လံာ်ယံးရမံယၤ 36:2 - Sgaw Karen Common Bible

² “ဟံးန့ၢ်လံာ်တထူဒီး ကွဲးလီၤကယဲၢ်တၢ်ခဲလၢာ်လၢ ယတဲဘၣ်တ့ၢ်နၤဘၣ်ဃး ကီၢ်အံၣ်စရ့လးဒီး ကီၢ်ယူဒၤဒီး ပှၤကလုာ်ခဲလၢာ်အဂ့ၢ်, လၢအလိၤန့ၣ် တက့ၢ်. ကွဲးလီၤတၢ်ခဲလၢာ်လၢ ယတဲဘၣ်နၤ, စးထီၣ် အဆိကတၢၢ်လၢ ယကတိၤတ့ၢ်တၢ်ဒီး နၤဖဲစီၤယိၤၡံယၤ ကဲစီၤပၤဒီး တုၤလီၤလၢ ဆၢကတီၢ်ခဲအံၤန့ၣ်တက့ၢ်.

လံာ်ယံးရမံယၤ 36:2 Iomraidhean Croise

လံာ်စီၤဧ့စြၤ 6:2

ဘၣ်ဆၣ်ဒီးလံာ်ထူတထူလၢအဘၣ်ထွဲဒီးတၢ်ဂ့ၢ်န့ၣ်, ဘၣ်တၢ်ထံၣ်န့ၢ်အီၤလၢဝ့ၢ်အၤဃမသါလၢကီၢ်မၤဒဲအပူၤတခီ, အိၣ်ဒီးအတၢ်ကွဲးနီၣ်ဒ်လာ်အံၤလီၤ.

လံာ်စီၤယိၤဘး 31:35

ပှၤတအိၣ်နီတဂၤလၢကဒိကနၣ်ယတၢ်ကတိၤဘၣ်ဧါ. ယဆိၣ်လီၤယသးလၢတၢ်လၢယစံးယဲကိးဘီဒဲးန့ၣ်မ့ၢ်အမ့ၢ် အတီလီၤ. မ်သ့တၢ်လၢာ်ကစၢ်ယွၤစံးဆၢယၤန့ၣ်တက့ၢ်. ယဒုၣ်ယဒါတဖၣ်မ့ၢ်ဟဲစိာ်အတၢ်ကွဲးထီဒါယၤဒ်သိးယကထံၣ် ဘၣ်အီၤဒီး,

စံးထီၣ်ပတြၢၤ 40:7

လၢတၢ်န့ၣ်အဃိယစံးဆၢယဲ, ‘‘ယအိၣ်ဖဲအံၤလီၤ. နတၢ်သိၣ်လိသီလိလၢယဂီၢ်တဖၣ်အိၣ်ကွဲးအသး လၢလံာ်တၢ်သိၣ်တၢ်သီအပူၤလီၤ.

လံာ်တၢ်ဟးထီၣ်ကွံာ် 17:14

ဒီးယွၤစံးဘၣ်စီၤမိၤၡ့, “ကွဲးနီၣ်တၢ်မၤနၢၤတမံၤအံၤ အဂ့ၢ်အကျိၤဒ်သိးကဘၣ်တၢ်သ့ၣ်နီၣ်အီၤတက့ၢ်. တဲဘၣ်စီၤယိၤၡူလၢယကမၤနၢၤကွံာ်ပှၤဧမၤလ့းဖိလၢာ်လၢာ်ဆ့ ဆ့န့ၣ်တက့ၢ်.”

လံာ်ယၡါယၤ 8:1

ယွၤစံးဘၣ်ယၤ, “ဟံးန့ၢ်တၢ်ဘ့ၣ်ဘၣ်ဖးလဲၢ်တဘ့ၣ်ဒီးကွဲးလီၤတၢ် လၢအပူၤလၢလံာ်မဲာ်ဖျၢၣ်ဖးဒိၣ်တဖၣ်, “မဟၢ်ၡလးဃၤၡဘ,” လၢအခီပညီမ့ၢ်ဝဲ, “ဂုာ်ဆူၣ်ပျီဆူၣ်ချ့ချ့, ဂုာ်မၤဟးဂီၤချ့ချ့,” န့ၣ်တက့ၢ်.

လံာ်ယံးရမံယၤ 1:10

မုၢ်မဆါတနံၤအံၤ, ယဟ့ၣ်လီၤနၤတၢ်န့ၢ်စိန့ၢ်ကမီၤလၢပှၤကလုာ်တဖၣ်ဒီးဘီ မုၢ်တဖၣ်အဖီခိၣ်လၢနကထဲးထီၣ်ဒီးဂုၤလီၤပှီၢ်ကွံာ်တၢ်, လၢနကမၤဟးဂီၤဒီးမၤလီၤတဲာ်ကွံာ်တၢ်, ဒီးလၢနကသူၣ်ထီၣ်ဘှီ ထီၣ်တၢ်ဒီးသူၣ်လီၤဖျးလီၤတၢ်အဂီၢ်န့ၣ်လီၤ.”

