လံာ်ယံးရမံယၤ 36:14 - Sgaw Karen Common Bible

¹⁴ အန့ၣ်ဒီး, ပဒိၣ်ပပှၢ်တဖၣ် မၢလီၤစီၤယဟူဒံၤ (လၢ အမ့ၢ်စီၤနသၤနံယၤ အဖိခွါ, စီၤၡလ့မယၤအလံၤခွါ, ဒီးစီၤကူၤၡံအလိၤ) ဒ်သိးအကတဲဘၣ် စီၤဘၤရူးလၢ အကဟဲစိာ်လံာ်ထူလၢ အဝဲဖးထီၣ်န့ၢ် ပှၤဂီၢ်မုၢ်န့ၣ်လီၤ. စီၤဘၤရူးဟဲစိာ်န့ၢ် အဝဲသ့ၣ်လၢ လံာ်ထူန့ၣ်လီၤ.

လံာ်ယံးရမံယၤ 36:14 Iomraidhean Croise

လံာ်စီၤပၤခံဘ့ၣ်တဘ့ၣ် 25:23

တုၤပှၤယူဒၤဖိအသုးခိၣ်တဖၣ်ဒီးအပှၤသုးဖိတဖၣ်လၢအတဟ့ၣ်လီၤ ကွံာ်အသးနၢ်ဟူတၢ်ဂ့ၢ်အံၤန့ၣ်, အဝဲသ့ၣ်ပာ်ဖှိၣ်ထီၣ်အသးဒီးစီၤကဒါလယၤဖဲဝ့ၢ်မံးစပၤန့ၣ် လီၤ. သုးခိၣ်တဖၣ်အံၤန့ၣ်မ့ၢ်ဝဲ, စီၤနသၤနံယၤအဖိခွါစီၤယံး ၡမၤဧ့လး, စီၤကၤရ့ၤအဖိခွါစီၤယိဃၤနၣ်, ပှၤဝ့ၢ်နတိဖးဖိ စီၤတ့ၣ်ဃူမ့းအဖိခွါစီၤစရါယၤ, ဒီးပှၤဝ့ၢ်မၤကၤသးဖိ စီၤယၤစၤနယၤန့ၣ်လီၤ.

လံာ်ယံးရမံယၤ 36:2

“ဟံးန့ၢ်လံာ်တထူဒီး ကွဲးလီၤကယဲၢ်တၢ်ခဲလၢာ်လၢ ယတဲဘၣ်တ့ၢ်နၤဘၣ်ဃး ကီၢ်အံၣ်စရ့လးဒီး ကီၢ်ယူဒၤဒီး ပှၤကလုာ်ခဲလၢာ်အဂ့ၢ်, လၢအလိၤန့ၣ် တက့ၢ်. ကွဲးလီၤတၢ်ခဲလၢာ်လၢ ယတဲဘၣ်နၤ, စးထီၣ် အဆိကတၢၢ်လၢ ယကတိၤတ့ၢ်တၢ်ဒီး နၤဖဲစီၤယိၤၡံယၤ ကဲစီၤပၤဒီး တုၤလီၤလၢ ဆၢကတီၢ်ခဲအံၤန့ၣ်တက့ၢ်.

လံာ်ယံးရမံယၤ 36:21

အန့ၣ်ဒီး စီၤပၤမၢလီၤ စီၤယဟူဒံၤလၢ ကလဲၤဟံးန့ၢ်လံာ်ထူန့ၣ်လီၤ. အဝဲဟံးန့ၢ်လံာ်ထူအံၤလၢစီၤအလံၡမၤအဒၢးပူၤဒီး ဖးထီၣ်န့ၢ် စီၤပၤဒီးပဒိၣ်ပပှၢ်ခဲလၢာ်လၢအဆၢထၢၣ်ဝးတရံးအီၤန့ၣ်လီၤ.

လံာ်ယံးရမံယၤ 36:4

လၢတၢ်န့ၣ်အဃိ, ယကိးန့ၢ် စီၤန့ၤရံယၤအဖိခွါ စီၤဘၤရူးဒီး ကိးထီၣ်န့ၢ်အီၤတၢ်ခဲလၢာ်လၢယွၤ စံးဘၣ်တ့ၢ်ယၤလီၤ. ဒီးစီၤဘၤရူးကွဲးလီၤအီၤ ခဲလၢာ်လၢလံာ်ထူတထူအလိၤန့ၣ်လီၤ.

လံာ်ယံးရမံယၤ 40:8

လၢတၢ်န့ၣ်အဃိ, စီၤနသၤနံယၤအဖိခွါစီၤယံးၡမၤအ့လး, စီၤကါရ့ၤအဖိခွါစီၤယိၤဃၤနၣ်, စီၤတးနဃူမ့းအဖိခွါစီၤစရါယၤ, ပှၤနတိဖၤဖိစီၤဧ့ၤဖ့ၤအဖိခွါတဖၣ်, ဒီးပှၤမၤကးဖိစီၤယစၤနယၤ, လဲၤတၢ်ဒီးအပှၤတဖၣ်ဆူစီၤကဒါလယၤအအိၣ်လၢဝ့ၢ်မံးစပၤန့ၣ် လီၤ.

လံာ်ယံးရမံယၤ 41:16

အန့ၣ်ဒီး, စီၤယိဃၤနၣ်ဒီး အသုးဖိအခိၣ်အနၢ်လၢ အအိၣ်ဒီးအီၤတဖၣ် ဟံးန့ၢ်ဒီး ပၢဆှၢက့ၤပှၤဂီၢ်မုၢ်လၢ စီၤယံးၡမၤအ့လး စိာ်မၢကဲကုၢ်အီၤလၢ ဝ့ၢ်မံးစပၤ, ဖဲအမၤသံကွံာ်စီၤကဒါလယၤ, သုးဖိတဖၣ်, ပိာ်မုၣ်တဖၣ်, ဖိသၣ်တဖၣ်, ဒိးပှၤဒ့ဒံၣ်တဖၣ်ဝံၤ အလီၢ်ခံန့ၣ်လီၤ.

လံာ်ယံးရမံယၤ 41:18

လၢတၢ်န့ၣ်အဃိ အဝဲသ့ၣ်လဲၤဝဲဆူ ကီၢ်အဲၤကူပတူးဒ်သိးဒီး ကယံၤထီၣ်ကွံာ်ဒီၤ ပှၤဘၤဘူၤလိၣ်ဖိတဖၣ်အဂီၢ်လီၤ. လၢကျဲန့ၣ်, အဝဲသ့ၣ်ဆိကတီၢ်ဖဲ ကံးမဟၣ်လၢ အဘူးဒီးဝ့ၢ်ဘ့ၤသလ့ဃ့ၣ်န့ၣ်လီၤ.

လံာ်စဖါနယၤ 1:1

အအံၤမ့ၢ်တၢ်ကစီၣ်လၢယွၤဟ့ၣ်လီၤတ့ၢ်စီၤစဖါနယၤဖဲစီၤအၤမိၣ် အဖိခွါ, ကီၢ်ယူဒၤအစီၤပၤစီၤပၤယိၤၡံယၤပၢတၢ်အကတီၢ်န့ၣ်လီၤ. (စီၤစဖါနယၤမ့ၢ်ပှၤလီၤစၢၤလၢစီၤပၤဃံးစကံယၤ, စီၤအမၤရယၤ, စီၤကဒါလယၤဒီးစီၤကူၤၡံန့ၣ်လီၤ.)

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

လံာ်မးသဲ 10:28

တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.