လးအလံၤလၢအဟးထီၣ်လၢအဟံၣ်တသ့ဝဲဒၣ် တဂၤန့ၣ်လီၤ. ဒီးအဝဲစံးဘၣ်ယၤ, “နၤဒီးယၤပကြၢးလဲၤအိၣ်ခူသူၣ်သကိး လၢယွၤအတၢ်လုၢ်ဟံၣ်အတၢ်လီၢ်စီဆှံဒီးကးတံၢ်တြဲၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ဟဲလၢကမၤသံကွံာ်နၤလီၤ. အဝဲသ့ၣ်ဟဲဒီးမၤသံနၤလၢမုၢ်နၤတနၤနၤသ့ဝဲဒၣ်န့ၣ်လီၤ.”

စံးထီၣ်ပတြၢၤ 88:8

နမၢယတံၤသကိးသ့ၣ်တဖၣ်ညိကွံာ်ယၤ, ဒီးယကဲထီၣ်တၢ်သး ဘၣ်အၢလၢ အဝဲသ့ၣ်အဂီၢ်လီၤ. ယဘၣ်တၢ်ကဝီၤဃာ်ယၤဒီး ယထူၣ်ဖျဲးထီၣ်တသ့ဘၣ်.

လံာ်ယံးရမံယၤ 20:2

အဝဲဟ့ၣ်လီၤအကလုၢ်လၢပှၤကဒိယၤတီၢ်ယၤဒီးစၢဃာ်ယၤလၢ ထးသွဲတဖၣ်ဘူးဒီးဘံၣ်ယၤမံၣ်အတြဲၤထီတတီၤလၢယွၤ အတၢ်လုၢ်ဟံၣ်အပူၤန့ၣ်လီၤ.

လံာ်ယံးရမံယၤ 32:12

ဒီးဟ့ၣ်လီၤအီၤဆူ စီၤဘၤရူးလၢ အမ့ၢ်စီၤန့ၤရံယၤအဖိခွါ ဒီးစီၤမၤစ့ယၤအလံၤခွါ အစုပူၤန့ၣ်လီၤ. ယဟ့ၣ်လီၤတၢ်သ့ၣ် တဖၣ်အံၤလၢ အစုပူၤလၢ စီၤဃနၤန့လးဒီး ပှၤအုၣ်အသး တဖၣ်လၢ အဆဲးလီၤအမံၤလၢ တၢ်ပှ့ၤတၢ်အလံာ်အုၣ်အသး အပူၤ, ဒီးပှၤတဖၣ်လၢ အဆ့ၣ်နီၤလၢကွီၢ်အဂၢၤပူၤခဲလၢာ်အမဲာ် ညါန့ၣ်လီၤ.

လံာ်ယံးရမံယၤ 32:2

အကတီၢ်ဖဲန့ၣ်, ကီၢ်ဘၤဘူၤလိၣ် အစီၤပၤ အသုးမုၢ်လဲၤထီၣ်ဒုး ဝ့ၢ်ယရူၤရှလ့ၣ်ဒီး ယဘၣ်တၢ်စၢဃာ်ယၤလၢဃိာ်အဂၢၤ ပူၤလၢ အအိၣ်ဖဲ စီၤပၤအနူၢ်ပူၤန့ၣ်လီၤ.

လံာ်ယံးရမံယၤ 33:1

ဖဲယအိၣ်ဒံးလၢဃိာ်ပူၤလၢ ကွီၢ်အဂၢၤပူၤန့ၣ်, ယွၤတၢ်ကစီၣ် ဟဲတုၤအိၣ်ကဒီးယၤန့ၣ်လီၤ.

လံာ်ယံးရမံယၤ 37:15

အဝဲသ့ၣ်အသးဒိၣ်ထီၣ်ယၤ နးနးကလဲာ်ဒီး မၢပှၤတီၢ်ယၤ ဒီး ဒုးဃာ်ယၤလၢ ကွီၢ်ဘျီၣ်အပှၤကွဲးလံာ်စီၤယိၤနၤသၣ်အ ဟံၣ်, ဟံၣ်လၢအဘၣ်တၢ်ဒုးကဲထီၣ်အီၤလၢ ဃိာ်တဖျၢၣ်န့ၣ်လီၤ.