လံာ်ယံးရမံယၤ 1:5

“ယဃုထၢတ့ၢ်နၤတချုးဒံးလၢယဟ့ၣ်နသးသမူဒၣ်လဲာ်, ဒီးတချုးဒံးလၢနအိၣ်ဖျဲၣ်ထီၣ်န့ၣ်, ယဃုထၢထီၣ်တ့ၢ်နၤဒ်သိး နကကဲထီၣ်ဝံတဂၤလၢပှၤကလုာ်တဖၣ်အဂီၢ်န့ၣ်လီၤ.”

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်ယံးရမံယၤ 2:4

သုဝဲပှၤလၢအလီၤစၢၤလီၤသွဲၣ်လၢစီၤယၤကိာ်, သုဝဲအံၣ်စရ့လးအဒူၣ်သ့ၣ်ဧၢ, ဒိကနၣ်ယွၤအတၢ်ကစီၣ်တက့ၢ်.

လံာ်ယံးရမံယၤ 25:3

လၢခံဆံသၢနံၣ်အတီၢ်ပူၤ, စးထီၣ်လၢ စီၤအၤမိၣ်အဖိခွါ ကီၢ်ယူဒၤ အစီၤပၤ, စီၤယိၤၡံယၤ ပၢတၢ်ပှဲၤထီၣ်တဆံသၢနံၣ်တနံၣ်ဒီး တုၤလီၤလၢ မုၢ်မဆါတနံၤအံၤန့ၣ်, ယွၤကတိၤတ့ၢ်တၢ်ဒီးယၤ, ဒီးတၢ်လၢအဝဲစံးဘၣ်တ့ၢ်ယၤန့ၣ်, ယတတဲဘၣ်သုဒီး ယတအိၣ်နီတစုဘၣ်. ဘၣ်ဆၣ်သုတပာ်သူၣ်ပာ်သးလၢ အဂ့ၢ်နီၤတစဲးဘၣ်.

လံာ်ယံးရမံယၤ 36:14

အန့ၣ်ဒီး, ပဒိၣ်ပပှၢ်တဖၣ် မၢလီၤစီၤယဟူဒံၤ (လၢ အမ့ၢ်စီၤနသၤနံယၤ အဖိခွါ, စီၤၡလ့မယၤအလံၤခွါ, ဒီးစီၤကူၤၡံအလိၤ) ဒ်သိးအကတဲဘၣ် စီၤဘၤရူးလၢ အကဟဲစိာ်လံာ်ထူလၢ အဝဲဖးထီၣ်န့ၢ် ပှၤဂီၢ်မုၢ်န့ၣ်လီၤ. စီၤဘၤရူးဟဲစိာ်န့ၢ် အဝဲသ့ၣ်လၢ လံာ်ထူန့ၣ်လီၤ.

လံာ်ယံးရမံယၤ 36:18

စီၤဘၤရူးစံးဆၢဝဲ, “စီၤယံးရမံၤယၤကိးထီၣ်န့ၢ် ယၤတၢ်ကတိၤ ကိးဖျၢၣ်ဒဲးဒီး ယကွဲးလီၤအီၤလၢ မဲၣ်ထံလၢလံာ်ထူအံၤအလိၤန့ၣ်လီၤ.”

လံာ်ယံးရမံယၤ 36:23

စီၤယဟူၤဒံၤဖးထီၣ်လံာ်ထူအတၢ်ဂ့ၢ်သၢတီၤ, လွံၢ်တီၤဝံၤတဘျီဃီန့ၣ်, စီၤပၤကူးတဲာ်ကွံာ်အီၤလၢဒီအဆံးဖိတဘ့ၣ်ဒီး ကွံာ်လီၤအီၤဆူ မ့ၣ်အူပူၤလီၤ. အဝဲမၤတၢ်ဒ်အံၤတပယူာ်ဃီတုၤလံာ်ထူဒီထူ ဘၣ်တၢ်ဒွဲၣ်အူထီၣ်ကွံာ်အီၤန့ၣ်လီၤ.

လံာ်ယံးရမံယၤ 36:29

ယွၤတဲဘၣ်ယၤလၢ ယကစံးဘၣ်စီၤပၤ, နဒွဲၣ်အူတ့ၢ်လံာ်ထူဒီး နသံကွၢ်စီၤယံးရမံယၤလၢ ဘၣ်မနုၤအဃိလၢ အဝဲကွဲး တ့ၢ်တၢ်ဒီး စံးဝဲလၢကီၢ်ဘၤဘူၤလိၣ် အစီၤပၤကဟဲဒီးမၤဟးဂီၤထံကီၢ်အံၤ ဒီးမၤသံအပှၤဂီၢ်မုၢ်ဒီးအဆၣ်ဖိကီၢ်ဖိတဖၣ်န့ၣ်လဲၣ်.