လံာ်ယံးရမံယၤ 38:28

ဒီးတၢ်ပာ်ယၤလၢ ဃိာ်ပူၤလၢအအိၣ်လၢနူၢ်အဂၢၤပူၤ တုၤမုၢ်တနံၤလၢ ဝ့ၢ်ယရူၤၡလ့ၣ်ဘၣ်တၢ်မၤန့ၢ်အီၤတစု န့ၣ်လီၤ.

လံာ်ယံးရမံယၤ 38:6

လၢတၢ်န့ၣ်အဃိ, အဝဲသ့ၣ်ဟံးန့ၢ်ယၤဒီးစဲၤလီၤယၤလၢ ပျံၤဆူ စီၤပၤဖိခွါစီၤမၤလကံယၤအထံပူၤလၢ အအိၣ်ဝဲလၢ နူၢ်အဂၢၤပူၤန့ၣ်လီၤ. လၢထံပူၤန့ၣ်ထံတအိၣ်ဘၣ်. အိၣ်ဒၣ်ထဲကပံာ်ဒီးယလီၤဘျၢလၢ ကပံာ်အကျါန့ၣ်လီၤ.

လံာ်ယံးရမံယၤ 40:4

အခဲအံၤ, ယဘ့ၣ်လီၤကွံာ်ထးသွဲတဖၣ်လၢအအိၣ်လၢနစု ဒ့တဖၣ်အလိၤဒီးပျၢ်ဖျဲးကွံာ်နၤန့ၣ်လံ. နမ့ၢ်သးအိၣ်လဲၤဃုာ် ဒီးယၤဆူကီၢ်ဘၤဘူၤလိာ်န့ၣ်, နမၤနဲသ့ဒီးယကအံးထွဲကွၢ်ထွဲ နခံလီၤ. ဘၣ်ဆၣ်ဒီး, နမ့ၢ်တသးအိၣ်လဲၤဘၣ်ဒီးနလဲၤအလီၢ်တအိၣ် ဘၣ်လီၤ. နအိၣ်ဒီးထံကီၢ်ဒီဘ့ၣ်ညါလၢနမဲာ်ညါလၢနကဃုထၢအိၣ်ဆိးနဲ ဒီးဖဲနသးအိၣ်လဲၤန့ၣ်နလဲၤနဲသ့လီၤ.”

၂ ကရံၣ်သူး 11:23

အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

အ့းဖ့းစူး 6:20

လၢတၢ်အံၤအဂီၢ်ယမ့ၢ်ကလူး, ပှၤစိာ်တၢ်ကစီၣ်လၢအခဲအံၤလီၤဘၣ်လၢဃိာ်ပူၤတဂၤ န့ၣ်လီၤ. ဃ့ထုကဖၣ်ဒ်သိးယကအိၣ်ဒီးတၢ်သးခူတလ့ၢ် လၢယတၢ်စံၣ်တဲၤတဲလီၤတၢ်သးခုကစီၣ်အပူၤဒ်ယဂ့ၤ မၤယဲအသိးန့ၣ်တက့ၢ်.

၂ တံၤမသ့း 2:9

မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိ ယတူၢ်ဘၣ်တၢ်ဒီးယဘၣ်တၢ်စၢဃာ်ဒၣ်လဲာ်ယၤလၢပျံၤ ထးဒ်ပှၤအၢဖိတဂၤအသိးလီၤ. ဘၣ်ဆၣ်ဒီးကစၢ်ယွၤအကလုၢ်ကထါတဘၣ်တၢ်စၢဃာ်အီၤဘၣ်.

ဧ့ၤဘြံၤ 11:36

ပှၤတနီၤဘၣ်တၢ်ဒုၣ်ဒွဲၣ်ပယွဲအီၤဒီးဘၣ်တၢ်တီၢ်အီၤ, ဒီးအဂၤတနီၤဘၣ်တၢ်စၢဃာ်အီၤလၢထးသွဲဒီးလီၤဘၣ်ဒၣ် လဲာ်လၢဃိာ်ပူၤလီၤ.