လံာ်ယံးရမံယၤ 36:6

ဘၣ်ဆၣ်ဒီး, ယအဲၣ်ဒိးလၢ နကလဲၤဖဲန့ၣ်ခဲကိာ် တဘျီဖဲ ပှၤဂီၢ်မုၢ်ဒုၣ်တၢ်အီၣ်အဆၢကတီၢ်န့ၣ်လီၤ. နကဘၣ်ဖးထီၣ်တၢ်ဂ့ၢ်လၢ လံာ်ထူပူၤအံၤလၢ နကလုၢ်ဖးဒိၣ်, ဒ်သိးအဝဲသ့ၣ်ကနၢ်ဟူတၢ်ခဲလၢာ်လၢ ယွၤစံးဘၣ်တ့ၢ်ယၤဒီး တၢ်လၢယကိးထီၣ်န့ၢ်နၤန့ၣ်လီၤ. မၤတၢ်အံၤ ဖဲတၢ်လီၢ်လၢ ပှၤကိးဂၤဒဲး, ဃုာ်ဒီး ကီၢ်ယူဒၤအပှၤဂီၢ်မုၢ်လၢ အဟဲလၢအဝ့ၢ်ဒၣ်ဝဲ တဖၣ် နၢ်ဟူနၤကသ့န့ၣ်တက့ၢ်.

လံာ်ယံးရမံယၤ 45:1

လၢစီၤယိၤၡံယၤ အဖိခွါ ကီၢ်ယူဒၤအစီၤပၤစီၤယဟိၤယါ ကံၣ်ပၢတၢ်လွံၢ်နံၣ်တနံၣ်အပူၤန့ၣ်, စီၤဘၤရူးကွဲးလီၤတၢ် လၢယကိးထီၣ်န့ၢ်အီၤန့ၣ်လီၤ.

လံာ်ယံးရမံယၤ 51:60

ယကွဲးလီၤတၢ်လၢလံာ်တဘ့ၣ်အပူၤန့ၣ်, ယကျဲၤလီၤတၢ်ဂ့ၢ်ဘၣ်ဃးဒီးတၢ်ဟးဂီၤခဲလၢာ်လၢ အကဘၣ်ကီၢ်ဘၤဘူၤလိၣ်, ဃုာ်ဒီးတၢ်အဂၤတဖၣ်ခဲလၢာ်ဘၣ်ဃးဒီး ကီၢ်ဘၤဘူၤလိၣ်န့ၣ်လီၤ.

လံာ်ယဃ့းစက့လး 2:9

ယထံၣ်ဘၣ်စုတခီယူာ်ဃီၤအသးဆူယအိၣ်, ဒီးဟံးဃာ်လံာ်ထူ တထူလီၤ.

လံာ်ဟိၤၡ့ 8:12

ယကွဲးလီၤတၢ်သိၣ်လိတဖၣ်လၢပှၤဂံၢ်အီၤတသ့ဘၣ်လၢပှၤဂီၢ်မုၢ်အံၤ အဂီၢ်, ဘၣ်ဆၣ်အဝဲသ့ၣ်စူးကွံာ်ညိကွံာ်ဝဲဒ် တၢ်လၢအတညီနုၢ်ဒီးအီၤဒီးတသ့ၣ်ညါဘၣ်ဝဲတမံၤအသိးန့ၣ်လီၤ.

လံာ်သိၣ်လီၤသီလီၤတၢ် 31:24

စီၤမိၤၡ့ကွဲးလီၤတ့ၢ်ယူဒၤအတၢ်သိၣ်တၢ်သီလၢကစၢ်ယွၤဟ့ၣ် ဝဲန့ၣ်လၢလံာ်တဘ့ၣ်အပူၤ, အိၣ်ဒီးတၢ်ပလီၢ်သူၣ်ပလီၢ်သးလၢသုတပာ်တ့ၢ်ဘၣ်တၢ်ဂ့ၢ်နီတမံၤ တဂ့ၤအဂီၢ်န့ၣ်လီၤ.

ဧ့ၤဘြံၤ 10:7

လၢတၢ်န့ၣ်အဃိယစံးယဲ, ‘ကွၢ်ကွၢ်ကစၢ်ယွၤဧၢ, ယဟဲယဲဒ်သိးယကမၤတၢ်ဘၣ်နသး ဒ်တၢ်ကွဲးအသးလၢလံာ်တၢ်သိၣ်တၢ်သီ အလံာ်ထူပူၤအသိးန့ၣ်လီၤ.’ ”